Wednesday, January 9, 2008

സ്നേഹപൂര്‍വം വര്‍ക്കേഴ്സ് ഫോറം.....

പ്രിയ സുഹൃത്തുക്കളെ,

ഇത് വര്‍ക്കേഴ്സ് ഫോറത്തിന്റെ നൂറാമത്തെ പോസ്റ്റ് ആണ്. 2007 ജൂണ്‍ അവസാനം തുടങ്ങിയ ഈ ബ്ലോഗില്‍ ആറുമാസം കൊണ്ട് 100 പോസ്റ്റുകള്‍ പ്രസിദ്ധീകരിക്കുവാന്‍ സാധിച്ചു എന്നതില്‍ ഞങ്ങള്‍ക്ക് സന്തോഷമുണ്ട്. ജോലിത്തിരക്കിന്റേയും സംഘടനാ പ്രവര്‍ത്തനത്തിന്റെയും ഇടയില്‍ കിട്ടുന്ന പരിമിതമായ സമയം ഫലപ്രദമായി ഒരു പുതിയ മാധ്യമത്തില്‍ ചെലവഴിക്കുവാന്‍‍ കഴിഞ്ഞു എന്ന് ഞങ്ങള്‍ വിശ്വസിക്കുന്നു. പ്രസക്തമായ ചര്‍ച്ചകളും ഉപകാരപ്രദമായ പോസ്റ്റുകളും പ്രസിദ്ധീകരിക്കുവാന്‍ ഞങ്ങള്‍ ഞങ്ങളാല്‍ ആവുംവണ്ണം ശ്രമിച്ചിട്ടുണ്ട്. വിലയിരുത്തേണ്ടത് നിങ്ങളാണ്.

ആമുഖ പോസ്റ്റില്‍ പറഞ്ഞതുപോലെ..

ഈ പ്രപഞ്ചം സൃഷ്ടിക്കുന്നത് മൂലധനമല്ല...മറിച്ച് തൊഴിലാളികളുടെ അദ്ധ്വാനം‍ ആണ് എന്നു വിശ്വസിക്കുന്ന ഒരു പറ്റം തൊഴിലാളികളുടെ കൂട്ടായ്മയാണ് ഈ സംരംഭം..ചുറ്റും ഉള്ള സംഭവ വികാസങ്ങളെ തൊഴിലാളി പക്ഷത്തു നിന്നും നോക്കിക്കാണാനുള്ള ഒരു എളിയ ശ്രമം. ബാങ്ക് ജീവനക്കാരുടെ പ്രസിദ്ധീകരണമായ ബാങ്ക് വര്‍ക്കേഴ്സ് ഫോറത്തിന്റെ പ്രവര്‍ത്തകരാണ് കൂടുതലായും ഇതിനു പിന്നില്‍ പ്രവര്‍ത്തിക്കുന്നത്. എറണാകുളം കേന്ദ്രമായി. മറ്റു സഹോദര സംഘടനകളുടെ പ്രവര്‍ത്തകരും അവരുടെ സമയം ഞങ്ങള്‍ക്കായി നീക്കിവെക്കുന്നുണ്ട്. തങ്ങളുടെ ലേഖനങ്ങള്‍ അനുവാദം ചോദിക്കാതെ തന്നെ പ്രസിദ്ധീകരിക്കുവാന്‍ പല സംഘടനകളും തൊഴിലാളികളും സമ്മതം തന്നിട്ടുണ്ട്. അവരോടെല്ലാവരോടും ഞങ്ങളുടെ അകൈതവമായ കൃതജ്ഞത രേഖപ്പെടുത്തുവാന്‍ ഈ അവസരം വിനിയോഗിക്കുന്നു.

ചില ലേഖനങ്ങള്‍ ഞങ്ങള്‍ മൊഴിമാറ്റം നടത്തിയും അല്ലാതെയും പുന:പ്രസിദ്ധീകരിച്ചിട്ടുണ്ട്. കൂടുതല്‍ ആളുകള്‍ വായിക്കണമെന്നും ഭാവിയില്‍ റെഫറന്‍സിനായി ഉപകരിക്കണം എന്നും ഉദ്ദേശിച്ച്‌‍. ബ്ലോഗിലെ മറ്റു പോസ്റ്റുകളില്‍ കമന്റിടുവാനോ മറ്റു ബ്ലോഗുകളിലെ ചര്‍ച്ചകളില്‍ പങ്കെടുക്കുവാനോ ഏതൊരു കൂട്ടായ്മക്കും ഉണ്ടാകാവുന്ന പരിമിതികള്‍ മൂലം കഴിയാതെ വന്നിട്ടുണ്ട്. എങ്കിലും മിക്കവാറും എല്ലാ പോസ്റ്റുകളും ഇതിനു പിന്നിലെ പ്രവര്‍ത്തകരില്‍ ആരെങ്കിലുമൊക്കെ വായിച്ചിട്ടുണ്ടായിരിക്കും. അതിനെക്കുറിച്ചു ചര്‍ച്ചകളും ഞങ്ങള്‍ നടത്താറുണ്ട്. എന്തായാലും നേരില്‍ കണ്ടിട്ടില്ലാത്ത ഒട്ടേറെപ്പേരുമായി സംവദിക്കുവാന്‍ കഴിഞ്ഞത് നല്ല അനുഭവമായിരുന്നു. കുറെയേറെ ചോദ്യങ്ങള്‍ ചോദിക്കുവാനും, ഒത്തിരി ഉത്തരങ്ങള്‍ കണ്ടെത്തുവാനും കഴിഞ്ഞു ഇക്കാലയളവില്‍ . Really, it was a learning experience for all of us.

ഇത്രയും കാലം ഞങ്ങള്‍ക്ക് പ്രോത്സാഹനം തന്ന നിങ്ങള്‍ ഓരോരുത്തരോടും ഈയവസരത്തില്‍ ഞങ്ങള്‍ നന്ദി രേഖപ്പെടുത്തുന്നു. തുടര്‍ന്നും നിങ്ങളുടെ സാന്നിദ്ധ്യവും വിലയേറിയ നിര്‍ദ്ദേശങ്ങളും ഉണ്ടാകണമെന്ന്‌ ഞങ്ങള്‍ ആഗ്രഹിക്കുന്നു. ഈ ബ്ലോഗിന്റെ നിലവാരം മെച്ചപ്പെടുത്തുന്നതിനു നിങ്ങളുടെ സഹായത്തോടെ ഞങ്ങള്‍ക്ക് കഴിയും എന്ന് ആത്മാര്‍ത്ഥമായി വിശ്വസിക്കുന്നു....

5 comments:

വര്‍ക്കേഴ്സ് ഫോറം said...

പ്രിയപ്പെട്ടവരെ,

ഇത് വര്‍ക്കേഴ്സ് ഫോറത്തിന്റെ നൂറാമത്തെ പോസ്റ്റ് ആണ്. 2007 ജൂണ്‍ അവസാനം തുടങ്ങിയ ഈ ബ്ലോഗില്‍ ആറുമാസം കൊണ്ട് 100 പോസ്റ്റുകള്‍ പ്രസിദ്ധീകരിക്കുവാന്‍ സാധിച്ചു എന്നതില്‍ ഞങ്ങള്‍ക്ക് സന്തോഷമുണ്ട്. ജോലിത്തിരക്കിന്റേയും സംഘടനാ പ്രവര്‍ത്തനത്തിന്റെയും ഇടയില്‍ കിട്ടുന്ന പരിമിതമായ സമയം ഫലപ്രദമായി ഒരു പുതിയ മാധ്യമത്തില്‍ ചെലവഴിക്കുവാന്‍‍ കഴിഞ്ഞു എന്ന് ഞങ്ങള്‍ വിശ്വസിക്കുന്നു. പ്രസക്തമായ ചര്‍ച്ചകളും ഉപകാരപ്രദമായ പോസ്റ്റുകളും പ്രസിദ്ധീകരിക്കുവാന്‍ ഞങ്ങള്‍ ഞങ്ങളാല്‍ ആവുംവണ്ണം ശ്രമിച്ചിട്ടുണ്ട്. വിലയിരുത്തേണ്ടത് നിങ്ങളാണ്.

Anonymous said...

അഭിവാദ്യങ്ങള്‍.

santhosh balakrishnan said...

ആ‍ശംസകള്...!

G.MANU said...

aasamsakal..iniyum munneratte

ശ്രീ said...

വര്‍‌ക്കേഴ്സ് ഫോറത്തിലെ എല്ലാ അംഗങ്ങള്‍‌ക്കും ആശംസകള്‍!

:)