Tuesday, March 2, 2010

എന്തേ ചൈനക്കാരങ്ങനെ, നമ്മളിങ്ങനെ?

വര്‍ഷങ്ങള്‍ക്ക് മുമ്പ്. ഒരു ബസ്സ് യാത്രയില്‍ വീണുകിട്ടിയതാണ് ഈ സംഭാഷണം."വിലകള്‍ അങ്ങനെ കയറുകയാണ്. മേലോട്ടല്ലാതെ താഴോട്ടെങ്ങനെ പോവാന്‍? വയസ്സ് മേലോട്ടല്ലാതെ താഴോട്ടു പോവുമോ?'' വൃത്തിയുള്ള മല്‍മല്‍മുണ്ട്. സാമാന്യം നന്നായി മദ്യപിച്ചിട്ടുണ്ട്. ഒരു നാടന്‍ വൃദ്ധന്‍. ശബ്ദം കേട്ട് ആളെ ശ്രദ്ധിച്ചപ്പോള്‍ പെട്ടെന്ന് ഓര്‍മവന്നത് തലേന്ന് വായിച്ച പുസ്തകത്തിലെ കിഴവന്‍ പാടിയ പാട്ടാണ്. ഒറ്റയിരിപ്പിനാണ് ആ പുസ്തകം വായിച്ചു തീര്‍ത്തത്. പെങ് ക്വാങ് ഹ്സി യുടെ 'വൈ ചൈനാ ഹാസ് നോ ഇന്‍ ഫ്ളേഷന്‍' എന്ന കുഞ്ഞുപുസ്തകം.

വിമോചനത്തിന് മുമ്പ്, ചിയാങ് കൈഷേക്കിന്റെ കാലത്ത് വിലക്കയറ്റത്തില്‍ മനംമടുത്ത വൃദ്ധന്‍ താന്‍ വാങ്ങിച്ച അരി മണികള്‍ ഓരോന്നും എണ്ണിനോക്കിയശേഷം പാടിയൊരു പാട്ട് അതില്‍ ഉദ്ധരിക്കുന്നുണ്ട്:

"ഒരു മണി അരിശിക്കൊരു നൂറു യുവാന്‍; ഒരിഞ്ച് ശീലക്കൊന്നര ലക്ഷം ചിയാങ് കൈഷെക്കേ മോശം മോശം. നരകത്തില്‍ത്തന്നെ നീ തുലഞ്ഞെത്തും മോനേ.''

നാണയപ്പെരുപ്പത്തില്‍ നിന്ന് രക്ഷനേടാനായി കൈയില്‍ കിട്ടിയ കറന്‍സി നോട്ടുകള്‍ എത്രയും പെട്ടെന്ന് സ്വര്‍ണമോ വെള്ളിയോ മറ്റു ചരക്കുകളോ ആക്കി മാറ്റാനുള്ള വെപ്രാളത്തിന്റെ കഥയും പെങ് ക്വാങ് ഉദ്ധരിക്കുന്നുണ്ട്. കിട്ടിയ കാശ് വെള്ളി ഡോളറാക്കിമാറ്റാന്‍ ക്യൂവില്‍ കാത്തു നിന്ന തൊഴിലാളി കൌണ്ടറിലെത്തുമ്പോഴേക്കും വീണ്ടും വില 20 ശതമാനം കയറിയതറിഞ്ഞ് തിരിച്ചുപോവുന്നു. പിറ്റേന്ന് വീണ്ടും ക്യൂവിനടുത്തെത്തിയപ്പോഴാണറിയുന്നത്, വില രാത്രിക്ക് രാത്രി മൂന്നിരട്ടിയായി കയറിയ വിവരം. നോട്ടുകെട്ടുകളുടെ കൂമ്പാരവുമായി വിപ്ളവപൂര്‍വ്വ ചൈനയില്‍ സാധനം വാങ്ങാന്‍ പോവുന്നവരുടെ ചിത്രങ്ങളും, അതോടൊപ്പം ആയിടെ പീക്കിങ് മുനിസിപ്പാലിറ്റി തയ്യാറാക്കിയ ഒരു പട്ടികയും പുസ്തകത്തിലുണ്ടായിരുന്നു.

പട്ടിക അനുസരിച്ച് വിപ്ളവാനന്തരം ഉണ്ടായ മാറ്റം വിസ്മയാവഹമാണ്. ചൈനീസ് നാണയത്തിന്റെ വാങ്ങല്‍ കഴിവിനെപ്പറ്റിയുള്ള കണക്കുകള്‍ കാണുക: 1965 ല്‍ 100 റെന്‍മിബി കൊടുത്താല്‍ കിട്ടുന്ന സാധനങ്ങള്‍ക്ക് പകരം 1973 ല്‍ 101.57 റെന്‍മിബിക്കുള്ളത് കിട്ടും(ചൈനീസ് നാണയമാണ് റെന്‍മിബി). വില കൂടുകയല്ല കുറയുകയാണ് എന്ന്! എന്തേ ഇങ്ങനെയൊരു മാറ്റം?

വിമോചനത്തിന് മുമ്പ് ചൈനീസ് ആഭ്യന്തര വിപണി അടക്കി ഭരിച്ചത് അതീവ പിന്തിരിപ്പന്‍മാരുടെ കൂട്ടുകെട്ടാണ്. കര്‍ഷകരില്‍ നിന്ന് ചുരുങ്ങിയ വിലക്ക് ഉല്പന്നങ്ങള്‍ തട്ടിയെടുത്ത് വന്‍ വിലയില്‍ അങ്ങാടിയില്‍ വില്‍ക്കുന്ന വന്‍തട്ടിപ്പുകാരും ഊഹക്കച്ചവടക്കാരും അവര്‍ക്ക് കൂട്ടുനില്‍ക്കുന്ന അധികാരികളും. തൊഴിലാളി വര്‍ഗം അധികാരം പിടിച്ചെടുത്തതോടെ സ്ഥിതിമാറി. പൂഴ്ത്തിവെപ്പുകാര്‍ തുറുങ്കിലായി. സര്‍ക്കാര്‍ സംവിധാനം ഉപയോഗിച്ച് വന്‍ സംഭരണം ഉറപ്പാക്കി. ധാന്യങ്ങള്‍, പരുത്തി, തുണിത്തരങ്ങള്‍, കല്‍ക്കരി, ഉപ്പ് തുടങ്ങിയവ സ്റേറ്റ് കമേര്‍ഷ്യല്‍ ഡിപ്പാര്‍ട്ട്മെന്റ് വഴി വിതരണം ചെയ്തു.

ഷാങ്ഹായി വിമോചിക്കപ്പെട്ട് രണ്ടാഴ്ചക്കകം സര്‍ക്കാര്‍ സംവിധാനം വഴിയുള്ള വ്യാപാരം സുദൃഢമായി. സര്‍ക്കാര്‍ സംഭരണം തകരുമെന്ന് കരുതി പൂഴ്ത്തിവെപ്പ് നടത്തിയ പഴയ ഊഹക്കച്ചവടക്കാര്‍ ഒടുക്കം സാഷ്ടാംഗം പറഞ്ഞ് തങ്ങളുടെ കൈയിലു ള്ള ധാന്യസ്റോക്ക് ഏറ്റെടുക്കാന്‍ സര്‍ക്കാറിനോട് അഭ്യര്‍ഥിക്കാന്‍ നിര്‍ബന്ധിതരായി.

ചിയാങ് കൈഷേക്കിന്റെ കാലത്ത് ചൈനീസ് കറന്‍സി ആടിയുലയുകയായിരുന്നു. ഏതു വിധത്തിലെങ്കിലും അതിനെ വെള്ളിയോ സ്വര്‍ണമോ ആക്കാനുള്ള വെപ്രാളമായിരുന്നല്ലോ. എന്നാല്‍ വിമോചനത്തിന് ശേഷം കൈക്കൊണ്ട പ്രധാന നടപടികളിലൊന്ന് സ്വര്‍ണം-വെള്ളി നാണയങ്ങളുടെ ഊഹക്കച്ചവടവും അതു വഴിയുള്ള ചൈനീസ് നാണയത്തിന്റെ വിലത്തകര്‍ ച്ചയും തടയുകയായിരുന്നു. ഇതിനൊപ്പം സ്റോക്ക് എക്സ്ചേഞ്ചു കളിലെ ചൂതാട്ടവും നിര്‍ത്തലാക്കി. സ്വര്‍ണം വെള്ളി വിലക്കൊപ്പം സാധന വിലകളാകെ കുത്തനെ കയറാന്‍ ഇടവരുത്തുന്ന ഈ ചൂതാട്ട കേന്ദ്രങ്ങളാകെ അടച്ചുപൂട്ടാന്‍ 1948 ജൂണ്‍ 10ന് ഉത്തരവായി. ഊഹക്കച്ചവട പ്രമാണിമാരായ ഇരുനൂറിലേറെപ്പേര്‍ അറസ്റ്റിലായി. 1948 ല്‍ പീപ്പിള്‍സ് ബാങ്ക് ഓഫ് ചൈന സ്ഥാപിച്ച് ആര്‍എംബി ദേശീയ കറന്‍സിയായി പ്രഖ്യാപിച്ചതിന് ശേഷം വിദേശ നാണയങ്ങളുമായുള്ള അതിന്റെ വിനിമയ നിരക്ക് ചൈന തന്നെ നിശ്ചയിച്ചു. സാമ്രാജ്യത്വ സാമ്പത്തിക ബ്ളോക്കില്‍ നിന്ന് അകലം പാലിച്ചുനിന്നതുകൊണ്ട് മുതലാളിത്ത ലോകത്തെ പ്രതിസന്ധിയൊന്നും തന്നെ ചൈനയെ ബാധിച്ചതുമില്ല.

എന്തുകൊണ്ട് വിലക്കയറ്റവും നാണയപ്പെരുപ്പവും ചൈനയെ ബാധിക്കുന്നില്ല എന്ന ചോദ്യത്തിന് ആ ചെറുപുസ്തകം നല്‍കിയ മറുപടി "അതേ; അത് ഞങ്ങള്‍ ഒരു സോഷ്യലിസ്റ്റ് രാഷ്ട്രമാണ് എന്നുള്ളതുകൊണ്ടു തന്നെയാണ്''എന്നാണ്.

ഇന്ത്യന്‍ അവസ്ഥയുമായി കാര്യങ്ങള്‍ ഒന്നു തട്ടിച്ചു നോക്കുക. എത്ര കൃത്യമായാണ് കാര്യങ്ങള്‍ തലതിരിച്ചിടപ്പെടുന്നത്! ഉണ്ടായിരുന്ന സര്‍ക്കാര്‍ ഇടപെടലുകള്‍ എത്ര അനായാസമായാണ് ഇല്ലാതാവുന്നത്! ഗ്രാമീണ കര്‍ഷകര്‍ക്ക് ന്യായവില ഉറപ്പു നല്‍കുകയും അവരുടെ സംഭരണസഹായിയായി നില്‍ക്കുകയും ചെയ്തിരുന്ന ഫുഡ് കോര്‍പ്പറേഷന്‍ ഓഫ് ഇന്ത്യ എത്ര ആസൂത്രിതമായാണ് നിലം പരിശാക്കപ്പെട്ടത്! ഫുഡ് കോര്‍പറേഷന്റെ ഗോഡൌണുകള്‍ക്ക് പകരം റിലയന്‍സും മറ്റിതര കുത്തകക്കമ്പനികളും പുതിയ സംഭരണികള്‍ തുറക്കുന്നു. പറഞ്ഞ വിലക്ക്, പൊട്ടവിലക്ക് സാധനങ്ങള്‍ വാങ്ങിക്കൂട്ടുന്നു. അങ്ങാടിയില്‍ പൊന്നുംവിലക്ക് തോന്നുംപടി വില്‍പന നടത്തുന്നു.

റിലയന്‍സും ടാറ്റയും മാത്രമല്ല, ലോകത്താകെയുള്ള വന്‍കിട കുത്തകക്കമ്പനികള്‍ ചില്ലറ വില്‍പ്പന മേഖലയിലേക്കും പ്രവേശിക്കുകയാണ്. ലോകത്തെ ഭക്ഷ്യമേഖല കൈപ്പിടിയിലൊതുക്കുന്ന ഏതാനും വന്‍കിടക്കമ്പനികള്‍ പുതുലോകഭക്ഷ്യക്രമം സ്ഥാപിച്ചെടുക്കുകയാണ്. കാര്‍ഷിക മേഖല മാറ്റി മറിക്കുകയാണ്. പൂഴ്ത്തിവെപ്പുകാരുടെയും കരിഞ്ചന്തക്കാരുടെയും ജുഗുപ്സാവഹമായ മുഖത്തിനുപകരം അതേ ജോലി നിര്‍വഹിച്ചു പോരുന്ന കുത്തകക്കമ്പനികള്‍ക്ക് എന്തൊരാകര്‍ഷണീയ മാനവികമുഖം! ലോകത്തെ പട്ടിണിയില്‍ നിന്നും കരകയറ്റാനെത്തിയ പുത്തന്‍ മാലാഖമാരായി അവര്‍ വാഴ്ത്തപ്പെടുന്നു. തേറ്റകള്‍ മറച്ചുവെക്കപ്പെടുകയും ലാഭമാത്രപ്രചോദിതമായും മനുഷ്യത്വരഹിതമായുമുള്ള അതിന്റെ ഇടപെടലുകള്‍ തമസ്കരിക്കപ്പെടുകയും ചെയ്യുന്നു.

അങ്ങനെ വരുമ്പോഴാണ്, ചിയാങ് കൈഷേക്കിന്റെ കാലത്തെ കാരണവര്‍ ചോദ്യം ശരിയായുന്നയിക്കുമ്പോള്‍, നമ്മുടെ കാലത്തെ വൃദ്ധന്‍ എല്ലാം തലവിധിയാണെന്നും വിലകള്‍ കയറുകയേയുള്ളൂ എന്നുമുള്ള പുതിയ ഉത്തരം തെറ്റായി കണ്ടെത്തുന്നത്. ഇത്തരമൊരവസ്ഥയിലാണ് ഭക്ഷ്യക്ഷാമവും ഭക്ഷ്യകലാപവും പടിവാതില്‍ക്കല്‍ എത്തിനില്‍ക്കുമ്പോഴും നമ്മുടെ ഭരണാധികാരികള്‍ പട്ടിണിക്ക് പുതിയ മാനദണ്ഡങ്ങള്‍ ചമച്ചുകൊണ്ട് പ്രശ്നത്തില്‍ നിന്നൊളിച്ചോടുന്നത്.

"അതിഗുരുതരമായ പട്ടിണിയില്‍ കഴിയുന്ന ജനങ്ങളുടെ കേവല എണ്ണമെടുത്താല്‍ മറ്റൊരു രാജ്യവും ഇന്ത്യയുടെ സമീപത്തെത്തുകയില്ല'' എന്ന് ഐക്യരാഷ്ട്രസഭക്ക് കീഴിലുള്ള ഫുഡ് ആന്റ് അഗ്രിക്കള്‍ച്ചറല്‍ ഓര്‍ഗനൈസേഷന്‍ വെളിപ്പെടുത്തുന്ന സന്ദര്‍ഭത്തിലാണ് ഇതെന്നുകൂടി അറിയണം.

100 കോടിയിലേറെ മനുഷ്യര്‍ ലോകത്ത് മുഴുപ്പട്ടിണിയിലാണെന്ന് ഐക്യരാഷ്ട്രസഭ ചൂണ്ടിക്കാട്ടുമ്പോഴും, വന്‍കിട ധാന്യക്കച്ചവടക്കാരുടെ ലാഭം കുത്തനെ കൂടുകയാണ്. 2007-നെ അപേക്ഷിച്ച് 2008 ല്‍ 69 ശതമാനമാണ് കാര്‍ഗിലിന്റെ ലാഭം വര്‍ധിച്ചത്. 3951 ദശലക്ഷം ഡോളര്‍! സിംഗപ്പൂരിലെ നോബിള്‍ ഗ്രൂപ്പിന്റെ ലാഭവര്‍ധനത്തോത് 117 ശതമാനമാണ്. 2008ലെ ലാഭം 436 ദശലക്ഷം ഡോളറും. രാസവളക്കമ്പനികളും വിത്തുകമ്പനികളും ഇങ്ങനെ ലാഭം അനേക മടങ്ങ് വര്‍ധിപ്പിക്കുന്നതിനിടക്കാണ് പതിനായിരങ്ങള്‍ പട്ടിണിയിലാവുന്നതും ഭക്ഷ്യകലാപങ്ങള്‍ പൊട്ടിപ്പുറപ്പെട്ടതും.

അതിനിടക്കാണ് ധാന്യകൃഷി ചെയ്തിരുന്ന ഭൂമി ഇന്ധനാവശ്യത്തിനായി മാറ്റി മറിക്കുന്നത്. ലോകത്തെങ്ങും വന്‍കിട കുത്തകക്കമ്പനികള്‍ ഭക്ഷ്യധാന്യത്തിനുപകരം ജട്രോഫ പോലുള്ള എണ്ണ ഉല്‍പാദന സാധ്യതയുള്ള വിളകളിലേക്ക് തിരിയുകയാണ്. തങ്ങളുടെ മെര്‍സിഡസ് വണ്ടിക്കിണങ്ങിയ ബയോഡീസലുണ്ടാക്കാന്‍ കര്‍ഷകരെ വശീകരിക്കുകയാണ്, തകര്‍ച്ചയിലേക്ക് നീങ്ങുമ്പോഴും ഡെയിംലര്‍ ക്രിസ്ളെര്‍.

ഇന്ത്യയിലോ? ജനസംഖ്യാ വര്‍ധനവിനനുസരിച്ച് ഭക്ഷ്യധാന്യ ഉല്‍പാദനം വര്‍ദ്ധിക്കുന്നില്ലെന്ന് സര്‍ക്കാര്‍ തന്നെ സ്ഥിരീകരിക്കുന്നതിന് നടുക്കാണ് നമ്മുടെ ധാന്യകൃഷി ചെയ്തിരുന്ന കൃഷിഭൂമി ജട്രോഫക്കായി മാറ്റിമറിക്കുന്നത്. അഗ്രോഫ്യൂവല്‍ പ്ളാന്റേഷനുവേണ്ടി ഇന്ത്യന്‍ റെയില്‍വേ ഇന്ത്യന്‍ ഓയില്‍ കോര്‍പറേഷന് പാട്ടത്തിന് കൊടുത്തിരിക്കുകയാണ് ആയിരക്കണക്കിന് ഏക്കര്‍ ഭൂമി. എസിസി കമ്പനി തങ്ങളുടെ ആവണക്കെണ്ണക്കൃഷി വ്യാപിപ്പിക്കുകയാണ്, തങ്ങളുടെ ജനറേറ്ററുകള്‍ക്ക് വേണ്ട ജൈവഇന്ധന ലഭ്യത ഉറപ്പു വരുത്താന്‍. മിച്ചഭൂമി കര്‍ഷക തൊഴിലാളികള്‍ക്കല്ല, കുത്തകക്കമ്പനികള്‍ക്കാണെന്നാണ് രാജസ്ഥാനില്‍ നിന്നുള്ള ഏറ്റവും ഒടുവിലത്തെ വര്‍ത്തമാനം. ജട്രോഫ കൃഷിക്കായി ആയിരം ഹെക്ടര്‍ ഭൂമി വരെ സ്വകാര്യ കമ്പനികള്‍ക്ക് പതിച്ചു നല്‍കാന്‍ ഇപ്പോള്‍ വെറും ഒരു സര്‍ക്കാര്‍ ഉത്തരവ് മതി എന്ന നിലയിലാണ് നിയമനിര്‍മാണം നടന്നത്. ഒറീസയി ലെ കലഹന്ദി- ബൊളാംഗീര്‍- കോരാപ്പുട്ട് പ്രദേശത്താണ് ഏറ്റവും കൂടുതല്‍ ഭക്ഷ്യക്ഷാമം ഉണ്ടായതും പട്ടിണിമരണങ്ങള്‍ പെരുകിയതും.

ഒറൈസാ സറ്റൈവയയുടെ (നെല്ലിന്റെ ശാസ്ത്രീയ നാമം) ജന്മനാടായ ഒറീസയിലെ കലഹന്ദിയില്‍ അരിയെന്തിന്, നല്ല ഒന്നാന്തരം ജട്രോഫക്കൃഷി നടക്കുമ്പോള്‍ എന്നായിരിക്കുന്നു ചോദ്യം. ഉത്തരേന്ത്യയിലെ ബൈഗാ ഗോത്രവര്‍ഗക്കാര്‍ നൂറ്റാണ്ടുകളായി രാത്രി പന്തത്തിലൊഴിക്കാന്‍ ഉപയോഗിച്ചിരുന്ന ജട്രോഫാ എണ്ണ ഇപ്പോള്‍ അവരുടെ കൃഷിഭൂമി നഷ്ടപ്പെടുന്നതിലേക്കെത്തിയിരിക്കുന്നു. ജട്രോഫക്കമ്പനികള്‍ വന്‍ തോതില്‍ കടന്നുവന്ന് അവരുടെ ആവാസ കേന്ദ്രങ്ങളില്‍ നിന്നും ഗോത്രജനവിഭാഗത്തെ തുരത്തിക്കൊണ്ടിരിക്കുകയാണ്. മിസോറാം സര്‍ക്കാര്‍ ഡി വണ്‍ ഓയില്‍സുമായി ജട്രോഫക്കുരുവിന്റെ കാര്യത്തില്‍ കരാറുണ്ടാക്കിയത് 2005 ലാണ്. ആസ്ട്രേലിയയിലെ ഇന്ത്യന്‍ വംശജര്‍ ആക്രമിക്കപ്പെടുന്ന ചൂടുള്ള വാര്‍ത്ത വന്നുകൊണ്ടിരിക്കുന്നതിനിടയിലാണ് മിഷ്യന്‍ ഫ്യുവല്‍സ് ലിമിറ്റഡ് എന്ന ആസ്ട്രേലിയന്‍ കമ്പനിയുടെ സബ്സിഡിയറി കമ്പനിയായ മിഷ്യന്‍ ഇന്ത്യാ ലിമിറ്റഡ്, ഇന്ത്യയിലെ ഒരു ജില്ലാ ഭരണാധികാരികളുമായി ഒരു ദീര്‍ഘകാല കരാറുണ്ടാക്കിയ വാര്‍ത്തകള്‍ പുറത്തു വന്നത്. ആ ജില്ലയില്‍ ഉല്‍പാദിപ്പിക്കപ്പെടുന്ന ജട്രോഫക്കുരു അപ്പാടേ വാങ്ങാനുള്ള കരാറാണത്രെ അത്. കമ്പനി സ്വകാര്യം പരസ്യപ്പെടുത്താനാവില്ലെന്ന ന്യായത്തില്‍ ഏതു ജില്ലയാണ് എന്ന് ഇതുവരെ പുറത്തു വിട്ടിട്ടില്ല. മാസങ്ങള്‍ക്കകം വീണ്ടും മറ്റൊരു കരാര്‍ മറ്റൊരു ജില്ലയുമായുണ്ടാക്കിയ വാര്‍ത്ത പുറത്തു വന്നു കഴിഞ്ഞു.

ഭക്ഷ്യധാന്യ കൃഷിക്കുപയോഗിക്കുന്ന ഭൂമി ലാഭമാത്ര പ്രചോദിതമായി യാതൊരു തത്വദീക്ഷയുമില്ലാതെ മറ്റിടപാടുകള്‍ക്കായി മാറ്റി മറിക്കുന്നതോടൊപ്പം കൃഷിഭൂമിയാകെയും കൈപ്പിടി യിലൊതുക്കുകയാണ് വന്‍കിട കുത്തകക്കമ്പനികള്‍. 2002 ല്‍ അര്‍ജന്റീനയിലെ പെറികാം അഗ്രിബിസിനസ്സ് കമ്പനി വാങ്ങി കൂട്ടിയതോടെ ജോര്‍ജ് സോറോസിന്റെ ഉടമസ്ഥതയിലായത് ഒരു ലക്ഷം ഹെക്ടര്‍ കൃഷിഭൂമിയാണ്. 2004ല്‍ ബ്രസീലില്‍ 27000 ഹെക്ടര്‍ കൂടി വാങ്ങിയ കമ്പനി ലോകത്താകെ ഭൂമി വാങ്ങിക്കൂട്ടുകയാണ്. സോറോസിന്റെ സ്ഥാപനത്തിന്റെ ഇപ്പോഴത്തെ പേര് എഡെന്‍കോ എന്നാണ്. കൃഷിഭൂമിയത്രയും എതനോള്‍ ഉല്പാദനത്തിനായി ഉപയോഗപ്പെടുത്തുകയാണ്. അഗ്രികള്‍ച്ചര്‍ എന്നത് അഗ്രിബിസിനസ്സായി രൂപാന്തരപ്പെട്ടു വന്നതോടെ ഭക്ഷ്യധാന്യക്കച്ചവടത്തിനൊപ്പം ഭക്ഷ്യസംസ്കരണവും വിത്തുല്പാദനവും കള-കീടനാശിനി ഉല്പാദനവുമൊക്കെ ഒത്തുചേര്‍ന്ന് നടത്താവുന്ന സഹോദര സംയുക്ത സംരംഭങ്ങളായി മാറുകയാണ്. ലയനങ്ങളും വെട്ടിപ്പിടുത്തങ്ങളും സംയോജനങ്ങളും പെരുകുകയാണ്. ഇങ്ങനെ കൂടുതല്‍ കൂടുതല്‍ കേന്ദ്രീകരണം ഈ മേഖലകളിലാകെ ഉണ്ടായിത്തീരുമ്പോള്‍ ഒരു ജനാനുകൂലസര്‍ക്കാര്‍ ചെയ്യേണ്ടതെന്താണ്? തങ്ങളുടെ രാജ്യത്തെ വിഭവങ്ങളെയും ജനങ്ങളെയും സംരക്ഷി ച്ചുനിര്‍ത്താന്‍ നിലവിലുള്ള സുരക്ഷാവാല്‍വുകള്‍ നിലനിര്‍ത്തുക, ശക്തിപ്പെടുത്തുക എന്നതുതന്നെ. എന്നാല്‍ അവ ഓരോന്നും ഊരിയെറിഞ്ഞാലോ?

ഭക്ഷ്യസംഭരണ മേഖലയില്‍ നിസ്തുല സേവനമനുഷ്ഠിച്ചു പോന്നിരുന്ന ഫുഡ് കോര്‍പറേഷന്‍ ഓഫ് ഇന്ത്യ(എഫ്സിഐ)യുടെ ഗതി നാം കണ്ടു. വന്‍ വിലക്കയറ്റത്തില്‍ നിന്നു ജനങ്ങളെ രക്ഷിക്കാനുള്ള മറ്റൊരുപാധിയാണ് പൊതുവിതരണ സമ്പ്രദായം. വന്‍ വിലക്കയറ്റത്തില്‍ നിന്ന് വിപ്ളവാനന്തരം ചൈന എങ്ങനെ രക്ഷപ്പെട്ടു എന്നു നാം നേരത്തെകണ്ടു. ആ പൊതു വിതരണ സമ്പ്രദായത്തിന്റെ പൊളിച്ചടുക്കല്‍ എത്ര ആസൂത്രിതമായാണ് നിറവേറ്റപ്പെട്ടത്! നമ്മളില്‍ പലരും അന്നത്തെ ഭക്ഷ്യ സിവില്‍സപ്ളൈസ് മന്ത്രിയായ എ കെ ആന്റണിയില്‍ കുറ്റം ചാരാറുണ്ട്. പക്ഷേ അത് കാര്യത്തിന്റെ പാതിഭാഗം മാത്രമേ ആവുന്നുള്ളൂ. ആഗോള ഭക്ഷ്യഭീമന്മാര്‍ എത്ര ആസൂത്രിതമായാണ് കാര്യങ്ങള്‍ നിറവേറ്റിപ്പോകുന്നതെന്ന കാര്യം മറന്നു കൂടാ. ആന്റണിയെപ്പോലുള്ള നൂറാന്റണിമാരെ ഒന്നിച്ചു റാഞ്ചാന്‍ കെല്‍പുള്ള വന്‍കിട കുത്തകക്കമ്പനികള്‍ എത്ര അനായാസമാണ് ഗാട്ട് ചര്‍ച്ചകളില്‍ കാര്യം നേടിയെടുത്തത്!

ഗാട്ടിന്റെ അവസാനവട്ട ചര്‍ച്ച എങ്ങുമെത്താതെ വഴിമുട്ടി നില്‍ക്കുമ്പോള്‍, അതിന്റെ ഡയറക്ടര്‍ ജനറലായിരുന്ന ഡങ്കല്‍ സായ്പ് താന്‍ എഴുതിക്കൂട്ടിയുണ്ടാക്കിയ ഒരു കരടുരേഖ ലോകത്തിന്റെ മുന്നിലേക്ക് വലിച്ചെറിഞ്ഞുകൊണ്ട് അന്നൊരു വെല്ലുവിളി ഉയര്‍ത്തി. ഇതപ്പടി അംഗീകരിക്കാം, അല്ലെങ്കില്‍ അപ്പടി തള്ളാം. ഭേദഗതികള്‍ക്കൊന്നും വഴങ്ങാന്‍ തയ്യാറില്ലെന്ന്! വികസിത സമ്പന്നരാജ്യങ്ങളിലെ വന്‍കിട കുത്തകക്കമ്പനികളുടെ താല്‍പര്യ സംരക്ഷണം തന്നെയായിരുന്നു സായ്പിന്റെ ലക്ഷ്യം.

ആ രേഖ രാജ്യസഭയില്‍ അവതരിപ്പിച്ചത് 1993 ഡിസംബര്‍ 14 നാണ്. അതിന്റെ പിറ്റേന്നാളാണ് ഗാട്ട് കരാറിന്റെ ഒപ്പിടല്‍ കര്‍മം നടന്നത്. പാര്‍ലമെന്ററി സ്റ്റാന്റിങ്ങ് കമ്മിറ്റി തയ്യാറാക്കി അവതരിപ്പിച്ച ആ രേഖയില്‍ പൊതുവിതരണ സമ്പ്രദായത്തെക്കുറിച്ച് നടന്ന ചര്‍ച്ചകളുടെ വിശദാംശമുണ്ട്. ഡങ്കല്‍ സായ്പിന്റെ കരാര്‍ അംഗീകരിച്ചാല്‍ ഇന്ത്യയിലെ പൊതുവിതരണ സമ്പ്രദായത്തിനെന്തു പറ്റും എന്ന ആലോചനകള്‍. ഡങ്കല്‍ ടെക്സ്റ്റ് ഇങ്ങനെ പറഞ്ഞു: "ഭക്ഷ്യസഹായം ലഭിക്കുന്നതിനുള്ള അര്‍ഹത പോഷകാഹാര ലഭ്യതയുമായി ബന്ധപ്പെട്ട കൃത്യമായ നിര്‍വ്വചനങ്ങള്‍ക്ക് വിധേയമായിട്ടായിരിക്കണം. "ഈ സംസ്കൃതത്തിന്റെ പച്ചമലയാളമെന്താണ്? പോഷകാഹാരക്കുറവുള്ളവര്‍ക്കു മാത്രമായി പൊതു വിതരണ സമ്പ്രദായം പരിമിതപ്പെടുത്തണം എന്നുതന്നെ.

എന്നാല്‍ ഇതിങ്ങനെ പറഞ്ഞത് ഉല്‍പാദന സബ്സിഡി മറച്ചു വെച്ചു കൊണ്ട് പല വികസിത സമ്പന്ന രാജ്യങ്ങളും കോളം മാറ്റി കണക്കെഴുതുന്നതു കൊണ്ടാണെന്ന് ഗാട്ട് സെക്രട്ടറിയേറ്റ് തങ്ങളെ ബോദ്ധ്യപ്പെടുത്തിയിട്ടുണ്ട് എന്നാണ് അന്നത്തെ വാണിജ്യ സെക്രട്ടറി അന്‍വാറുല്‍ ഹൂദ പറഞ്ഞത്. 'It is only to take care of this practice that the languages appearing in the Dunkel Text has been used.''

ഈ പദപ്രയോഗം മാറ്റുന്ന കാര്യത്തില്‍ തങ്ങള്‍ ഗാട്ട് വേദിയില്‍ ചര്‍ച്ച ചെയ്തുവെന്നും ഇന്ത്യന്‍ പൊതുവിതരണ സമ്പ്രദായത്തിന് തകരാറൊന്നും വരാത്തവിധത്തില്‍ വേണം വാചകഘടന എന്ന് ആവശ്യപ്പെട്ടപ്പോള്‍ ' You do not have to do anything with it'' (അക്കാര്യത്തില്‍ നിങ്ങള്‍ ഒന്നും ചെയ്യേണ്ടതില്ല കൈയ്യും കെട്ടിയിരുന്നാല്‍ മതി എന്ന്) എന്നാണ് കിട്ടിയ മറുപടി എന്നുമാണ് ഹൂദ മൊഴി നല്‍കിയത്. ഇന്ത്യയിലെ പൊതുവിതരണസമ്പ്രദായത്തിന് തകരാറൊന്നും വരില്ല എന്ന് രേഖാമൂലം ഉറപ്പു വാങ്ങുന്നതാണെന്നും ഹൂദ പറഞ്ഞു.

അങ്ങനെ പറയുമ്പോഴും ഹൂദക്കറിയാമായിരുന്നു അത് സംഭവ്യമല്ല എന്ന കാര്യം.' ഗാട്ട് വേദിയില്‍ കൃഷി എന്ന അജണ്ട തിരുകിച്ചേര്‍ത്തതുതന്നെ വന്‍കിട അഗ്രോ ബിസിനസ്സ് കമ്പനികളെ സഹായിക്കാനാണെന്ന് വ്യക്തം. കമ്പോളപ്രവേശത്തിന് സൌകര്യമൊരുക്കുന്നതോടൊപ്പം അവിടെയുണ്ടാകുന്ന ഏതൊരു കമ്പോളതടസ്സത്തെയും തട്ടിമാറ്റേണ്ടതുമുണ്ട്. പൊതുവിതരണ സമ്പ്രദായമെന്നാല്‍ സര്‍ക്കാര്‍ ഇടപെടലാണ്, വിപണിയില്‍ സര്‍ക്കാര്‍ ഇടപെട്ടാല്‍ അത് സ്വതന്ത്രവ്യാപാരത്തിന് തടസ്സമാണ്. ആകയാല്‍ സര്‍ക്കാര്‍ സംഭരണം നടക്കുന്നുവെങ്കില്‍ അത് അങ്ങാടി വിലക്കായിരിക്കണം. വില്‍പ്പനയും അതേ, അങ്ങാടി വിലയ്ക്കായിരിക്കണം. മറിച്ച് വില കുറച്ചു വില്‍ക്കണമോ, അത് പോഷകാഹാരക്കുറവുള്ളവര്‍ക്ക് മാത്രമായി നിയന്ത്രിക്കണം. ഇതായിരുന്നു ധാന്യക്കുത്തകകളുടെ ആവശ്യം.

ഇന്ത്യന്‍ പൊതുവിതരണ സമ്പ്രദായത്തിന് കുഴപ്പമൊന്നും ഉണ്ടാവില്ല എന്ന് പാര്‍ലമെന്ററി സ്റ്റാന്‍ഡിങ് കമ്മിറ്റിയെ തെറ്റിദ്ധരിപ്പിച്ച അന്‍വറുല്‍ ഹുദക്ക് കൂലി വരമ്പത്തു വെച്ചു തന്നെ കിട്ടി. ഹുദയുടെ നിലപാടുകള്‍ എത്ര വസ്തുതാവിരുദ്ധമാണെന്ന് മറ്റു സാക്ഷികളുടെ മൊഴികളില്‍ നിന്നും വ്യക്തം.) ഗാട്ടിന്റെ ഡെപ്യൂട്ടി ഡയരക്ടര്‍ ജനറലായി ഭാരിച്ച ശമ്പള പാക്കറ്റില്‍ ടിയാന്‍ നിയമിതനായി. ഇന്ത്യയിലെ പൊതുവിതരണസംവിധാനം ക്രമാനുഗതമായി തകര്‍ത്തെറിഞ്ഞുകൊണ്ട് എപിഎല്‍/ ബിപിഎല്‍ വിഭജനം അടിച്ചേല്‍പ്പിക്കപ്പെട്ടത് ഈയൊരു അന്തര്‍ദേശീയ സമ്മര്‍ദത്തിന്റെ കൂടി സാഹചര്യത്തിലാണ് എന്ന വസ്തുത മറന്നു കൂടാ...

കാര്‍ഡ് രണ്ടു തരമായതോടെ സര്‍ക്കാറിന്റെ മാര്‍ക്കറ്റിടപെടലിന്റെ തോത് കുറയ്ക്കാനായി എന്നതു തന്നെ ഭക്ഷ്യക്കുത്തകകളുടെ നേട്ടം. പോഷകാഹാരക്കുറവ്, ദാരിദ്ര്യം എന്നിവക്കുള്ള പുത്തന്‍ നിര്‍വചനങ്ങള്‍ തേടിയുള്ള അന്തമില്ലാത്ത അന്വേഷണങ്ങളുടെ ഘോഷയാത്രയാണ് പിന്നീട് നാം കാണുന്നത്. അതിനിടെ 1997 ല്‍ പിഡിഎസിന് മുന്നില്‍ ഒരു ടി കൂടി വന്നു. ടിപിഡിഎസ് -ടാര്‍ജെറ്റഡ് പബ്ളിക് ഡിസ്ട്രിബ്യൂഷന്‍ സിസ്റ്റം. ടാര്‍ജെറ്റഡ് തന്നെയാണ്, സംശയമില്ല. പൊതുവിതരണ സംവിധാനത്തിന്റെ തകര്‍ച്ചയാണ് ടാര്‍ജറ്റ് എന്നു മാത്രം.

താരതമ്യേന ഫലപ്രദമായി നടന്നു പോന്നിരുന്ന സംഭരണവും വിതരണവും തകര്‍ത്തെറിയാനായതോടെ പിന്നെ കാര്യങ്ങള്‍ എളുപ്പമായി. കര്‍ഷകരെയും ഉപഭോക്താക്കളെയും ഒരുപോലെ ചൂഷണം ചെയ്യാനുള്ള അവസരമാണ് കുത്തകകള്‍ക്ക് വീണു കിട്ടിയത്. ഭക്ഷണത്തിനുള്ള അവകാശമെന്നത് കമ്പോളത്തിന്റെ സ്വാതന്ത്ര്യമെന്ന വന്‍പാറക്കല്ലില്‍ തലതല്ലിത്തകരുകയാണ്. കമ്പോള സ്വാതന്ത്ര്യത്തിന്റെ മറവില്‍ പഴയ പൂഴ്ത്തിവെപ്പുകള്‍ പുതിയ വാതുവെപ്പുകളായി മാറുന്നു.

ധനമൂലധനത്തിന്റെ കുത്തൊഴുക്കോടെ ഉല്‍പാദന മേഖലയില്‍ നിന്ന് ഊഹക്കച്ചവട മേഖലയിലേക്ക് ഒഴുകിയെത്തിയ ശതകോടികള്‍ ഭക്ഷ്യധാന്യക്കച്ചവട മേഖലയിലും പിടിമുറുക്കിയതോടെ, കാര്യങ്ങള്‍ പിടിച്ചാല്‍ കിട്ടാത്ത നിലയിലായി. ധാന്യങ്ങള്‍ തിന്നു കുരുവാക്കാനുള്ളതല്ല, മറിച്ച് ഊഹക്കച്ചവടത്തിന് വിധേയമാക്കാനുള്ളതാണെന്നു വന്നതോടെ വിലകള്‍ വാണം പോലെ കുതിച്ചു. ധനമൂലധനത്തിന് കൊഴുക്കാന്‍ ഏതു വാതുവെപ്പും മതിയാവും. ചരക്കുകള്‍ കൈമാറ്റം ചെയ്യുന്നതിനുള്ള മാധ്യമമായിരുന്ന നാണയത്തെത്തന്നെ അത് ചരക്കാക്കി മാറ്റി. നാണയച്ചന്തകള്‍ രൂപം കൊണ്ടു. നാണയ വിനിമയ നിരക്കിലുണ്ടാവുന്ന വ്യതിയാനങ്ങളില്‍ ഇടപെട്ടുള്ള വാതുവെപ്പുകള്‍! കെട്ടിട-ഭൂമി-വിലയിലുണ്ടാകാവുന്ന വ്യതിയാനങ്ങളെ ആസ്പദമാക്കിയാവാം, ചരക്കുകളുടെ വിലയിലുണ്ടാകാവുന്ന കയറ്റിറക്കങ്ങള്‍കണക്കാക്കിയുള്ള ബെറ്റുകളാവാം, കാലാവസ്ഥാവ്യതിയാനം പോലും ആസ്പദമാക്കി വാതുവെപ്പ് നടത്തുകയും പണം വാരിക്കൂട്ടുകയും ചെയ്യാനാവും വിധം രൂപം കൊണ്ട സുകുമാരകലയായി മാറി ഡെറിവേറ്റീവുകള്‍. അമ്മാതിരിയുള്ള പുതിയ ഉല്പന്നങ്ങള്‍ ഇതിന്നു കണക്കായി വികസിപ്പിച്ചെടുത്തതോടെ കാര്യം വൃത്തിയായി. ബോംബെ മാര്‍ക്കറ്റില്‍ മുമ്പുണ്ടായിരുന്ന സാട്ടാ കച്ചവടത്തിന്റെ വികസിതരൂപം. നടത്തിപ്പുകാരും ഇടപാടുകാരും പഴയ കച്ചവടക്കാരല്ല, പുതിയ മുതല്‍ മുടക്കികളാണെന്നു മാത്രം.

100 കോടിയിലേറെ മനുഷ്യര്‍ ലോകത്ത് മുഴുപ്പട്ടിണിയിലാണെന്ന് ഐക്യരാഷ്ട്രസഭ ചൂണ്ടിക്കാട്ടുമ്പോഴും, വന്‍കിട ധാന്യക്കച്ചവടക്കാരുടെ ലാഭം കുത്തനെ കൂടുകയാണ്. 2007-നെ അപേക്ഷിച്ച് 2008 ല്‍ 69 ശതമാനമാണ് കാര്‍ഗിലിന്റെ ലാഭം വര്‍ദ്ധിച്ചത്. 3951 ദശലക്ഷം ഡോളര്‍! സിംഗപ്പൂരിലെ നോബിള്‍ ഗ്രൂപ്പിന്റെ ലാഭവര്‍ധനത്തോത് 117 ശതമാനമാണ്.

അവധിവ്യാപാരം സൃഷ്ടിക്കുന്ന വിലക്കയറ്റം അസഹ്യമാണെന്ന് തിരിച്ചറിഞ്ഞതുകൊണ്ടാണ് അഗ്രിക്കള്‍ച്ചറല്‍ എക്സ് പന്‍ഡിച്ചര്‍ ആന്റ് പ്രൈസ് കമീഷന്‍ 24 അവശ്യ സാധനങ്ങളുടെ അവധിവ്യാപാരം നിയന്ത്രിക്കണമെന്നാവശ്യപ്പെട്ടത്. പാര്‍ലമെന്ററി സ്റ്റാന്‍ഡിങ് കമ്മിറ്റിയാകട്ടെ, 25 ചരക്കുകളിന്മേലുള്ള അവധി വ്യാപാരം നിരോധിക്കണമെന്നാവശ്യപ്പെട്ടു.

പൂഴ്ത്തിവെപ്പുകാരെയും ഊഹക്കച്ചവടക്കാരെയും നിയന്ത്രിക്കുകയും പൊതുവിതരണ-സംഭരണ നടപടികള്‍ കൃത്യമായി കൈക്കൊള്ളുകയും ചെയ്യുകയാണെങ്കില്‍ നിലവിലുള്ള വ്യവസ്ഥക്കകത്തു തന്നെ വിലക്കയറ്റം പിടിച്ചു നിര്‍ത്താനാവും. അതോടൊപ്പം എരിതീയില്‍ എണ്ണയൊഴിച്ചു കൊണ്ടുള്ള എണ്ണവില വര്‍ധനവില്‍നിന്ന് സര്‍ക്കാര്‍ പിന്മാറുകയും വേണം. എണ്ണക്കുത്തകകളുടെ ലാഭം കുറയുന്നു എന്നു കണ്ട് വിലകളങ്ങനെ കമ്പോളത്തിന് വിട്ടുകൊടുക്കാനുള്ള നീക്കം ഉപേക്ഷിക്കണം.

കഴിഞ്ഞ ദിവസം അസോച്ചാമിന്റെ സെമിനാറില്‍ പങ്കെടുത്തുകൊണ്ട് ഡോ. എം എസ് സ്വാമിനാഥന്‍ മുന്നോട്ടുവെച്ച നിര്‍ദേശങ്ങളും സമാനമാണ്. കര്‍ഷകര്‍ക്ക് ആദായവില ഉറപ്പാക്കുക, മെച്ചപ്പെട്ട പശ്ചാത്തലസൌകര്യവും വിത്തും സാങ്കേതികവിദ്യയും അവര്‍ക്ക് എത്തിക്കുക, പൊതുവിതരണ ശൃംഖല ശക്തമാക്കുക, വിതരണം ചെയ്യുന്ന വസ്തുക്കളുടെ അളവ് വര്‍ധിപ്പിക്കുക, ഫുഡ് കോര്‍പ്പറേഷന്‍ കൈവശമുള്ള സ്റ്റോക്ക് പുറത്തുവിട്ട് വില നിലവാരം പിടിച്ചു നിര്‍ത്തുക, ഭക്ഷ്യധാന്യങ്ങളുടെ അവധിവ്യാപാരം നിരോധിക്കുക, ബഫര്‍ സ്റ്റോക്ക് വെക്കാതെയുള്ള ഭക്ഷ്യകയറ്റുമതി വേണ്ടെന്നുവെക്കുക എന്നിവയാണ് നിര്‍ദേശങ്ങള്‍.

ചൈനയിലേതുപോലെ ഒരു സാമൂഹിക വിപ്ളവം നടക്കാതെ തന്നെ നിലവിലുള്ള വ്യവസ്ഥക്കകത്തുനിന്നുകൊണ്ടു ചെയ്യാനാവുന്ന ഈ നിര്‍ദേശങ്ങള്‍ എന്തുകൊണ്ട് സര്‍ക്കാര്‍ നിരാകരിക്കുന്നു? അഭിജിത് സെന്നിനെപ്പോലുള്ള പ്ളാനിങ് കമീഷനംഗം തന്നെ പൂഴ്ത്തിവെപ്പു തടയുന്നതില്‍ വീഴ്ച സംഭവിച്ചുവെന്ന് സമ്മതിക്കുമ്പോള്‍, പ്രധാനമന്ത്രി തന്നെ സംഗതികള്‍ ഉത്കണ്ഠാജനകമാണെന്നു കുമ്പസരിക്കുമ്പോള്‍ എന്തുകൊണ്ട് കാര്യങ്ങള്‍ ഇങ്ങനെ കൈവിട്ടുപോകുന്നു?

റിസര്‍വ് ബാങ്കിന്റെ ക്യാഷ് റിസര്‍വ് അനുപാതത്തില്‍ ചില്ലറ വര്‍ധന വരുത്തി സംഗതി പരിഹരിക്കാനാവും എന്ന് കരുതുന്നതു കൊണ്ടാണോ ഇതിങ്ങനെ? ഈയിടെ വര്‍ധിപ്പിച്ച 0.75 ശതമാനംകൊണ്ട് 36000 കോടി രൂപയാണ് ബാങ്കുകളുടെ വായ്പ നല്‍കാനുള്ള ശേഷിയില്‍ കുറവു വരുത്തിയത്. അത്രയും കാശ് അങ്ങാടിയിലെത്തിയില്ലെങ്കില്‍ പണപ്പെരുപ്പം അത്രയും കുറയുമല്ലോ എന്ന്! ഇത്തരം തക്കിട തരികിട കൊണ്ടൊന്നും കുറയുന്നതല്ല പണപ്പെരുപ്പവും വിലക്കയറ്റവും എന്നറിയാത്തതുകൊണ്ടല്ല ഈ നടപടികള്‍. സര്‍ക്കാറിന്റെ വര്‍ഗപരമായ പരിമിതിയാണത്. ഇന്ത്യന്‍ മുതലാളിമാരിലേറെയും വന്‍കിട ബഹുരാഷ്ട്ര കുത്തകകളായി മാറുകയും സമസ്ത ഭൂഖണ്ഡങ്ങളിലേക്കും നീരാളിക്കൈകളുമായി പാഞ്ഞെത്തുകയും ചെയ്യുന്ന ഒരു കാലത്ത് ആ വര്‍ഗത്തിന്റെ താല്‍പര്യം സംരക്ഷിക്കുകയല്ലാതെ മഹാഭൂരിപക്ഷം വരുന്ന പരമനിസ്വരുടെയും പാര്‍ശ്വവല്‍ക്കരിക്കപ്പെടുന്നവരുടെയും പ്രശ്നങ്ങള്‍ പരിഹരിക്കാന്‍ അതിനു കഴിയാതെവരും. ലോകത്താകെയുള്ള, കുത്തകകളാല്‍ നയിക്കപ്പെടുന്ന ഭരണകൂടങ്ങളാകെ അവിടെയെങ്ങുമുള്ള സാധാരണ മനുഷ്യര്‍ക്കുനേരെ കടന്നാക്രമണം നടത്തിക്കൊണ്ടിരിക്കുകയാണ്. അക്രാമകമായ മുതലാളിത്തത്തിന്റെ ഹിംസാത്മകതക്കെതിരെ അതിശക്തമായ പ്രക്ഷോഭങ്ങള്‍ കെട്ടിപ്പടുത്തുകൊണ്ടേ ഇതിനെ പ്രതിരോധിക്കാനാവൂ. അത്തരത്തിലുള്ള നീക്കമാണ് മാര്‍ച്ച് മാസത്തില്‍ ഇന്ത്യയില്‍ നടക്കുന്നത്. ഇതിനു സമാന്തരമായി ഇന്ത്യയിലെ പണിയെടുക്കുന്നവരുടെ സംഘടനകളാകെ ചേര്‍ന്ന് വിലക്കയറ്റമടക്കമുള്ള ഭരണവര്‍ഗാക്രമണങ്ങള്‍ക്കെതിരെ ഫഐക്യനിരപടുത്തുയര്‍ത്തുകയാണ്. തീര്‍ച്ചയായും ലോകത്താകെയുള്ള സാധാരണ മനുഷ്യര്‍ക്ക് ആത്മവിശ്വാസമേകുന്ന ഐതിഹാസികമായ പോരാട്ടമായി അത് വികസിക്കുക തന്നെ ചെയ്യും.

*
എ കെ രമേശ്

9 comments:

വര്‍ക്കേഴ്സ് ഫോറം said...

സര്‍ക്കാറിന്റെ വര്‍ഗപരമായ പരിമിതിയാണത്. ഇന്ത്യന്‍ മുതലാളിമാരിലേറെയും വന്‍കിട ബഹുരാഷ്ട്ര കുത്തകകളായി മാറുകയും സമസ്ത ഭൂഖണ്ഡങ്ങളിലേക്കും നീരാളിക്കൈകളുമായി പാഞ്ഞെത്തുകയും ചെയ്യുന്ന ഒരു കാലത്ത് ആ വര്‍ഗത്തിന്റെ താല്‍പര്യം സംരക്ഷിക്കുകയല്ലാതെ മഹാഭൂരിപക്ഷം വരുന്ന പരമനിസ്വരുടെയും പാര്‍ശ്വവല്‍ക്കരിക്കപ്പെടുന്നവരുടെയും പ്രശ്നങ്ങള്‍ പരിഹരിക്കാന്‍ അതിനു കഴിയാതെവരും. ലോകത്താകെയുള്ള, കുത്തകകളാല്‍ നയിക്കപ്പെടുന്ന ഭരണകൂടങ്ങളാകെ അവിടെയെങ്ങുമുള്ള സാധാരണ മനുഷ്യര്‍ക്കുനേരെ കടന്നാക്രമണം നടത്തിക്കൊണ്ടിരിക്കുകയാണ്. അക്രാമകമായ മുതലാളിത്തത്തിന്റെ ഹിംസാത്മകതക്കെതിരെ അതിശക്തമായ പ്രക്ഷോഭങ്ങള്‍ കെട്ടിപ്പടുത്തുകൊണ്ടേ ഇതിനെ പ്രതിരോധിക്കാനാവൂ. അത്തരത്തിലുള്ള നീക്കമാണ് മാര്‍ച്ച് മാസത്തില്‍ ഇന്ത്യയില്‍ നടക്കുന്നത്. ഇതിനു സമാന്തരമായി ഇന്ത്യയിലെ പണിയെടുക്കുന്നവരുടെ സംഘടനകളാകെ ചേര്‍ന്ന് വിലക്കയറ്റമടക്കമുള്ള ഭരണവര്‍ഗാക്രമണങ്ങള്‍ക്കെതിരെ ഫഐക്യനിരപടുത്തുയര്‍ത്തുകയാണ്. തീര്‍ച്ചയായും ലോകത്താകെയുള്ള സാധാരണ മനുഷ്യര്‍ക്ക് ആത്മവിശ്വാസമേകുന്ന ഐതിഹാസികമായ പോരാട്ടമായി അത് വികസിക്കുക തന്നെ ചെയ്യും.

*free* views said...

China is far away from marxism/maoism and is run like a big corporation. They are no more interested in a world communist brotherhood, they show nationalist tendencies. Only way I can justify them is if this is a strategic move to defeat capitalism because capitalism will never let communism survive anywhere. China is so much part of the capitalist system and will do all it can to support US survive. China is definitely growing, it is sad mao's country is moving in the wrong direction. (Yes, I think agrarian focus and is the right fit for poor countries) I am not saying chinese government is bad for its citizens, but I will not say it is communism.

I totally agree with the views on food security, not just for India, but for the whole world. We should stop creating slaves(service industry) and encourage rural development and encourage farming. Atleast we should start creating awareness, thats why I liked the "vettinirathal samaram", government should start it and thats what I will expect from a communist government.

When we oppose the big corporate retailers like Reliance and others we should not forget the small retailers who has an equal share in fleecing the customers. I am not a supporter of big corporates taking over retail with their money power. I suggest government get more involved with distribution.

Those who will say that government distribution is inefficient and leads to corruption. Yes, I totally agree that will surely happen, no communism can avoid that because people are basically greedy and it will take centuries to correct this habit of greed. But it is much better than the instability created by the price fluctuations.

Calicocentric കാലിക്കോസെന്‍ട്രിക് said...

Peng Kuang-hsi യുടെ പുസ്തകം ഇറങ്ങിയത് 1976ല്‍ എന്നു Google Books സൂചിപ്പിക്കുന്നു.
"സമ്പദ്‌വ്യവസ്ഥയെയും സമൂഹവ്യവസ്ഥയെയും" "അത്യഗാധമായ ഒരു പ്രതിസന്ധി" ബാധിച്ചുവെന്ന് ഇ എം എസ് പറയുന്ന "ചൈനീസ് ജനതയുടെ ചരിത്രത്തിലെ ഇരുണ്ട നാളുകള്‍" (ഒക്കെ ഇ എം എസ്സിന്റെ വാക്കുകളാണേ). അന്നും ഒരു പക്ഷേ ഇന്‍ഫ്ലേഷന്‍ ഉണ്ടായിക്കാണില്ല. പക്ഷേ അതിന് സോഷ്യലിസത്തിനു ക്രെഡിറ്റു കൊടുക്കുന്നെങ്കില്‍ സോഷ്യലിസ്റ്റ് ഭരണകൂടവും കമ്യൂണിസ്റ്റ് പാര്‍ട്ടിയും തന്നെ അന്നു തകര്‍ന്നുപോയിരുന്നു എന്നു പറഞ്ഞ ഇ എം എസിനെ ആദ്യം എന്തെങ്കിലും ചെയ്യണം.

Calicocentric കാലിക്കോസെന്‍ട്രിക് said...

ഇതുകൂടി കൂടി ആയാലേ ആദ്യത്തെ അഭിപ്രായം വ്യക്തമാവൂ. മൌ ത്സെ തുങിന്റെ പെറ്റിബൂര്‍ഷ്വാ സാഹസികതയായ സാംസ്കാരിക വിപ്ലത്തെത്തുടര്‍ന്ന് കമ്യൂണിസ്റ്റ് പാര്‍ട്ടിയും സോഷ്യലിസ്റ്റ് ഭരണകൂടവും (ചൈനയിലെ ഭരണകൂടം സോഷ്യിലിസ്റ്റല്ലെന്ന് ഇ എം എസ് എത്രയോ തവണ പറഞ്ഞുറപ്പിക്കുകയും പഠിപ്പിക്കുകയും ചെയ്തത് വേറെക്കാര്യം) തകരുകയും സമ്പദ് വ്യവസ്ഥയും സമൂഹവ്യവസ്ഥയും അത്യഗാധമായ പ്രതിസന്ധിയിലെത്തുകയും ചെയ്തു എന്ന് ഇ എം എസ് നമ്പൂതിരിപ്പാട് പറയുന്ന കാലത്താണ് ഈ പുസ്തകം ഉണ്ടായത് എന്ന്.

Unknown said...

"I am not saying chinese government is bad for its citizens, but I will not say it is communism."

But I say Communism is not like Bible religion/Quran religion/Savarkar religion, it is adaptive and after 50 years people like you may say, China has taken a stragetic stand, then??

"I totally agree with the views on food security, not just for India, but for the whole world. We should stop creating slaves(service industry) and encourage rural development and encourage farming."

Throw your views to Arabian sea, dont you read atleast right wing 'papers' such as manorama,mathrubhoomi etc? the Kerala growth index in Agriculture is positive after 2 decatdes and better than Central index(central govenment growth is negative!!), so follow kerala, then Centre and states can be grown together.

"I am not a supporter of big corporates taking over retail with their money power. I suggest government get more involved with distribution. "

Again you do prove either crazy or fraud.If state government start "involve" against big corporates taking over, court involve.So Centre government can make a good policy and Law for distribution by which even court intervention for big corporates can be blocked.

"Those who will say that government distribution is inefficient and leads to corruption. Yes, I totally agree .."

Think, you never read any article, and just bluffing is your motto.In a comment in another workers forum post, you mentioned that "price rise is good and non populist measures are required", now you are telling government intervention is required. What is your actual stand ? Are you lost or confused?

*free* views said...

You are a dumb, free voice . I do not know what madness in me forces me to reply to your mad rants, you are best suited as a goonda, but i am sure you do not have the physical ability to do that, so you are here trying it with your stupidity. (this is your style of comment, just to tell you how you sound)

Growth in Kerala? Do you even know what communism means? Kerala is exporting human beings (also called intellectual assets), sacrificing them to globalization - Sending them to work for big corporates as slaves. Another is Gulf, what do you think kerala will do when Gulf stops. Kerala imports most of its food needs from other states, farming is almost dead. When Vaiko threatened to stop food trucks flowing to Kerala, what did that mean to you, development? You are stupid to call yourself communist when you call this development. Why isn't Bengal in top of this development indexes? They had longer CPIM rule.

In another commnet I did say that food rise is good, if it benefited the farmers and encouraged more to do farming. But, unfortunately that is not the case, middlemen takes most of the money. That's the reason I said food distribution to be controlled by government, but being balanced in my views (unlike you), I do understand that there are inefficiencies involed when government controls distribution. (I do not tell that everything will be rosy and milk will flow when communism, real one, comes. But I can say it is a move towards much better society and human beings)

Quote from your comment:
>>> Again you do prove either crazy or fraud.If state government start "involve" against big corporates taking over, court involve.So Centre government can make a good policy and Law for distribution by which even court intervention for big corporates can be blocked. <<<

Freevoice, without insulting you, I will suggest that you write in Malayalam. I did not understand anything from this above paragraph. Lets not fight about who writes good english here, it is my problem that I cannot write good malayalam, but I am not saying my english is perfect, but I think people can understand what I write. Or am I talking to a six year old? Shame on me.

Communism can be adaptive??? Wow good that you are not in the party, really. Tell this to MV Raghavan and the many who were thrown out of the party. Communism is like a religion, it is what you feel inside you. You cannot adapt communism and make it capitalism and call it strategic. China is not communist, if it was it would have been actively involved with and encouraging communist movements everywhere in the world, instead of making greedy, profit making investments in oil feeds.

Like Christian church is the biggest enemy of Jesus, fake communists are biggest enemies of communism and humanity. I am not claiming to be a communist, I am just understanding it.

Unknown said...

"I am not claiming to be a communist, I am just understanding it."
Very good english, you are just understanding, why? you better 'overstand'!!!
Again, for you,my English is more than enough and, will continue to reply the level at par with yours.

"I do not know what madness in me forces me to reply to your mad rants, you are best suited as a goonda..."

One of the posts earlier, in a comment I have duely pointed out your character. You are trembling even in minor critisism. That is being manifested in your reply,lebelling others goonda etc.However, I will continue my effort in replying you.

"Growth in Kerala? Do you even know what communism means? Kerala is exporting human beings.."

You are a frog in the well, either you have'nt seen world or you complled to twist facts.Freeviews, what about the "growth" in India? India is in 128th place in human development index, competing with Pakistan and Bangladesh.They say, the growth and deveopment is some what proportional to the status of that country in International sports and games. 110 crore people and in Olymbics, we got one bronze last time. In football we are in 138th place. After CV Raman and Tagore, we havent got a Nobel...Thfooo your speech about "growth" in India, go man..go and give your speech to illiterate gosaayees in some North indian state.

"Sending them to work for big corporates as slaves. Another is Gulf..."

Freeviews, have you lived outside kerala ?Do You know the condition of poor downtrodden crores in Maharashtra,Haryana, Karnataka,gujarath etc..I have seen them,and I confirmed myself that we as keralaites are lucky and I am proud. crores are living like dogs in those states..In gujarat(I have experienced it) those millions are working in construction sector etc and they are called as 'mama, maamis'. their daily wage is 25 Rs, their kids are growing with street dogs, no public hospital facility and kids die at early age...I dont want to elaborate.
As keralites, we could atleast go to gulf or anywhere, because we ensure a minimum 10th standard education for the lowest layer of our soceity.
Don't ask where they will go after gulf. We have the potential, educationally and intellectually to survive, which is the plus point of kerala model where as the North indians(large section of below middle class and middle class poor)are still toiling in their on state under the landlord.{10 years back, I was working in North India and my collegue, saket kumar told me during a Diwali that his family back home is very busy because they are arranging new pair of kurtha paijama for their farmers-(around200)working for them.This is the only occasion they wear,rather allowed to wear new pair of attire through out the year}.My point is,those poor people can not even think of going to gulf or even outside their village. Day in and day out, 365 days, they will have potatos to eat and work 15-16 hours for Rs 20-30 and that sort of "grwoth' you are talking about, I feel pity to you.

Unknown said...

"When Vaiko threatened to stop food trucks flowing to Kerala, what did that mean to you, development? "

Oh man, if Vaiko 'threaten', we can also retalliate, in many ways, that is the reason, his "threatening" was short lived..come on man, dont be a coward. We are a part of federal set up,Thamilnadu as well as kerala,and nobody can live threatn each other. Do you know the approximate amount of currency earned by Reserve bank and Indian governement by the hard work of NRKs, and if keralites "threaten" or agitate to transfer those huge amount of money solely to Kerala(or any state in that matter),what would be the action by Indian government? So dont talk big about "threatening" etc.

"I do not tell that everything will be rosy and milk will flow when communism, real one, comes. But I can say it is a move towards much better society and..."

Hahaha..You are a fraud, let me repeat. You mentioned in another comment that price rise and tax rise is required, subsidies should not be given etc, now you are talking about communism..

"I did not understand anything from this above paragraph.."

You didnt understand since you dont have reply to it.You said about the "involvement" of state governemt in controlling multinationals in food sector. My point is, why the Central government witdrawn from public distribution and compelling the state governments to withdraw.

"Communism can be adaptive??? Wow good that you are not in the party, really. Tell this to MV Raghavan and the many who were thrown out of the party..."

you are pity ignorant, because to prove your point your example is poor Ragavan, and it seems, according to you MV ragavan is the father of world communism

" Communism is like a religion, it is what you feel inside you. You cannot adapt communism and make it capitalism and call it strategic..."

You havent read what I have written. I said people like you may end up in saying it was tactical after "50 years". Not now.
Again,communism is like what religion, Hinduism, christianity..tell me? All religions are getting adaptive now. Hinduism, christianity islam all saying 'now' the comllex modern science is already in their holy books!!!

"China is not communist, if it was it would have been actively involved with and encouraging communist movements everywher..."

Why should.First, there should be a wall, then only one can draw pictures. Even the wall does not exist, how can you expect a drawing on the wall.

"Like Christian church is the biggest enemy of Jesus, fake communists are biggest enemies of communism and humanity."

yes correct. the so called communist pimps and supporters extending supports to right wingers are the real fakes.
See the typical example of kerala budget by Issac. No price hike, no taxation, 35 million poor people are going to get real help, still it is being critisised by the so called 'real' communists.For whom and what ? so they are curse to humanity.

*free* views said...

Freevoice, I am not proud about my personal attack, but I was showing you how your comment sounds, you attack a person not his comments. English is a foreign language to both of us and there is no need to claim mastery in it, please remember you started it, not me.

Regarding growth: If you consider growth in India and even in kerala, it is a capitalist growth. Who said there is no growth in capitalism, sure there is, but it is when the top grows and poor feed on the bread crumbs falling from the table. That is not the kind of growth communism promises, communism does not promise explosive growth, it is a social growth of equality with equal rights. About Kerala: I am definitely proud about Kerala growth compared to other states of India. One of the reason is the awareness created by communist movement and other is the mentality of the people and to some extent importance given to education by the christian church. But Kerala is going the wrong path to development, exporting people to be in service industry is not the growth that we want, we need to concentrate on agriculture that is going to be long term security of our state. Growth that is dependant on western growth is not a good growth.

Western nations also give subsidies, but subsidies should be targeted to the poor and should benefit directly from it. In India subsidies are not working very well, subsidising petrol and even diesel is used by the rich and middle class for their cars, that should not be purpose of subsidies. Government can use this fund for education and micro financing and schemes that are targeted towards the poor, not even Indian middle class. Increase of taxes is not bad because the extra income can be used to uplift the poor. In my view, growth should slow down and importance should be given to creating equality. Kerala is not lagging too far with equality, but its growth is very fragile with dependence on foreign money.

I did say that China can be justified only if thy say some day it is strategic becuase capitalism never let you survive if you try the pure version - they put pure greed in people's mind to create instability. But it is difficult to see it from outside and I do not think it is a strategic move, it is pure business for them.

I never justified central government withdrawing from public distribution, why do you twist my comments. But I realise the problem with PDS that it is not always efficient, but we need to find a solution to it. I do understand government intervention without good monitoring and accountability creates corruption and inefficiencies, but we need to work on that.

PS: why do you start every paragraph with "you are a fool" or "you are a frog in well", etc. This is your normal style, in my last few comments, i just adapted your style to show you how it sounds. Criticism is fine, but criticise the comment not the person.