tag:blogger.com,1999:blog-2128859103258265367.post6711615792530195833..comments2024-03-07T20:42:19.599+05:30Comments on വര്ക്കേഴ്സ് ഫോറം: ഹിന്ദുവിന് കുടിവെള്ളം കൊടുക്കുന്ന മുസല്മാന്വര്ക്കേഴ്സ് ഫോറംhttp://www.blogger.com/profile/00731641929122914433noreply@blogger.comBlogger1125tag:blogger.com,1999:blog-2128859103258265367.post-59156317434448133742011-05-01T23:57:15.497+05:302011-05-01T23:57:15.497+05:30എന്റെ കുട്ടിക്കാലം മുതല്തന്നെ തലശേരി ജഗന്നാഥക്ഷേത...എന്റെ കുട്ടിക്കാലം മുതല്തന്നെ തലശേരി ജഗന്നാഥക്ഷേത്ര ഉത്സവത്തിന് മുസ്ലിങ്ങള് വരുന്നത് ഞാന് കണ്ടിരുന്നു. എന്നാല് അത് സ്വാമി ആനന്ദതീര്ത്ഥരുടെ പരിശ്രമഫലമായിരുന്നു എന്ന് അന്നെനിയ്ക്ക് അറിയില്ലായിരുന്നു. കീഴ്ജാതിക്കാര്ക്കും മറ്റു പിന്നോക്ക വര്ഗക്കാര്ക്കും മാത്രമല്ല അഹിന്ദുക്കള്ക്കും ദൈവാരാധന നടത്തുവാനും വിദ്യാഭ്യാസം ചെയ്യുവാനുമുള്ള സ്വാതന്ത്ര്യത്തിനും അവകാശത്തിനും വേണ്ടിയുള്ള പരിശ്രമങ്ങള് ആനന്ദതീര്ഥര് തുടര്ന്നപ്പോള് അധിക്ഷേപങ്ങളും അവഹേളനങ്ങളും സ്വാമിജിയെ പിന്തുടര്ന്നു. പിന്നീട് അത് ശാരീരികമായ ആക്രമണങ്ങളായി മാറി. പലതവണ അദ്ദേഹത്തിന് മര്ദനമേറ്റു. 1957ല് ഇ എം എസിന്റെ നേതൃത്വത്തില് ഇടതുപക്ഷ സര്ക്കാര് അധികാരത്തില് വന്നപ്പോള് ഇ എം എസ് സ്വാമിജിയുടെ സുരക്ഷയ്ക്കായി ഒരു സ്ക്വാഡിനെ നിയമിച്ചിരുന്നു.<br /><br />കീഴ്ജാതിക്കാര്ക്കുവേണ്ടിയാണ് ആനന്ദതീര്ഥര് ജീവിച്ചതും മരിച്ചതും. എന്നിട്ട് കീഴ്ജാതിക്കാരില്നിന്നും അദ്ദേഹത്തിന് അവഹേളനം ഏല്ക്കേണ്ടിവരികയുണ്ടായി. സബര്മതിയിലേക്കുള്ള നീണ്ട കാല്നട യാത്രയ്ക്കിടയില് രത്നഗിരിയില്വച്ച് അദ്ദേഹത്തിന് കഠിനമായ ദാഹം അനുഭവപ്പെട്ടു. അവിടെ കണ്ട ഹരിജന്കുടിലില് കയറി സ്വാമിജി കുടിക്കാന് വെള്ളം ചോദിച്ചു. അദ്ദേഹം സവര്ണനാണെന്ന് മനസ്സിലാക്കിയ ഹരിജന് കുടുംബം വെള്ളം നിഷേധിച്ചു. തുടര്ന്ന് ഒരു സവര്ണന്റെ വീട്ടില് ചെന്ന് വെള്ളം ചോദിച്ചു. ഹരിജന്റെ കുടിലില്നിന്ന് സ്വാമി ഇറങ്ങിവരുന്നതുകണ്ട സവര്ണ കുടുംബവും അദ്ദേഹത്തിന് കുടിവെള്ളം കൊടുത്തില്ല. ദാഹംകൊണ്ട് തൊണ്ടപൊട്ടിയ സ്വാമിയ്ക്ക് അവസാനം കുടിനീര് നല്കിയത് ഒരു മുസ്ലിമായിരുന്നു.<br /><br />എല്ലാ മുസ്ലിങ്ങളെയും തീവ്രവാദികളായി കാണുന്ന പ്രവണത നമ്മുടെ ഇടയില് വളര്ന്നുവരികയാണ്. എന്നാല് അയിത്തോച്ചാടനത്തിനും ആരാധനാ സ്വാതന്ത്ര്യത്തിനുംവേണ്ടി സമരങ്ങളും സത്യഗ്രഹങ്ങളും ചെയ്ത ആനന്ദതീര്ഥര്ക്ക് ദാഹിച്ചപ്പോള് കുടിവെള്ളം നല്കിയത് ഒരു മുസ്ലിമാണ്. മാത്രമല്ല, സവര്ണര് സ്വാമിജിയെ മര്ദിച്ചവശനാക്കുമ്പോള് അദ്ദേഹത്തിന്റെ രക്ഷയ്ക്കായി ഓടിയെത്തിയത് മുസ്ലിങ്ങളായിരുന്നു. ഇതൊക്കെ ഇന്നാരെങ്കിലും ഓര്ക്കുന്നുണ്ടോ? ഓര്ക്കണം. അതിന് ഇ എം അഷ്റഫിന്റെ പുസ്തകം സഹായിക്കും.വര്ക്കേഴ്സ് ഫോറംhttps://www.blogger.com/profile/00731641929122914433noreply@blogger.com