ഡോക്ടര്‍: താങ്കള്‍ക്ക് എത്ര കുട്ടികളുണ്ട്?
രോഗി: ദൈവം എന്നെ വേണ്ട പോലെ സഹായിച്ചില്ല. പതിനഞ്ചുകുട്ടികളുണ്ടായി. പക്ഷെ ഇപ്പോള്‍ ഒന്‍പതെണ്ണമേ ബാക്കിയുള്ളൂ.
ഡോക്ടര്‍: ഭാര്യക്കു ജോലിയുണ്ടോ?
രോഗി:ഇല്ല. അവര്‍ വീട്ടില്‍ തന്നെ കഴിയുന്നു.
ഡോക്ടര്‍: അങ്ങിനെയോ? അവര്‍ എങ്ങിനെയാണ് സമയം പോക്കുന്നത്?
രോഗി: അസ്സലായി! അവള്‍ കാലത്ത് നാലുമണിക്ക് എഴുന്നേല്‍ക്കും. വെള്ളം കൊണ്ടു വരും. വിറക് ശേഖരിക്കും. പിന്നെ പുഴയില്‍ പോയി തുണിയലക്കും. പട്ടണത്തില്‍ പോയി സാധനങ്ങളൊക്കെ വാങ്ങും. ഉച്ചക്കുള്ള ഭക്ഷണം ഒരുക്കും.
ഡോക്ടര്‍: താങ്കള്‍ ഉച്ചഭക്ഷണത്തിനു വീട്ടില്‍ വരികയാണോ പതിവ്? അതോ....
രോഗി: അവള്‍ എനിക്കു ഞാന്‍ പണിയെടുക്കുന്ന പാടത്ത് കൊണ്ടുവന്നു തരും.
ഡോക്ടര്‍: വീട്ടില്‍ നിന്ന് പാടത്തിലേക്ക് എത്ര ദൂരം വരും?
രോഗി: അത്...രണ്ട് മൂന്നു കിലോമീറ്റര്‍ വരും.
ഡോക്ടര്‍: അതിനുശേഷം?
രോഗി: പിന്നെ അവള്‍ കോഴികളെയും ആടുകളെയുമൊക്കെ നോക്കും. സമയമായാല്‍ രാത്രിഭക്ഷണത്തിന് തയ്യാറെടുക്കും. ഊണുകഴിക്കാറാകുമ്പോള്‍ ഞാന്‍ വീട്ടിലെത്തും.
ഡോക്ടര്‍: അത്താഴത്തിനുശേഷം അവര്‍ ഉറങ്ങാന്‍ പോകുമോ?
രോഗി: അതില്ല. അതിനുമുമ്പ് ഒന്‍പതു കുട്ടികള്‍ക്കും ഭക്ഷണം കൊടുത്ത് പാത്രങ്ങളൊക്കെ കഴുകി വെക്കും. പത്തുമണിവരെ വീട് സംബന്ധമായ മറ്റ് ജോലികളൊക്കെ ചെയ്യാനുണ്ടാവും. അതിനു മുമ്പേ ഞാന്‍ ഉറങ്ങിയിരിക്കും.
ഡോക്ടര്‍: പക്ഷെ, താങ്കള്‍ പറയുന്നത് അവര്‍ക്ക് ജോലിയൊന്നുമില്ല എന്നല്ലേ?
രോഗി: തീര്‍ച്ചയായും. അവള്‍ക്ക് ജോലിയൊന്നുമില്ലെന്ന് ഞാന്‍ ആദ്യമേ പറഞ്ഞില്ലേ ഡോക്ടര്‍. അവള്‍ വീട്ടില്‍ തന്നെ കഴിയുന്നു.
-പി എം ബാലകൃഷ്ണന്‍. കടപ്പാട്: ദേശാഭിമാനി സ്ത്രീ സപ്ലിമെന്റ്
Posts
6 comments:
“ ഈ ഡോക്ടര്‍ക്കെന്താ പറഞ്ഞാ മനസ്സിലാവാത്തേ..അവള്‍ക്കൊരു ജോലിയും ഇല്ലെന്നേ..”
ശ്രീ. പി എം ബാലകൃഷ്ണന്‍ എഴുതുന്നു.
ഈക്കണ്ട പണിയൊക്കെയെടുക്കുന്ന പലസ്ത്രീകള്‍തന്നെയും പറയാന്‍ ശീലിച്ചിരിയ്ക്കുന്നതു
‘വീട്ടില്‍ വെറുതെയിരിയ്ക്കുന്നു’എന്നാണ്‍
ഡൊമെസ്റ്റിക് എഞ്ചിനീയര്‍, ഹൌസ്‌ഹോള്‍ഡ് റ്റെക്നീഷ്യന്‍ എന്നീ പദവികളൊന്നും അവര്‍ക്ക് അറിയില്ലേ?
Good and strong
കൊള്ളാം, നന്നായി. :)
പക്ഷേ ഡോകടറെന്തിനാ രോഗിയോട്‌ ഭാര്യയുടെ കാര്യങ്ങള്‍ ചോദിക്കുന്നതെന്നു മനസ്സിലായില്ല.
നന്ദി ഭൂമിപുത്രി, റീനി, തോമസ്, ബിന്ദു..വായിച്ചതിനും ബ്ലോഗ് സന്ദര്‍ശിച്ചതിനും...സ്ത്രീകളുടെ അദ്ധ്വാനം അംഗീകരിക്കപ്പെടാറില്ല എന്നത് ദുഃഖകരമായ യാഥാര്‍ത്ഥ്യമാണ്.
Post a Comment