Monday, July 28, 2008

ഉറക്കുകസേരയില്‍

മൂലധനവും കടലാസു പുലികളും ചേര്‍ന്ന്
ഭൂമിയേ വിഴുങ്ങുമ്പോള്‍
നിങ്ങളുടെ മൌനം ചിലപ്പോള്‍
നിങ്ങളെ രക്ഷിച്ചേക്കുമെന്നാണ് നിങ്ങള്‍ കരുതുന്നത്.

നിങ്ങളെ വിറ്റതിന്റെ വിഹിതം അവരിന്നലെതന്നെ
നിങ്ങള്‍ക്കു കൈമാറിയിരുന്നത് നിങ്ങളോര്‍ക്കുന്നില്ല!
ഇന്നലെ തന്നെ,
നിങ്ങള്‍ വാതിലുകളില്ലാത്ത അറയില്‍
അടക്കപ്പെട്ടിരുന്നുവെന്നും നിങ്ങളോര്‍ക്കുന്നില്ല..!

നിങ്ങളുടെ നാളത്തെ ഭക്ഷണമാണ്
അവരിന്നലെ വിളമ്പിയതെന്നും നിങ്ങളോര്‍ക്കുന്നില്ല!
നിങ്ങളുടെ നാളേയ്ക്ക് കാണേണ്ട കണ്ണും, കാതും
അവരിന്നലെ തന്നെ കൊണ്ടു പോയെന്ന കാര്യവും
നിങ്ങളോര്‍ക്കുന്നില്ല!
നിങ്ങളുടെ വിശാലമായ മനസില്‍
അവരിന്നലെതന്നെ ഒരു കൊട്ടാരം കെട്ടി
താമസമാക്കിയെന്നും നിങ്ങളോര്‍ക്കുന്നില്ല!

നിങ്ങള്‍ കേട്ടതും, കണ്ടതും, ചിന്തിച്ചതും,
ഇന്നലെതന്നെ അവരെടുത്തുപോയ
നിങ്ങളുടെ കാതിലൂടെ, കണ്ണിലൂടെ,
മനസിലൂടെ ആയിരുന്നുവെന്നും
നിങ്ങള്‍ ഓര്‍ക്കുന്നില്ല...!

ഇന്നലെ തന്നെ നിങ്ങള്‍ മരിച്ചിരുന്നുവെന്ന്
പത്രത്തിലെ മരണപേജില്‍ നിന്ന് നിങ്ങളെ
അവര്‍ വായിച്ചു കേള്‍പ്പിച്ചത് നിങ്ങളോര്‍ക്കുന്നില്ല.
ഇന്നലെ തന്നെ, അവര്‍ വിളിച്ചു ചേര്‍ത്ത
ചരമയോഗത്തില്‍ നിങ്ങള്‍ പങ്കെടുത്തിരുന്നുവെന്ന്
നിങ്ങള്‍ ഓര്‍ക്കുന്നില്ല.

എന്നിട്ടും നിങ്ങളിവിടെ ഈ ഉറക്കു കസേരയില്‍
ഉണ്ടും ഉറങ്ങിയും സ്വപ്നം കണ്ടും....


*


സുമിത്ര കടപ്പാട്: പീപ്പില്‍ എഗൈന്‍സ്റ്റ് ഗ്ലോബലൈസേഷന്‍ ജൂലൈ 2008

3 comments:

വര്‍ക്കേഴ്സ് ഫോറം said...

മൂലധനവും കടലാസു പുലികളും ചേര്‍ന്ന്
ഭൂമിയേ വിഴുങ്ങുമ്പോള്‍
നിങ്ങളുടെ മൌനം ചിലപ്പോള്‍
നിങ്ങളെ രക്ഷിച്ചേക്കുമെന്നാണ് നിങ്ങള്‍ കരുതുന്നത്.

നിങ്ങളെ വിറ്റതിന്റെ വിഹിതം അവരിന്നലെതന്നെ
നിങ്ങള്‍ക്കു കൈമാറിയിരുന്നത് നിങ്ങളോര്‍ക്കുന്നില്ല!
ഇന്നലെ തന്നെ,
നിങ്ങള്‍ വാതിലുകളില്ലാത്ത അറയില്‍
അടക്കപ്പെട്ടിരുന്നുവെന്നും നിങ്ങളോര്‍ക്കുന്നില്ല..!

നിങ്ങളുടെ നാളത്തെ ഭക്ഷണമാണ്
അവരിന്നലെ വിളമ്പിയതെന്നും നിങ്ങളോര്‍ക്കുന്നില്ല!
നിങ്ങളുടെ നാളേയ്ക്ക് കാണേണ്ട കണ്ണും, കാതും
അവരിന്നലെ തന്നെ കൊണ്ടു പോയെന്ന കാര്യവും
നിങ്ങളോര്‍ക്കുന്നില്ല!
നിങ്ങളുടെ വിശാലമായ മനസില്‍
അവരിന്നലെതന്നെ ഒരു കൊട്ടാരം കെട്ടി
താമസമാക്കിയെന്നും നിങ്ങളോര്‍ക്കുന്നില്ല!

Anonymous said...

fuck you commie

Baiju Elikkattoor said...

If you have any point in disagreement, express it firmly in a nice language. Dont just defecate here as you would perhaps do it on the side of railway tracks and behind the bush. This is certainly not the place for it..!