അത്ഭുതമൊന്നും സംഭവിക്കാനില്ല

ഇന്ത്യന്‍ ജനാധിപത്യത്തിന്റെ പ്രധാന ദൗര്‍ബല്യങ്ങളിലൊന്ന്, തെരഞ്ഞെടുപ്പുകള്‍ ജനഹിതത്തിന്റെ യഥാര്‍ഥ പ്രതിഫലനമാവുന്നില്ല എന്നതാണ്. വോട്ടുചെയ്ത അറുപത്തൊമ്പതുശതമാനവും തിരസ്കരിച്ചിട്ടും 31 ശതമാനത്തിന്റെ പിന്തുണമാത്രം ലഭിച്ച ബിജെപി 282 സീറ്റുകളുമായി അധികാരത്തിലെത്തിയതില്‍ അതുതെളിയുന്നുണ്ട്. ആനുപാതികമായി പ്രാതിനിധ്യം നിശ്ചയിച്ചിരുന്നുവെങ്കില്‍, ലോക്സഭയില്‍ ബിജെപിക്ക് 169 സീറ്റിനാണര്‍ഹത എന്ന് "ദ ഹിന്ദു" പത്രം മെയ് 20ന്റെ മുഖപ്രസംഗത്തില്‍ ചൂണ്ടിക്കാട്ടുന്നു. ഗൗരവമായി ചര്‍ച്ചചെയ്യേണ്ട വിഷയമാണത്. ആ ചര്‍ച്ച ഒരു വഴിക്കു നടക്കുമ്പോള്‍തന്നെ, നിലവിലുള്ള സംവിധാനത്തില്‍ ബിജെപി അധികാരത്തിലെത്തിയിരിക്കുന്നു എന്നത് വസ്തുതയാണ്. നരേന്ദ്രമോഡിയുടെ നേതൃത്വത്തില്‍ അധികാരമേല്‍ക്കുന്ന സര്‍ക്കാരിന്റെ നയപ്രഖ്യാപനവും നടപടികളും നോക്കിയാണ് അതിനെ വിലയിരുത്തേണ്ടത് എന്നുതന്നെ ഞങ്ങള്‍ കരുതുന്നു. അക്കാര്യത്തില്‍ മുന്‍വിധികള്‍ പാടില്ല എന്ന സമീപനം അംഗീകരിക്കുകയുംചെയ്യുന്നു. ഖേദകരമെന്നു പറയട്ടെ, ഔചിത്യത്തിന്റെയും രാഷ്ട്രീയ മര്യാദയുടെയും അത്തരം പരികല്‍പ്പനകളെയൊന്നും സാധൂകരിക്കുന്ന സൂചനകള്‍ ദൗര്‍ഭാഗ്യവശാല്‍ ബിജെപി നേതൃത്വത്തില്‍നിന്ന് ലഭ്യമല്ല.

കോണ്‍ഗ്രസിന്റേതില്‍നിന്ന് വിഭിന്നമായ സാമ്പത്തിക നയങ്ങള്‍ ബിജെപി മുന്നോട്ടുവച്ചിട്ടില്ല. നരേന്ദ്രമോഡി ഇന്നലെവരെ ഭരിച്ച ഗുജറാത്തില്‍നിന്ന് "പുതിയ ഇന്ത്യ"യ്ക്കുവേണ്ടിയുള്ള എന്തെങ്കിലും അനുഭവപാഠങ്ങള്‍ ഉള്‍ക്കൊള്ളാനുമില്ല. ഇന്ത്യന്‍ ജനാധിപത്യത്തെ ഇന്ന് നയിക്കുന്നത് കോര്‍പറേറ്റ് ശക്തികളാണ്. നവലിബറല്‍ നയങ്ങളുടെ സൗകര്യത്തിലും സഹായത്തിലും ചീര്‍ത്തുവളര്‍ന്ന കോര്‍പറേറ്റുകളുടെ സന്തതിയാണ് മോഡി. ഇന്നു കാണുന്ന മോഡി പ്രഭാവം കോര്‍പറേറ്റ് പരീക്ഷണശാലകളില്‍ ജന്മംകൊണ്ട പ്രചാരണ തന്ത്രങ്ങളുടെയും ഒഴുകിയ പണത്തിന്റെയും ഉല്‍പ്പന്നമാണ്. ആ ഉപകാരസ്മരണയില്‍ കവിഞ്ഞ ഒരു സാമ്പത്തിക നയം രൂപീകരിക്കാന്‍ കോണ്‍ഗ്രസിനെന്നപോലെ മോഡിക്കും സാധ്യമല്ല. അതുകൊണ്ടുതന്നെ, കോണ്‍ഗ്രസിന്റെ ജനവിരുദ്ധ സാമ്പത്തിക നയങ്ങള്‍ക്കൊപ്പം തീവ്രവര്‍ഗീയതയുടെ ചേരുവയുമടങ്ങുന്ന ഭരണത്തിന്റെ നാളുകളാണ് മോഡിയില്‍നിന്ന് രാജ്യത്തിന് ലഭിക്കാന്‍ പോകുന്നതെന്ന യാഥാര്‍ഥ്യം അലംഘനീയമായി മുന്നില്‍ നില്‍ക്കുന്നു. ആര്‍എസ്എസും കോര്‍പറേറ്റുകളും ഒരേസമയം പ്രധാനമന്ത്രിസ്ഥാനാര്‍ഥിയായി തെരഞ്ഞെടുത്തത് നരേന്ദ്രമോഡിയെയാണ് എന്നോര്‍ക്കണം.

ഗുജറാത്ത് "മാതൃക" ഉയര്‍ത്തിക്കാട്ടിയാണ് മോഡിക്ക് "വികാസ് പുരുഷ്" മുഖംമൂടി നല്‍കിയത്. മോഡിഭരണകാലത്ത് മുസ്ലിങ്ങളെയടക്കം എല്ലാവരെയും വികസനത്തിലേക്ക് നയിച്ചു എന്നാണ് പറഞ്ഞുപരത്തിയ ഒരു വിശേഷം. 2002ലേതൊഴിച്ച്, മോഡി ഭരണത്തില്‍ ഗുജറാത്ത് വര്‍ഗീയ ആക്രമണമുക്തമായിരുന്നു എന്നത് രണ്ടാമത്തേത്. രണ്ടും കല്ലുവച്ച നുണകളായിരുന്നു. വര്‍ഗീയ കലാപങ്ങളുടെ എണ്ണത്തില്‍ 2013 ല്‍ രാജ്യത്ത് ഏറ്റവും മുകളിലുള്ള അഞ്ച് സംസ്ഥാനങ്ങളില്‍ ഒന്നാണ് ഗുജറാത്ത്. ആ വര്‍ഷം ഗുജറാത്തില്‍നിന്ന് 66 വര്‍ഗീയ അക്രമസംഭവങ്ങളാണ് റിപ്പോര്‍ട്ട് ചെയ്യപ്പെട്ടത്. 2012 ല്‍ ഗുജറാത്തില്‍ 57 വര്‍ഗീയ ആക്രമണങ്ങളുണ്ടായി; അഞ്ചു പേര്‍ കൊല്ലപ്പെട്ടു. ലോക്സഭയില്‍ 2012 ല്‍ അവതരിപ്പിച്ച കണക്കനുസരിച്ച് 2009 മാര്‍ച്ചിനും 2012 മാര്‍ച്ചിനും ഇടയില്‍ ഇന്ത്യയിലാകെ വര്‍ഗീയ സംഘര്‍ഷങ്ങളില്‍ 344 പേര്‍ കൊല്ലപ്പെട്ടതില്‍ 32 ജീവന്‍ പൊലിഞ്ഞത് ഗുജറാത്തിലാണ്. ഗുജറാത്ത് മാത്രമല്ല, ബിജെപി ഭരിക്കുന്ന എല്ലാ സംസ്ഥാനങ്ങളിലെയും അവസ്ഥയാണിത്.

ഒരു മാന്ത്രികവടിയും തന്റെ കൈയിലുണ്ടെന്ന് നരേന്ദമോഡി ഇന്നുവരെ തെളിയിച്ചിട്ടില്ല- വര്‍ഗീയതയുടേതും നൃശംസതയുടേതുമല്ലാതെ.

കോര്‍പറേറ്റുകള്‍ക്ക് വന്‍തോതില്‍ ഇളവുകള്‍ നല്‍കിയതാണ് ഗുജറാത്ത് മാതൃകാ വികസനം. അവിടെ വിദ്യാഭ്യാസ-ആരോഗ്യസംവിധാനങ്ങള്‍ മെച്ചപ്പെടുത്തുന്നതിന് ഫണ്ടില്ല. പ്രധാനപ്പെട്ട സാമൂഹിക മേഖലാ പദ്ധതികളിലെല്ലാം പൊതുചെലവു വെട്ടിക്കുറച്ചു. 17 പ്രധാന സംസ്ഥാനങ്ങളില്‍ വിദ്യാഭ്യാസത്തിന് പണം ചെലവഴിക്കുന്ന കാര്യത്തില്‍ ഗുജറാത്തിന് 14-ാം സ്ഥാനം. മോഡിയുടെ 10 വര്‍ഷ ഭരണത്തില്‍ വിദ്യാഭ്യാസരംഗത്തെ ശരാശരി ചെലവ് മൊത്തം ചെലവിന്റെ 13.2 ശതമാനംമാത്രം. അഖിലേന്ത്യാ ശരാശരി 14.8 ശതമാനമാണ്. ഒന്നു മുതല്‍ 10 വരെയുള്ള ക്ലാസുകളില്‍നിന്നുള്ള കൊഴിഞ്ഞുപോക്ക് ഗുജറാത്തില്‍ 58 ശതമാനമാണ്. അഖിലേന്ത്യാ ശരാശരിയാവട്ടെ 49 ശതമാനവും. ആരോഗ്യരംഗത്തെ്, 17 വലിയ സംസ്ഥാനങ്ങളെടുത്താല്‍ ഗുജറാത്ത് 16-ാം സ്ഥാനത്താണ്. മോഡിയെ ഒരു "വികസ" നായകനായി സ്ഥാപിക്കുന്നവര്‍ വീമ്പുപറയുന്നതിലെ ഏതാനും പൊള്ളത്തരങ്ങള്‍ മാത്രമാണിത്. ഗുജറാത്തിന്റെ യഥാര്‍ഥ ചിത്രം അതിന്റെ ഗ്രാമങ്ങളിലും നഗരങ്ങളിലുമുള്ള സ്ത്രീ-പുരുഷന്മാരെ നിര്‍ലജ്ജമായി ചൂഷണംചെയ്യുന്ന ഒന്നാണ്. മത വിദ്വേഷത്തിന്റെയും കോര്‍പറേറ്റ് പ്രചാരണ തന്ത്രങ്ങളുടെയും മറവില്‍ ഈ വസ്തുതകളെ മറച്ചുവച്ചുള്ള കെട്ടിയാട്ടമാണ്, ഇന്ന് കാണുന്ന മോഡിപ്രഭാവം. ഗുജറാത്തിലെ മുണ്‍ട്രോ തുറമുഖത്തിനും മുണ്ട്ര പ്രത്യേക സാമ്പത്തിക മേഖലയ്ക്കുമായി 6700 ഹെക്ടര്‍ ഭൂമി അദാനി ഗ്രൂപ്പിന് നല്‍കി ഖജനാവിന് പതിനായിരം കോടി രൂപ നഷ്ടപ്പെടുത്തിയ നരേന്ദമോഡി, അഞ്ചരലക്ഷം കോടി രൂപയുടെ അഴിമതി നടത്തിയ യുപിഎയില്‍നിന്ന് വ്യത്യസ്തമായ ഒന്നുംതന്നെ പ്രസരിപ്പിക്കുന്നില്ല- വര്‍ഗീയതയുടെ ഭീകരദൃശ്യങ്ങളൊഴിച്ച്. യുപിഎ സര്‍ക്കാരിനെതിരായ ജനരോഷത്തെ മുതലെടുത്ത് ദേശീയതലത്തില്‍ അധികാരം പിടിച്ചെടുത്ത ആര്‍എസ്എസ് നരേന്ദമോഡിയുടെ നേതൃത്വത്തില്‍ ദിവ്യാത്ഭുത പ്രകടനമൊന്നും നടത്താന്‍ പോകുന്നില്ല എന്ന് തെളിയിക്കുന്ന വസ്തുതകളാണിത്. അതുകൊണ്ടുതന്നെ, മോഡിഭരണത്തെക്കുറിച്ച് പ്രതീക്ഷയും പ്രത്യാശയുമൊന്നും വച്ചുപുലര്‍ത്താനില്ല. മതനിരപേക്ഷ ശക്തികളുടെ കരുത്ത് വര്‍ധിപ്പിക്കുക-അപകടങ്ങളില്‍നിന്ന് രാജ്യത്തെ രക്ഷിക്കാന്‍ മുന്നിട്ടിറങ്ങുക എന്നതുമാത്രമാണ് വരുംനാളുകളിലെ വെല്ലുവിളി ഏറ്റെടുക്കാന്‍ ഇന്ത്യന്‍ ജനതയ്ക്കുമുന്നിലുള്ള മാര്‍ഗം.
*
deshabhimani

കോണ്‍ഗ്രസിനെക്കൊണ്ട് ഇനി കാര്യമില്ല

ലോക്സഭാ തെരഞ്ഞെടുപ്പില്‍ ചരിത്രത്തിലിതുവരെയുണ്ടാവാത്തത്ര വലിയ തകര്‍ച്ച നേരിട്ട കോണ്‍ഗ്രസ്, സ്വന്തം അണികളില്‍പോലും ആശ്വാസത്തിന്റെയോ ആത്മവിശ്വാസത്തിന്റെയോ കണിക പകരാന്‍ കഴിയാതെ നൈരാശ്യത്തിന്റെ ഇരുട്ടിലുഴലുകയാണ്.

എല്ലാ സീനിയര്‍ നേതാക്കളും ഒരേപോലെ മൗനത്തില്‍. സ്വാധീനം തിരിച്ചുപിടിക്കാന്‍ ശ്രമിക്കാമെന്ന് ഒരു വാചകംപോലും അണികളോടു പറയാന്‍ ആരുമില്ല. അടിയന്തരമായി ചേര്‍ന്ന കോണ്‍ഗ്രസ് വര്‍ക്കിങ് കമ്മിറ്റി യോഗം പരാജയത്തിന്റെ ഉത്തരവാദിത്തം സോണിയക്കും രാഹുലിനുമല്ല എന്നു പ്രമേയം പാസാക്കിപ്പിരിഞ്ഞു. ആര്‍ക്കാണ് ഉത്തരവാദിത്തമെന്നു പറയുന്നില്ല. ശക്തി വീണ്ടെടുക്കാന്‍ ശ്രമിക്കുമെന്ന ഒരു സൂചനപോലും ആ യോഗം നല്‍കുകയുണ്ടായില്ല. ഭരണമില്ലെങ്കില്‍പ്പിന്നെ പാര്‍ടി എന്തിന്? ആ ചോദ്യം സ്വയം ചോദിച്ചുകൊണ്ട് എല്ലാവരും ആലസ്യത്തിലേക്കും മരവിപ്പിലേക്കും ചെന്നു വീണിരിക്കുകയാണ്. ഭരണം പോകുമ്പോള്‍ ഉണ്ടാവുന്ന ഈ മരവിപ്പാണ് സത്യത്തില്‍ നരേന്ദ്രമോഡിയെയും ബിജെപിയെയും വളര്‍ത്തിയത്. കഴിഞ്ഞ രണ്ടു നിയമസഭാ തെരഞ്ഞെടുപ്പുകളിലും വേണമെങ്കില്‍ കോണ്‍ഗ്രസിന് സംഘടനായന്ത്രം ശക്തമാക്കിയും അണികളില്‍ ആവേശം പകര്‍ന്നും നരേന്ദ്രമോഡിയെ ഗുജറാത്തില്‍ തോല്‍പ്പിക്കാമായിരുന്നു. എന്നാല്‍,അധികാരം നഷ്ടപ്പെട്ടതിന്റെ ആലസ്യത്തില്‍നിന്ന് ഗുജറാത്തില്‍ കോണ്‍ഗ്രസ് ഒരിക്കലും കരകയറിയില്ല എന്നതാണ് സത്യം. ഭരണം പോയതോടെ നേതാക്കള്‍ സംഘടനയെയും അണികളെയും ഉപേക്ഷിച്ചുപോയി. ആ അവസ്ഥ നരേന്ദ്രമോഡി ഉപയോഗപ്പെടുത്തി.

കോണ്‍ഗ്രസിന്റെ ഇപ്പോഴത്തെ മൗനവും നിഷ്ക്രിയത്വവും ഇന്ത്യന്‍ ജനാധിപത്യത്തിനു വലിയ ഒരു സന്ദേശം നല്‍കുന്നുണ്ട്. അത് വര്‍ഗീയാധിപത്യത്തെ തകര്‍ക്കാന്‍ കോണ്‍ഗ്രസ് എന്തെങ്കിലും ചെയ്യും എന്നു പ്രതീക്ഷിക്കുന്നതില്‍ ഒരു കാര്യവുമില്ല എന്ന സന്ദേശമാണ്. കളിക്കാന്‍ കളമില്ല എന്ന നിലയ്ക്ക് പിന്‍വാങ്ങിയിരിക്കുകയാണ് കോണ്‍ഗ്രസ്. ഇന്ത്യന്‍ രാഷ്ട്രീയത്തില്‍ സംഘപരിവാര്‍ ശക്തികള്‍ക്ക് കോണ്‍ഗ്രസ് ബദലാവുന്നതേയില്ല. ബദലാവുന്നത് ഇതര ജനാധിപത്യ മതനിരപേക്ഷ കക്ഷികളും ഇടതുപക്ഷവുമാണ്. പ്രത്യാശ അവിടെ അര്‍പ്പിച്ചിട്ടേ കാര്യമുള്ളൂ. ജനവിധിയെത്തുടര്‍ന്ന് തളര്‍ന്നുകിടക്കുന്ന ഏക പാര്‍ടി കോണ്‍ഗ്രസാണ്. സമാജ്വാദി പാര്‍ടി അതിന്റെ യുപി ഘടകത്തെ പിരിച്ചുവിട്ടു. മുപ്പത് സഹമന്ത്രിമാരെ നീക്കംചെയ്തും തിരുത്തല്‍ നടപടിയാരംഭിച്ചു. ആര്‍ജെഡി ആജന്മ വൈരികളായി കഴിയുന്നവരോടുപോലും കൈകോര്‍ക്കാന്‍ തയ്യാറാവുന്നു. നിധീഷ്കുമാറും ലാലുപ്രസാദ് യാദവും ഒരുമിക്കുന്നു. ഇങ്ങനെ ഇതര പാര്‍ടികളെല്ലാം പ്രവര്‍ത്തനിരതരാവുമ്പോഴും നടുവൊടിഞ്ഞപോലെ കിടക്കുകയാണ് കോണ്‍ഗ്രസ്.

കോണ്‍ഗ്രസിന്റെ മുതിര്‍ന്ന നേതാക്കളായ കമല്‍നാഥോ എ കെ ആന്റണിയോ ദിഗ്വിജയ് സിങ്ങോ സി പി ജോഷിയോ പി ചിദംബരമോ അശോക് ഗെലോട്ടോ സുശീല്‍കുമാര്‍ ഷിന്‍ഡെയോ ഒന്നും വായ് തുറന്നിട്ടില്ല. ഈ മൗനത്തിന്റെ അര്‍ഥം വ്യക്തമാണ്. രാഹുലിനെക്കൊണ്ട് ഒരു കാര്യവുമില്ല എന്നിവര്‍ക്ക് ബോധ്യമുണ്ട്. എന്നാല്‍, രക്തത്തിലലിഞ്ഞുചേര്‍ന്ന വൈതാളികസ്വഭാവംകൊണ്ട് ഇവര്‍ക്കാര്‍ക്കും ഇതു തുറന്നുപറയാന്‍ ധൈര്യമില്ലാതാവുന്നു. താഴെനിരയിലുള്ള ചില നേതാക്കള്‍ വായ തുറന്നു തുടങ്ങിയിട്ടുണ്ട്. മിലിന്ദ് ദേവ്റയെയും പ്രിയാദത്തിനെയും പോലുള്ളവര്‍. ഇവര്‍ക്കുമറിയാം രാഹുല്‍ വിലപ്പോവുന്ന പ്രശ്നമില്ലെന്ന്. അതു പറയാതെ രാഹുലിന്റെ ഉപദേശകര്‍ ശരിയല്ല എന്നു പറഞ്ഞു നിര്‍ത്തി അവര്‍. ഉപദേശകര്‍ ശരിയല്ലെങ്കില്‍ അവരാല്‍ ഉപദേശിക്കപ്പെടുന്ന രാഹുല്‍ ശരിയാവാനിടയില്ലല്ലോ. ആ ചിന്ത പടര്‍ത്തിവിട്ടിട്ടുണ്ട് ഇവരുടെ അഭിപ്രായ പ്രകടനങ്ങള്‍. മോഡി തരംഗം അലയടിച്ചതിന്റെ ഉത്തരവാദിത്തം കോണ്‍ഗ്രസിനാണെന്ന് ജ്യോതിരാദിത്യസിന്ധ്യ പറയുമ്പോഴും ഉദ്ദേശ്യം വ്യക്തം. രാഹുല്‍ തങ്ങളെ രക്ഷിക്കില്ല എന്ന് കോണ്‍ഗ്രസ് ആകെ തിരിച്ചറിയുന്നുണ്ട്. എന്നാല്‍, വ്യക്തിപരമായ താല്‍പ്പര്യങ്ങള്‍, സോണിയാ പ്രീതി തുടങ്ങിയ കാര്യങ്ങള്‍കൊണ്ട് ആരും തുറന്നുപറയാന്‍ ധൈര്യം കാട്ടുന്നില്ല. ഈ വൈതാളികത്വം കോണ്‍ഗ്രസിനെ കൂടുതല്‍ തകര്‍ച്ചയിലേക്കേ കൊണ്ടുപോവൂ.

മുമ്പൊരിക്കലും ഇതായിരുന്നില്ല സ്ഥിതി. 1977ല്‍ കോണ്‍ഗ്രസ് 154 സീറ്റുകളിലേക്ക് വീണുപോയി. ഇന്ദിരാഗാന്ധി ഏതാണ്ട് പിന്‍വലിയുന്ന നിലയിലായി. എന്നാല്‍, അന്നുപോലും ഇതര കോണ്‍ഗ്രസ് നേതാക്കള്‍ പ്രത്യാശ പകര്‍ന്നുകൊണ്ട് സംഘടനയെ ഉണര്‍ത്തിനിര്‍ത്താന്‍ ഇടപെട്ടു. കോണ്‍ഗ്രസ് 1998ല്‍ 141 സീറ്റുകളിലേക്കു വീണു. അന്നും കോണ്‍ഗ്രസ് വിട്ടുപോയിരുന്നവരെ, എന്‍ ഡി തിവാരി മുതല്‍ അര്‍ജുന്‍സിങ് വരെയുള്ളവരെ, മടക്കിക്കൊണ്ടുവന്ന് സ്വാധീനം വീണ്ടെടുക്കാനുള്ള ശ്രമമുണ്ടായി. എന്നാല്‍, ഇപ്പോള്‍ മരണവീട്ടിലെ നിശ്ശബ്ദതയിലായി കോണ്‍ഗ്രസ്. ഒരാള്‍ മരിച്ച വീട്ടില്‍ മറ്റുള്ളവര്‍ പാലിക്കുന്ന മൗനമല്ല, എല്ലാവരും മരിച്ച വീട്ടിലെ മൗനം.

പ്രതിപക്ഷ നേതാവുസ്ഥാനം ഏറ്റെടുക്കാന്‍പോലും ആളില്ല എന്നതാണു നില. രാഹുല്‍ഗാന്ധി ആ സ്ഥാനം ഏറ്റെടുക്കുന്നില്ലെങ്കില്‍ വീരപ്പമൊയ്ലി ഏറ്റെടുക്കട്ടെ എന്നതാണിപ്പോഴത്തെ അഭിപ്രായം. ഏതു നയങ്ങളാണോ കോണ്‍ഗ്രസിനെ ഈ തകര്‍ച്ചയിലേക്കു നയിച്ചത് അതേ നയത്തിന്റെ കാര്യക്കാരനായിരുന്നു മൊയ്ലി. റിലയന്‍സിന് കെജി ബേസില്‍ തുക ഇരട്ടിയാക്കി കൊടുത്തത് അന്നത്തെ ഈ മന്ത്രിയാണ്. ആ നയത്തിന്റെ വക്താവിനെത്തന്നെ വീണ്ടും നേതാവാക്കാന്‍ ആലോചിക്കുകയാണ് കോണ്‍ഗ്രസ്.

കോണ്‍ഗ്രസില്‍ ഇനി ആരും പ്രതീക്ഷയര്‍പ്പിച്ചിട്ടു കാര്യമില്ല. അതിനു മിനക്കെടാതെ ജനാധിപത്യ മതനിരപേക്ഷ ഇടതുപക്ഷബദല്‍ രാഷ്ട്രീയശക്തി വളര്‍ത്തിക്കൊണ്ടുവരാന്‍ ശ്രമിക്കുകയാണ് വേണ്ടത്. ആ ബദലിനേ ഇനി ഇന്ത്യന്‍ രാഷ്ട്രീയത്തില്‍ വര്‍ഗീയതയുടെ സമഗ്രാധിപത്യത്തെ നേരിടാന്‍ കഴിയൂ.
*
deshabhimani editorial

കോര്‍പറേറ്റുകള്‍ നയിച്ച തെരഞ്ഞെടുപ്പ്

ലോക്സഭാ തെരഞ്ഞെടുപ്പുഫലം പ്രത്യേകതരത്തിലാകാന്‍ തല്‍പ്പരകക്ഷികള്‍ കൈക്കൊണ്ട പല നടപടികളുമുണ്ട്. നമുക്ക് നേരത്തെ പരിചിതമായ ചുവരെഴുത്ത്, പോസ്റ്റര്‍, നോട്ടീസ്, ലഘുലേഖ, പത്രപ്പരസ്യം, പൊതുയോഗ പ്രസംഗങ്ങള്‍, വാഹനയാത്ര, മൈക്കുവഴി പ്രചാരണം, വീടുകയറിയുള്ള വോട്ടുതേടല്‍ മുതലായവയുണ്ട്. ചാനലുകളില്‍ നടത്തുന്ന ചര്‍ച്ചയും പരസ്യവും മറ്റുമുണ്ട്. ഏതാനും വര്‍ഷങ്ങള്‍ക്കുമുമ്പാണ് കൂലിക്ക് വാര്‍ത്ത കൊടുക്കല്‍ (പെയ്ഡ് ന്യൂസ്) തുടങ്ങിയത്. അത് തെരഞ്ഞെടുപ്പു കമീഷന്‍ അംഗീകരിക്കുന്നതല്ല. അതിനെച്ചൊല്ലി മഹാരാഷ്ട്ര മുന്‍ മുഖ്യമന്ത്രി ചവാന്റെമേല്‍ കേസുണ്ട്. ചവാന്‍ ഒരുപക്ഷേ, ശിക്ഷിക്കപ്പെട്ടേക്കാം എന്ന വാര്‍ത്ത വന്നത് കഴിഞ്ഞ ദിവസമായിരുന്നു.

തെരഞ്ഞെടുപ്പ് രംഗത്തേക്കുള്ള പണത്തിന്റെ കുത്തൊഴുക്കിന്റെ ഒരു വഴിയാണ് പണംവാങ്ങി വാര്‍ത്ത കൊടുക്കുന്നത്. നിഷ്പക്ഷമായി വാര്‍ത്ത നല്‍കുക മാധ്യമധര്‍മം മാത്രമല്ല, മാധ്യമത്തിന്റെ ഉത്തരവാദിത്തവുമാകുന്നു. എന്നാല്‍, ആ ധര്‍മത്തിന്റെ മറപിടിച്ച് പക്ഷപാതപരമായ വിവരം വാര്‍ത്തയായി നല്‍കുന്നത് പത്രധര്‍മ ലംഘനം മാത്രമല്ല, തെരഞ്ഞെടുപ്പില്‍ സ്വാര്‍ഥ താല്‍പ്പര്യംവച്ചുള്ള ഇടപെടലാണ്; തെരഞ്ഞെടുപ്പു ചട്ടലംഘനവുമാണ്. ചവാന്റേത് അന്ന് ഒറ്റപ്പെട്ട സംഭവമായിരുന്നെങ്കില്‍ ഇത്തവണ അത് വ്യാപകമായ തോതില്‍ നടന്നതായി പല സംസ്ഥാനങ്ങളില്‍നിന്നുള്ള വാര്‍ത്തകള്‍ സൂചിപ്പിക്കുന്നു.

ഇതുകൂടാതെ വോട്ടര്‍മാരെ സ്വാധീനിക്കുന്നതിനു കൊണ്ടുപോയ 300 കോടിയില്‍പരം രൂപയും കോടിക്കണക്കിന് ലിറ്റര്‍ മദ്യവും മറ്റും തെരഞ്ഞെടുപ്പുദ്യോഗസ്ഥര്‍ പിടികൂടിയതായി വാര്‍ത്തയുണ്ടായിരുന്നു. മുമ്പൊക്കെ കോര്‍പറേറ്റുകള്‍- എന്നുവച്ചാല്‍, വന്‍കിട വ്യവസായികളും വ്യാപാരികളും- രാഷ്ട്രീയ പാര്‍ടികള്‍ക്ക് സംഭാവന നല്‍കാറുണ്ടായിരുന്നു. അങ്ങനെ നല്‍കുന്ന തുകയ്ക്ക് അവര്‍ക്ക് നികുതികിഴിവ് ലഭിക്കും. എന്നാല്‍, ഇപ്പോള്‍ തങ്ങള്‍ക്ക് താല്‍പ്പര്യമുള്ള രാഷ്ട്രീയപാര്‍ടികള്‍ക്ക് സംഭാവന നല്‍കുന്നതില്‍ ഒതുങ്ങുന്നതല്ല കോര്‍പറേറ്റ് ഇടപെടല്‍. തങ്ങള്‍ക്ക് പറ്റിയ രാഷ്ട്രീയ പാര്‍ടിയെയല്ല, രാഷ്ട്രീയ നേതാവിനെ കണ്ടെത്തുന്നു. അത്തരമൊരാളെ അമേരിക്കയിലെ കോര്‍പറേറ്റുകള്‍ പ്രസിഡന്റ് സ്ഥാനാര്‍ഥിയാക്കുന്നതുപോലെ, ഇവിടെ പ്രധാനമന്ത്രിസ്ഥാനാര്‍ഥിയാക്കുന്നു. ഇവിടെ ഒരാള്‍ പ്രധാനമന്ത്രിയാകണമെങ്കില്‍ ലോക്സഭാംഗങ്ങളില്‍ ഭൂരിപക്ഷത്തിന്റെ പിന്തുണവേണം. അതിനാല്‍, തങ്ങള്‍ തെരഞ്ഞെടുത്ത വ്യക്തിയെ ജയിപ്പിക്കുന്നതിനും ഭൂരിപക്ഷം ലോക്സഭാംഗങ്ങളുടെ പിന്തുണ അയാള്‍ക്ക് ലഭിക്കുന്നതിനുംവേണ്ടി ഇടപെടലിനും ചെലവിനുമൊക്കെ ഈ കോര്‍പറേറ്റ് ഗ്രൂപ്പ് തയ്യാറാവുന്നു. നരേന്ദ്രമോഡിയെ പ്രധാനമന്ത്രിയാക്കുന്നതിനു വേണ്ട സകല കാര്യങ്ങളിലും ആ ഗ്രൂപ്പ് ഇടപെട്ടു എന്നു ചുരുക്കം.

മോഡിയാണ് മാസങ്ങള്‍ നീണ്ട ഈ തെരഞ്ഞെടുപ്പ് പ്രചാരണകാലത്ത് വിമാനങ്ങളുടെയും ഹെലികോപ്റ്ററുകളുടെയും ഒരു നിരയെത്തന്നെ നിരന്തരം ഉപയോഗിച്ച് സകല സംസ്ഥാനങ്ങളിലും പോയി ബിജെപിക്കും എന്‍ഡിഎയ്ക്കുംവേണ്ടി പ്രചാരണം നടത്തിയത്. ലക്ഷക്കണക്കിന് കിലോമീറ്റര്‍ ദൂരമാണ് മാസങ്ങള്‍ നീണ്ട പ്രചാരണത്തിനിടെ അദ്ദേഹം താണ്ടിയത്. കോടിക്കണക്കിന് രൂപയാണ് അതിനായി ചെലവഴിക്കപ്പെട്ടത്. അദാനി എന്ന ഗുജറാത്തി കുത്തക മുതലാളിയുടെ വിമാനങ്ങളും ഹെലികോപ്റ്ററുകളുമാണ് ഇതിനായി ഉപയോഗിക്കപ്പെട്ടത്. ഗുജറാത്ത് മുഖ്യമന്ത്രിയായിരിക്കെ മോഡിസര്‍ക്കാര്‍ അധികാരം ഉപയോഗിച്ച് സര്‍ക്കാര്‍ വക ആയിരക്കണക്കിന് ഏക്കര്‍ ഭൂമി അദാനിക്ക് സൗജന്യമായി നല്‍കിയതായും പതിനായിരക്കണക്കിന് കോടി രൂപയുടെ ആനുകൂല്യങ്ങള്‍ വേറെ അനുവദിച്ചതായും വാര്‍ത്ത ഉണ്ടായിരുന്നു. കുറ്റം പറയരുതല്ലോ, അദാനിക്കു നല്‍കിയതിനേക്കാള്‍ കൂടുതല്‍ ഇത്തരം സൗജന്യങ്ങള്‍ അംബാനി കുടുംബത്തിനും ടാറ്റയ്ക്കും മോഡി നല്‍കിയിട്ടുണ്ട്. ആയിരക്കണക്കിന് കോടി രൂപയാണ് ഇത്തരത്തില്‍ രാഷ്ട്രീയ പാര്‍ടികള്‍ക്കായി കോര്‍പറേറ്റുകള്‍ സംഭാവനചെയ്തത്. ഇത്തവണ മുതലാളിമാരുടെ സഹായം തങ്ങള്‍ക്ക് കുറച്ചേ ലഭിച്ചുള്ളൂ, മോഡിക്കാണ് വന്‍തോതില്‍ ലഭിച്ചത് എന്ന് വോട്ടെടുപ്പെല്ലാം കഴിഞ്ഞശേഷം കോണ്‍ഗ്രസ് നേതാവ് ജയറാംരമേശ് പരാതിപറയുന്നത് കേട്ടു.

ഇതെല്ലാം കാണിക്കുന്നത് അടുത്ത അഞ്ചുവര്‍ഷത്തേക്ക് രാജ്യത്തിന്റെ ഭരണാധികാരികളെ തെരഞ്ഞെടുക്കുന്ന പ്രക്രിയ വന്‍കിട മുതലാളിമാര്‍ വന്‍തോതില്‍ മുതലിറക്ക് നടത്തുന്ന പരിപാടിയായി മാറിയിരിക്കുന്നു എന്നാണ്. നേരിട്ട് സംഭാവന നല്‍കുന്നതില്‍നിന്നും വിമാനവും മറ്റും ഏര്‍പ്പാട് ചെയ്തുകൊടുക്കുന്നതില്‍നിന്നും ഒക്കെ അപ്പുറത്ത് പരോക്ഷമായി വോട്ടര്‍മാരെ സ്വാധീനിക്കുന്ന മറ്റു പല നടപടികളിലേക്കും ഇത് വ്യാപിച്ചു. മോഡിയെ പ്രധാനമന്ത്രിസ്ഥാനാര്‍ഥിയായി ബിജെപി നേതൃത്വം പ്രഖ്യാപിക്കുന്നത് കഴിഞ്ഞ സെപ്തംബറിലാണ്. അക്കാലം മുതല്‍ ഇന്ത്യയിലെ ഓഹരിക്കമ്പോളത്തിലെ വിലകള്‍ തുടര്‍ച്ചയായി വര്‍ധിച്ചുവരികയാണ്. അന്ന് മുംബൈ സ്റ്റോക്ക് എക്സ്ചേഞ്ചിലെ വിലസൂചിക ഏതാണ്ട് 19,000 ആയിരുന്നു. വോട്ടെടുപ്പിന്റെ അവസാനഘട്ടം ആയപ്പോഴേക്ക് അത് 23,000 കടന്നു. മോഡി നയിക്കുന്ന ബിജെപിക്കും എന്‍ഡിഎയ്ക്കും ആണ് വിജയസാധ്യത എന്ന എക്സിറ്റ്പോള്‍ ഫലം വന്നപ്പോള്‍ സൂചിക പിന്നെയും 500ല്‍പരം കണ്ട് വര്‍ധിച്ചു. 25 ശതമാനത്തിലധികം വര്‍ധന. ഇത് താനേ വര്‍ധിച്ചതല്ല. വിദേശ മുതലാളിമാര്‍ ആയിരക്കണക്കിന് കോടി ഡോളര്‍ (പതിനായിരക്കണക്കിന് കോടി രൂപ) നിക്ഷേപിച്ചതിന്റെ ഫലമാണ് ഇതെന്ന് പലപ്പോഴായി വാര്‍ത്ത വന്നിട്ടുണ്ട്.

ഏറ്റവും ഒടുവില്‍ കണ്ട വാര്‍ത്ത ഒരു ഇന്ത്യക്കാരന്‍മാത്രം അവസാനഘട്ടത്തില്‍ 2000 കോടി രൂപയിലേറെ ഇതിനായി രഹസ്യമായി നിക്ഷേപിച്ചതായി ഓഹരിക്കമ്പോളത്തെ നിയന്ത്രിക്കുന്ന "സെബി" എന്ന സ്ഥാപനം കണ്ടെത്തി എന്നതാണ്. ഈ അഭ്യാസമെല്ലാം ബിജെപി ജയിച്ച് അധികാരത്തില്‍ എത്തിയാല്‍ സാമ്പത്തികരംഗമാകെ തിളങ്ങും എന്ന പ്രതീതി വോട്ടര്‍മാര്‍ക്കിടയില്‍ ഉണ്ടാക്കാനാണ് ചെയ്തത് എന്ന് വെളിവാകുന്നു. ഓഹരിവിലയ്ക്ക് നിത്യോപയോഗ സാധനങ്ങളുടെയോ തൊഴിലിന്റെയോ ലഭ്യതയും വിലയുമായി ഒരു ബന്ധവുമില്ല എന്ന കാര്യം പലര്‍ക്കും അറിയില്ല. ഓഹരിവില കയറിയാല്‍ എല്ലാം പരമസുഖം എന്നും അത് ഇടിഞ്ഞാല്‍ എല്ലാം തകര്‍ന്നു എന്നുമാണ് മാധ്യമങ്ങള്‍ സാധാരണ പറഞ്ഞുപരത്താറുള്ളത്.

വേറെ വിചിത്രമായ ഒരു റിപ്പോര്‍ട്ടു കണ്ടത് ഗൂഗിള്‍പോലുള്ള ഐടി സംവിധാനങ്ങളെ ഒരു നിയോജകമണ്ഡലത്തില്‍ ഏത് സ്ഥാനാര്‍ഥിയാണ് ഏറ്റവും അഭിലഷണീയന്‍ എന്ന് തീരുമാനിക്കാന്‍ വോട്ടര്‍മാരെ സ്ഥാപിത താല്‍പ്പര്യത്തോടെ ഉപയോഗിക്കാന്‍ കഴിയുന്നതു സംബന്ധിച്ചാണ്. ഈ തെരഞ്ഞെടുപ്പില്‍ ഫെയ്സ്ബുക്കും ട്വിറ്ററും മറ്റും വ്യാപകമായി മോഡിപക്ഷം ഉപയോഗിച്ചതിനെയും അക്കാര്യത്തില്‍ കോണ്‍ഗ്രസ് ഉദാസീനത കാണിച്ചതിനെയുംകുറിച്ച് വാര്‍ത്തകള്‍ വന്നിരുന്നു. ഐടിയിലെ "നെറ്റി"നെ വിപുലമായി ഉപയോഗിക്കുന്നവരും രാഷ്ട്രീയ ബോധത്തിന്റെ കാര്യത്തില്‍ പിന്നോക്കം നില്‍ക്കുന്നവരുമായ ചെറുപ്പക്കാരെ സ്വാധീനിക്കാന്‍ ഈ സംവിധാനത്തെ വിപുലമായി ഉപയോഗിക്കാന്‍ കഴിയും എന്നാണ് വാര്‍ത്ത. ഏതെങ്കിലും പാര്‍ടി അങ്ങനെ എത്രത്തോളം ഉപയോഗിച്ചു അവരുടെ സ്ഥാനാര്‍ഥികള്‍ക്കായി എന്നത് സംബന്ധിച്ച് വ്യക്തമായ വിവരമൊന്നും ഇപ്പോഴില്ല. വന്‍കിടക്കാര്‍ക്ക് എളുപ്പത്തില്‍ ഉപയോഗിക്കാന്‍ കഴിയുന്ന ഇത്തരം സംവിധാനങ്ങളുടെ പട്ടിക നീളുന്നു. എല്ലാം ഇവിടെ വിവരിക്കുന്നില്ല. പക്ഷേ, ഇന്റര്‍നെറ്റ് പോലുള്ള ചില സംവിധാനങ്ങളെ ഏത് രാഷ്ട്രീയക്കാര്‍ക്കും വലിയ ചെലവില്ലാതെ ഉപയോഗിക്കാന്‍ കഴിയും. വോട്ടര്‍മാരില്‍ എത്ര ശതമാനം, ഏത് വിഭാഗത്തില്‍പെട്ടവര്‍, ഇത്തരം സംവിധാനം വഴിയുള്ള പ്രചാരണത്തിന് വിധേയരാകും എന്നതാണ് നമ്മുടേതുപോലുള്ള വികസ്വര രാജ്യത്തെ ചോദ്യം. ജനങ്ങളില്‍ 37 കോടിയില്‍പ്പരം നിരക്ഷരരാണ് ഇപ്പോഴും എന്ന വസ്തുതകൂടി ഓര്‍ക്കേണ്ടതുണ്ട്.

നാട്ടിലാകെ നടക്കുന്ന വിശദമായ അഭിപ്രായപ്രകടനങ്ങളും വാദപ്രതിവാദങ്ങളും വോട്ടര്‍മാര്‍ ആര്‍ക്ക് വോട്ട് ചെയ്യണം എന്നു തീരുമാനിക്കാന്‍ സഹായകമാകണം. അതാണ് തെരഞ്ഞെടുപ്പ് പ്രചാരണംകൊണ്ട് യഥാര്‍ഥത്തിലുള്ള ഉദ്ദേശ്യം. എന്നാല്‍, ഏതെങ്കിലും ഒരു പാര്‍ടിക്കോ സ്ഥാനാര്‍ഥിക്കോ വോട്ടുചെയ്യാന്‍ വോട്ടറെ തെറ്റിദ്ധരിപ്പിച്ചും ഭീഷണിപ്പെടുത്തിയും സ്വാധീനിക്കാനുള്ള അവസരമായി ഇവിടെ തെരഞ്ഞെടുപ്പ് പ്രചാരണം അടുത്തകാലത്ത് മാറിയിട്ടുണ്ട്. അതിന്റെ കുറെക്കൂടി വഷളായ രൂപമാണ് ഈ തെരഞ്ഞെടുപ്പില്‍ ദൃശ്യമായത്. ജനാധിപത്യ വ്യവസ്ഥയില്‍ വോട്ടര്‍ ഏറ്റവും വിവേകത്തോടെ വിനിയോഗിക്കേണ്ട ഒന്നാണ് വോട്ടവകാശം. എന്നാല്‍, എങ്ങനെ വോട്ടറെ വഴിതെറ്റിച്ച് വോട്ട് ചെയ്യിക്കാം എന്നതിനുള്ള തയ്യാറെടുപ്പുകാലമായി പ്രചാരണകാലം ഇവിടെ മാറി. പുതിയ സര്‍ക്കാര്‍ എന്തുചെയ്യാന്‍ ഉദ്ദേശിക്കുന്നു എന്നാണ് ഓരോ പാര്‍ടിയും ജനങ്ങളോട് പറയേണ്ടത്. തങ്ങള്‍ എന്താണ് സ്ഥാനാര്‍ഥികളില്‍നിന്ന് പ്രതീക്ഷിക്കുന്നത് എന്നാണ് വോട്ടര്‍മാര്‍ അവരോട് പറയേണ്ടത്. എന്നാല്‍, ഇത്തരത്തിലുള്ള ആരോഗ്യകരമായ ആദാനപ്രദാനം നടത്തുന്നതിനെ പരമാവധി തടയുകയാണ് അധികാരമോഹംമൂത്ത രാഷ്ട്രീയ നേതാക്കളും അവരുടെ പാര്‍ടികളും അവരെ തങ്ങളുടെ കടിഞ്ഞാണിന്‍ കീഴിലാക്കാന്‍ ശ്രമിക്കുന്ന കോര്‍പറേറ്റുകളും മുതലാളിമാരും നടത്തുന്ന മേല്‍വിവരിച്ച രൂപത്തിലുള്ള ഇടപെടലുകള്‍വഴി ചെയ്യുന്നത്.

ഇത്തരം നീക്കങ്ങളുടെ ഫലമായി രാജ്യം മൊത്തത്തിലെടുത്താല്‍ തെരഞ്ഞെടുപ്പ് പ്രക്രിയ ഉദ്ദേശിക്കപ്പെട്ട രീതിയില്‍ സ്വതന്ത്രമോ നീതിപൂര്‍വമോ അല്ലാതായി. അതിനാല്‍ തെരഞ്ഞെടുപ്പില്‍ ജയിച്ച് അധികാരത്തില്‍ വരുന്നത് ജനങ്ങളോട് പ്രതിബദ്ധതയുള്ള പാര്‍ടികളല്ല, പണച്ചാക്കുകളോട് വിധേയരായവരാണ്.

*
സി പി നാരായണന്‍ ദേശാഭിമാനി

പോരായ്മകള്‍ മറികടക്കണം

പതിനാറാം ലോക്സഭയില്‍ ബിജെപി തനിച്ച് ഭൂരിപക്ഷം നേടി വിജയിച്ചിരിക്കയാണ്. 1984ല്‍ ഇന്ദിര ഗാന്ധിയുടെ വധത്തിനുപിന്നാലെയുണ്ടായ സഹതാപതരംഗത്തില്‍ രാജീവ് ഗാന്ധിയുടെ നേതൃത്വത്തില്‍ കോണ്‍ഗ്രസ് 542ല്‍ 404 സീറ്റ് നേടി വിജയിച്ച് 30 വര്‍ഷത്തിനുശേഷം ആദ്യമായാണ് ഒരു പാര്‍ടിക്ക് ഒറ്റയ്ക്ക് ഭൂരിപക്ഷം ലഭിക്കുന്നത്.

തങ്ങളുടെ ജീവിതത്തിനുനേരെയുള്ള തുടര്‍ച്ചയായ കടന്നാക്രമണങ്ങളില്‍നിന്ന് ആശ്വാസമേകുന്ന ഒരു സര്‍ക്കാരിനെയാണ് രാജ്യത്തെ എല്ലാ ജനങ്ങളും ഉറ്റുനോക്കിയിരുന്നത്. ഒരു വശത്ത് നിരന്തരമായ വിലക്കയറ്റം, സാമ്പത്തികമാന്ദ്യം, അതിനെത്തുടര്‍ന്നുണ്ടായ തൊഴിലില്ലായ്മ. മറുവശത്ത് ജനങ്ങളുടെ വിഭവങ്ങള്‍ കൊള്ളയടിക്കുന്നതിലേക്ക് നയിച്ച വന്‍കിട കുംഭകോണം. ഇവയിലൂടെയെല്ലാം അഭൂതപൂര്‍വമായ സാമ്പത്തികഭാരം ജനങ്ങളില്‍ അടിച്ചേല്‍പ്പിച്ചതിന്റെ ചരിത്രമായിരുന്നു കോണ്‍ഗ്രസ് നയിച്ച യുപിഎ സര്‍ക്കാരിനുണ്ടായിരുന്നത്, പ്രത്യേകിച്ചും കഴിഞ്ഞ രണ്ടുവര്‍ഷങ്ങളില്‍. ജനങ്ങള്‍ക്ക് അതിനോടുള്ള അസംതൃപ്തി ഫലപ്രദമായി ചൂഷണംചെയ്താണ് ബിജെപി തെരഞ്ഞെടുപ്പു വിജയം നേടിയത്.

മുമ്പെങ്ങും കാണാനാകാത്തവിധം പണമെറിഞ്ഞും മാധ്യമങ്ങളിലൂടെ വ്യാജപ്രചാരണം നടത്തിയും ബിജെപി ഫലപ്രദമായ പ്രചാരണം നടത്തിയത് ഈ പശ്ചാത്തലത്തിലാണ്. ഹിന്ദുത്വ അജന്‍ഡയും വികസന വാഗ്ദാനവും സദ്ഭരണവും ഒരുമിച്ച് അവതരിപ്പിച്ച് നരേന്ദ്രമോഡിയെ പ്രധാനമന്ത്രിസ്ഥാനാര്‍ഥിയായി അവതരിപ്പിക്കുന്നതില്‍ ബിജെപി വിജയിച്ചു. ഒന്നാമതായി, 2002ലെ ഗുജറാത്ത് വംശഹത്യക്കുശേഷം ഹിന്ദുത്വ വര്‍ഗീയ രാഷ്ട്രീയത്തിന്റെ ഭാഗ്യചിഹ്നമാണ് മോഡി. മോഡിയെ പ്രധാനമന്ത്രിസ്ഥാനാര്‍ഥിയായി ഉയര്‍ത്തിക്കാണിക്കുന്നതുതന്നെ ധാരാളമാണെന്നും അനാവശ്യമായ മറ്റൊരു പൊതുപ്രചാരണത്തില്‍ ആശ്രയിക്കേണ്ടതില്ലെന്നും ആര്‍എസ്എസും ബിജെപിയും മനസ്സിലാക്കി. ബിജെപി പ്രചാരണത്തിന്റെ ശക്തിമത്തായ അടിയൊഴുക്കായി ഇത് തുടര്‍ന്നു.

വിപുലമായ ഒരു ജനവിഭാഗത്തെ ലക്ഷ്യംവച്ച് നടത്തിയ രണ്ടാമത്തെ ശ്രമം മുന്‍ പരീക്ഷണങ്ങള്‍ ചൂണ്ടിക്കാട്ടി ഹിന്ദുത്വശക്തികളുടെ അഭ്യര്‍ഥന ഇതുവരെ ഫലം കണ്ടില്ലെന്ന പ്രചാരണമായിരുന്നു. ഗുജറാത്തിലെ വികസനമെന്ന മിഥ്യഉയര്‍ത്തിക്കൊണ്ടുവരാനും മോഡി പ്രധാനമന്ത്രിയായാല്‍ മാത്രമേ ആ മാതൃക ഇന്ത്യയിലാകെ നടപ്പാക്കാനാകൂ എന്നുമുള്ള ചര്‍ച്ച ഉയര്‍ത്തിക്കൊണ്ടുവരുന്നതില്‍ ബിജെപി വിജയിച്ചു. പാലും തേനുമൊഴുകുന്ന സ്വപ്നരാജ്യമായാണ് ഗുജറാത്തിനെ അവതരിപ്പിച്ചത്. വാഷിങ്ടണ്‍ പോസ്റ്റ് പ്രതിനിധി രമ ലക്ഷ്മി മേക്കിങ് ഓഫ് ദ മോഡി മിതോളജിയില്‍ പറയുന്നപോലെ മോഡിയുടെ പ്രചാരണ മാനേജര്‍മാര്‍ക്ക് ഒരു തുണ്ട് ഭൂമിക്കും അതിലെ ആരാധനാമൂര്‍ത്തിക്കും ചുറ്റും ജനങ്ങളെ അണിനിരത്താന്‍ ഫലപ്രദമായി കഴിഞ്ഞു. ആ ഭൂമിയും ആരാധനാമൂര്‍ത്തിയും അയോധ്യയും രാമനുമല്ല, മറിച്ച് ഗുജറാത്തും നരേന്ദ്രമോഡിയുമാണ്. നരേന്ദ്രമോഡി എന്ന അത്ഭുതകരവും അക്ഷീണവുമായ കാല്‍പ്പനിക മിത്തിനെ ഉയര്‍ത്തിക്കാട്ടി വോട്ടര്‍മാരുടെ മനസ്സില്‍ വൈദ്യുതി, റോഡ്, വെള്ളം എന്നിങ്ങനെയുള്ള ജനകീയ ആവശ്യങ്ങള്‍ പരിഹരിക്കപ്പെട്ടതായി ഇതിഹാസകഥയിലെന്നപോലെ പ്രചരിപ്പിച്ചു. ഭൂമിയിലെ സ്വര്‍ഗമായ ഗുജറാത്ത് തൊഴിലുകൊണ്ടും വൈദ്യുതികൊണ്ടും കര്‍ഷക സമൃദ്ധികൊണ്ടും ലോകത്തെ ഏത് റോഡുമായും കിടപിടിക്കാവുന്ന നല്ല റോഡുകള്‍കൊണ്ടും സമ്പന്നമാണ്. ഈ നാട്ടില്‍ പകര്‍ച്ചവ്യാധിയോ അഴിമതിയോ ഇല്ല- എന്നൊക്കെയാണ് പ്രചരിക്കപ്പെട്ടത്.

അതേസമയം, കോണ്‍ഗ്രസ് പ്രചാരണമാകട്ടെ, ഈ മിത്തിന്റെ നിര്‍മിതിയെ വെല്ലുവിളിക്കുന്നതില്‍ ദയനീയമായി പരാജയപ്പെട്ടു. സ്ഥിതിവിവരക്കണക്കുകൊണ്ട് കളിച്ച് ഗുജറാത്ത് വികസനമാതൃകയെ തുറന്നുകാട്ടാന്‍ കോണ്‍ഗ്രസ് ശ്രമിച്ചെങ്കിലും കോണ്‍ഗ്രസിന്റെ ഇതുവരെയുള്ള ചരിത്രം ആ വാദങ്ങളുടെ വിശ്വാസ്യത പൊളിച്ചടുക്കി. മാത്രമല്ല, പ്രവര്‍ത്തകരെ ആവേശംകൊള്ളിക്കുന്നതില്‍ പരാജയപ്പെട്ട കോണ്‍ഗ്രസ് നേതൃത്വമാകട്ടെ, ഭരണഘടനാദത്തമായ അവകാശങ്ങളുടെ തുടര്‍ച്ചയായ വിദ്യാഭ്യാസ അവകാശനിയമം, അറിയാനുള്ള അവകാശനിയമം, ഗ്രാമീണ തൊഴിലുറപ്പു നിയമം, ആദിവാസികളുടെ വനാവകാശനിയമം തുടങ്ങിയ വിഷയങ്ങളില്‍ ആശയവിനിമയം നടത്താനുമായില്ല. ഇടതുപക്ഷ പാര്‍ടികളുടെ സ്വാധീനത്തില്‍ ഒന്നാം യുപിഎ സര്‍ക്കാരാണ് ഈ വിഷയങ്ങളില്‍ നടപടികള്‍ സ്വീകരിച്ചത്. ഈ നിയമനിര്‍മാണങ്ങളുടെ നിര്‍വഹണച്ചുമതല രണ്ടാം യുപിഎ സര്‍ക്കാരിനുമുണ്ടായിരുന്നു. ഈ നടപടികളുടെ ഖ്യാതി&ാറമവെ;ഇടതുപക്ഷത്തിന് നല്‍കാന്‍ വൈമുഖ്യമുള്ള കോണ്‍ഗ്രസിന്  അതുപക്ഷേ സ്വന്തമായി അവകാശപ്പെടാമായിരുന്നു. ഇടതുപക്ഷ പാര്‍ടികളുടെ നിര്‍ബന്ധബുദ്ധി ഇല്ലായിരുന്നെങ്കില്‍ ഇത്തരം നിയമങ്ങള്‍ വെളിച്ചം കാണില്ലായിരുന്നുവെന്ന സത്യമാണ് ഇതില്‍നിന്ന് ഒരിക്കല്‍ക്കൂടി വ്യക്തമാകുന്നത്.

ഇന്ത്യന്‍ പാര്‍ലമെന്ററി ജനാധിപത്യത്തിന്റെ ഭാവിയെക്കുറിച്ചുള്ള ആഴത്തിലുള്ള ചിന്തയ്ക്കും&ാറമവെ;ഈ തെരഞ്ഞെടുപ്പ് വഴിവയ്ക്കുന്നുണ്ട്. ഈ തെരഞ്ഞെടുപ്പിന് ഒഴുക്കിയ പണം ഇന്ത്യന്‍ ചരിത്രത്തിലെങ്ങുമില്ലാത്തത്ര അളവിലായിരുന്നു. ബിജെപി പ്രചാരണത്തെ ഇവന്റ് മാനേജ്മെന്റ് പരിപാടികളുടെ തലത്തിലേക്ക് എത്തിച്ചതിനു പിന്നില്‍ ഈ പണമായിരുന്നു. ഇത്തരം ധനാഗമ മാര്‍ഗങ്ങള്‍ നൈതികതയില്ലാത്ത മറ്റു വഴികളിലും പ്രയോഗിച്ചു. വോട്ടര്‍മാരെ സ്വാധീനിക്കാന്‍ പണമെറിയുന്ന രീതി മറ്റു പാര്‍ടികളും അവലംബിച്ചു. ഇതുവരെയില്ലാത്തവിധം വന്‍ കറന്‍സിശേഖരവും മദ്യവും മറ്റുമാണ് തെരഞ്ഞെടുപ്പു കമീഷന്‍ തെരഞ്ഞെടുപ്പു പ്രചാരണ സമയത്ത് പിടിച്ചെടുത്തത്.

ഇതുകൂടാതെ, രാഷ്ട്രീയപ്രചാരണായുധമായി ഭീകരതയും ഭീഷണിയും വ്യാപകമായി പ്രയോഗിക്കപ്പെട്ടത് പശ്ചിമ ബംഗാള്‍പോലുള്ള സംസ്ഥാനങ്ങളില്‍ കണ്ടു. ഇതിന്റെ തുടര്‍ച്ചയായാണ് ഇടതുപക്ഷ പാര്‍ടികളെ ലക്ഷ്യമിട്ടുള്ള അതിക്രമവും ബൂത്തുപിടിത്തവും മറ്റും നടന്നത്. തെരഞ്ഞെടുപ്പു കമീഷന് നിരവധി പരാതികള്‍ നല്‍കിയിട്ടും അക്രമങ്ങള്‍ക്കും മറ്റും ഒരറുതിയും ഉണ്ടായില്ല. വിലക്കയറ്റം സൃഷ്ടിച്ച സാമ്പത്തിക ദുരിതങ്ങള്‍ക്കും,&ാറമവെ;വന്‍കിട അഴിമതികള്‍ക്കുമെതിരെ വന്‍ ജനമുന്നേറ്റമുണ്ടായിട്ടും അതൊന്നും തെരഞ്ഞെടുപ്പു നേട്ടമായി മാറ്റിയെടുക്കാന്‍ ഇടതുപക്ഷത്തിന് കഴിഞ്ഞില്ല. ഇടതുപക്ഷം ത്രിപുരയില്‍ വന്‍ വിജയം നേടി സീറ്റുകള്‍ നിലനിര്‍ത്തുമ്പോഴും കേരളത്തിലും മികച്ച നേട്ടങ്ങള്‍ കൈവരിക്കുമ്പോഴും,&ാറമവെ;ദൗര്‍ബല്യങ്ങള്‍ കണ്ടെത്തുകയും അവ മറികടക്കുകയും ചെയ്യേണ്ടതിലേക്കാണ് ഈ തെരഞ്ഞെടുപ്പ് വിരല്‍ചൂണ്ടുന്നത്.

*
സീതാറാം യെച്ചൂരി ദേശാഭിമാനി

മന്‍മോഹന്റെ അനുഭവം ഉമ്മന്‍ചാണ്ടിക്കും ബാധകം

നവലിബറല്‍ നയങ്ങള്‍ പത്തുകൊല്ലം ആവേശത്തോടെ നടപ്പാക്കിയതിന്റെ ഫലമാണ് യുപിഎ ഭരണത്തിന്റെ താരതമ്യമില്ലാത്ത തകര്‍ച്ച. അതേയുപിഎയുടെ കേരളപ്പതിപ്പായ യുഡിഎഫ് സര്‍ക്കാര്‍ ആ തകര്‍ച്ചയുടെ കാരണങ്ങള്‍ കാണുന്നതേയില്ല. രാജ്യത്താകെ കോണ്‍ഗ്രസ് തകര്‍ന്നടിഞ്ഞപ്പോള്‍ കേരളത്തില്‍ പിടിച്ചുനില്‍ക്കാനായത് ഉമ്മന്‍ചാണ്ടിയില്‍ ആശ്വാസമല്ല, ജനവിരുദ്ധനയങ്ങളില്‍ മുറുകെപ്പിടിക്കാനുള്ള ആക്രാന്തമാണ് സൃഷ്ടിക്കുന്നത്. നയങ്ങളുടെ മാഹാത്മ്യംകൊണ്ടല്ല, നെറികെട്ട രാഷ്ട്രീയദുരാചാരങ്ങളുടെ ബലത്തിലാണ് തെരഞ്ഞെടുപ്പില്‍ കഷ്ടിച്ച് പിടിച്ചുനില്‍ക്കാനായത് എന്ന യാഥാര്‍ഥ്യം മറന്ന്, ജനങ്ങളെ വെല്ലുവിളിക്കാനാണ് ഉമ്മന്‍ചാണ്ടി മുതിരുന്നത്. ആരോഗ്യവും വിദ്യാഭ്യാസവും കുടിവെള്ളവും ഉള്‍പ്പെടെ സര്‍ക്കാര്‍സേവനങ്ങളെല്ലാം സ്വകാര്യവല്‍ക്കരിക്കാനുള്ള നീക്കം അതിന് തെളിവാണ്.

പൊതുജനങ്ങള്‍ക്ക് സേവനം നല്‍കാന്‍ ബാധ്യസ്ഥമായ 22 വകുപ്പുകളുടെ പ്രവര്‍ത്തനം സ്വകാര്യവല്‍ക്കരിക്കാനുള്ള ആസൂത്രണവുമായി സര്‍ക്കാര്‍ മുന്നോട്ടുപോവുകയാണ്. പൊതുജനങ്ങള്‍ക്ക് ലഭിക്കുന്ന സേവനങ്ങള്‍ക്കും സാധനങ്ങള്‍ക്കും വില ഈടാക്കണമെന്നാണ് സര്‍ക്കാര്‍ പറയുന്നത്. ബസ്ചാര്‍ജ് വര്‍ധനയും വൈദ്യുതി താരിഫ് വര്‍ധനയുമെല്ലാം ജനങ്ങളെ ആക്രമിച്ചുകൊണ്ടിരിക്കെയാണ്, സര്‍ക്കാരിനെത്തന്നെ കച്ചവടസ്ഥാപനമാക്കി മാറ്റുന്ന പരിഷ്കരണങ്ങള്‍ കൊണ്ടുവരുന്നത്. കുടിവെള്ളത്തിന് വില കുതിച്ചുയരുന്നതും നാടാകെ ടോള്‍ പിരിവുബൂത്തുകള്‍ സ്ഥാപിക്കുന്നതുമാണ് ഈ നയം. വിഷന്‍ 676ന്റെ പേരില്‍ സര്‍ക്കാര്‍ നടത്തുന്ന പുതിയ പ്രഖ്യാപനങ്ങളാകെ ഇതിന്റെ ചുവടുപിടിച്ചാണ്. കുടിവെള്ളം സ്വകാര്യവല്‍ക്കരിക്കാനും നദികളും പുഴകളും കുത്തകകള്‍ക്ക് തീറെഴുതാനും കേരളത്തിലും നീക്കം തുടങ്ങിയത് ഉമ്മന്‍ചാണ്ടി ആദ്യമായി മുഖ്യമന്ത്രി ആയപ്പോഴാണ്. ആ നീക്കം വിജയിച്ചില്ല. ഇപ്പോള്‍ ഉമ്മന്‍ചാണ്ടി അക്കാര്യവും ഉറപ്പിക്കുകയാണ്. കുടിവെള്ളം സ്വകാര്യവല്‍ക്കരിക്കാനുള്ള സര്‍ക്കാര്‍ ഉത്തരവിന്റെ അകമ്പടിയോടെയാണ് എമെര്‍ജിങ് കേരള- 2012 അവസാനിച്ചത്്. കുടിവെള്ളം വില്‍ക്കാന്‍ കമ്പനി രൂപീകരിച്ച് 26 ശതമാനം ഓഹരി സര്‍ക്കാരില്‍ നിക്ഷിപ്തമാക്കിയശേഷം ബാക്കി സ്വകാര്യവ്യക്തികള്‍ക്കോ അര്‍ധസര്‍ക്കാര്‍ സ്ഥാപനങ്ങള്‍ക്കോ രണ്ടിനുംകൂടിയോ നല്‍കുന്ന മാതൃകയാണിത്. ഇപ്പോള്‍ കുടിവെള്ളവിതരണത്തിന് സര്‍ക്കാര്‍ സബ്സിഡി നല്‍കുന്നുണ്ട്. സ്വകാര്യകമ്പനി വന്നാല്‍ നഷ്ടംസഹിച്ച് താഴ്ന്നവിലയ്ക്ക് കുടിവെള്ളം നല്‍കാനാകില്ല. കുടിവെള്ളചാര്‍ജ് കുത്തനെ ഉയര്‍ത്തും. ""വെള്ളത്തിന്റെ വില താഴ്ന്നതുകൊണ്ടാണ് ദുരുപയോഗം ചെയ്യപ്പെടുന്നത്; വില ഗണ്യമായി ഉയര്‍ത്തിയാല്‍ ആവശ്യത്തിനേ ചെലവാക്കൂ; പാവപ്പെട്ടവര്‍ ആവശ്യം ചുരുക്കി വരുമാനത്തിനുള്ളില്‍നിന്ന് ജീവിക്കാന്‍ പഠിക്കും."" എന്ന മന്‍മോഹന്‍ നയമാണ് നടപ്പാക്കുന്നത്.

സര്‍ക്കാര്‍നിയന്ത്രണത്തിലുള്ള പൊതുമേഖലാ സ്ഥാപനമാണ് കെഎസ്ആര്‍ടിസി. ട്രെയിന്‍യാത്രയും ബസ്യാത്രയുമൊന്നും ജനങ്ങള്‍ക്ക് ഒഴിവാക്കാന്‍ കഴിയുന്നതല്ല. നിത്യജീവിതത്തിന്റെ ഭാഗമാണ്. ബസില്‍ സഞ്ചരിക്കുന്ന ഭൂരിപക്ഷം യാത്രക്കാരും സാധാരണക്കാരാണ്. അവരുടെ യാത്രാസൗകര്യം നിഷേധിക്കുന്നതും വെട്ടിച്ചുരുക്കുന്നതും ജനദ്രോഹമാണ്. കെഎസ്ആര്‍ടിസിക്ക് ഡീസല്‍ സബ്സിഡി നിഷേധിച്ച് മന്‍മോഹന്‍സര്‍ക്കാര്‍ കടുത്ത ജനദ്രോഹമാണ് ചെയ്തത്. ആ സ്ഥാപനത്തെ പ്രതിസന്ധിയില്‍നിന്ന് കരകയറ്റാനുള്ള ചെറുവിരലനക്കംപോലും നടത്താതെ, യാത്രക്കാരില്‍ ഭാരം കയറ്റിവച്ച് സ്വന്തം കടമയില്‍നിന്ന് മാറിനില്‍ക്കുകയാണ് സര്‍ക്കാര്‍.

വൈദ്യുതി ബോര്‍ഡിന്റെ പ്രവര്‍ത്തനങ്ങള്‍ താറുമാറാക്കി സ്വകാര്യവല്‍ക്കരണം ആവശ്യമാണെന്ന് ജനങ്ങളെക്കൊണ്ട് പറയിപ്പിക്കാനുള്ള ശ്രമമാണ് നടക്കുന്നത്. സമ്പൂര്‍ണ വൈദ്യുതീകരണവും സൗജന്യകണക്ഷനുകളും നിര്‍ത്തി. എല്‍ഡിഎഫ് ഭരണകാലത്ത് 85 മണ്ഡലങ്ങളില്‍ സമ്പൂര്‍ണ വൈദ്യുതീകരണം നടന്നുവെങ്കില്‍, ഈ സര്‍ക്കാരിന്റെ കാലത്ത് ഒരിടത്തുമാത്രമാണ് ആ ലക്ഷ്യം കൈവരിച്ചത്. ഉപയോക്താക്കളുടെ വര്‍ധനയ്ക്കനുസരിച്ച് തസ്തികകള്‍ സൃഷ്ടിക്കുന്നില്ല. വിരമിക്കുന്നവര്‍ക്കുപകരം നിയമനവും നടക്കുന്നില്ല. ജീവനക്കാരുടെ കുറവും സാധനസാമഗ്രികളുടെ ലഭ്യതയില്ലായ്മയും എല്ലാംചേര്‍ന്ന് ഉപഭോക്തൃസേവനം താറുമാറാക്കി. അങ്ങനെ കഴിവുകേട് തെളിയിച്ച് നില്‍ക്കുമ്പോഴാണ് അമിതമായ ചാര്‍ജ്വര്‍ധന കൊണ്ടുവരുന്നത്. ചീമേനി തെര്‍മല്‍ പവര്‍ പ്ലാന്റ്, കണ്ണൂര്‍ വിമാനത്താവളം, വിഴിഞ്ഞം തുറമുഖം, കൊച്ചിന്‍- കോയമ്പത്തൂര്‍ വ്യവസായ ഇടനാഴി തുടങ്ങി കഴിഞ്ഞ സര്‍ക്കാര്‍ ആവിഷ്കരിച്ച ഒരു പദ്ധതിയും മുന്നോട്ടുനീങ്ങിയിട്ടില്ല. ഇടയ്ക്കിടെ മന്ത്രിപ്പട ഡല്‍ഹിയില്‍ പോയി പ്രധാനമന്ത്രിയെ കണ്ട് പ്രഖ്യാപനങ്ങള്‍ നടത്തിയതൊഴിച്ചാല്‍, ഒന്നും പ്രാവര്‍ത്തികമായില്ല.

കേന്ദ്രസര്‍ക്കാരിന്റെ പൊതുമേഖലാ നിക്ഷേപം വര്‍ധിപ്പിക്കുന്നതിനുള്ള നടപടി ഉണ്ടായില്ല. കേരളത്തില്‍ കേന്ദ്രത്തിന്റെ വികസനപദ്ധതികള്‍ കൊണ്ടുവരുന്ന കാര്യത്തില്‍ തികഞ്ഞ അലംഭാവമാണ് ഉണ്ടാകുന്നതെന്ന് കേന്ദ്ര പ്രതിരോധമന്ത്രിയായിരിക്കെ എ കെ ആന്റണിതന്നെ പരസ്യമായി പ്രഖ്യാപിച്ച അനുഭവമുണ്ട്. ഇനി കേന്ദ്രത്തില്‍ എന്‍ഡിഎ സര്‍ക്കാരാണ്. കേരളത്തില്‍നിന്ന് പോയ എട്ട് കേന്ദ്രമന്ത്രിമാര്‍ അധികാരമൊഴിഞ്ഞ് തിരിച്ചെത്തി. കോണ്‍ഗ്രസ് രാജ്യവ്യാപകമായി തകര്‍ന്നു. എന്നിട്ടും ചുറ്റുമുള്ള യാഥാര്‍ഥ്യങ്ങള്‍ കാണാതെ ജനങ്ങളെ കൊള്ളയടിക്കാനുള്ള പദ്ധതികളാണ് ഉമ്മന്‍ചാണ്ടിയുടെ പണിപ്പുരയില്‍ ഒരുങ്ങുന്നത് എന്നത് ആശ്ചര്യംതന്നെ. എക്കാലത്തും വോട്ടുബാങ്കുകളുടെ ബലത്തില്‍ രക്ഷപ്പെടാമെന്ന അഹങ്കാരമെന്നല്ലാതെ ഇതിനെ മറ്റൊരു പേര് വിളിക്കാനാകില്ല. കേരളത്തിലെ ജനങ്ങള്‍ എന്തും സഹിക്കുന്നവരാണെന്ന തെറ്റായ ബോധമാണ് ഇതിനുപിന്നില്‍. യുപിഎ സര്‍ക്കാരിന് അത്തരം തെറ്റുകള്‍ ബോധ്യപ്പെടാന്‍ സഹതാപാര്‍ഹമായ അനുഭവം ഏറ്റുവാങ്ങേണ്ടിവന്നുവെങ്കില്‍, അതേവിധിതന്നെയാണ് യുഡിഎഫിനെയും കാത്തിരിക്കുന്നത് എന്നതില്‍ തെല്ലും സംശയം വേണ്ട. ജനവിരുദ്ധനയങ്ങളില്‍നിന്ന് പിന്മാറുക; അല്ലെങ്കില്‍ ജനരോഷം ഏറ്റുവാങ്ങുക എന്ന മാര്‍ഗമേ ഉമ്മന്‍ചാണ്ടിക്കുമുന്നിലുള്ളൂ.
*
ദേശാഭിമാനി മുഖപ്രസംഗം 21-05-2014

അരങ്ങുതകര്‍ത്താടുന്ന പെയ്ഡ് ന്യൂസ്

പതിനാറാം ലോക്സഭാ തെരഞ്ഞെടുപ്പില്‍ രാജ്യത്താകെ മൂവായിരം പെയ്ഡ് ന്യൂസ് കേസുകള്‍ റിപ്പോര്‍ട്ട് ചെയ്തു എന്നാണ് തെരഞ്ഞെടുപ്പ് കമീഷന്റെ കണക്ക്. അതില്‍ 790 എണ്ണം പ്രഥമദൃഷ്ട്യാ തെളിവുള്ളതാണെന്ന് കമീഷന്‍ സ്ഥിരീകരിച്ചിട്ടുണ്ട്. അക്കൂട്ടത്തില്‍ പ്രമുഖ നേതാക്കള്‍ ഉള്‍പ്പെട്ട കേസുകളുണ്ട്. യുപിഎ സര്‍ക്കാരിലെ മന്ത്രിമാരുടെയും മുതിര്‍ന്ന ബിജെപി നേതാക്കളുടെയും ചില പ്രാദേശിക കക്ഷിനേതാക്കളുടെയും പേരുകള്‍ ഇതുമായി ബന്ധപ്പെട്ട് പുറത്തുവന്നിട്ടുമുണ്ട്. പണംകൊടുത്ത് വാര്‍ത്ത നല്‍കി എന്ന് കണ്ടെത്തിയാല്‍ നടപടിയുണ്ടാകുമെന്നും അത്തരം സ്ഥാനാര്‍ഥികള്‍ വിജയിച്ചിട്ടുണ്ടെങ്കില്‍ അയോഗ്യരാക്കപ്പെടുമെന്നുമാണ് കമീഷന്‍ പറയുന്നത്. മുന്‍ മഹാരാഷ്ട്ര മുഖ്യമന്ത്രിയും "പെയ്ഡ് ന്യൂസ്" സങ്കല്‍പ്പത്തിന്റെ ഇന്ത്യയിലെ ഏറ്റവും വലിയ പ്രായോജകനുമായ അശോക് ചവാന്‍ സുപ്രീംകോടതിയെ സമീപിച്ച്, ഇതില്‍ തെരഞ്ഞെടുപ്പു കമീഷന്റെ ഇടപെടല്‍ വിലക്കാന്‍ ശ്രമിച്ചിരുന്നു. സുപ്രീംകോടതി ആ ഹര്‍ജി നിരസിച്ചു. തെരഞ്ഞെടുപ്പ് ചെലവു സംബന്ധിച്ച് തെറ്റായ റിപ്പോര്‍ട്ട് നല്‍കുന്ന സ്ഥാനാര്‍ഥികളെ അയോഗ്യരാക്കാന്‍ കമീഷന് അധികാരമുണ്ട് എന്നാണ് കോടതി വ്യക്തമാക്കിയത്. എന്നാല്‍, സ്വന്തം കീര്‍ത്തിക്കും എതിരാളിയുടെ അപകീര്‍ത്തിക്കും മാധ്യമങ്ങള്‍ക്ക് പണംകൊടുത്ത് വാര്‍ത്ത സൃഷ്ടിക്കുന്ന മ്ലേച്ഛമായ രീതിക്കെതിരെ മുന്നോട്ടുപോകാനുള്ള തടസ്സങ്ങള്‍ അതോടെ നീങ്ങിയില്ല.

പെയ്ഡ് ന്യൂസ് തെരഞ്ഞെടുപ്പു കുറ്റമാക്കുന്ന നിയമ ഭേദഗതി വേണമെന്ന് കമീഷന്‍ സര്‍ക്കാരിനോടാവശ്യപ്പെട്ടിട്ടുണ്ട്. ജനപ്രാതിനിധ്യ നിയമത്തില്‍ പഴുതടച്ചുള്ള ഭേദഗതി വന്നാല്‍മാത്രമേ, പണംകൊണ്ട് ജനവിധി വിലയ്ക്കെടുക്കുന്ന പെയ്ഡ് ന്യൂസ് തടയാന്‍ കഴിയൂ എന്നാണ് തെരഞ്ഞെടുപ്പ് കമീഷന്‍ പറയുന്നത്. ഇന്ത്യന്‍ ജനാധിപത്യത്തെ ബാധിച്ച മഹാരോഗമായി മാറിയ പെയ്ഡ് ന്യൂസ് സമ്പ്രദായം അവസാനിപ്പിക്കാന്‍ കോണ്‍ഗ്രസും ബിജെപിയും താല്‍പ്പര്യപ്പെടും എന്ന് കരുതാനാകില്ല. ആ രണ്ട് പാര്‍ടികളുമാണ് മാധ്യമങ്ങളെ വിലയ്ക്കെടുത്ത് സ്വന്തം പ്രചാരണം നടത്തുന്നത് എന്നതുതന്നെ കാരണം. 2014ലെ തെരഞ്ഞെടുപ്പ് പണത്തിന്റെ മഹോത്സവമായിരുന്നു. കേവലം 31 ശതമാനം വോട്ടുമാത്രം നേടിയിട്ടും മോഡിയും ബിജെപിയും മഹാതരംഗം സൃഷ്ടിച്ചു എന്ന പ്രതീതിയുണ്ടാക്കിയതും അവിശ്വസനീയമായ കൗശലങ്ങളിലൂടെ മോഡിക്ക് അമാനുഷപരിവേഷം നല്‍കിയതും പതിനായിരം കോടിയോളം ചെലവിട്ട പ്രചാരണ പാക്കേജിന്റെ ഫലമായാണ്. ഇരുകക്ഷികളെയും നയിക്കുന്നത് വമ്പന്‍ കോര്‍പറേറ്റുകളാണ്. അവയുടെ കൈയിലാണ് മാധ്യമ ഉടമസ്ഥത. കോര്‍പറേറ്റ് മാധ്യമങ്ങള്‍ സ്വമേധയാ വാര്‍ത്ത സൃഷ്ടിച്ച് തങ്ങളുടെ രാഷ്ട്രീയ മുഖങ്ങളെ മഹത്വവല്‍ക്കരിക്കുന്നതിനു പുറമെയാണ്, കക്ഷികളും നേതാക്കളും പണംകൊടുത്ത് ഇതര മാധ്യമങ്ങളെ വിലയ്ക്കെടുക്കുന്നത്.

1959ലെ വിമോചന സമരകാലത്ത് കേരളത്തിലിറങ്ങിയ മുപ്പതു പത്രങ്ങളില്‍ ഇരുപത്താറും കമ്യൂണിസ്റ്റ് പാര്‍ടിക്കെതിരായിരുന്നു എന്ന് ഇ എം എസ് രേഖപ്പെടുത്തിയിട്ടുണ്ട്. ഇന്നും കഥ വ്യത്യസ്തമല്ല. ഇടതുപക്ഷ പാര്‍ടികളുടെ മുഖപത്രങ്ങളൊഴിച്ച്, മാധ്യമ രംഗമാകെ വലതുപക്ഷ രാഷ്ട്രീയത്തിന് സേവചെയ്യുന്നു. മൊത്തം പത്രപ്രചാരത്തിന്റെ സിംഹഭാഗവും കൈയടക്കിവച്ച രണ്ട് പ്രമുഖ പത്രങ്ങളില്‍ (അവയിലൊന്നിന്റെ തലവന്‍ യുഡിഎഫ് സ്ഥാനാര്‍ഥിയുമായിരുന്നു) തെരഞ്ഞെടുപ്പുകാലത്ത് പ്രസിദ്ധീകരിച്ച വാര്‍ത്തകള്‍ വിശകലനംചെയ്താല്‍, വലതുപക്ഷത്തിനുവേണ്ടിയുള്ള മറയില്ലാത്ത വിടുപണിയാണ് കാണാനാവുക. പെയ്ഡ് ന്യൂസ് എളുപ്പം നിര്‍വചിച്ച് വേര്‍തിരിച്ചു കാണാവുന്ന പ്രതിഭാസമല്ല എന്നര്‍ഥം. ഈ പത്രങ്ങളുടെ തെരഞ്ഞെടുപ്പുകാലത്തെ മൊത്തം ചെലവ് യുഡിഎഫ് സ്ഥാനാര്‍ഥികളുടെ കണക്കില്‍ എഴുതേണ്ടിവരും. കേരളത്തില്‍ പെയ്ഡ് ന്യൂസ് ഇല്ല എന്ന ഏതാനും ശുദ്ധഗതിക്കാരുടെ വാദത്തിനുള്ള മറുപടിയാണ്, കഴിഞ്ഞ ദിവസം "ദേശാഭിമാനി" പുറത്തുവിട്ട ഒരു വാര്‍ത്ത. "ലോക്സഭാ തെരഞ്ഞെടുപ്പില്‍ അനുകൂല വാര്‍ത്ത നല്‍കുന്നതിന് പ്രതിഫലമായി മനോരമയ്ക്കും മാതൃഭൂമിക്കും മുന്‍കൂറായി പരസ്യനിരക്കിന്റെ മൂന്നിരട്ടിയിലധികം അനുവദിച്ചു" എന്ന വാര്‍ത്തയാണത്.

പബ്ലിക് റിലേഷന്‍സ് വകുപ്പ് നിശ്ചയിച്ച നിരക്കിനേക്കാള്‍ മൂന്നിരട്ടിയിലേറെ കണക്കാക്കിയാണ് ഈ രണ്ടു പത്രങ്ങള്‍ക്ക് കൂറ്റന്‍ പരസ്യം നല്‍കിയത്. മറ്റ് മുഴുവന്‍ പത്രങ്ങള്‍ക്കും പിആര്‍ഡി നിരക്ക് കണക്കാക്കി പരസ്യം നല്‍കിയപ്പോള്‍ മനോരമയ്ക്ക് അരക്കോടിയും മാതൃഭൂമിക്ക് മുപ്പത്തഞ്ചു ലക്ഷത്തോളം രൂപയും അധികമായി നല്‍കി എന്ന് വിവരാവകാശ നിയമപ്രകാരം ലഭ്യമായ രേഖകളെ ഉദ്ധരിച്ചാണ് ഞങ്ങള്‍ റിപ്പോര്‍ട്ട് ചെയ്തത്. സര്‍ക്കാര്‍ ഖജനാവില്‍നിന്ന് രണ്ടു പത്രങ്ങള്‍ക്ക് കോഴ എന്നുതന്നെയാണിതിനര്‍ഥം. അങ്ങനെ വഴിവിട്ട് കാശുവാങ്ങുന്നവര്‍, യുഡിഎഫിനെ വഴിവിട്ട് സഹായിക്കാനും ബാധ്യസ്ഥരാണ്. കേരളത്തില്‍ യുഡിഎഫ് വന്‍ വിജയം നേടുമെന്ന് ആവര്‍ത്തിച്ച് ഈ പത്രങ്ങള്‍ എഴുതിയതിനും എല്‍ഡിഎഫിനെ അപകീര്‍ത്തിപ്പെടുത്താന്‍ നിരന്തരം ശ്രമിച്ചതിനും പിന്നില്‍ പണമിടപാടുകള്‍ നടന്നു എന്ന് നിസ്സംശയം തെളിയിക്കുന്ന അനുഭവമാണിത്. സര്‍ക്കാര്‍ ഖജനാവില്‍നിന്നുപോലും പണം പ്രതിഫലംപറ്റിയാണ് ഈ മാധ്യമങ്ങള്‍ യുഡിഎഫ് സേവയും ഇടതുപക്ഷ വേട്ടയും നടത്തുന്നത്. പെയ്ഡ് ന്യൂസ് എന്ന വിപത്ത് കേരളത്തില്‍ എത്രമാത്രം വേരോടിയിട്ടുണ്ട് എന്ന അന്വേഷണത്തിലേക്കുള്ള ചൂണ്ടുവിരല്‍മാത്രമാണിത്. വലതുപക്ഷത്തില്‍നിന്ന് പ്രതിഫലം കണക്കുപറഞ്ഞു വാങ്ങി ഈ മാധ്യമങ്ങള്‍ ഇടതുപക്ഷത്തെ വളഞ്ഞിട്ടാക്രമിക്കുന്നു; കൃത്രിമമായ പൊതുബോധം സൃഷ്ടിക്കുന്നു; ജനങ്ങളുടെ തീരുമാനങ്ങളെ സ്വാധീനിക്കാന്‍ ശ്രമിക്കുന്നു. കഴിഞ്ഞ രണ്ടുകൊല്ലം കേരളത്തിലെ മുഖ്യധാരാ മാധ്യമങ്ങള്‍ ഇടതുപക്ഷത്തിനെതിരെ സൃഷ്ടിക്കുകയും പ്രചരിപ്പിക്കുകയും ചെയ്ത വാര്‍ത്തകളുടെ വൈപുല്യം ഞെട്ടിക്കുന്നതാണ്. സ്വതന്ത്രമായി തീരുമാനിക്കാനുള്ള പൗരന്റെ സ്വാതന്ത്ര്യത്തിനാണ് പണംപറ്റി ഇവര്‍ കൂച്ചുവിലങ്ങിടുന്നത്. പെയ്ഡ് ന്യൂസ് തെരഞ്ഞെടുപ്പുകാലത്തുമാത്രമുണ്ടാകുന്ന പ്രതിഭാസമല്ല എന്ന് ഈ അനുഭവത്തില്‍നിന്നുറപ്പിക്കാനാകും. തെരഞ്ഞെടുപ്പു കമീഷന്റെ ഇടപെടല്‍കൊണ്ടുമാത്രം അവസാനിപ്പിക്കാനാവുന്ന വിപത്തല്ല ഇത്. നിയമനിര്‍മാണമുണ്ടാകണം- ഒപ്പം വ്യാജ വാര്‍ത്തകള്‍ തിരിച്ചറിയാനും തുറന്നുകാട്ടാനുമുള്ള ഉയര്‍ന്ന മാധ്യമസാക്ഷരതയും ബോധവും സമൂഹത്തില്‍ ഉയര്‍ന്നുവരേണ്ടതുണ്ട്. ജനാധിപത്യത്തിന്റെ അന്തഃസത്തതന്നെ തകര്‍ക്കുന്ന പെയ്ഡ് ന്യൂസ് കച്ചവടത്തില്‍ കൊടുക്കുന്നവരെയും വാങ്ങുന്നവരെയും ഒരേപോലെ കുറ്റവാളികളായിക്കണ്ട് നഗ്നരാക്കേണ്ടതുണ്ട്; ഒറ്റപ്പെടുത്തേണ്ടതുമുണ്ട്.
*
deshabhimani editorial

നോക്കുകുത്തിയായി തെരഞ്ഞെടുപ്പ് കമീഷന്‍

മെയ് മൂന്നിന് കൊല്‍ക്കത്തയില്‍നിന്ന് ഇറങ്ങിയ ടെലിഗ്രാഫ് ദിനപത്രത്തിന്റെ ലീഡ് വാര്‍ത്ത "ഈ കൂളിങ് ഗ്ലാസിലൂടെ വോട്ടെടുപ്പിനെ നോക്കുമ്പോള്‍ സര്‍, അത് എത്രമാത്രം സ്വതന്ത്രവും നീതിപൂര്‍വകവുമാണ്" എന്ന ചോദ്യത്തോടെയായിരുന്നു. പശ്ചിമബംഗാളില്‍ മൂന്നാംഘട്ട വോട്ടെടുപ്പ് നടന്ന ഏപ്രില്‍ മുപ്പതിനുണ്ടായ വ്യാപകമായ ആക്രമണങ്ങളിലേക്കും കൃത്രിമത്വത്തിലേക്കും വിരല്‍ചൂണ്ടുന്ന റിപ്പോര്‍ട്ടാണിത്. ബോല്‍പുര്‍ മണ്ഡലത്തിലെ നാനൂരിലെ ബൂത്തില്‍ നടന്ന ക്രമക്കേടിനെക്കുറിച്ച് പോളിങ് ഉദ്യോഗസ്ഥന്റെ ദൃക്സാക്ഷിവിവരണമാണ് ഈ റിപ്പോര്‍ട്ടിന്റെ അടിസ്ഥാനം. കൂളിങ് ഗ്ലാസ് ധരിച്ച നിരവധി പേരുമായി ഒരു യുവാവ് പോളിങ് ബൂത്തിലേക്ക് വരുന്നു. കണ്ണട ധരിച്ചവരെല്ലാം അടുത്തിടെ തിമിരത്തിന് ഓപ്പറേഷന്‍ കഴിഞ്ഞവരാണെന്നും അതിനാല്‍ അവരുടെ വോട്ടുചെയ്യാന്‍ തന്നെ അനുവദിക്കണമെന്നുമായിരുന്നു യുവാവിന്റെ ആവശ്യം. ബൂത്തില്‍ അര്‍ധസൈനികസേനാംഗങ്ങള്‍ ഉണ്ടായിരുന്നില്ല. രണ്ട് പൊലീസുകാര്‍ മാത്രം. പോളിങ് ഉദ്യോഗസ്ഥന്‍ ഭയന്ന് ഇവരെ വോട്ടുചെയ്യാന്‍ അനുവദിച്ചു. തുടര്‍ന്ന് ഈ യുവാവുമായുള്ള സംഭാഷണത്തില്‍നിന്ന് സിപിഐ എം പോളിങ് ഏജന്റിനെ ബൂത്തില്‍ എത്തിക്കാതിരിക്കാന്‍ നടത്തിയ ശ്രമങ്ങളും തൃണമൂല്‍ കോണ്‍ഗ്രസ് ഗുണ്ടയായ യുവാവ് വിവരിച്ചു. സിപിഐ എമ്മിന് സ്വാധീനമുള്ള ഗ്രാമത്തിലെ നാനൂറ് വോട്ടില്‍ 200 വോട്ട് തൃണമൂല്‍ കോണ്‍ഗ്രസിലെ ഒരു യുവാവ് ചെയ്ത കാര്യവും ഉദ്യോഗസ്ഥന്‍ വിശദീകരിച്ചു. മൂന്നാംഘട്ട വോട്ടെടുപ്പ് മുതല്‍ പശ്ചിമബംഗാളില്‍ തൃണമൂലുകാര്‍ വ്യാപകമായ ക്രമക്കേടും ആക്രമണങ്ങളുമാണ് നടത്തുന്നതെന്ന് വ്യക്തമാക്കുന്നു ഇടതുപക്ഷത്തെ എന്നും എതിര്‍ത്തുവരുന്ന "ടെലിഗ്രാഫ"് ദിനപത്രത്തിന്റെ ഈ റിപ്പോര്‍ട്ട്.

അഞ്ച് ഘട്ടമായാണ് പശ്ചിമബംഗാളില്‍ തെരഞ്ഞെടുപ്പ് നടന്നത്. ആദ്യത്തെ രണ്ട് ഘട്ടങ്ങള്‍ സമാധാനപരമായിരുന്നു. എന്നാല്‍, ഏപ്രില്‍ 30ന് നടന്ന വോട്ടെടുപ്പില്‍ 826 ബൂത്തുകള്‍ തൃണമൂലുകാര്‍ പിടിച്ചെടുത്തു. ഇതില്‍ 348 ഉം ബിര്‍ഭൂം ജില്ലയിലാണ്. ബിര്‍ഭൂം, ബോല്‍പുര്‍ മണ്ഡലങ്ങളിലാണ് സിപിഐ എമ്മിന്റെയും ഇടതുമുന്നണിയുടെയും പോളിങ് ഏജന്റുമാരെ ബലംപ്രയോഗിച്ചും ഭീഷണിപ്പെടുത്തിയും പുറത്താക്കിയത്. മമത ബാനര്‍ജിയുടെ "നല്ല കുട്ടി"യെന്ന് പേരുകേട്ട തൃണമൂല്‍ കോണ്‍ഗ്രസ് ജില്ലാ പ്രസിഡന്റ് അനുബ്രത മണ്ഡലായിരുന്നു ക്രമക്കേടിന് നേതൃത്വം നല്‍കിയത്. ക്രമക്കേടിന്റെ ദൃശ്യങ്ങള്‍ ബംഗാളി ചാനലുകള്‍ കാണിച്ചു. പത്രങ്ങളും റിപ്പോര്‍ട്ടുകള്‍ നല്‍കി. എന്നാല്‍, തെരഞ്ഞെടുപ്പ് സ്വതന്ത്രവും നീതിപൂര്‍വകവുമാണെന്ന സമീപനമാണ് തെരഞ്ഞെടുപ്പ് കമീഷന്‍ സ്വീകരിച്ചത്. ഇടതുമുന്നണി കണ്‍വീനര്‍ ബിമന്‍ ബസു ഉള്‍പ്പെടെയുള്ളവരുടെ പരാതി നിലനില്‍ക്കെ, പോളിങ് പൂര്‍ത്തിയാകുന്നതിന് മൂന്നുമണിക്കൂര്‍മുമ്പ് സംസ്ഥാനത്തെ പ്രത്യേക നിരീക്ഷകന്‍ സുധീര്‍കുമാര്‍ രാകേഷും സംസ്ഥാനത്തെ മുഖ്യ തെരഞ്ഞെടുപ്പ് ഓഫീസര്‍ സുനില്‍കുമാര്‍ ഗുപ്തയും "വോട്ടെടുപ്പ് പൂര്‍ണമായും സ്വതന്ത്രവും നീതിപൂര്‍വകവുമാണെന്ന്" മാധ്യമങ്ങളോട് പറഞ്ഞു. ഈ സമയത്ത് ടെലിവിഷനുകളില്‍ തെരഞ്ഞെടുപ്പ് അതിക്രമങ്ങളുടെയും ക്രമക്കേടുകളുടെയും ദൃശ്യങ്ങള്‍ സംപ്രേഷണം ചെയ്യുകയായിരുന്നു.

സിപിഐ എം പിബി അംഗങ്ങളായ എസ് രാമചന്ദ്രന്‍പിള്ളയും സീതാറാം യെച്ചൂരിയും മുഖ്യ തെരഞ്ഞെടുപ്പ് കമീഷണര്‍ വി എസ് സമ്പത്തിനെ കണ്ട് ക്രമക്കേടുനടന്ന ബൂത്തുകളുടെ നമ്പരും മറ്റും കൈമാറിയിട്ടും ഒരുനടപടിയുമുണ്ടായില്ല. പ്രത്യേക തെരഞ്ഞെടുപ്പ് നിരീക്ഷകനെ പുറത്താക്കണമെന്നും ഇടതുപക്ഷ പ്രതിനിധി സംഘം ആവശ്യപ്പെട്ടെങ്കിലും അതും കമീഷന്‍ ചെവിക്കൊണ്ടില്ല. സ്വതന്ത്രവും നീതിപൂര്‍വകവുമായ തെരഞ്ഞെടുപ്പ് ഉറപ്പുവരുത്തേണ്ട ഭരണഘടനാസ്ഥാപനം അതിന് തയ്യാറായില്ലെന്ന് പശ്ചിമബംഗാള്‍ സംഭവം തെളിയിക്കുന്നു. ഇടതുപക്ഷം മാത്രമല്ല, കോണ്‍ഗ്രസും ബിജെപിയും സമാനമായ പരാതി നല്‍കി. ബൂത്തുകളിലെ സുരക്ഷയ്ക്കായി കേന്ദ്രസേനയെ വിന്യസിക്കാനോ ക്യാമറകള്‍ സ്ഥാപിക്കാനോ കമീഷന്‍ തയ്യാറായില്ല.

കമീഷന്റെ ഈ നടപടി തൃണമൂല്‍ ഗുണ്ടകള്‍ക്ക് പ്രചോദനമായി. സംസ്ഥാനത്ത് മെയ് ഏഴിന് നടന്ന നാലാംഘട്ട വോട്ടെടുപ്പിലും വ്യാപകമായ ക്രമക്കേടും അക്രമവും നടന്നു. 301 ബൂത്തില്‍ കൃത്രിമം നടന്നു. ജംഗള്‍മഹല്‍ മേഖലയിലെ സിപിഐ എം സിറ്റിങ് സീറ്റായ ജാര്‍ഗമിലാണ് ഏറ്റവും വലിയ കൃത്രിമം നടന്നത്. സിപിഐ എം ഏജന്റുമാരെ ബലംപ്രയോഗിച്ച് പുറത്താക്കി ബൂത്തുപിടിച്ചശേഷം ഗുണ്ടകള്‍ വോട്ടുചെയ്യുന്ന സ്ഥിതിയായിരുന്നു ഭൂരിപക്ഷം ബൂത്തുകളിലും. ക്യാമറകള്‍ ഓഫാക്കിയ ശേഷമാണ്് 123 ബൂത്ത് പിടിച്ചെടുത്തത്. സിപിഐ എം സിറ്റിങ് സീറ്റായ ബിഷ്ണുപുരിലെ 97 ബൂത്തിലും മേദിനിപുരിലെ 37 ബൂത്തിലും അസന്‍സോളിലെ 69 ബൂത്തിലും കൃത്രിമം നടന്നു. സിപിഐ എം ലോക്സഭാനേതാവ് ബസുദേവ് ആചാര്യ മത്സരിക്കുന്ന ബാങ്കുറയിലും ബൂത്തുപിടിത്തമുണ്ടായി. കൃത്രിമംനടന്ന ബൂത്തുകളുടെ നമ്പരും മറ്റ് വിവരങ്ങളും കമീഷന് രേഖാമൂലം കൈമാറിയെങ്കിലും ഇതിലും നടപടിയുണ്ടായില്ല.

ഏറ്റവും കൂടുതല്‍ സീറ്റില്‍ തെരഞ്ഞെടുപ്പ് നടന്ന തിങ്കളാഴ്ച ക്രമക്കേടും അതിക്രമങ്ങളും പരകോടിയിലെത്തി. വോട്ടെടുപ്പിന് തൊട്ടുമുമ്പ് സിപിഐ എം സ്ഥാനാര്‍ഥികള്‍പോലും ആക്രമിക്കപ്പെട്ടു. കാന്തി മണ്ഡലത്തിലെ സിപിഐ എം സ്ഥാനാര്‍ഥി തപസ് സിന്‍ഹയെ അടക്കം ആക്രമിച്ചു. ദക്ഷിണ കൊല്‍ക്കത്ത, ഡംഡം എന്നിവിടങ്ങളിലും വ്യാപകമായ അക്രമങ്ങളുണ്ടായി. അക്രമം ഉണ്ടാകുമെന്ന് അറിഞ്ഞുതന്നെയാണ്, പ്രത്യേക നിരീക്ഷകരെ നിയമിക്കണമെന്നും ജനങ്ങളിലെ ഭയാശങ്കയകറ്റാന്‍ അര്‍ധസൈനികരുടെ ഫ്ളാഗ് മാര്‍ച്ച് നടത്തണമെന്നും സിപിഐ എം ആവശ്യപ്പെട്ടത്. അതൊന്നും കമീഷന്‍ ചെവിക്കൊണ്ടില്ല. അതിന്റെ അനന്തരഫലമാണ് തിങ്കളാഴ്ചയുണ്ടായ വ്യാപക ക്രമക്കേടുകള്‍. തെരഞ്ഞെടുപ്പ് കമീഷന്‍ എന്ന ഭരണഘടനാസ്ഥാപനത്തിന്റെ വിശ്വാസ്യതതന്നെ ചോദ്യംചെയ്യുന്ന സംഭവങ്ങളാണ് ബംഗാളില്‍ അരങ്ങേറിയത്. ആയിരങ്ങള്‍ക്ക് വോട്ടുചെയ്യാന്‍ പോളിങ് ബൂത്തിലെത്താനായില്ല. ജനാധിപത്യം അട്ടിമറിക്കപ്പെടുമ്പോള്‍ തടയിടേണ്ട തെരഞ്ഞെടുപ്പ് കമീഷന്‍ വെറും നോക്കുകുത്തിയായി മാറി.
*
ദേശാഭിമാനി മുഖപ്രസംഗം

ബംഗാളും അസമും നല്‍കുന്ന പാഠം

പതിനാറാം ലോക്സഭാ തെരഞ്ഞെടുപ്പിന്റെ അവസാനഘട്ട വോട്ടെടുപ്പ് മെയ് 12ന് നടക്കാനിരിക്കെ അസ്വസ്ഥതയുളവാക്കുന്ന സംഭവങ്ങളാണ് അരങ്ങേറുന്നത്. ബിജെപിയും ആര്‍എസ്എസും ബോധപൂര്‍വം ഉയര്‍ത്തിവിട്ട വര്‍ഗീയപ്രചാരണത്തിലൂടെ വര്‍ഗീയച്ചൂട് ദിനംപ്രതി വര്‍ധിക്കുകയാണ്. പ്രത്യേകിച്ച് ഉത്തര്‍പ്രദേശിലും ബിഹാറിലും. തീവ്ര ഹിന്ദുത്വശക്തികള്‍ക്കുവേണ്ടി കുറച്ചുവര്‍ഷങ്ങള്‍ക്കുമുമ്പ് ബോംബുസ്ഫോടനങ്ങള്‍ ആസൂത്രണംചെയ്ത ഇന്ദ്രേഷ്കുമാര്‍ അടുത്തിടെ നല്‍കിയ മുഖാമുഖത്തില്‍ പറഞ്ഞത് ഉത്തര്‍പ്രദേശില്‍ ബിജെപിക്കുവേണ്ടി പ്രചാരണം നടത്തുന്നത് ആര്‍എസ്എസ് കേഡര്‍മാരാണെന്നാണ്. തുറന്ന ന്യൂനപക്ഷവിരുദ്ധതയും ഹിന്ദു ഏകീകരണത്തിനുള്ള ആഹ്വാനവും നിറഞ്ഞതാണ് ഈ പ്രചാരണം.

നരേന്ദ്ര മോഡിയുടെ തെരഞ്ഞെടുപ്പു മുദ്രാവാക്യം "വികസനവും സദ്ഭരണ"വുമാണെന്ന് കോര്‍പറേറ്റ് മാധ്യമങ്ങള്‍ പ്രചരിപ്പിക്കുമ്പോഴും മോഡി ഊന്നുന്നത് ആര്‍എസ്എസിന്റെ മുസ്ലിംവിരുദ്ധ കാഴ്ചപ്പാടില്‍ത്തന്നെയാണ്. ബിഹാറിലും മറ്റു പ്രദേശങ്ങളിലും മോഡി പറഞ്ഞത് യുപിഎ സര്‍ക്കാര്‍ പ്രോത്സാഹിപ്പിച്ച "പിങ്ക് വിപ്ലവ"ത്തെക്കുറിച്ചാണ്. പോത്തിറച്ചി കയറ്റുമതിയെ ബീഫ് കയറ്റുമതിയായി ചിത്രീകരിച്ച് ആര്‍എസ്എസിന്റെ ഇഷ്ടയിനമായ ഗോവധനിരോധനത്തെക്കുറിച്ച് മോഡി സംസാരിച്ചു. തന്റെ രാഷ്ട്രീയ വാചാടോപത്തെ താങ്ങിനിര്‍ത്തുന്നതിന് ശ്രീരാമന്റെയും ശിവന്റെയും ഒക്കെ പേരില്‍ ഉത്തര്‍പ്രദേശില്‍ അഭ്യര്‍ഥന നടത്തുകയുംചെയ്തു മോഡി. പശ്ചിമബംഗാളിലും അസമിലും "ബംഗ്ലാദേശ് നുഴഞ്ഞുകയറ്റത്തെ"ക്കുറിച്ചാണ് അദ്ദേഹം സംസാരിച്ചത്. മെയ് 16ന് ശേഷം ഈ നുഴഞ്ഞുകയറ്റക്കാര്‍ ബാഗുമെടുത്ത് ബംഗ്ലാദേശിലേക്ക് പോകേണ്ടിവരുമെന്നും പ്രഖ്യാപിച്ചു.

ബംഗാളി മുസ്ലിങ്ങളുടെ കൂട്ടക്കൊല

ബംഗാളി മുസ്ലിങ്ങളെ നുഴഞ്ഞുകയറ്റക്കാരായി ചിത്രീകരിച്ചുള്ള പ്രചാരണത്തിന്റെ പരിണതഫലമാണ് അസമില്‍ കണ്ടത്. ആരെയും ഞെട്ടിക്കുംവിധം ബോഡോ തീവ്രവാദികള്‍ 38 പേരെയാണ് കൂട്ടക്കൊലചെയ്തത്. ബംഗാളി മുസ്ലിങ്ങളായ സ്ത്രീകളും കുട്ടികളുമായിരുന്നു പ്രധാന ഇര. ഏപ്രില്‍ 24ന് തെരഞ്ഞെടുപ്പ് നടന്ന ബോഡോലാന്‍ഡ് ടെറിട്ടോറിയല്‍ ഏരിയയിലായിരുന്നു ആക്രമണം. രണ്ടുവര്‍ഷംമുമ്പ് ഇതേ മേഖലയില്‍ത്തന്നെയാണ് "വംശീയ ശുദ്ധീകരണ"ത്തിന്റെ ഭാഗമായി നൂറിലധികംപേരെ കൊലപ്പെടുത്തിയത്. കലാപത്തിന്റെ ഇരകളെ ബംഗ്ലാദേശി നുഴഞ്ഞുകയറ്റക്കാരായി ചിത്രീകരിച്ച് ആ സമയത്തും കടുത്ത വര്‍ഗീയപ്രചാരണമാണ് ബിജെപിയും ആര്‍എസ്എസും നടത്തിയത്. മുസ്ലിംസംഘടനകളുടെ പ്രതിഷേധത്തെ മറികടക്കാന്‍ വിശ്വഹിന്ദു പരിഷത്തും ബജ്രംഗ്ദളും 2012 ആഗസ്തില്‍ ബന്ദുപോലും നടത്തി. "ബംഗ്ലാദേശി നുഴഞ്ഞുകയറ്റക്കാര്‍"ക്കെതിരെ വീണ്ടും പ്രചാരണം ആരംഭിച്ചതോടെയാണ് ബംഗാളി സംസാരിക്കുന്ന മുസ്ലിങ്ങള്‍ക്കെതിരെ ബോഡോ തീവ്രവാദികള്‍ അക്രമം ആരംഭിച്ചത്. ബിജെപി നേതൃത്വത്തിലുള്ള കൂട്ടുകെട്ട് അധികാരത്തില്‍ വന്നാല്‍ രാജ്യത്തെ മതസൗഹാര്‍ദത്തിനും ജനങ്ങളുടെ ഐക്യത്തിനും എന്താണ് സംഭവിക്കുക എന്നതിന്റെ ഭയാനകമായ മുന്നറിയിപ്പാണ് അസമിലെ കൂട്ടക്കൊല.

പശ്ചിമ ബംഗാളിലെ ഫാസിസ്റ്റ് ആക്രമണം

മറ്റൊരു പ്രധാന സംഭവവികാസം, സിപിഐ എമ്മിനെയും ഇടതുപക്ഷത്തെയും അടിച്ചമര്‍ത്തുക എന്ന ലക്ഷ്യത്തോടെ പശ്ചിമബംഗാളിലെ തെരഞ്ഞെടുപ്പില്‍ കൃത്രിമം കാട്ടാനുള്ള തൃണമൂല്‍കോണ്‍ഗ്രസിന്റെ ഫാസിസ്റ്റ് ശ്രമങ്ങളാണ്. ബംഗാളിലെ ഒമ്പതു മണ്ഡലത്തില്‍ തെരഞ്ഞെടുപ്പ് നടന്ന മൂന്നാംഘട്ടത്തില്‍ പോളിങ് ബൂത്തുകളില്‍ വ്യാപകമായ കൃത്രിമം നടന്നു. വോട്ടര്‍മാര്‍ക്കെതിരെ ഭീഷണിയും അക്രമവും ഉണ്ടായി. 1300 ബൂത്തില്‍ ഭീകരാന്തരീക്ഷം സൃഷ്ടിച്ച തൃണമൂല്‍ ഗുണ്ടകള്‍ വോട്ടെുപ്പിനെ അവിഹിതമായി സ്വാധീനിച്ചു. ബംഗാളി മാധ്യമങ്ങള്‍ ഇത്തരം ദൃശ്യങ്ങള്‍ ഒപ്പിയെടുത്തു. എന്നാല്‍, ഇത്തരം ഭീഷണികള്‍ക്കും ഭയപ്പെടുത്തലുകള്‍ക്കും വഴങ്ങാതെ പതിനായിരക്കണക്കിന് വോട്ടര്‍മാര്‍ സമ്മതിദാനാവകാശം വിനിയോഗിച്ചു. ജനാധിപത്യാവകാശം വിനിയോഗിക്കാന്‍ ശഠിച്ച പലരും ആക്രമണത്തിന് വിധേയരായി. നിരവധിപേര്‍ക്ക് പരിക്കേറ്റു.

ആധിപത്യം നിലനിര്‍ത്തുന്നതില്‍ ആശയറ്റ തൃണമൂല്‍കോണ്‍ഗ്രസ് ഇത്തരം ശ്രമങ്ങള്‍ നടത്തുമെന്ന് പ്രതീക്ഷിച്ചിരുന്നു. സ്വതന്ത്രവും നീതിപൂര്‍വകവുമായ തെരഞ്ഞെടുപ്പ് ഉറപ്പുവരുത്താന്‍ തെരഞ്ഞെടുപ്പു കമീഷന്‍ ചുമതലപ്പെടുത്തിയ ചില ഉദ്യോഗസ്ഥര്‍ ഇത്തരം ആക്രമണങ്ങള്‍ക്ക് കൂട്ടുനിന്നതും ചില കേസുകളില്‍ അധികൃതര്‍ കാട്ടിയ നിസ്സംഗതയും അത്ഭുതപ്പെടുത്തുന്നതാണ്. എല്ലാ തെളിവും മാധ്യമറിപ്പോര്‍ട്ടുകളും അവഗണിച്ച് തെരഞ്ഞെടുപ്പിന് നിയോഗിച്ച ഒരു പ്രത്യേക നിരീക്ഷകന്‍ പ്രഖ്യാപിച്ചത് തെരഞ്ഞെടുപ്പ് നീതിപൂര്‍വകമാണെന്നും പരാതികള്‍ അടിസ്ഥാനരഹിതമാണെന്നുമാണ്. ഇതില്‍ ഇടപെട്ട് റീപോളിങ്ങിന് ഉത്തരവിടുന്നതില്‍ തെരഞ്ഞെടുപ്പു കമീഷന്‍ കാണിച്ച കഴിവില്ലായ്മ ഞെട്ടിക്കുന്നതും വേദനാജനകവുമാണ്. പാര്‍ലമെന്ററി ജനാധിപത്യത്തിന് അനിവാര്യമായ ഒരു സ്ഥാപനത്തിന്റെ വിശ്വാസ്യതയെയും ആര്‍ജവത്തെയും ഇത് ദോഷകരമായി ബാധിക്കും. സംസ്ഥാനത്തെ ഭൂരിപക്ഷം സീറ്റിലും പോളിങ് നടക്കുന്ന അടുത്ത രണ്ടുഘട്ടത്തില്‍ തൃണമൂല്‍ കോണ്‍ഗ്രസ് ഗുണ്ടായിസത്തെയും ഭീഷണിയെയും തള്ളി പശ്ചിമബംഗാളിലെ ജനങ്ങള്‍ അവരുടെ അവകാശം വിനിയോഗിക്കുകതന്നെചെയ്യും. ജനാധിപത്യ സംരക്ഷണത്തിനും അവകാശസംരക്ഷണത്തിനുമായി പൊരുതുന്ന ജനങ്ങള്‍ക്കൊപ്പമായിരിക്കും സിപിഐ എമ്മും ഇടതുപക്ഷവും. പശ്ചിമബംഗാളിലെ ജനാധിപത്യ സംവിധാനത്തിനെതിരെയുള്ള ആക്രമണം ഇടതുപക്ഷത്തെ അടിച്ചമര്‍ത്തുക ലക്ഷ്യമാക്കിയുള്ളതാണ്. ഈ തെരഞ്ഞെടുപ്പില്‍ ഇടതുപക്ഷത്തിന്റെ ശക്തമായ തിരിച്ചുവരവ് ജനകീയസമരങ്ങള്‍ക്ക് തുടക്കമാകുമെന്ന് തൃണമൂല്‍കോണ്‍ഗ്രസിനും പിന്തിരിപ്പന്‍ശക്തികള്‍ക്കും നന്നായി അറിയാം. തൃണമൂലിന്റെ ഭരണത്തില്‍ സംസ്ഥാനത്തെ ജനങ്ങള്‍ ശ്വാസംമുട്ടുകയാണുതാനും.

നിഴല്‍യുദ്ധം

നിലവില്‍ ബിജെപിയും തൃണമൂല്‍കോണ്‍ഗ്രസും ഒരു നിഴല്‍യുദ്ധത്തിലാണ്. തങ്ങളുടെ അടിത്തറ വിപുലമാക്കുക എന്ന ലക്ഷ്യത്തോടെ ഭൂരിപക്ഷ സമുദായങ്ങളിലെ മത-വര്‍ഗീയ നേതാക്കളെ പ്രോത്സാഹിപ്പിക്കുന്ന വര്‍ഗീയരാഷ്ട്രീയമാണ് തൃണമൂല്‍കോണ്‍ഗ്രസ് പിന്തുടരുന്നത്. ഈ മത്സരാധിഷ്ഠിത രാഷ്ട്രീയത്തിന്റെ മറുവശത്താണ് ബിജെപി. ന്യൂനപക്ഷസമുദായത്തെ പ്രീണിപ്പിക്കുകയാണ് മമത ബാനര്‍ജിയും തൃണമൂല്‍കോണ്‍ഗ്രസും ചെയ്യുന്നതെന്ന് ബിജെപി പറയുന്നു. മമത ബാനര്‍ജിയെ വിമര്‍ശിക്കുമ്പോള്‍ത്തന്നെ അവരുടെ പിന്തുണയാകര്‍ഷിക്കാന്‍ ശ്രമിക്കുകയാണ് ബിജെപിയുടെ നയമെന്ന് രാജ്നാഥ്സിങ്ങിന്റെയും മോഡിയുടെയും പ്രസംഗങ്ങള്‍ വ്യക്തമാക്കുന്നു.

മുന്‍ സഖ്യകക്ഷിയായ തൃണമൂല്‍കോണ്‍ഗ്രസിന് ബിജെപി നല്‍കുന്ന സന്ദേശം വ്യക്തമാണ്. തെരഞ്ഞെടുപ്പിനുശേഷം ഞങ്ങള്‍ക്കൊപ്പം ചേരുക എന്നതാണ് ആ സന്ദേശം. തെരഞ്ഞെടുപ്പിനുശേഷം ജനങ്ങളുടെ രണ്ട് കൈവശവും രസഗുളയുണ്ടാകുമെന്ന മോഡിയുടെ പ്രസ്താവന ഇതാണ് വ്യക്തമാക്കുന്നത്. ബിജെപിക്കും അവരുടെ തീവ്രഹിന്ദുത്വ അജന്‍ഡയ്ക്കുമെതിരെ രാജ്യമൊട്ടാകെയുള്ള പോരാട്ടവും പശ്ചിമബംഗാളില്‍ ഇടതുപക്ഷവും ജനാധിപത്യശക്തികളും നടത്തുന്ന പോരാട്ടവും പരസ്പരബന്ധിതമാണ്. ദേശീയതലത്തില്‍ ബിജെപിയെ തോല്‍പ്പിക്കേണ്ടത് അനിവാര്യമാണ്; അതുപോലെ, കമ്യൂണിസ്റ്റ് വിരുദ്ധ പിന്തിരിപ്പന്‍ശക്തിയായ തൃണമൂല്‍കോണ്‍ഗ്രസിനെ പശ്ചിമബംഗാളിലും.

*
പ്രകാശ് കാരാട്ട് ദേശാഭിമാനി

വിഷംചീറ്റുന്ന മോഡി അനുയായികള്‍

ബിജെപിയുടെ തെരഞ്ഞെടുപ്പു പ്രചാരണത്തിലെ ഇരട്ടത്താപ്പ് ദിവസം കഴിയുന്തോറും വെളിപ്പെടുകയാണ്. വികസനത്തെക്കുറിച്ചും സദ്ഭരണത്തെക്കുറിച്ചും തൊഴിലിനെക്കുറിച്ചും നരേന്ദ്രമോഡി നടത്തുന്ന പ്രസംഗങ്ങള്‍ വെറും പുറംപൂച്ചുകള്‍മാത്രമാണ്. ഇതിനപ്പുറം ബിഹാറിനെയും ഉത്തര്‍പ്രദേശിനെയും ലക്ഷ്യമാക്കിയുള്ള ശക്തമായ വര്‍ഗീയ പ്രചാരണമാണ് നടക്കുന്നത്.

അടുത്തിടെ ബിജെപി- ആര്‍എസ്എസ് നേതാക്കള്‍ നടത്തുന്ന പ്രസംഗങ്ങളും ജല്‍പ്പനങ്ങളും വെളിപ്പെടുത്തുന്നത് ബിജെപിയുടെ പ്രചാരണത്തിന്റെ ഉള്ളടക്കം ഹിന്ദുത്വ സങ്കുചിതവാദവും വര്‍ഗീയ സ്വഭാവവുമാണെന്നാണ്. ബിജെപി നേതാവും ബിഹാറിലെ നവാഡയിലെ സ്ഥാനാര്‍ഥിയുമായ ഗിരിരാജ് സിങ് നടത്തിയ തെരഞ്ഞെടുപ്പ് പ്രസംഗത്തില്‍ പറഞ്ഞത് ഇങ്ങനെയാണ് - "നരേന്ദ്രമോഡിയെ തടയാന്‍ ശ്രമിക്കുന്നവര്‍ പിന്തുണയ്ക്കായി പാകിസ്ഥാനിലേക്ക് നോക്കുന്നവരാണ്. വരും ദിവസങ്ങളില്‍ ഇത്തരക്കാര്‍ക്ക് ഇന്ത്യയില്‍ സ്ഥാനമുണ്ടാകില്ല. അത്തരക്കാരുടെ സ്ഥാനം പാകിസ്ഥാനിലായിരിക്കും". ഹിന്ദുത്വയെ വിമര്‍ശിക്കുന്നവര്‍ മുഴുവന്‍ ദേശവിരുദ്ധരും പാകിസ്ഥാന്‍ പക്ഷക്കാരുമാണെന്ന പ്രചാരണം സംഘപരിവാറിന്റെ പഴയ കൗശലമാണ്. പാകിസ്ഥാനെ പരാമര്‍ശിക്കുകവഴി മുസ്ലിം സമുദായത്തെയാണ് ലക്ഷ്യമിടുന്നത്. മുസ്ലിങ്ങളെ എപ്പോഴും പാകിസ്ഥാനെ പിന്തുണയ്ക്കുന്നവരായാണ് ഇവര്‍ ചിത്രീകരിക്കാറുള്ളത്. പ്രസംഗത്തിനെതിരെ ശക്തമായ വിമര്‍ശമുയര്‍ന്നിട്ടും ഗിരിരാജ് സിങ് തന്റെ പ്രസ്താവനയില്‍ ഉറച്ചുനില്‍ക്കുകയാണ്.

മോഡിയുടെ വലംകൈ അമിത്ഷാ ഒരാഴ്ച മുമ്പ് മുസഫര്‍നഗറില്‍ നടത്തിയ പ്രസംഗത്തിന് തൊട്ടുപിന്നാലെയാണ് ഗിരിരാജ് സിങ്ങിന്റെ വിവാദപ്രസംഗം. അമിത് ഷായുടെ വിദ്വേഷ പ്രസംഗം ഇങ്ങനെ- "നമ്മുടെ സമുദായത്തിന് അനുഭവിക്കേണ്ടിവന്ന അപമാനത്തിന് പ്രതികാരംചെയ്യാനുള്ള സമയമാണിത്. നമ്മുടെ അമ്മമാരെയും സഹോദരിമാരെയും മോശമായി കൈകാര്യംചെയ്തവര്‍ക്ക് തെരഞ്ഞെടുപ്പില്‍ ചുട്ടമറുപടി നല്‍കണം." അടുത്തിടെ വര്‍ഗീയകലാപമുണ്ടായിടത്തെ ജാട്ട് സഭയിലാണ് വര്‍ഗീയ വിദ്വേഷം വളര്‍ത്തുക ലക്ഷ്യമിട്ട് "മാനം രക്ഷിക്കാന്‍ പ്രതികാരം ചെയ്യണമെന്ന്" അമിത് ഷാ ആഹ്വാനംചെയ്തത്. എന്നാല്‍, വോട്ടിങ്ങിലൂടെ പ്രതികാരം ചെയ്യണമെന്നുമാത്രമാണ് അമിത് ഷാ പറഞ്ഞതെന്ന് ചൂണ്ടിക്കാട്ടി അദ്ദേഹത്തെ ന്യായീകരിച്ച് ബിജെപി നേതാക്കള്‍ രംഗത്തുവന്നു. ന്യൂനപക്ഷ സമുദായത്തെയും ഹിന്ദുത്വ അജന്‍ഡ എതിര്‍ക്കുന്നവരെയും ലക്ഷ്യമാക്കിയുള്ള വിദ്വേഷ പ്രസംഗങ്ങള്‍ ബിജെപിയെ തെരഞ്ഞെടുപ്പില്‍ പിന്തുണയ്ക്കുന്ന ആര്‍എസ്എസ് കേഡര്‍മാരുടെ പ്രചാരണത്തിന്റെ ഭാഗമാണ്. ആര്‍എസ്എസ് സ്ക്വാഡുകള്‍ വീടുവീടാന്തരം കയറിയിറങ്ങി നല്‍കുന്ന ലഘുലേഖയില്‍ പറയുന്നത് രാജ്യത്തെ ശത്രുവില്‍നിന്ന് രക്ഷിക്കാന്‍ ഹിന്ദുക്കള്‍ നൂറുശതമാനവും ഇറങ്ങി വോട്ട് ചെയ്യണമെന്നാണ്.

ആര്‍എസ്എസ് സഹോദര സംഘടനയായ വിശ്വഹിന്ദു പരിഷത്തിന്റെ നേതാവ് പ്രവീണ്‍ തൊഗാഡിയയാകട്ടെ മുസ്ലിങ്ങള്‍ക്കെതിരെ വിദ്വേഷം വമിക്കുന്ന പ്രസ്താവനയാണ് നടത്തിയത്. ഗുജറാത്തിലെ ഭാവ്നഗറില്‍ ഒരു മുസ്ലിം ബിസിനസുകാരന്‍ വാങ്ങിയ വീടിനു മുമ്പില്‍ നടത്തിയ പ്രതിഷേധത്തിലാണ് 48 മണിക്കൂറിനുള്ളില്‍ ഈ വീട് ഉപേക്ഷിച്ച് പോകണമെന്നും അല്ലാത്തപക്ഷം ഹിന്ദുക്കള്‍ ബലപ്രയോഗത്തിലൂടെ വീട് കൈയടക്കുമെന്നും തൊഗാഡിയ ഭീഷണിപ്പെടുത്തിയത്. ഹിന്ദുമേഖലയില്‍ മുസ്ലിങ്ങള്‍ക്ക് വീടുവയ്ക്കാന്‍ ഒരവകാശവുമില്ലെന്നാണ് തൊഗാഡിയ പറഞ്ഞത്. തൊഗാഡിയ അങ്ങനെ പറഞ്ഞിട്ടില്ലെന്ന വാദവുമായി അദ്ദേഹത്തെ ന്യായീകരിച്ച് രംഗത്തുവന്നത് ഇവിടെയും ആഎസ്എസാണ്. തൊഗാഡിയയുടെ പ്രസംഗം വീഡിയോയില്‍ ലഭ്യമാണെന്നിരിക്കെയാണ് ഈ ന്യായീകരണം. മോഡിയുടെ ഗുജറാത്തിലെ രീതിതന്നെയാണ് തൊഗാഡിയയുടെ ഭീഷണിയിലൂടെ പുറത്തുവന്നത്. അഹമ്മദാബാദിലും വഡോദരയിലും മറ്റ് നഗരങ്ങളിലുമുള്ള ഹൗസിങ് കോംപ്ലക്സുകള്‍ മുസ്ലിങ്ങള്‍ക്ക് വാങ്ങാന്‍ കഴിയില്ല. അവയൊക്കെ ഹിന്ദുക്കള്‍ക്കു മാത്രമാണ്. കഴിഞ്ഞ കുറച്ച് ദശാബ്ദങ്ങളായി പാര്‍ശ്വവല്‍ക്കരണവും ഒറ്റതിരിച്ച് പാര്‍പ്പിക്കലും നടക്കുന്നു. "സമഗ്രവികസനത്തിന്റെയും ഫലപ്രദമായ ഭരണത്തിന്റെയും" മേന്മ പറച്ചിലിന്റെ മറവില്‍ ഇത്തരം പാര്‍ശ്വവല്‍ക്കരണത്തിന് നേതൃത്വം നല്‍കുന്നത് നരേന്ദ്രമോഡി തന്നെയാണ്. വര്‍ഗീയവിഷവും ഭിന്നത സൃഷ്ടിക്കുന്ന വിദ്വേഷ പ്രകടനങ്ങളും അവര്‍ക്ക് മറച്ചുവയ്ക്കാന്‍ കഴിയില്ല.

മോഡിയുടെ സാന്നിധ്യത്തിലാണ് എപ്രില്‍ 12ന് മുംബൈയിലെ റാലിയില്‍ ശിവസേനാ നേതാവ് രാംദാംസ് കതം മോശമായി പെരുമാറുന്ന മുസ്ലിങ്ങളെ നരേന്ദ്രമോഡി ഒരു പാഠം പഠിപ്പിക്കുമെന്ന് പറഞ്ഞത്. എതാനും വ്യക്തികളുടെമാത്രം വ്യതിയാനമായി ഇത്തരം പ്രസ്താവനകളെ കാണാന്‍ കഴിയില്ല. നരേന്ദ്രമോഡിയുടെയും ബിജെപിയുടെയും രാഷ്ട്രീയവേദിയുടെ അവിഭാജ്യഘടകമാണത്. മോഡിയെ വാരാണസിയില്‍ മത്സരിപ്പിക്കുന്നതും ഹിന്ദുത്വ അജന്‍ഡ ഉയര്‍ത്തിക്കാട്ടാനാണ്. അയോധ്യയും കാശിയും മഥുരയും ആര്‍എസ്എസ്-വിഎച്ച്പി അജന്‍ഡയില്‍തന്നെയുണ്ടെന്ന് ജനങ്ങളെ ഇത് വീണ്ടും വീണ്ടും ഓര്‍മിപ്പിക്കുന്നു. ഉത്തര്‍പ്രദേശില്‍ സംഘര്‍ഷം ലക്ഷ്യമാക്കി ഗോവധമെന്ന പ്രശ്നവും നരേന്ദ്രമോഡി ഉയര്‍ത്തി. ഹിന്ദുത്വ വര്‍ഗീയശക്തികളുടെ പൈശാചികമായ ലക്ഷ്യങ്ങളില്‍നിന്ന് രാജ്യത്തെ രക്ഷിക്കാന്‍ ബിജെപിയെ പരാജയപ്പെടുത്തേണ്ടത് അത്യാവശ്യമാണ്.

*
പ്രകാശ് കാരാട്ട്

ഉദ്യോഗസ്ഥ മേധാവികളുടെ അതിരില്ലാത്ത യുഡിഎഫ് സേവ

സംസ്ഥാന ചീഫ്സെക്രട്ടറി ഇ കെ ഭരത്ഭൂഷനെയും ഡിജിപി കെ എസ് ബാലസുബ്രഹ്മണ്യത്തെയും തിരഞ്ഞെടുപ്പു കമ്മീഷന്‍ ശക്തമായി ശാസിക്കുകയും താക്കീതുചെയ്യുകയും ചെയ്തു. മുമ്പൊരിക്കലും ഒരു ചീഫ്സെക്രട്ടറിക്കും പൊലീസ് സേനാമേധാവിക്കും ഏല്‍ക്കേണ്ടി വന്നിട്ടില്ല ഇത്ര കടുത്ത അപമാനം. ഇക്കഴിഞ്ഞ മാര്‍ച്ച് അവസാനവാരം കണ്ണൂര്‍ ജില്ലയിലെ ഏഴിമല നാവിക അക്കാദമിയില്‍വെച്ച് ചീഫ്സെക്രട്ടറി വളരെ രഹസ്യമായി ഐഎഎസ് ഉദ്യോഗസ്ഥരുടെയും ഐപിഎസ് ഉദ്യോഗസ്ഥരുടെയും യോഗം വിളിച്ചു. യോഗത്തിനുപോയ ഉദ്യോഗസ്ഥന്മാരില്‍ എല്ലാവര്‍ക്കും അറിയില്ലായിരുന്നു യോഗം വിളിച്ചതിന്റെ ദുരുദ്ദേശ്യം. ക്രമസമാധാനവുമായി ബന്ധപ്പെട്ട് അതീവരഹസ്യമായി എന്തോ ചര്‍ച്ചചെയ്യാന്‍വേണ്ടിയാണ് യോഗം എന്നാണ് ചിലര്‍ കരുതിയത്. സംസ്ഥാനത്തെ സമുന്നത ഉദ്യോഗസ്ഥ മേധാവികളുടെമുമ്പില്‍ ചീഫ്സെക്രട്ടറി തന്റെ ഉദ്ദേശ്യം വ്യക്തമാക്കി.

""ഇലക്ഷനില്‍ യുഡിഎഫിനെ വിജയിപ്പിക്കാന്‍ നമ്മള്‍ എല്ലാ സഹായവും ചെയ്യണം."" ഐഎഎസ്-ഐപിഎസ് ഉദ്യോഗസ്ഥന്മാരില്‍ രണ്ടുതരക്കാരുണ്ട്. തങ്ങളുടെ രാഷ്ട്രീയ യജമാനന്മാരെ പ്രീണിപ്പിക്കാന്‍ എന്തു നെറികെട്ട ദൗത്യവും ഏറ്റെടുക്കാന്‍ തയ്യാറുള്ളവരാണ് ഒരു കൂട്ടര്‍. തങ്ങള്‍ ഇരിക്കുന്ന സ്ഥാനത്തെ ഹീനമായി മലിനപ്പെടുത്താന്‍ ഒരു മനഃസാക്ഷിക്കുത്തും ഇല്ലാത്തവരാണവര്‍. എത്ര നാണംകെട്ട രീതിയിലും തരംതാഴാന്‍ മടിയില്ലാത്ത ഇവര്‍ തക്കസമയത്ത് ഇതിന് പ്രത്യുപകാരമായി സ്വന്തം കാര്യങ്ങള്‍ പലതും സാധിച്ചെടുക്കും. തങ്ങളില്‍ ഏല്‍പിക്കപ്പെട്ട ഉത്തരവാദിത്വം പരമാവധി കാര്യക്ഷമമായും കുറ്റമറ്റതായും ചെയ്ത് സ്വന്തം തൊഴിലിനോട് മാന്യത പുലര്‍ത്തുന്നവരാണ് വേറൊരു വിഭാഗം ഉദ്യോഗസ്ഥ മേധാവികള്‍. സ്വന്തം മനഃസാക്ഷിയെ വഞ്ചിക്കാതെ നിയമാനുസൃതം ജോലിചെയ്യുന്ന അന്തസുള്ള ഈ വിഭാഗക്കാര്‍ നിര്‍ഭയരും നീതിനിഷ്ഠരുമായിരിക്കും.

ചീഫ് സെക്രട്ടറി വിളിച്ച യോഗത്തില്‍ മേല്‍പറഞ്ഞ രണ്ടു വിഭാഗത്തിലുംപെട്ട ഉദ്യോഗസ്ഥരുണ്ടായിരുന്നു. അതില്‍ ആദ്യത്തെ വിഭാഗക്കാര്‍ സര്‍വതും മറന്ന് ചീഫ്സെക്രട്ടറിക്കും യുഡിഎഫിനും "ജയ് ജയ്" വിളിച്ചു. ചീഫ്സെക്രട്ടറിയുടെയും യുഡിഎഫിന്റെ വലുതും ചെറുതുമായ നേതാക്കള്‍ ഉള്‍പ്പെട്ട യജമാനന്മാരുടെ സംഘത്തിന്റെയും ആജ്ഞകള്‍ തങ്ങള്‍ ശിരസാവഹിച്ചുകൊള്ളാമെന്നറിയിക്കുകയും ചെയ്തു. എന്നാല്‍ രണ്ടാമത്തെ വിഭാഗത്തില്‍പെട്ട ഉദ്യോഗസ്ഥര്‍, സംസ്ഥാനത്തെ സമുന്നത ഉദ്യോഗസ്ഥന്‍ ഈ രീതിയില്‍ തരംതാഴുന്നതുകണ്ട് അക്ഷരാര്‍ഥത്തില്‍ അന്തംവിട്ടുപോയി. ഇത്തരം ഒരു മീറ്റിംഗില്‍ തങ്ങള്‍ പങ്കെടുത്തുപോയല്ലോ എന്നോര്‍ത്ത് അവര്‍ സ്വയം പഴിച്ചു. ഈ നെറികേടിന് തങ്ങളെ വലിച്ചിഴച്ചതില്‍ അവര്‍ ലജ്ജിച്ചു. ഈ വിഭാഗത്തില്‍പെട്ട ഉദ്യോഗസ്ഥര്‍ ചീഫ് സെക്രട്ടറിയുടെ അസാധാരണവും അധാര്‍മികവും നിയമവിരുദ്ധവുമായ നിലപാടിനെതിരെ തിരഞ്ഞെടുപ്പു കമ്മീഷന് പരാതി നല്‍കി. ആ പരാതി പരിഗണിച്ചാണ് ഇലക്ഷന്‍ കമ്മീഷന്‍ ചീഫ് സെക്രട്ടറിയെ ശക്തമായി വിമര്‍ശിച്ചത്.

കേരളത്തിലെന്നല്ല, ഇന്ത്യയില്‍തന്നെ ഇതിനുമുമ്പ് ഒരു ചീഫ് സെക്രട്ടറിക്കും ഇതുപോലെ ഇലക്ഷന്‍ കമ്മീഷനില്‍നിന്ന് ശാസന കേള്‍ക്കേണ്ടിവന്നിട്ടില്ല. അന്തസുള്ള ഒരു ചീഫ്സെക്രട്ടറിയും ചെയ്യാന്‍ തയ്യാറാകാത്ത തരംതാണ പണിയാണ് ഭരത്ഭൂഷണ്‍ ചെയ്തതെന്നു വ്യക്തം. തിരഞ്ഞെടുപ്പു കമ്മീഷന്‍ നിര്‍ദ്ദേശിക്കുന്ന ചുമതലകള്‍ മാത്രമേ ചെയ്യാവൂ. അല്ലാതെയുള്ള ഒരു നടപടിക്രമത്തിലും ഇടപെടരുത് എന്നാണ് കമ്മീഷന്റെ നിര്‍ദ്ദേശം. വളരെ ഗുരുതരമായ ചട്ട ലംഘനമാണ് ചീഫ്സെക്രട്ടറി ചെയ്തതെന്ന് നിയമവിദഗ്ധര്‍ ചൂണ്ടിക്കാട്ടുന്നു. അതുകൊണ്ടുതന്നെ അദ്ദേഹം ആ സ്ഥാനത്ത് ഇരിക്കാന്‍ അര്‍ഹനല്ല.

ഉദ്യോഗസ്ഥരുടെ രഹസ്യയോഗം വിളിച്ചത് മാര്‍ച്ച് അവസാനം ആണെങ്കിലും ഭരണയന്ത്രത്തെ യുഡിഎഫിനുവേണ്ടി ദുരുപയോഗം ചെയ്യുക എന്ന ലക്ഷ്യത്തോടെയുള്ള പ്രവര്‍ത്തനം ഭരത്ഭൂഷണും കൂട്ടരും നേരത്തെതന്നെ ആരംഭിച്ചു എന്നതിന്റെ സൂചനകളാണ് പിന്നീട് പുറത്തുവന്നത്. വളരെ ആസൂത്രിതവും നിഗൂഢവുമായ പല പദ്ധതികളും ഭരണ നേതൃത്വവും ഉദ്യോഗസ്ഥ പ്രമാണിമാരും ചേര്‍ന്ന് ഇട്ടിരുന്നു എന്നുവേണം കരുതാന്‍. സമകാലിക സംഭവങ്ങള്‍ അടിവരയിടുന്നത് ആ പരമാര്‍ഥത്തിലേക്കാണ്. യുഡിഎഫ് സ്ഥാനാര്‍ഥികളായ ജോസ് കെ മാണി, ബിന്ദുകൃഷ്ണ, ഡീന്‍ കുര്യാക്കോസ്, ശശി തരൂര്‍ എന്നിവരുടെ നാമനിര്‍ദ്ദേശ പത്രികകള്‍ സൂക്ഷ്മപരിശോധനയില്‍ തള്ളേണ്ടതായിരുന്നു. നാമനിര്‍ദേശപത്രികകളിലും അതോടൊപ്പം നല്‍കിയ രേഖകളിലും ഗുരുതരമായ പിശകുകളുണ്ടായിരുന്നു. കോട്ടയത്തെ കേരള കോണ്‍ഗ്രസ് സ്ഥാനാര്‍ഥി ജോസ് കെ മാണിക്ക് പാര്‍ടിയുടെ ചിഹ്നം അനുവദിക്കണം എന്നാവശ്യപ്പെട്ട നാമനിര്‍ദേശ പത്രികയിലെ ഫോം എയും ബിയും സമര്‍പ്പിച്ചത് ജനറല്‍സെക്രട്ടറി ജോയി എബ്രഹാമാണ്. കേരള കോണ്‍ഗ്രസ് ചെയര്‍മാന്‍ എന്ന നിലയില്‍ കെ എം മാണിയാണ് ജോയി എബ്രഹാമിനെ അതിന് ചുമതലപ്പെടുത്തിയത്. എന്നാല്‍ തിരഞ്ഞെടുപ്പു കമ്മീഷന്റെ ഔദ്യോഗിക വെബ്സൈറ്റ് അനുസരിച്ച് കേരള കോണ്‍ഗ്രസ് ചെയര്‍മാന്‍ സി എഫ് തോമസാണ്. 24-ാം തീയതിവരെ പാര്‍ടി ചെയര്‍മാന്‍ സി എഫ് തോമസ് എന്നാണ് കാണിച്ചത്. 25-ാം തീയതി ആ രേഖ സൈറ്റില്‍നിന്ന് അപ്രത്യക്ഷമായി. അതുപോലെ കേരള കോണ്‍ഗ്രസ് എമ്മില്‍ ജോസഫ് ഗ്രൂപ്പ് ലയിച്ചതിനുശേഷം ഇനിയും രജിസ്റ്റര്‍ ചെയ്തിട്ടില്ല. അതുകൊണ്ടുതന്നെ രജിസ്ട്രേഡ് പാര്‍ടി എന്ന പദവി കേരള കോണ്‍ഗ്രസിന് നഷ്ടമായി.

കെ എം മാണിതന്നെയാണ് ചെയര്‍മാന്‍ എന്ന് അംഗീകരിച്ചാല്‍ വേറെ ഗുരുതരമായ നിയമപ്രശ്നം ഉയര്‍ന്നുവരുന്നു. കാരണം കേരള കോണ്‍ഗ്രസ് എം ഭരണഘടനയനുസരിച്ച് ഒരാള്‍ക്ക് പാര്‍ടി ചെയര്‍മാന്‍ പദവിയും മന്ത്രിസ്ഥാനവും ഒരേസമയം വഹിക്കാനാവില്ല. എന്നാല്‍ ഗുരുതരമായ ഈ നിയമപ്രശ്നങ്ങളെയെല്ലാം അവഗണിച്ചുകൊണ്ട് വരണാധികാരികൂടിയായ കലക്ടര്‍ പത്രിക സ്വീകരിച്ചു. ഇടുക്കിയിലെ യുഡിഎഫ് സ്ഥാനാര്‍ഥി ഡീന്‍ കുര്യാക്കോസിന്റെ നാമനിര്‍ദ്ദേശ പത്രികയിലെ സത്യവാങ്മൂലത്തില്‍ സ്ഥാനാര്‍ഥിയുടെ പേര് ഇല്ലായിരുന്നു. എന്നിട്ടും ഇടുക്കി കലക്ടര്‍ ഡീനിന്റെ പത്രിക സ്വീകരിച്ചു. ആറ്റിങ്ങലിലെ യുഡിഎഫ് സ്ഥാനാര്‍ഥി ബിന്ദുകൃഷ്ണ സമര്‍പ്പിച്ച മൂന്ന് സെറ്റ് പത്രികകളില്‍ ഒന്നില്‍ സത്യവാങ്മൂലം ഇല്ലായിരുന്നു. മറ്റു രണ്ടെണ്ണത്തില്‍ നിയമപ്രകാരമുള്ള നിര്‍ദ്ദേശങ്ങള്‍ പാലിച്ചിരുന്നുമില്ല. 24-ാം തീയതി സൂക്ഷ്മപരിശോധനാവേളയില്‍ എല്‍ഡിഎഫ് നേതാക്കള്‍ ഇക്കാര്യം വരണാധികാരിയുടെ ശ്രദ്ധയില്‍പെടുത്തി. വരണാധികാരികൂടിയായ കലക്ടര്‍ ഇക്കാര്യം സമ്മതിക്കുകയും ചെയ്തു. എന്നാല്‍ തൊട്ടടുത്ത ദിവസം പത്രിക വീണ്ടും പരിശോധിച്ചപ്പോള്‍ പുതിയ സത്യവാങ്മൂലം തിരുകിക്കയറ്റി. കലക്ടറേറ്റിലെ യുഡിഎഫ് അനുകൂല ഉദ്യോഗസ്ഥരുടെ നേതൃത്വത്തിലാണ് തിരുകിക്കയറ്റിയത്. തിരുവനന്തപുരത്തെ യുഡിഎഫ് സ്ഥാനാര്‍ഥി ശശി തരൂരിന്റെ സ്വത്തുവിവരം മറച്ചുവെച്ചതിനെക്കുറിച്ച് എല്‍ഡിഎഫ് നല്‍കിയ പരാതി കലക്ടര്‍ അവഗണിച്ചു. വരണാധികാരികള്‍ നീതിബോധത്തോടെയും സ്വതന്ത്രമായും പ്രവര്‍ത്തിച്ചിരുന്നെങ്കില്‍ ഈ നാല് നാമനിര്‍ദേശ പത്രികകളും തള്ളപ്പെടുമായിരുന്നു. തമിഴ്നാട്ടില്‍ ഗുരുമൂര്‍ത്തിയുടെ പത്രിക തള്ളിപ്പോയത് ഓര്‍ക്കുക.

തിരഞ്ഞെടുപ്പ് അട്ടിമറിക്കാനും യുഡിഎഫിനെ ഏതറ്റംവരെപോയും തുണയ്ക്കാന്‍ തിരഞ്ഞെടുപ്പ് ഡ്യൂട്ടിക്ക് നിയോഗിക്കപ്പെട്ട ഉദ്യോഗസ്ഥര്‍ ശ്രമിക്കുന്നതിന്റെ തെളിവുകള്‍ നിരവധിയാണ്. ആറ്റിങ്ങലിലെ എല്‍ഡിഎഫ് സ്ഥാനാര്‍ഥി ഡോ. എ സമ്പത്തിന്റെയും കോട്ടയത്തെ എല്‍ഡിഎഫ് സ്ഥാനാര്‍ഥി മാത്യു ടി തോമസിന്റെയും എറണാകുളത്തെ എല്‍ഡിഎഫ് സ്ഥാനാര്‍ഥി ക്രിസ്റ്റി ഫെര്‍ണാണ്ടസിന്റെയും തിരഞ്ഞെടുപ്പ് ചിഹ്നങ്ങള്‍ വോട്ടിംഗ് യന്ത്രത്തില്‍ ചെറുതായും അവ്യക്തമായും പ്രസിദ്ധീകരിച്ചാണ് ഉദ്യോഗസ്ഥര്‍ യുഡിഎഫിന് പാദസേവ ചെയ്തത്. ചിഹ്നത്തിന്റെ വലിപ്പം കുറയുന്നതും വ്യക്തതയില്ലാത്തതും പ്രായമുള്ളവര്‍ക്കും കാഴ്ച കുറഞ്ഞവര്‍ക്കും വോട്ടുചെയ്യാന്‍ പ്രയാസമാകും. ഇക്കാര്യം ചൂണ്ടിക്കാട്ടി എല്‍ഡിഎഫ് നേതാക്കള്‍ വരണാധികാരിക്കും കേന്ദ്ര - സംസ്ഥാന ഇലക്ഷന്‍ കമ്മീഷനും പരാതി നല്‍കി. ചിഹ്നം അച്ചടിച്ചതിനാല്‍ മാറ്റാനാവില്ല എന്ന നിലപാടാണ് കലക്ടര്‍മാര്‍ സ്വീകരിച്ചത്.

വടകരയിലെ എല്‍ഡിഎഫ് സ്ഥാനാര്‍ത്ഥിയെ അപമാനിക്കാനും വോട്ടര്‍മാരെ തെറ്റിദ്ധരിപ്പിക്കാനുമുള്ള യുഡിഎഫ്-ആര്‍എംപി ഗൂഢാലോചന അവരെത്തന്നെ തിരിഞ്ഞുകൊത്തുകയാണ്. ടി പി ചന്ദ്രശേഖരന്‍ വധക്കേസിലെ പ്രതി കിര്‍മാണി മനോജ്, ഷംസീറിനെ വിളിച്ചു എന്നായിരുന്നു ആരോപണം. എന്നാല്‍ 9847562679 എന്ന ഈ നമ്പര്‍ പന്തക്കല്‍ സ്വദേശി അജീഷിന്റേതാണെന്ന് ബിഎസ്എന്‍എല്‍ അധികൃതര്‍ വ്യക്തമാക്കിയതോടെ ആ ഗൂഢാലോചന പൊളിഞ്ഞു. മനോരമയും മാതൃഭൂമിയും ഒന്നാം പേജില്‍ വെണ്ടയ്ക്ക തലക്കെട്ടുകൊടുത്തെങ്കിലും ഷംസീര്‍ വക്കീല്‍നോട്ടീസ് അയച്ചതോടെ ആരോപണം ഉന്നയിച്ചവര്‍ മാളത്തിലൊളിച്ചു. കേസ് അന്വേഷണത്തിന്റെ ഒരു ഘട്ടത്തിലും ഷംസീറിനെതിരെ ആരോപണം ആരും ഉന്നയിച്ചില്ല എന്ന് നന്നായി അറിയാവുന്നവരാണ് വടകരയിലെ വോട്ടര്‍മാര്‍. സ്വര്‍ണ കള്ളക്കടത്തുകാരന്‍ ഫയാസുമായി ആഭ്യന്തരമന്ത്രി രമേശ് ചെന്നിത്തലയ്ക്കുള്ള ബന്ധം പുറത്തുവന്നത് ഭരണ-യുഡിഎഫ് നേതൃത്വത്തിനേറ്റ കനത്ത ആഘാതമായി. ഫയാസുമൊത്ത് ചെന്നിത്തലയും കോണ്‍ഗ്രസ് വക്താവ് എം എം ഹസനും നില്‍ക്കുന്ന ചിത്രം പുറത്തുവന്നതോടെ കോണ്‍ഗ്രസ് നേതൃത്വത്തിന്റെ വികൃതമുഖം ഒരിക്കല്‍കൂടി അനാവരണംചെയ്യപ്പെട്ടു.

ഫയാസും ഉമ്മന്‍ചാണ്ടിയുമായുള്ള ബന്ധത്തിന്റെ വിശദാംശങ്ങള്‍ നേരത്തെതന്നെ പുറത്തുവന്നിരുന്നു. ഫയാസിന്റെ കോഴിക്കോട് ജയില്‍ സന്ദര്‍ശനവും മോഹനന്‍മാസ്റ്ററെ കണ്ടെന്ന പ്രചരണവും പിന്നീട് പ്രചരിപ്പിക്കപ്പെട്ട അവ്യക്തമായ ചിത്രങ്ങളും എല്ലാം ഗൂഢാലോചനയുടെ ഭാഗമായിരുന്നെന്ന് ഇതോടെ തെളിഞ്ഞു. ഇടുക്കിയിലെ എല്‍ഡിഎഫ് സ്ഥാനാര്‍ഥി ജോയ്സ് ജോര്‍ജിന്റെ പിതാവിന്റെ പേരിലുണ്ടായിരുന്ന ഭൂമി കൈമാറ്റത്തിന്റെപേരില്‍ ജോയ്സിനെ അപകീര്‍ത്തിപ്പെടുത്താനുള്ള ശ്രമവും അമ്പേ പരാജയപ്പെട്ടു. പട്ടയമില്ലാത്ത ഭൂമിയാണ് കൈമാറ്റം ചെയ്തതെന്ന് കോണ്‍ഗ്രസുകാര്‍ ആരോപണം ഉന്നയിക്കുന്നു. ഉടനെതന്നെ റവന്യുമന്ത്രി അന്വേഷിക്കാന്‍ ഉത്തരവിടുന്നു. ഇലക്ഷന്‍ വേളയില്‍ അന്വേഷണം മിന്നല്‍ വേഗത്തില്‍ നടക്കുന്നു. എന്നാല്‍ ജോയ്സ് അനധികൃതമായി ഒന്നും ചെയ്തിട്ടില്ലെന്ന സത്യം അന്വേഷണത്തില്‍ വെളിപ്പെട്ടു. യുഡിഎഫ് - ഉദ്യോഗസ്ഥതല ഗൂഢാലോചനയും അട്ടിമറി പ്രവര്‍ത്തനങ്ങളും തകൃതിയായി നടക്കുന്നതിന്റെ ചിത്രമാണ് നമുക്കുമുമ്പില്‍. കള്ളത്തരം കാണിക്കുന്നവരുടെ വിശ്വാസം അത് ലോകാവസാനംവരെയും രഹസ്യമായി ഇരിക്കുമെന്നാണ്. എന്നാല്‍ സത്യത്തെ അങ്ങനെ കുഴിച്ചുമൂടാനാവില്ലെന്നും അത് വൈകിയാണെങ്കിലും പുറത്തുവന്ന് തിരിച്ചടിക്കുമെന്നുമുള്ള വസ്തുതയാണ് അവര്‍ മറക്കുന്നത്.

*
ഗിരീഷ് ചേനപ്പാടി ചിന്ത വാരിക

ജനാധിപത്യത്തെ വിലയ്ക്കെടുക്കുമ്പോള്‍

ഇന്ത്യന്‍ രാഷ്ട്രീയം മുമ്പൊരിക്കലും കണ്ടിട്ടില്ലാത്തവിധമാണ് ആര്‍എസ്എസും ബിജെപിയും അവരുടെ പ്രധാനമന്ത്രിസ്ഥാനാര്‍ഥിയെ അധികാരത്തിലേറ്റാന്‍ വന്‍തോതില്‍ പണവും മറ്റു ഭൗതിക സമ്പത്തും ഒഴുക്കുന്നത്. ഒരു ലോക്സഭാ സ്ഥാനാര്‍ഥിക്ക് മണ്ഡലത്തില്‍ ചെലവാക്കാവുന്ന തുകയുടെ പരിധി 70 ലക്ഷമായി ഈയിടെ തെരഞ്ഞെടുപ്പ് കമീഷന്‍ വര്‍ധിപ്പിച്ചിരുന്നു. 542 മണ്ഡലങ്ങളിലായി അപ്രകാരം സ്ഥാനാര്‍ഥികള്‍ക്ക് മുടക്കാവുന്ന തുകയുടെ ഇരട്ടിപ്പണം മോഡിയെ പ്രധാനമന്ത്രിസ്ഥാനാര്‍ഥിയായി അവതരിപ്പിക്കാന്‍വേണ്ടിമാത്രം ആര്‍എസ്എസ്-ബിജെപി ചെലവഴിച്ചതായി കണക്കാക്കുന്നു. ഒരു രാഷ്ട്രീയപാര്‍ടി എന്ന നിലയ്ക്ക് ബിജെപി അവരുടെ സ്ഥാനാര്‍ഥികള്‍ക്കായി ചെലവഴിച്ച പണം കണക്കാക്കിയാല്‍ ഓരോ മണ്ഡലത്തിലും തെരഞ്ഞെടുപ്പ് കമീഷന്‍ നിര്‍ദേശിച്ച പരിധിയുടെ രണ്ടിരട്ടിയിലേറെ തുക വരും. പണമായും വിഭവങ്ങളായും ഇപ്പോള്‍ത്തന്നെ ചെലവഴിക്കപ്പെട്ടത് അതിഭീമമായ തുകയാണ്.

ഒരുവിധ പരിശോധനയുമില്ലാതെ ഇത്ര ഭീമമായ തുക അവര്‍ ചെലവഴിക്കുന്നത് നിയമവ്യവസ്ഥയുടെ അതിഗുരുതരമായ പഴുതുപയോഗിച്ചാണ്. ഒരു രാഷ്ട്രീയ പാര്‍ടിക്ക് ഒരു തെരഞ്ഞെടുപ്പില്‍ പ്രചാരണത്തിന് ചെലവഴിക്കാവുന്ന തുകയ്ക്ക് ഇപ്പോള്‍ പരിധി നിശ്ചയിച്ചിട്ടില്ല. സ്ഥാനാര്‍ഥികള്‍ക്ക് ചെലവഴിക്കാവുന്ന തുകയ്ക്ക് പരിധി നിശ്ചയിച്ചതുപോലെ രാഷ്ട്രീയപാര്‍ടികള്‍ക്ക് ചെലവഴിക്കാവുന്ന പണത്തിന്റെയും പരിധി നിശ്ചയിക്കണമെന്ന് സിപിഐ എം വളരെ കാലമായി ആവശ്യപ്പെടുന്നതാണ്. എന്നാല്‍, മറ്റൊരു ദേശീയ രാഷ്ട്രീയ പാര്‍ടിയും സിപിഐ എമ്മിന്റെ നിര്‍ദേശത്തോട് യോജിച്ചില്ല എന്നത് അതിശയകരമല്ല. ചെലവഴിക്കാന്‍ പണവും മറ്റു വിഭവങ്ങളുമില്ലാത്ത, എന്നാല്‍ വന്‍തോതില്‍ ബഹുജന പിന്തുണയുള്ള രാഷ്ട്രീയപാര്‍ടികള്‍ക്ക് തെരഞ്ഞെടുപ്പു സംബന്ധമായി ഇപ്പോഴുള്ള നിയമങ്ങള്‍ നിരവധി പ്രശ്നങ്ങള്‍ സൃഷ്ടിക്കുന്നുണ്ട്.

ചുവരെഴുത്ത്, പോസ്റ്റര്‍ പ്രചാരണം തുടങ്ങിയ താരതമ്യേന ചെലവുകുറഞ്ഞ പ്രചാരണ രീതികള്‍ക്ക് കടുത്ത നിയന്ത്രണമാണ് നിലവിലുള്ളത്. അതേസമയം മാധ്യമങ്ങളിലൂടെ പരസ്യംനല്‍കല്‍, പണം നല്‍കി വാര്‍ത്തകൊടുക്കല്‍, പണം നല്‍കി അഭിപ്രായ സര്‍വേ അനുകൂലമാക്കല്‍ തുടങ്ങിയ വന്‍ തുക ചെലവഴിക്കേണ്ടിവരുന്ന പ്രചാരണങ്ങള്‍ക്കൊന്നും ഒരു നിയന്ത്രണവുമില്ല. ഹെലികോപ്റ്ററുകള്‍, സ്വകാര്യ ജെറ്റ് വിമാനങ്ങള്‍ തുടങ്ങിയവ ഉപയോഗിച്ച് പാര്‍ടി നേതാക്കള്‍ നടത്തുന്ന പ്രചരണങ്ങള്‍ക്കും ഒരു നിയന്ത്രണവുമില്ല. ഇന്ത്യന്‍ ജനാധിപത്യം അതിവേഗം അധഃപതിച്ചുകൊണ്ടിരിക്കുന്നു. പണാധിപത്യ ശക്തികള്‍ക്കും പ്രത്യേകാനുകൂല്യങ്ങള്‍ അനുഭവിക്കുന്ന വിഭാഗത്തിനും ജനാധിപത്യത്തെ കീഴ്പ്പെടുത്താമെന്ന അവസ്ഥയിലെത്തുന്നു. ഇത് നമ്മുടെ ജനാധിപത്യത്തിന്റെ ഭാവിക്ക് ഒട്ടും ഗുണകരമാവില്ല.

ഈ അവസ്ഥയ്ക്കു മാറ്റംവരണമെങ്കില്‍ നിലവിലുള്ള നിയമം പൊളിച്ചെഴുതണം. അതിനുള്ള നിര്‍ദേശങ്ങള്‍ തെരഞ്ഞെടുപ്പ് കമീഷനില്‍നിന്നുണ്ടാവേണ്ടത് അനിവാര്യമാണ്. എങ്കില്‍മാത്രമേ നമ്മുടെ ഭരണഘടന അനുശാസിക്കുന്നവിധം ജനാധിപത്യം സംരക്ഷിക്കാന്‍ കഴിയൂ. തെരഞ്ഞെടുപ്പില്‍ ചെലവഴിക്കപ്പെടുന്ന ഭീമമായ തുക എവിടെനിന്നു വരുന്നു? ഇത് അന്വേഷിക്കപ്പെടേണ്ട ഒന്നാണ്. ഈ പണം നമ്മുടെ പശ്ചാത്തലമേഖലയില്‍ ചെലവഴിക്കപ്പെട്ടാല്‍ ലക്ഷക്കണക്കിന് തൊഴിലവസരങ്ങള്‍ സൃഷ്ടിക്കാനാവും. ആര്‍എസ്എസ്-ബിജെപി അച്ചുതണ്ട് തെരഞ്ഞെടുപ്പില്‍ ഭീമമായ തുക ചെലവഴിക്കുന്നത് കേന്ദ്രഭരണത്തിന്റെ കടിഞ്ഞാണ്‍ കൈക്കലാക്കാനാണ്. അതിലൂടെ നമ്മുടെ രാഷ്ട്രത്തിന്റെ മതേതര-ജനാധിപത്യ സ്വഭാവത്തെ അട്ടിമറിച്ച് അസഹിഷ്ണുതയും ഫാസിസ്റ്റ് പ്രവണതയും മുഖമുദ്രയാക്കിയ "ഹിന്ദുത്വരാഷ്ട്ര"മാക്കി മാറ്റുകയാണ് അവരുടെ ലക്ഷ്യം.

മുമ്പ് ഭരണത്തിലേറിയപ്പോള്‍ നടപ്പാക്കാന്‍ സാധിക്കാതിരുന്ന ഹിന്ദുത്വ അജന്‍ഡ നടപ്പാക്കാന്‍ അവസരംപാര്‍ത്ത് കഴിയുകയാണവര്‍. 1996ല്‍ വാജ്പേയി സര്‍ക്കാര്‍, തെരഞ്ഞെടുപ്പ് മാനിഫെസ്റ്റോയില്‍ തങ്ങള്‍ ഉയര്‍ത്തിപ്പിടിച്ച ഹിന്ദുത്വ അജന്‍ഡ നടപ്പാക്കും എന്ന സമീപനം സ്വീകരിച്ചതോടെ പാര്‍ലമെന്റില്‍ മറ്റൊരു പാര്‍ടിയുടെയും പിന്തുണ ലഭിച്ചില്ല. പാര്‍ലമെന്റില്‍ പരാജയപ്പെട്ട ആ സര്‍ക്കാരിന് 13 ദിവസം പിന്നിട്ടപ്പോള്‍ രാജിവയ്ക്കേണ്ടിവന്നു. വളരെ കുറഞ്ഞ ഈ സമയത്തിനുള്ളില്‍, വിശ്വാസ പ്രമേയത്തിന്മേല്‍ പാര്‍ലമെന്റില്‍ ചര്‍ച്ചനടന്ന വേളയില്‍തന്നെ ബഹുരാഷ്ട്ര കുത്തകയായ എന്‍റോണുമായി ആ സര്‍ക്കാര്‍ വൈദ്യുതി വാങ്ങല്‍ കരാര്‍ ഒപ്പുവച്ചു. കോടിക്കണക്കിന് രൂപ ഇന്ത്യയിലെ ജനങ്ങളെ കൊള്ളയടിക്കാന്‍ എന്‍റോണിന് അവസരം ഒരുക്കിയ കരാറായിരുന്നു അത്. ശിങ്കിടി മുതലാളിത്തത്തോടുള്ള അവരുടെ പ്രതിബദ്ധത അത്രമേല്‍ ഉറച്ചതും സ്ഥായിയുമാണ്.

ബിജെപി അതിന്റെ തീവ്ര ഹിന്ദുത്വ നിലപാട് മയപ്പെടുത്തിയതിനെത്തുടര്‍ന്ന് 1998ല്‍ വാജ്പേയിയുടെ നേതൃത്വത്തില്‍ വീണ്ടും മന്ത്രിസഭ രൂപീകരിക്കപ്പെട്ടു. എഐഎഡിഎംകെ പിന്തുണ പിന്‍വലിച്ചതിനെത്തുടര്‍ന്ന് പതിമൂന്നുമാസം പൂര്‍ത്തിയാക്കിയ ആ മന്ത്രിസഭ നിലംപതിച്ചു. 1999ല്‍ ബിജെപി അവരുടെ തീവ്ര ഹിന്ദുത്വ അജന്‍ഡ പിന്നണിയില്‍ ഒളിപ്പിക്കാന്‍ നിര്‍ബന്ധിതമായി. അതേ തുടര്‍ന്നാണ് അവര്‍ക്ക് സഖ്യകക്ഷികളെ ലഭിച്ചതും അഞ്ചുവര്‍ഷം ഭരിക്കാന്‍ സാധിച്ചതും. 2004ല്‍ ഇന്നത്തെപ്പോലെ വലിയ പ്രചാരണം അഴിച്ചുവിട്ടിരുന്നു. "ഇന്ത്യ തിളങ്ങുന്നു" തുടങ്ങിയ മുദ്രാവാക്യങ്ങളിലൂടെ പ്രചാരണം കൊഴുപ്പിച്ചു. അഭിപ്രായ സര്‍വേകള്‍ പലതും ബിജെപിക്ക് ഒറ്റയ്ക്ക് കേവല ഭൂരിപക്ഷം പ്രവചിക്കുകയും ചെയ്തു.

എന്നാല്‍, ബിജെപിഭരണത്തെ തൂത്തെറിയുന്നതായിരുന്നു ജനവിധി. 2014ലെ തെരഞ്ഞെടുപ്പിനെ ആര്‍എസ്എസ് കാണുന്നത് അതിന്റെ ഹിന്ദുത്വ അജന്‍ഡ നടപ്പാക്കാന്‍, കേന്ദ്രസര്‍ക്കാരിന്റെ കടിഞ്ഞാണ്‍ കൈക്കലാക്കാന്‍ പറ്റിയ അവസരം എന്ന നിലയിലാണ്. തങ്ങളുടെ മുഖ്യ അജന്‍ഡ വിട്ടുവീഴ്ചയില്ലാതെ നടപ്പാക്കാന്‍ കഴിയും എന്ന് അവര്‍ കരുതുന്നു. ഈ ലക്ഷ്യം സാധിക്കുന്നതിനായി "നാസി" ഫാസിസ്റ്റ് പ്രചാരണ തന്ത്രത്തെ ഇന്ത്യന്‍ സാഹചര്യത്തിനുസൃതമായി ഉപയോഗിക്കുകയാണവര്‍. ആ പ്രചാരണതന്ത്രത്തിന് പ്രധാനമായും രണ്ടു പ്രധാന ഇനങ്ങളാണുള്ളത്. ചരിത്രത്തെ നിര്‍ദയം വളച്ചൊടിക്കുകയാണ് ആദ്യത്തെ ഇനം. "ശത്രു"വിനെ അവര്‍ പ്രതിനിധാനംചെയ്യുന്ന സ്വത്വത്തില്‍നിന്ന് സൃഷ്ടിച്ചെടുക്കുകയാണ് അടുത്ത പടി.

ആര്യന്‍ വംശത്തിന്റെ മേധാവിത്വം സ്ഥാപിച്ചെടുക്കുന്നതിനായി ജൂതന്മാരെ ശത്രുപക്ഷത്തു നിര്‍ത്തുക എന്ന ഹിറ്റ്ലറുടെ മൃഗീയവും കൊടുംക്രൂരവുമായ തന്ത്രമാണിത്. ഇന്ത്യന്‍ സാഹചര്യത്തില്‍ ഈ മൃഗീയമായ ശത്രുത ന്യൂനപക്ഷത്തിനെതിരെ വിശേഷിച്ച് മുസ്ലിങ്ങള്‍ക്കെതിരെ തിരിച്ചുവിട്ട് ഹിന്ദുക്കളുടെ മേധാവിത്വം സ്ഥാപിക്കുക എന്ന തന്ത്രമാണ് ആര്‍എസ്എസ് പയറ്റുന്നത്. ജാതിയടിസ്ഥാനത്തിലുള്ള സാമൂഹിക അടിച്ചമര്‍ത്തല്‍ നേരിടുന്ന വിവിധ വിഭാഗങ്ങള്‍ ഉള്‍പ്പെടെയുള്ള ഹിന്ദു വിഭാഗങ്ങളെ ഏകശിലാവിഗ്രഹംപോലെ ഏകോപിപ്പിക്കാനുള്ള ശ്രമമാണ് അവര്‍ നടത്തുന്നത്. മറ്റു മതന്യൂനപക്ഷങ്ങള്‍ക്കെതിരെ സ്പര്‍ധ വളര്‍ത്തുന്ന രീതിയില്‍ ഹൈന്ദവ ധ്രുവീകരണം സാധ്യമാക്കാന്‍ അവര്‍ പഠിച്ച പണി പതിനെട്ടും പയറ്റുന്നു. പാര്‍ലമെന്റില്‍ 300 പ്രതിനിധികളെ തനിക്കു നല്‍കിയാല്‍ ലോകത്തിന് ഇന്ത്യയെ ശ്രദ്ധിക്കാതിരിക്കാനാവില്ല എന്നാണ് മോഡി പറഞ്ഞത്.

പ്രാരംഭകാലം മുതല്‍ ലോകം ഇന്ത്യയെ ശ്രദ്ധിച്ചു തുടങ്ങിയതാണ്; എല്ലായ്പ്പോഴും ശ്രദ്ധിക്കുന്നു. ലോകം ഇന്ത്യയെ ശ്രദ്ധിച്ചത് ഇന്ത്യയുടെ സായുധശേഷിയോ ഭൗതിക സമ്പത്തോ കണ്ടല്ല. ഇന്ത്യന്‍ ആശയങ്ങളുടെ കരുത്തിനെയാണ് ലോകം ശ്രദ്ധിച്ചത്. ഇന്ത്യയുടെ ബഹുസ്വരതയെയും നാനാത്വത്തില്‍ ഏകത്വം എന്ന ആശയത്തിന്റെ ദൃഢതയെയുമാണ് ലോകം ബഹുമാനിക്കുന്നത്. ആര്‍എസ്എസിന്റെ ഹിന്ദുത്വ പ്രത്യയശാസ്ത്രം മേല്‍പ്പറഞ്ഞതിന് കടകവിരുദ്ധമാണ്; ഇന്ത്യയുടെ ഇപ്പോഴത്തെ സവിശേഷതകളെ പൂര്‍ണമായും തകര്‍ക്കുന്നതാണ്. ചരിത്രസത്യങ്ങളെ പലതിനെയും മോഡി തന്റെ ഇച്ഛയ്ക്കൊത്ത് വളച്ചൊടിക്കുന്നു. ബുദ്ധമത കേന്ദ്രമായിരുന്ന തക്ഷശില ബിഹാറിലാണ് (ശരിക്കും അത് ഇന്നത്തെ പാകിസ്ഥാനിലാണ്). അലക്സാണ്ടര്‍ ഇന്ത്യയെ ആക്രമിച്ചു.

ഗംഗയുടെ തീരത്താണ് അദ്ദേഹം മരണപ്പെട്ടത്, ഭഗത്സിങ്ങിനെ തടവിലിട്ടത് ആന്തമാനിലെ "കാലാപാനി"യിലാണ് തുടങ്ങി നുണകളുടെ ഘോഷയാത്രതന്നെ മോഡി അഴിച്ചുവിടുന്നു. അക്ബര്‍ ചക്രവര്‍ത്തിയുടെ സദസ്സിലെ ഇതിഹാസനായകനായിരുന്ന താന്‍സെന്‍ സംഗീതം പഠിച്ചത് മോഡിയുടെ ജന്മസ്ഥലത്തുനിന്നാണത്രെ! ഈ പ്രചാരണങ്ങള്‍ ഒന്നും ചരിത്രം അറിയാത്തതുകൊണ്ടല്ല. സ്മരണാര്‍ഹമായ ഏതൊന്നിന്റെയും ഉത്ഭവം ഹിന്ദു പാരമ്പര്യത്തില്‍നിന്നാണെന്ന് വരുത്താനുള്ള ആസൂത്രിതമായ തന്ത്രമാണിത്. ""രാഷ്ട്രം താമരയെയും മോഡിയെയും കാത്തിരിക്കുന്നു"" എന്ന മോഡിയുടെ പ്രസ്താവനയില്‍ തന്‍പ്രമാണിത്വത്തില്‍നിന്നുണ്ടാകുന്ന ഉന്മാദമാണ് പ്രകടമായത്.

ആര്‍എസ്എസിന്റെ ലക്ഷ്യവും അതാണ്. ഇത്ര ക്രൂരമായി ന്യൂനപക്ഷത്തെ വേട്ടയാടിയ ആളെ ആരാണ് കാത്തിരിക്കുന്നത്? ഇത്ര ദയാരഹിതമായി കോര്‍പറേറ്റ് പ്രീണനം നടത്തുന്ന ആളെ ആരാണ് കാത്തിരിക്കുന്നത്? പരമാവധി ലാഭം ഉണ്ടാക്കുക എന്ന കണ്ണില്‍ചോരയില്ലാത്ത സമീപനം സ്വീകരിക്കുന്ന കോര്‍പറേറ്റുകള്‍ക്ക് എല്ലാ സഹായങ്ങളും നല്‍കുന്ന മോഡിയെ ആര്‍ക്കാണ് വേണ്ടത്? വര്‍ഗീയ അജന്‍ഡ നഗ്നമായി നടപ്പാക്കുന്നതിനുള്ള മണ്ഡലമായി വാരാണസിയെ തെരഞ്ഞെടുത്തതെന്തിനാണ്? തരംഗം ഉണ്ടെങ്കില്‍പ്പിന്നെ എന്തിനാണ് ബിജെപിയുടെ മുന്‍ പ്രസിഡന്റും സമുന്നത നേതാവുമായ വ്യക്തിക്ക് ആര്‍എസ്എസ്-ബിജെപി നേതൃത്വം സിറ്റിങ് സീറ്റ് നിഷേധിച്ചത്? എന്തിനാണ് അവിടെത്തന്നെ അവരുടെ "മിശിഹ"യെ മത്സരിപ്പിക്കണമെന്ന് ശാഠ്യം പിടിച്ചത്? തരംഗം ഉണ്ടെങ്കില്‍ മോഡി എവിടെനിന്നും നിഷ്പ്രയാസം ജയിക്കേണ്ടതല്ലേ? വര്‍ഗീയ ധ്രുവീകരണം ശക്തിപ്പെടുത്തുന്നതിന്റെ ഭാഗമായാണ് മോഡിയുടെ വാരാണസിയിലെ സ്ഥാനാര്‍ഥിത്വം. ഇന്ത്യയിലെ ഭൂരിപക്ഷം ജനങ്ങളും വിലക്കയറ്റംകൊണ്ടും പട്ടിണികൊണ്ടും രോഗംകൊണ്ടും തൊഴിലില്ലായ്മമൂലവും സാമൂഹികമായ അടിച്ചമര്‍ത്തല്‍മൂലവും കൊടിയ ദുരിതങ്ങള്‍ ഏറ്റുവാങ്ങുകയാണ്. ആര്‍എസ്എസും ബിജെപിയും മുന്നോട്ടുവയ്ക്കുന്ന സാമ്പത്തിക നയങ്ങളാകട്ടെ 1999ല്‍ എന്‍ഡിഎ സര്‍ക്കാര്‍ പിന്തുടര്‍ന്ന നയങ്ങളാണ്. അതാകട്ടെ കോണ്‍ഗ്രസ് നേതൃത്വത്തിലുള്ള യുപിഎ സര്‍ക്കാര്‍ നടപ്പാക്കിയ സാമ്പത്തിക നയങ്ങള്‍ തന്നെയാണ്. കോര്‍പറേറ്റുകളെയും മറ്റ് സമ്പന്ന വിഭാഗങ്ങളെയും കൂടുതല്‍ കൊഴുപ്പിക്കുന്നതും പാവപ്പെട്ട ജനവിഭാഗങ്ങളുടെ ദുരിതം പതിന്മടങ്ങ് വര്‍ധിപ്പിക്കുന്നതുമായ നവലിബറല്‍ സാമ്പത്തിക നയങ്ങളാണ് കോണ്‍ഗ്രസിനും ബിജെപിക്കുമുള്ളത്. കോണ്‍ഗ്രസ്-ബിജെപി ഇതര സര്‍ക്കാര്‍ ഉണ്ടാകേണ്ടതിന്റെ പ്രസക്തി അവിടെയാണ്.

*
പീപ്പിള്‍സ് ഡെമോക്രസി മുഖപ്രസംഗത്തില്‍നിന്ന്

ബിജെപിയുടെ പ്രകടന പത്രിക രാജ്യത്തിന്റെ ഐക്യത്തിന് ആപത്ത്

പതിനാറാം പൊതുതിരഞ്ഞെടുപ്പിനുള്ള തങ്ങളുടെ പ്രകടനപത്രിക ഒടുവില്‍ ബിജെപി പ്രസിദ്ധീകരിച്ചിരിക്കുന്നു. അടുത്ത ഗവണ്‍മെന്‍റ് രൂപീകരിക്കുന്നതിനുവേണ്ടിയുള്ള തിരഞ്ഞെടുപ്പില്‍ ""ഇനി ജയിയ്ക്കുകയേ വേണ്ടൂ"" എന്ന് അവകാശപ്പെടുന്ന ഒരു പാര്‍ടി, രാജ്യത്തിന്റെ ഭാവിയെ നയിക്കാന്‍ പോവുന്നതെങ്ങിനെയാണ് എന്നതു സംബന്ധിച്ച നിലപാട് ഇനിയും വ്യക്തമാക്കിയിട്ടില്ല എന്ന മുറവിളി ജനങ്ങളില്‍നിന്ന് ഉയര്‍ന്നുവന്നതിന്റെ ഫലമായിട്ടാണ് ഇതുണ്ടായത്. തിരഞ്ഞെടുപ്പ് പ്രക്രിയ യഥാര്‍ഥത്തില്‍ ആരംഭിച്ചതിനുശേഷം മാത്രമാണ് അവര്‍ തങ്ങളുടെ പ്രകടന പത്രിക പുറത്തിറക്കുന്നത് - മുമ്പൊന്നും ഇങ്ങനെയല്ല ഉണ്ടായിട്ടുള്ളത്. അതെന്തെങ്കിലുമാകട്ടെ, തങ്ങളുടെ പ്രഖ്യാപിത ലക്ഷ്യങ്ങള്‍ നേടിയെടുക്കുന്നതിന് ആവശ്യമായ നിര്‍ണായകമായ നടപടികള്‍ ഒഴിച്ച്, മറ്റ് വാചകമടികളെല്ലാം നിറഞ്ഞതാണ് ആ പ്രകടന പത്രിക. മുദ്രാവാക്യം വിളികള്‍ക്കിടയില്‍, വ്യക്തമായ രണ്ട് കാര്യങ്ങള്‍ മാത്രമാണ് ഉയര്‍ന്നുവരുന്നത്. അതില്‍ ഒന്നാമത്തേത്, മുരത്ത ഹിന്ദുത്വ അജണ്ട ആവര്‍ത്തിച്ച് പ്രസ്താവിക്കുന്നതാണ്. അയോധ്യയിലെ തര്‍ക്ക സ്ഥലത്ത് രാമക്ഷേത്രം നിര്‍മിക്കും എന്ന് അത് ഒരിക്കല്‍ കൂടി വാഗ്ദാനം ചെയ്യുന്നു. പക്ഷെ, ""ഭരണഘടനാ ചട്ടക്കൂടിനുള്ളില്‍നിന്നു കൊണ്ട്"" അങ്ങനെ ചെയ്യും എന്ന് കൗശലത്തോടുകൂടിയാണ് അത് പ്രസ്താവിക്കുന്നത്.

ബാബറി മസ്ജിദ് തകര്‍ക്കപ്പെട്ടത് ""ഭരണഘടനാ ചട്ടക്കൂട്ടിനു""ള്ളില്‍ നിന്നുകൊണ്ടായിരുന്നുവോ എന്ന ചോദ്യം സ്വാഭാവികമായും ഇവിടെ ഉയര്‍ന്നുവരും. ഏകീകൃത സിവില്‍ കോഡ്, ഭരണഘടനയിലെ 370-ാം വകുപ്പ് റദ്ദാക്കല്‍ എന്നീ ആവശ്യങ്ങളും ബിജെപി ഊന്നിപ്പറയുന്നുണ്ട്. 1996 തൊട്ടുള്ള ബിജെപിയുടെ എല്ലാ തിരഞ്ഞെടുപ്പ് പ്രകടന പത്രികകളിലും (1999ലെ തിരഞ്ഞെടുപ്പില്‍ ഒഴിച്ച്; ആ വര്‍ഷം അവര്‍ പ്രകടന പത്രിക ഇറക്കിയില്ല) ഈ അജണ്ട ഉയര്‍ത്തിക്കാണിയ്ക്കപ്പെട്ടിരുന്നതാണ്. അങ്ങനെ, അവര്‍ റെക്കോര്‍ഡ് ശരിയാക്കിയിരിക്കുന്നു. ഇന്നത്തെ ബിജെപിയ്ക്ക് വ്യത്യാസമൊന്നുമില്ല. ആര്‍എസ്എസ്സിെന്‍റ രാഷ്ട്രീയ ഹസ്തമല്ലാതെ മറ്റൊന്നുമായിരിക്കാന്‍ അതിന് കഴിയുകയില്ല. വര്‍ഗീയധ്രുവീകരണത്തിന്റെ വിഷം കൂടുതല്‍ ആഴത്തില്‍ വിതയ്ക്കുന്നതും ""ഹിന്ദുവോട്ട് ബാങ്കി""നെ ദൃഢീകരിച്ച് നിര്‍ത്തുന്നതും ആയ പ്രഖ്യാപനം തന്നെയാണിത്. രണ്ടാമത്തേത് അവരുടെ സാമ്പത്തിക അജണ്ടയാണ്. മള്‍ട്ടി ബ്രാന്‍റ് ചില്ലറ വ്യാപാരത്തിലൊഴിച്ച് (അവര്‍ക്ക് പിന്‍തുണ നല്‍കുന്ന അടിത്തറയെ സംരക്ഷിക്കുന്നതിനുവേണ്ടിയാണത്) മറ്റെല്ലാ മേഖലകളിലും (പശ്ചാത്തല വികസന സൗകര്യങ്ങളും തിരഞ്ഞെടുക്കപ്പെട്ട പ്രതിരോധ വ്യവസായങ്ങളും അടക്കം) വിദേശ പ്രത്യക്ഷ നിക്ഷേപം അനുവദിയ്ക്കും എന്ന് ബിജെപിയുടെ പ്രകടന പത്രിക അസന്ദിഗ്ദ്ധമായ ഭാഷയില്‍ത്തന്നെ പ്രസ്താവിക്കുന്നു. ""തൊഴില്‍ നിയമങ്ങള്‍"" പുനഃപരിശോധിയ്ക്കുകയും ബിസിനസ്സുകാരെ സംബന്ധിച്ച ലൈസന്‍സിങ് നിബന്ധനകള്‍ ""ലളിത""മാക്കുകയും ചെയ്യും എന്നും അതില്‍ പറഞ്ഞിട്ടുണ്ട്.

നികുതി ഘടന ലളിതമാക്കുന്നതിനെക്കുറിച്ചും യുക്തിസഹമാക്കുന്നതിനെക്കുറിച്ചും അതില്‍ പറയുന്നുണ്ട്; ദേശീയതലത്തില്‍ പൊതുവിലുള്ള വില്‍പനനികുതിയെക്കുറിച്ചും. (ജിഎസ്ടി - ജനറല്‍ സേല്‍സ് ടാക്സ്. ഗുജറാത്ത് അടക്കമുള്ള അവരുടെ സംസ്ഥാന ഗവണ്‍മെന്‍റുകള്‍ ജിഎസ്ടിയെ ശക്തിയായി എതിര്‍ക്കുകയാണുതാനും). ബാക്കിയെല്ലാം, അവരുടെ സ്വഭാവം അനുസരിച്ചുള്ള വഞ്ചനാപരമായ പ്രസ്താവങ്ങള്‍ തന്നെ. ബിജെപിയുടെ യഥാര്‍ഥ ഉദ്ദേശവും പ്രഖ്യാപിത ഉദ്ദേശവും തികച്ചും വ്യത്യസ്തങ്ങള്‍ തന്നെയാണ്. തങ്ങളുടെ ""നേതാവിനെ"" ഉയര്‍ത്തിക്കാണിക്കുന്നതിനെ മാത്രം കേന്ദ്രീകരിച്ചുകൊണ്ടുള്ളതാണ് ബിജെപിയുടെ ക്യാമ്പൈന്‍ പ്രവര്‍ത്തനങ്ങള്‍. നമ്മുടെ രാജ്യം ഇന്ന് അഭിമുഖീകരിച്ചുകൊണ്ടിരിക്കുന്ന എല്ലാ പ്രശ്നങ്ങള്‍ക്കും ""ശോഭനമായ"" ഭാവിയ്ക്കും ഉള്ള ഒറ്റമൂലിയായി ബിജെപിയുടെ വെബ്സൈറ്റ് എടുത്തു പറയുന്നത് ""മോഡി മന്ത്ര""ത്തെക്കുറിച്ചാണ്. ഇതെങ്ങിനെ സംഭവിയ്ക്കും എന്നത്, ചോദ്യം ചെയ്യപ്പെടാന്‍ പാടില്ല എന്നാണ് കരുതപ്പെടുന്നത്.

""പാലും തേനും"" ഒഴുകുന്ന, ചോദ്യം ചെയ്യപ്പെടാനാകാത്ത ""ശോഭന ഭാവി""യിലേക്കുള്ള മാര്‍ഗമാണ് ""ഗുജറാത്ത് മാതൃക"" എന്ന് അത് നമ്മോട് പറയുന്നു. ഗുജറാത്തിലെ ജനങ്ങളുടെ ജീവിതനിലവാരത്തിന്റെ കാര്യത്തിലായാലും ശരി, ""ദ്രുതവേഗതയിലുള്ള വ്യവസായവല്‍ക്കരണവും ആധുനികവല്‍ക്കരണവും""എന്ന് പറയപ്പെടുന്ന പ്രക്രിയയുടെ കാര്യത്തിലായാലും ശരി, എത്രയോ പഠനങ്ങള്‍ ഗുജറാത്തില്‍ നടത്തപ്പെട്ടിട്ടുണ്ട് - അവയെല്ലാം ഈ മിഥ്യാ സങ്കല്‍പനത്തെ തകര്‍ക്കുകയാണ് ചെയ്യുന്നത്. (സമഗ്രമായ വിവരണത്തിന് 2014 ഏപ്രില്‍ 6െന്‍റ ""ദി വീക്ക്"" കാണുക). ഇന്ത്യന്‍ മൂലധനത്തിനും വിദേശ മൂലധനത്തിനും നല്‍കപ്പെട്ട അഭൂതപൂര്‍വമായ സൗജന്യങ്ങളും നേട്ടങ്ങളും ആണ് ഗുജറാത്ത് മാതൃകയുടെ അന്തഃസത്ത എന്ന് ഇത് ചൂണ്ടിക്കാണിക്കുന്നു. ഈ ""മിശിഹ""യെ പ്രകീര്‍ത്തിക്കുന്ന വൈതാളികരുടെ നിരയില്‍ തള്ളിക്കയറി സ്ഥാനം പിടിയ്ക്കാന്‍ ചില ഇന്ത്യന്‍ കോര്‍പറേറ്റുകള്‍ വ്യഗ്രത കാണിക്കുന്നതില്‍ അല്‍ഭുതത്തിന്നവകാശമില്ലല്ലോ. അത്തരം സൗജന്യങ്ങള്‍ രാജ്യത്തെമ്പാടും വാരിവിതറുകയാണെങ്കില്‍, എത്ര വമ്പിച്ച കൊള്ളലാഭം ഉണ്ടാക്കാന്‍ കഴിയുമായിരുന്നു!

അതിനാല്‍ രണ്ട് ഇന്ത്യകള്‍ തമ്മില്‍ ഉള്ളതും വര്‍ധിച്ചുവരുന്നതുമായ വിടവിന് ഇപ്പോള്‍ തന്നെ കാരണമായിട്ടുള്ള നയങ്ങള്‍ കൂടുതല്‍ ഊര്‍ജിതമായി നടപ്പാക്കുക എന്ന ലക്ഷ്യമാണ് അവരുടെ സാമ്പത്തികവീക്ഷണത്തിനുള്ളത്. അതിനാല്‍ ബിജെപിയുടെ നേതൃത്വത്തിലുള്ള ഗവണ്‍മെന്‍റ് അധികാരത്തില്‍ വന്നാല്‍, മഹാഭൂരിപക്ഷം ജനങ്ങളെയും കാത്തിരിക്കുന്നത്, ദൈനംദിന ജീവിതത്തിലെ ദുരിതങ്ങളും ദുഃഖങ്ങളും മൂര്‍ച്ഛിക്കുക എന്നതു തന്നെയായിരിക്കും. മാധ്യമങ്ങളുടെ ചോദ്യങ്ങളെ നേരിടാന്‍ ബിജെപിയുടെ ""നേതാവ്"" വിസമ്മതിക്കുന്നത്, തികച്ചും ജനാധിപത്യവിരുദ്ധമായ അവരുടെ സമീപനത്തെയാണ് വെളിപ്പെടുത്തുന്നത്; നമ്മുടെ ഭരണഘടനയുടെ റിപ്പബ്ലിക്കന്‍ മൂല്യങ്ങള്‍ ഉയര്‍ത്തിപ്പിടിക്കുന്നതിനുള്ള ബാധ്യതയെ നിഷേധിയ്ക്കുകയാണ് അവര്‍ ചെയ്യുന്നത്. ഏറ്റവും താഴേത്തട്ടില്‍ വര്‍ഗീയ ധ്രുവീകരണം മൂര്‍ച്ഛിപ്പിക്കുക എന്ന ലക്ഷ്യംവച്ച് ജനങ്ങളെ അണിനിരത്തുന്നതിലാണ് ബിജെപി യഥാര്‍ഥത്തില്‍ ശ്രദ്ധ കേന്ദ്രീകരിച്ചിരിക്കുന്നത് എന്ന വസ്തുത ഇതിനെ കൂടുതല്‍ സ്ഥിരീകരിക്കുകയാണ് ചെയ്യുന്നത്. നേതാവിെന്‍റ വലംകയ്യായ മനുഷ്യന്‍, ""പകരംവീട്ടണം"" എന്ന് ആഹ്വാനം ചെയ്തുകൊണ്ട് ഉത്തര്‍പ്രദേശില്‍ ഈയിടെ നടത്തിയ വിദ്വേഷജനകമായ പ്രസംഗം അതിന് തെളിവാണ്.

അതേ അവസരത്തില്‍ത്തന്നെ, വികസനത്തിന്റെയും യുപിഎ ഗവണ്‍മെന്‍റിെന്‍റ ദുര്‍ഭരണത്തിന്റെയും പ്രശ്നങ്ങളാണ് അവര്‍ പരസ്യമായി ഉയര്‍ത്തിക്കാണിക്കുന്നത്. ജനങ്ങളില്‍ മഹാഭൂരിപക്ഷത്തിന്റെയും തലയില്‍ അഭൂതപൂര്‍വമായ ഭാരം കെട്ടിയേല്‍പിച്ച യുപിഎയുടെ നയങ്ങളില്‍ ജനങ്ങള്‍ അമര്‍ഷവും നിരാശയും പ്രകടിപ്പിക്കുന്നുണ്ട് എന്ന കാര്യത്തില്‍ സംശയമില്ല. ഈ നയങ്ങള്‍ തള്ളിക്കളയണം എന്ന കാര്യത്തിലും സംശയമില്ല. രാജ്യത്തിന് ആവശ്യമായ ഒരു ബദല്‍ നയത്തിലൂടെ ഇടതുപക്ഷം അതിന് സാധ്യമായ പരിഹാരം നിര്‍ദേശിച്ചിട്ടുണ്ട്. എന്നാല്‍ അങ്ങനെ ചെയ്യുന്ന കാര്യത്തില്‍ ബിജെപി തീര്‍ത്തും പരാജയപ്പെട്ടിരിക്കുന്നുവെന്ന് മാത്രമല്ല, യഥാര്‍ഥത്തില്‍ യുപിഎയുടെ അതേ നയങ്ങള്‍ തന്നെ തുടരുമെന്ന് പറയുകയും ചെയ്യുന്നു. അഴിമതിയുടെ കാര്യത്തിലും സാമ്പത്തിക നയങ്ങളുടെ കാര്യത്തിലും കോണ്‍ഗ്രസും ബിജെപിയും തമ്മില്‍ വലിയ വ്യത്യാസമൊന്നുമില്ല താനും. ഏറെ പണിപ്പെട്ട് ബിജെപി തയ്യാറാക്കിയ പ്രകടനപത്രികയുടെ ആമുഖത്തില്‍, ബിജെപിയുടെ യഥാര്‍ഥ അജണ്ട വെളിപ്പെടുന്നുമുണ്ട്. അത് ഇങ്ങനെയാണ് ആരംഭിക്കുന്നത്:

""ലോകത്തിലെ ഏറ്റവും പുരാതനമായ സംസ്കാരമാണ് ഇന്ത്യയിലേത്. (ഏറ്റവും പുരാതനമായ സംസ്കാരങ്ങളില്‍ ഒന്ന് എന്നല്ല പറഞ്ഞിരിക്കുന്നത്). സ്വാതന്ത്ര്യത്തിനുശേഷം ഭരണത്തിന്റെ അമരത്തില്‍ ഉണ്ടായിരുന്ന നേതാക്കള്‍ക്ക് വീക്ഷണവും ആത്മാവും നഷ്ടപ്പെട്ടതുകാരണം, ഇന്ത്യയ്ക്ക് ഒരു കാലത്തുണ്ടായിരുന്ന മഹത്വം നഷ്ടപ്പെട്ടു"". ""അതിനാല്‍ നമ്മുടെ സാംസ്കാരിക അവബോധത്തിന്റെ തുടര്‍ച്ച എവിടെവെച്ച് നഷ്ടപ്പെട്ടുവോ അവിടെനിന്ന് അതിന്റെ ചരട് വീണ്ടെടുക്കേണ്ട സമയം വന്നുചേര്‍ന്നിരിക്കുന്നു; നമ്മുടെ ഭാവി മഹത്വത്തിന്റെ ചാലകശക്തിയായിത്തീരേണ്ട ഇന്ത്യന്‍ മനസ്സിെന്‍റ ശക്തികളോടൊത്തു ചേര്‍ന്ന് രാഷ്ട്രശരീരത്തിന് പുനര്‍ദിശാബോധം പകരേണ്ടിയിരിക്കുന്നു"". ""ഒരു രാജ്യം, ഒരു ജനത, ഒരു രാഷ്ട്രം"" എന്നതാണ് ഈ മനസ്സ് എന്ന് അത് പ്രസ്താവിക്കുന്നു.

ആര്‍എസ്എസ്സിെന്‍റ പ്രത്യയശാസ്ത്ര പദ്ധതി ഭീഷണാത്മകമായ വിധത്തില്‍ നിര്‍വഹിച്ച ആര്‍എസ്എസ് ഗുരുജി ഗോള്‍വാള്‍ക്കര്‍ ഇങ്ങനെ പ്രസ്താവിക്കുന്നു: ""ഹിന്ദുസ്ഥാനില്‍, ഹിന്ദുക്കളുടെ നാട്ടില്‍, ഹൈന്ദവ ജനത ജീവിയ്ക്കുന്നു; ജീവിയ്ക്കുകയും വേണം. ഇന്നത്തെ ആലസ്യത്തില്‍നിന്ന് ഹൈന്ദവജനതയെ വീണ്ടും കെട്ടിപ്പടുക്കുകയും ഊര്‍ജിതമാക്കുകയും വിമോചിപ്പിയ്ക്കുകയും ചെയ്യുന്നതിന് ലക്ഷ്യം വെച്ചുകൊണ്ടുള്ള പ്രസ്ഥാനങ്ങള്‍ മാത്രമാണ് യഥാര്‍ഥത്തില്‍ "ദേശീയ"മായിട്ടുള്ളത്; അവര്‍ മാത്രമാണ് ദേശീയവാദികളായ രാജ്യസ്നേഹികള്‍........... മറ്റുള്ളവരെല്ലാം ഒന്നുകില്‍ വഞ്ചകരാണ്; അല്ലെങ്കില്‍ ശത്രുക്കളാണ്...."" അതിനാല്‍ രാജ്യവും രാഷ്ട്രവും ഒന്നുതന്നെയായിത്തീരുന്നു - ഹിന്ദുക്കളുടേതു മാത്രം!

മറ്റുള്ളവരെയൊക്കെ ഒഴിച്ചുനിര്‍ത്തിക്കൊണ്ടുള്ള ഒരു വീക്ഷണം, ചരിത്രത്തിലെ, ഇന്ത്യയുടെ സമഞ്ജസമായ സാംസ്കാരിക മുന്നേറ്റത്തിന്റെ നിഷേധമാണ്. ഇത് വിഷമയമായ വര്‍ഗീയധ്രുവീകരണം ജനിപ്പിക്കുന്നു; ഇന്ത്യ എന്ന ആശയത്തെ തുറന്നു കാണിക്കുന്നതിന് അത് തടസ്സമായിത്തീരുന്നു- ഇന്ത്യയുടെ ആത്മാവിനെ ചരിത്രപരമായിത്തന്നെ നശിപ്പിയ്ക്കലാണത്. ഭാവിയിലെ ബിജെപി ഗവണ്‍മെന്‍റ് നടപ്പാക്കാന്‍ പോകുന്ന യഥാര്‍ഥ അജണ്ടയാണിത്.

*
സീതാറാം യെച്ചൂരി ചിന്ത വാരിക

ആപ് നേരിടുന്ന വൈരുധ്യങ്ങള്‍

ഡല്‍ഹി നിയമസഭയിലേക്ക് കഴിഞ്ഞ ഡിസംബറില്‍ നടന്ന തെരഞ്ഞെടുപ്പിന്റെ ഫലം പുറത്തുവന്നപ്പോള്‍ താരമായത് ആംആദ്മി പാര്‍ടിയാണ്. കോണ്‍ഗ്രസിന്റെ അഴിമതിഭരണത്തിനെതിരായ പ്രചാരണത്തിലൂടെ മികച്ച വിജയം നേടിയ ആപിനെ ജനങ്ങളുടെ ഭാവിപ്രതീക്ഷയായി മാധ്യമങ്ങള്‍ വിശേഷിപ്പിച്ചു. മാധ്യമങ്ങള്‍ അകമഴിഞ്ഞ് പിന്തുണച്ചപ്പോള്‍ ആപിന് രാജ്യമെമ്പാടും ആളും അര്‍ഥവുമുണ്ടായി. ആപ് നേതാവ് അരവിന്ദ് കെജ്രിവാളിനെ ഭാവിപ്രധാനമന്ത്രിയായിവരെ വിലയിരുത്തി.

എന്നാല്‍, പതിനാറാം ലോക്സഭ തെരഞ്ഞെടുപ്പ് പുരോഗമിക്കവെ ആപിന്റെ പ്രഭ മങ്ങുകയാണ്. ഡല്‍ഹിയില്‍ 49 ദിവസം മാത്രം നീണ്ട ആപ് സര്‍ക്കാരിന്റെ പതനമാണ് ഇക്കാര്യത്തില്‍ നിര്‍ണായകമായത്. ജനലോക്പാല്‍ ബില്‍ പാസാക്കുന്നതിന് കോണ്‍ഗ്രസും ബിജെപിയും തടസ്സം സൃഷ്ടിച്ചുവെന്ന പേരിലാണ് അരവിന്ദ് കെജ്രിവാള്‍ രാജിവച്ചതെങ്കിലും സര്‍ക്കാര്‍ ഓരോദിവസവും തട്ടിമുട്ടി മുന്നോട്ടുപോയപ്പോള്‍തന്നെ സ്ഥിതി വ്യക്തമായിരുന്നു. ആപിന്റെ എംഎല്‍എമാര്‍തന്നെ സര്‍ക്കാരിനെതിരെ സമരവുമായി രംഗത്തുവന്നു. നിയമമന്ത്രി സോമനാഥ് ഭാരതി നിയമം കൈയിലെടുത്തതായി ആരോപണമുണ്ടായി. അരവിന്ദ് കെജ്രിവാള്‍ പൊലീസ്സ്റ്റേഷനുമുന്നില്‍ നടത്തിയ സമരം ഡല്‍ഹിയിലെ ഇടത്തരക്കാര്‍ക്കിടയില്‍ ആപിന്റെ പിന്തുണ പൊളിച്ചു. ഒടുവില്‍ രാജിവച്ചതോടെ ജനങ്ങളുമായുള്ള ആശയവിനിമയത്തില്‍ വിടവ് സംഭവിച്ചതായി കെജ്രിവാള്‍തന്നെ കഴിഞ്ഞദിവസം സമ്മതിച്ചു.

ഡല്‍ഹിപ്രതിഭാസം രാജ്യത്ത് പലഭാഗത്തും ചലനമുണ്ടാക്കുകയും പലരും ജോലിയും മറ്റും രാജിവച്ച് ആപില്‍ ചേരുകയുംചെയ്തപ്പോള്‍ രാജ്യത്ത് പുതിയൊരു മാറ്റം നടക്കുകയാണെന്ന പ്രതീതി ജനിച്ചു. എന്നാല്‍, നയപരമായ വ്യക്തതയില്ലാതെ ആപ് കുഴങ്ങുകയായിരുന്നു. അഴിമതിക്കെതിരായ സമരം നടത്തിയ ആപ് വമ്പന്‍ അഴിമതികള്‍ക്ക് കാരണമായ ചങ്ങാത്തമുതലാളിത്തത്തെ കുറ്റപ്പെടുത്താന്‍ തയ്യാറല്ല. കേവലം വ്യക്തികളെ ആക്രമിക്കുന്നതിലുപരി, നയപരമായി അഴിമതിയെ വിശകലനംചെയ്യാന്‍ ആപിന് പ്രാപ്തിയില്ല. വര്‍ഗീയതയുടെ കാര്യത്തിലും ആപ് നിലപാട് വ്യക്തമാക്കിയിട്ടില്ല.

ഈ ആശയക്കുഴപ്പമാണ് ലോക്സഭ തെരഞ്ഞെടുപ്പില്‍ ആപിന്റെ നില പരുങ്ങലിലാക്കിയത്. ആപ് 100 വരെ സീറ്റ് നേടുമെന്ന് പ്രവചിച്ചവര്‍ ഉണ്ടായിരുന്നു. പിന്നീട് ഇത് 30 ആയി. ഇപ്പോള്‍ 10 സീറ്റില്‍പോലും ആപ് ജയിക്കുമെന്ന് ഉറപ്പിച്ചുപറയാന്‍ രാഷ്ട്രീയനിരീക്ഷകര്‍ തയ്യാറല്ല. ഡല്‍ഹിയില്‍ ഒന്നോ രണ്ടോ സീറ്റ് കിട്ടിയാലായി. ആപ് വലിയ പ്രതീക്ഷ അര്‍പ്പിച്ച ഹരിയാനയില്‍ കഷ്ടിച്ച് രണ്ട് സീറ്റിലാണ് മത്സരമെങ്കിലും കാഴ്ചവയ്ക്കാന്‍ കഴിയുന്നത്. ബംഗളൂരുവിലും മുംബൈയിലും രണ്ടോ മൂന്നോ സീറ്റില്‍ സാന്നിധ്യമുണ്ട്. രാജ്യമെമ്പാടും മത്സരിക്കുന്നതായി അവകാശപ്പെടുന്ന ആപിന് മറ്റ് മണ്ഡലങ്ങളില്‍ പ്രസക്തി നഷ്ടപ്പെടുകയാണ്.

സര്‍ക്കാരിതര സംഘടനകളില്‍ പ്രവര്‍ത്തിച്ച അനുഭവപാരമ്പര്യവുമായാണ് കെജ്രിവാള്‍ ഉള്‍പ്പെടെയുള്ളവര്‍ ആപിന് രൂപംനല്‍കിയത്. രാഷ്ട്രീയപ്രവര്‍ത്തകരെ ഒന്നടങ്കം ആക്ഷേപിക്കുന്ന മനോഭാവമാണ് ഇവര്‍ പുലര്‍ത്തിയത്. ജനകീയപ്രക്ഷോഭങ്ങള്‍ക്ക് നേതൃത്വം നല്‍കിയതിന്റെ പേരില്‍ സര്‍ക്കാര്‍ കള്ളക്കേസുകളില്‍ കുടുക്കിയ നേതാക്കളെപ്പോലും ക്രിമിനലുകളായി കരുതുന്ന സമീപനം ഇവരുടെ ഭാഗത്തുനിന്നുണ്ടായി. എന്നാല്‍ ആപ് നേതാക്കള്‍ക്കെതിരെ ഡല്‍ഹി പൊലീസ് കേസെടുത്തപ്പോള്‍ ഇവര്‍ക്ക് ബുദ്ധിമുട്ട് മനസിലായി. മാധ്യമങ്ങളുടെ ലാളന ലഭിച്ചകാലത്ത് ആപ് നേതാക്കള്‍ അത് ആസ്വദിച്ചു. കോര്‍പറേറ്റ് മാധ്യമങ്ങള്‍ പിന്നീട് എതിരായപ്പോള്‍ മാധ്യമങ്ങളെ ഒന്നടങ്കം ആക്ഷേപിക്കാനും കെജ്രിവാള്‍ മുതിര്‍ന്നു. ഇങ്ങനെ വൈരുധ്യങ്ങളുടെ തടവറയിലാണ് ഇന്ന് ആപ്.

*
സാജന്‍ എവുജിന്‍

On the BJP’s Election Manifesto

THERE is nothing surprising about a party that believes itself to be riding the crest of an electoral wave by appearing to be all things to all persons, delaying the release of its election manifesto almost until the elections have actually started. Since a manifesto is supposed to state what a party specifically stands for, the fear is that any such explicit statement would break the spell.

But this fact also points to something else. A situation where a party can ride a wave by being all things to all persons, even without clearly specifying what it stands for, is one where unreason has overridden reason, where the projection of an individual as a “messiah” has overridden the need for theoretical articulation of positions, where there has been, to borrow a phrase from the Marxist philosopher Georg Lukacs, a “destruction of reason”. Whether or not such a situation prevails in India today, and it most certainly does not, the BJP believes that it does. It wishes to carry forward whatever tendency exists in contemporary India towards a “destruction of reason”. It is the harbinger of the kind of “irrationalism” that underlies fascism. As a communal-fascist party it wallows in such “irrationalism”. Not surprisingly, it almost did not come out with an election manifesto.

And the manifesto it has come out with, again not surprisingly, is brimming with platitudes. The differentia specifica it claims vis-a-vis other bourgeois parties is its promise of better “governance”, a term as meaningless and vacuous as any. Indeed it means all things to all persons. So in one sense the BJP’s manifesto adds little to its state of manifesto-less-ness. The usual culprits are there in its manifesto: the demand for a uniform civil code, plan to construct a Ram temple at Ayodhya, opposition to cow slaughter, and the like, though couched this time in somewhat more “modern” lingo (perhaps on the advice of its Public Relations managers). And there are sentences that mean precious little, like the one that promises that the BJP will "remove bottlenecks and missing links in all sectors, activities and services; focus on proper planning and execution for right outcomes; strive for scale and speed with futuristic vision; and build institutions for today and tomorrow."

PRO-CORPORATE THRUST

But even underlying these platitudes there is an unmistakable pro-corporate thrust which reflects the BJP’s new avatar. The BJP always had a communal agenda. The BJP also always had, in common with all bourgeois parties, an acquiescence with the neo-liberal agenda even when it talked about improving people’s lives. But this time there is an explicit pro-corporate thrust, which is the quid pro quo for corporate capital’s promotion of Modi.

The BJP, always a communal party, has now got the backing of the corporate-financial elite of the country as never before. There is thus an unprecedented alliance of corporate capital with communal-fascism, making a bid for power which is stronger than ever before in post-independence India. To be sure, international finance capital, though warming to this alliance (witness the British representative’s enthusiasm over Modi), is not yet fully persuaded by it, as is evident for instance from the London Economist’s editorial on him. But it does not take much for international finance capital, and imperialism generally, to throw its support behind a fascist outfit, despite initial reservations, if such an outfit demonstrates its strength on the ground. In Ukraine for instance a government, with several fascist ministers, has taken power by overthrowing a legitimately elected president, and by jettisoning a European Union-backed proposal for a peaceful resolution of the stand-off between the ousted president and his opponents; and yet the imperialist countries, including the EU, have simply thrown their weight behind this new government.

Of the numerous instances of deference to corporate interests in the BJP manifesto, I shall single out just three. The first relates to the Public-Private-Partnership model for building infrastructure, a typical World Bank idea promoted assiduously by the current deputy chairman of the Planning Commission, which, apart from being ethically questionable (economist Joseph Stiglitz had called it “private profiteering at government’s expense”), has been a miserable failure in terms of infrastructure promotion. And yet the BJP which makes much noise about infrastructure can think of no better way of ensuring infrastructure development than promoting PPP.

Though it uses another vacuous term “People-Public-Private-Partnerships” (PPPP) to hide this fact, it has simply taken over a shop-worn and failed UPA policy, and one whose domestic exponent is a person whom the last NDA government had removed from a responsible government position under pressure from the Swadeshi Jagaran Manch (of which nothing is heard these days).

There had been a time when JRD Tata had marched in public against communalism; but corporate capital has now “adjusted” to communal-fascism. Likewise there had been a time when elements within the BJP, under the influence of the RSS-backed Swadeshi Jagaran Manch, had expressed reservations towards some aspects of neo-liberal policies, notably the TRIPs agreement; but now the BJP, and its mentor the RSS, have thrown their lot with the corporate-financial elite and the neo-liberal policies it espouses. This mutual “adjustment” which underlies the corporate media’s projection of Modi as a modern-day “messiah”, and which explains the lavishness with which the Modi campaign is being run, is reflective paradoxically of the crisis of neo-liberalism in the country.

As far as the workers, agricultural labourers, peasants, and petty producers are concerned, neo-liberalism always spelled a crisis for them , even though, taking this phase as a whole, they may have been better off in some periods within it than in others. But this crisis has now spread to the urban middle class as well, sections of which had done well out of it (holding out the promise to other sections of the middle class that they too might become beneficiaries). The sharp decline in growth rate and hence in employment opportunities, including for the middle class, has alienated even this segment. To overcome this alienation, an attempt is being made to present the crisis not as a crisis of neo-liberalism but as a crisis of “governance”. It is being suggested that it is not neo-liberalism which is at fault but Manmohan Singh who has been at the helm: put somebody else at the helm, some person like Modi who can provide better “governance”, and the economic travails would be over.

There is a strong element of irony here. Till the other day Manmohan Singh was the darling of the corporate-financial elite. Now, like Ghasiram Kotwal in Vijay Tendulkar’s celebrated Marathi play, he is being unceremoniously dumped by the same corporate-financial elite, being made the scapegoat for the failure of neo-liberalism. And as for the Congress, since it can disown neither neo-liberalism, nor Manmohan Singh, it simply denies the crisis itself and insists on things being hunky-dory, which obviously lacks credibility with the people, reducing that party to its current sorry state.

The second instance of appeasing corporate interests relates to environment clearance. Much has been said of the “Gujarat model of development”, but what is scarcely ever mentioned is that Gujarat is the most polluted state in India. The Comprehensive Environmental Pollution Index (CEPI) for industrial clusters put Ankleswar’s industrial area at the top of the list of critically polluted areas in 2009. In 2011 and 2013, the Vapi industrial area in Gujarat was at the top of the list. The free run given to corporate capital in Gujarat in the name of “development” has meant turning a blind eye to the environmental pollution it generates. The BJP now wishes to replicate this at the national level.

What the manifesto states is: “Decision making on environmental clearances will be made transparent as well as time-bound” (emphasis in the original). Clearly the idea is to obtain speedy clearance rather than prevent environmental degradation. In fact the manifesto goes on to add: “Frame the environment laws in a manner that provides no scope for confusion and will lead to speedy clearance of proposals without delay”, which again suggests that clearance is more important than environmental protection.

Interestingly, the manifesto says that “performance review, social and environmental audit would be mandated for all government schemes and programmes”. But there is no suggestion of mandating similar social and environmental audit for private corporate schemes and programmes, which underscores the pro-corporate bias.

ENFEEBLING THE TRADE UNION MOVEMENT

The third instance relates to the introduction of “labour market flexibility”. For quite some time now there has been immense pressure from the World Bank and other such organisations as well as from the corporate-financial elite to introduce absolute freedom of hire and fire in Indian manufacturing industry. An immense amount of dishonest research has been funded by all these organisations to “prove” that India’s manufacturing growth has been held up because of lack of this freedom for the employers, which goes by the name of “labour market flexibility”; and intrepid researchers (of whom mercifully the country still has many) have had no problems in pointing out that these research findings have been completely bogus.

What is equally striking is that restrictions on the right to “sack”, which too are by no means absolute under present laws but only entail proper prior notice, apply to only about 4 percent of the work-force; and even the establishments employing them have been shifting to low-paid contract labour and to “outsourcing” to Victorian-era sweat-shops. And yet there is much hullabaloo that India has been “suffering” because of the absence of “labour market flexibility”.

The BJP manifesto promises “labour market flexibility”. There is however an issue of translation here. Just as the euphemism “labour market flexibility” is used to denote unrestricted right to sack employees, likewise the introduction of “labour market flexibility” is always referred to as “amending the outdated labour laws”. And lo and behold, the manifesto talks not just of undertaking “labour reforms” but of bringing together “all stakeholders to review our labour laws which are outdated, complicated and even contradictory”.

Under the same labour laws there has been manufacturing growth far in excess of what is happening today (which amounts to virtual stagnation). The obvious conclusion therefore is that it is not the labour laws but something else that accounts for the stagnation. But the BJP is out to please the corporate-financial elite and hence it must present it with the unrestricted freedom to retrench employees.

The question may be asked: if even the limited legal protection against retrenchment is available to only 4 percent of the workforce, those engaged in large factories, then why should it matter so much even to corporate capital? The answer lies in the fact that these large factories, unlike the sweat shops, are precisely the ones where the workers are still capable of some industrial action. The objective of amending labour laws therefore is not that it would stimulate any investment or growth (which in any case depend largely upon demand conditions), but that it would enfeeble the trade union movement. This is what corporate capital wants and the BJP is promising to deliver.

*
Prabhat Patnaik People's Democracy

അദ്വാനി, അച്ചപ്പം പിന്നെ ഇത്തിരി ജനാധിപത്യവും

എവിടെയോ കണ്ടിട്ടുണ്ട് തീര്‍ച്ച! നല്ല പരിചയം. ഇത് അയാള്‍ തന്നെ. പക്ഷേ അയാളാണെങ്കില്‍ ഇങ്ങനെ വരണോ? ഇങ്ങനെ വരേണ്ട ഒരാളല്ലല്ലോ അയാള്‍! ഈ കത്തിക്കാളുന്ന ഉച്ചവെയിലില്‍ ഒരു കാലന്‍കുടയുടെ തണലുപോലുമില്ലാതെ ഇങ്ങനെ നടന്നുപോവുമോ? ഏയ്...അല്ല. ഇയാള്‍ അയാളല്ല. മനസ്സിന്റെ ഒരുതരം തോന്നല്‍. വെറുതെയല്ല മനസ്സിന് ഒരുതരം കുരങ്ങിന്റെ സ്വഭാവമാണെന്ന് പറയുന്നത്. വെറുതെ ഓരോന്ന് ചൊറിഞ്ഞും മാന്തിയും കൊണ്ടിരിക്കും. ഇയാളില്‍ വേറൊരാളെ ആരോപിക്കേണ്ട കാര്യമുണ്ടോ? ഇയാളെ ഇയാളും അയാളെ അയാളുമായി കണ്ടാല്‍ പോരെ.

എന്നാലും.... അതെ കഷണ്ടി... പക്ഷേ അല്‍പംകൂടി ചുളുങ്ങി. അതേ കണ്ണ്... പക്ഷേ സ്വല്‍പംകൂടി കുഴിഞ്ഞു. അതേ കണ്ണട... പക്ഷേ സ്വല്‍പംകൂടി മുഷിഞ്ഞു. അതേ നരച്ച മീശ... സ്വതവേ ദുര്‍ബല ഇപ്പോള്‍ ഗര്‍ഭിണി എന്നര്‍ഥംവരുന്ന വിശേഷണം ഇവിടെ പ്രയോഗിക്കുക. അതേ കുര്‍ത്ത... പക്ഷേ പഴകി. അതേ ധോത്തി... പക്ഷേ പിഞ്ഞി. അതേ കോട്ട്... പക്ഷേ കീറി. എന്നാലും ആന മെലിഞ്ഞാല്‍ ഓട്ടോയില്‍ കയറുമോ?

ഓട്ടോയില്‍നിന്നാണ് അയാള്‍ ഇറങ്ങിയത്. സംശയം. കൊടുമ്പിരിക്കൊള്ളുന്ന സംശയം. സന്ദേഹം നെഞ്ച് പൊളിച്ചുകളയും എന്ന മട്ട്. കാലുകളില്‍ ധൈര്യം സംഭരിച്ചു. നാക്കില്‍ വാക്കും. അയാളെ സൂക്ഷിച്ചു നോക്കി. ആവുന്നത്ര വിനയം പുരട്ടി ചോദിച്ചു. "എവിടെയോ കണ്ടിട്ടുള്ള പോലെ..." "ഉവ്വോ! എങ്കില്‍ അതെന്റെ തെറ്റല്ലല്ലോ." " അത് തന്നെയാണോ ഇതെന്നറിയാനാ..." "ആവാം... ആവാതിരിക്കാം..." "ചുരുക്കിപ്പറഞ്ഞാല്‍..." അയവെട്ടിയ ചിരിപോലെ പറഞ്ഞു. "മായ..." കക്ഷി വേദാന്തിയാണ്. പുണ്യപുരുഷന്‍.

രണ്ടാമത്തെ ചോദ്യത്തിനുള്ള സമയമായി

 "യുദ്ധം നയിച്ചിട്ടുണ്ടോ?" "ചോദ്യത്തിന്റെ കാലം പറയൂ. ഭൂതമോ, വര്‍ത്തമാനമോ, ഭാവിയോ?" "വ്യാകരണം വശമില്ല. എ ആര്‍ രാജരാജവര്‍മയെ വായിച്ചിട്ടേയില്ല."

"ചോദ്യത്തിലെ കാലം നിര്‍ണയിക്കാന്‍ വായന വേണ്ട. സാമാന്യബുദ്ധി മതി." "അതൊന്നും അറിയില്ല. പിശകുണ്ടെങ്കില്‍ പൊറുക്കുക." "യുദ്ധത്തിന് കാലം ഇല്ല. അത് അനാദിയാണ്. യുദ്ധം തീരുന്നില്ല. ആരാണ് യുദ്ധത്തിലല്ലാത്തത്? എല്ലാവരും യുദ്ധത്തിലാണ്. സംഘം ചേര്‍ന്ന് തുടങ്ങും പിന്നെ ഒറ്റക്കാവും. ജയിച്ചവരെല്ലാം ഒറ്റക്കൊറ്റക്ക് തോല്‍ക്കും. എങ്കിലും എന്നും യുദ്ധം തന്നെ." വിളഞ്ഞ പുള്ളി. ഇയാള്‍ അയാള്‍ തന്നെ. "പണ്ടെങ്ങോ നടത്തിയ യുദ്ധത്തിന്റെ പ്രച്ഛന്നവേഷം അവതരിപ്പിച്ചിട്ടുണ്ടോ എന്നാണ് ചോദിച്ചത്." പുരാണത്തിന്റെ പുനരാവര്‍ത്തനം അല്ലെ?"
"അതെ." ചിരി.
"രഥത്തില്‍ രാമനായി കളിച്ചിട്ടുണ്ടോ എന്നൊരു സംശയം." അതിനും ചിരി. വേദാന്തത്തിന്റെ മുഴുവന്‍ ഭാരവും തൂങ്ങിയ ചിരി. ത്രികാലങ്ങളിലേക്കും അത് പരന്നൊഴുകി. ചിരി നീങ്ങി. അതിനൊപ്പം അയാളും. അതിനും പിന്നാലെ സംശയത്തിന്റെ ചോദ്യങ്ങളും. പഴയ പത്രക്കടലാസില്‍ പൊതിഞ്ഞെന്തോ അയാള്‍ കക്ഷത്തിലാക്കിയിട്ടുണ്ട്. സംശയം അതിനെച്ചൊല്ലിയായി. അതിന്റെ ഉത്തരം നിര്‍ണായകമാണ്. ചോദ്യം സാധാരണം. "അങ്ങയുടെ കക്ഷത്തിലെന്താണ്?" മറുപടി നിര്‍വികാരം

"പത്രിക" "കുറച്ചുകൂടി പരത്തിയാല്‍?" "നാമനിര്‍ദേശപത്രിക." "ആരുടെ?" "മറ്റുള്ളവരുടെ പത്രിക വെക്കാനുള്ള ചുമടുതാങ്ങിയല്ല എന്റെ ശരീരം. ഇത് എന്റെ സ്വന്തം പത്രിക." "ഒറ്റക്കാണോ കൊണ്ടുപോവുന്നത്?. "അതെ. അതിനൊള്ള ഭാരമേ ഇതിനൊള്ളൂ. എനിക്ക് അകമ്പടിക്കാരും തോഴ്മക്കാരും വേണ്ട. അഹം ബ്രഹ്മാസ്മി." വളച്ചുകെട്ടില്ലാതെ ചോദിച്ചു. " അങ്ങയുടെ പേര് എല്‍ കെ അദ്വാനി എന്നാണോ?" അയാള്‍ ഒന്നും പറഞ്ഞില്ല. അടുത്തുള്ള കടയില്‍നിന്ന് അയാള്‍ രണ്ടു സോഡ വാങ്ങിക്കുടിച്ചു. വിയര്‍ക്കുന്നുണ്ട്. രണ്ടാംമുണ്ട്കൊണ്ട് മുഖം അമര്‍ത്തിത്തുടച്ചു. മുഖം താമരപോലെ വിരിഞ്ഞു. മനസ്സില്‍ പറഞ്ഞു. " ദൈവമേ... ഇത് എല്‍ കെ അദ്വാനി ആകാതിരിക്കണേ...."

ഇന്നറിയാന്‍ 

രാഹുല്‍ഗാന്ധിയുടെ സന്ദര്‍ശനം പ്രമാണിച്ച് ഇന്ന് ജില്ലയിലെ എല്ലാ ചായക്കടകള്‍ക്കും കലക്ടര്‍ അവധി പ്രഖ്യാപിച്ചു. പ്രൊഫഷണല്‍ ചായക്കടകള്‍ക്കും അവധിയായിരിക്കും.

പത്രാധിപര്‍ ലേഖകന്മാരെ വിളിച്ചുകൂട്ടി. മുന്നറിയിപ്പ് നല്‍കി. തെരഞ്ഞെടുപ്പാണ്. അഴകൊഴമ്പന്‍ എഴുത്തുവേണ്ട. കൃത്യമായി കാര്യം പറയണം. വസ്തുതകള്‍ വേണം. വായനക്കാരെ ആശയക്കുഴപ്പത്തിലാക്കരുത്. ആര് ജയിക്കുമെന്ന് തുറന്ന് പറയണം. പക്ഷേ തെറ്റരുത്. നമുക്ക് പക്ഷമുണ്ടെന്നും തോന്നരുത്. ആവേശഭരിതനായ ഒരു ലേഖകന്‍ പിറ്റെദിവസം തന്നെ വാര്‍ത്ത എഴുതി പത്രാധിപര്‍ സമക്ഷം സമര്‍പ്പിച്ചു. അദ്ദേഹം സദയം വായിച്ചു. "എ എന്ന സ്ഥാനാര്‍ഥിക്ക് വിജയം ഉറപ്പിക്കാമെങ്കിലും ബുദ്ധിമുട്ടാണ്. ബി എന്ന സ്ഥാനാര്‍ഥിക്കാവട്ടെ ബുദ്ധിമുട്ടാണെങ്കിലും വിജയം ഉറപ്പിക്കാം." ഒട്ടും ആശയക്കുഴപ്പമില്ലാതെ വായനക്കാര്‍ ആഹ്ലാദഭരിതരായി. .

 വേറൊരു പത്രാധിപര്‍ വേറൊരു വിധം കാര്യങ്ങള്‍ നിര്‍വഹിച്ചു. തെരഞ്ഞെടുപ്പ് രചനയില്‍ സാഹിത്യം വേണം. കാവ്യഭംഗി നിറയണം. ഉടന്‍ വന്നു സര്‍ഗാത്മകലേഖകരുടെ വരമൊഴിക്കവിതകള്‍. "ഓണാക്കുഴി മണ്ഡലത്തില്‍ അന്നും കാറ്റ് വടക്കുനിന്നും തെക്കോട്ട് പുഷ്പഗന്ധം പരത്തി വീശി. ഇലകള്‍ അനങ്ങി. ചിലത് കൊഴിഞ്ഞു, തോറ്റ സ്ഥാനാര്‍ഥികളെപ്പോലെ. കാറ്റില്‍പ്പറന്നുവീണ അളകങ്ങള്‍ പിന്നിലേക്കൊതുക്കി സ്ഥാനാര്‍ഥി വോട്ടര്‍മാരെ വിളിച്ചു. "വാ.... വാ..." ഉച്ചച്ചൂടില്‍ പഴുത്തുകിടന്ന വീഥികള്‍ക്ക് മീതെ പ്രചാരണവാഹനത്തില്‍നിന്ന് ശബ്ദത്തിന്റെ ഇടവപ്പാതി തോരാതെപെയ്തു. "ഇതാ.... ഈ വാഹനത്തിനു പിന്നാലെ...." ഇടവഴികളില്‍നിന്ന് ഇടങ്കണ്ണിട്ട് ജനക്കൂട്ടം സ്ഥാനാര്‍ഥിയെ നോക്കി. കടക്കണ്ണുകൊണ്ട് സ്ഥാനാര്‍ഥി അവരെയും തഴുകി. വികസനത്തിന്റെ കൊന്നപ്പൂക്കള്‍ മാനത്ത് വിഷുക്കണി ഒരുക്കി.

 കൗശലക്കാരനായ പത്രാധിപര്‍ ഊന്നിയത് "ലൈറ്റ് റീഡിങ്ങി"ലാണ്. പത്രം പഴയ സിനിമാ നോട്ടീസു പോലെയാകണം. നിങ്ങളെ കണ്ണീര്‍ക്കടലില്‍ ആഴ്ത്തുന്ന ഹൃദയഭേദകമായ രംഗങ്ങള്‍, കോരിത്തരിപ്പിക്കുന്ന പ്രണയരംഗങ്ങള്‍, കേട്ടാലും കേട്ടാലും മതിവരാത്ത ഇമ്പമാര്‍ന്ന ഗാനങ്ങള്‍, ഞെട്ടിപ്പിക്കുന്ന സ്റ്റണ്ടു രംഗങ്ങള്‍, പൊട്ടിച്ചിരിപ്പിക്കുന്ന ഹാസ്യരംഗങ്ങള്‍, ഇക്കിളികൊള്ളിക്കുന്ന നൃത്തനൃത്യങ്ങള്‍... എല്ലാം വേണം. ലൈറ്റ് റീഡിങ് എന്ന കോമഡി ഷോ നിര്‍ബന്ധം. നമ്മള്‍ ഇറക്കുന്നത് പത്രമാണ്, ഭാഷാനൈഷധം ചമ്പുവല്ല. "ലൈറ്റ് റീഡിങ്ങിന് എന്ത് വേണം?"-ലേഖകര്‍ കൂട്ടമായി നിലവിളിച്ചു. പത്രാധിപര്‍ പറഞ്ഞു. "അടുക്കള വഴി കയറ്" കയറി. പിറ്റേന്നുതന്നെ വന്നു പാചകവിധി സാഹിത്യം. "പ്രചാരണച്ചൂടില്‍നില്‍ക്കുന്ന ഭര്‍ത്താവിന് നെല്ലിക്കാത്തളം വയ്ക്കാനുള്ള തിരക്കിലായിരുന്നു മറിയാമ്മച്ചേടത്തി. ഭര്‍ത്താവ് രാഷ്ട്രീയപ്രവര്‍ത്തനത്തില്‍ ഇറങ്ങിയതില്‍ ഏറ്റവുമധികം സന്തോഷിക്കുന്നത് മറിയാമ്മച്ചേടത്തിയാണ്. അത്രയും നേരമെങ്കിലും വീട്ടിലുണ്ടാവില്ലല്ലോ.

പാതിരവരെ നീളുന്ന തെരഞ്ഞെടുപ്പ് പ്രവര്‍ത്തനത്തിനു ശേഷം ക്ഷീണിച്ചുവരുന്ന ഭര്‍ത്താവിന് കരിമീന്‍ പൊള്ളിക്കുന്ന തിരക്കിലായിരുന്നു വസന്തകുമാരി. രാഷ്ട്രീയത്തിലിറങ്ങിയ അന്നുമുതല്‍ ഭര്‍ത്താവിന് കരിമീന്‍ പൊള്ളിച്ചത് നിര്‍ബന്ധം. മുമ്പ് ഉണക്കമീന്‍ ചുട്ടതായാലും മതിയായിരുന്നു. ഇപ്പോള്‍ എല്ലാം മാറി. അതറിയാവുന്ന ഒരേയൊരാള്‍ വസന്തകുമാരിയാണ്. ഒന്നാം മുന്നണിയോ, രണ്ടാം മുന്നണിയോ, മൂന്നാം മുന്നണിയോ.... എന്തുമാവട്ടെ. അതൊന്നും ശ്യാമളകുമാരിക്ക് പ്രശ്നമല്ല. അവര്‍ അവിയല്‍ ഉണ്ടാക്കുന്ന തിരക്കിലാണ്. വേലക്കാര്‍ക്ക് നിര്‍ദേശങ്ങള്‍ കൊടുത്ത് അരിഞ്ഞുകൂട്ടിയ പച്ചക്കറികള്‍ക്കിടയിലൂടെ ഓടിനടക്കുകയാണ് അവര്‍.

അധ്യാപികയായ ശ്യാമളകുമാരി ഭര്‍ത്താവ് പത്രിക കൊടുത്ത അന്നുമുതല്‍ അവധിയിലാണ്. ഇനി തെരഞ്ഞെടുപ്പ് കഴിഞ്ഞിട്ടേ സ്കൂളിലേക്കുള്ളൂ. തെരഞ്ഞെടുപ്പു വരും പോവും. പക്ഷേ ഭര്‍ത്താക്കന്മാര്‍ വന്നുംപോയുമിരിക്കുന്നവരല്ല. ഭര്‍തൃമണ്ഡലത്തില്‍ എനിക്ക് ഒന്നും ഒരു സ്ഥാനാര്‍ഥിയെ ഉള്ളൂ എന്നാണ് ശ്യാമളകുമാരിയുടെ തമാശ. ഭര്‍ത്താവിന്റെ ആരോഗ്യം പാര്‍ടിക്കാര്യമല്ല, തന്റെ സ്വന്തം കാര്യമാണെന്ന് ശ്യാമളകുമാരിക്ക് നന്നായി അറിയാം. രാഷ്ട്രീയക്കാരന്റെ ജീവിതം തുറന്ന പുസ്തകമാണെങ്കിലും തന്റെ ഭര്‍ത്താവ് പാര്‍ടിയോട് പോലും പറയാതെ മൂടിവെച്ച ചില രഹസ്യം വസന്തകുമാരിക്ക് മാത്രം അറിയാം. മൂലക്കുരു. ജനാധിപത്യം ശക്തിപ്പെടുത്താനും വികസനം കൊണ്ടുവരാനും ഒറ്റമാര്‍ഗമേയുള്ളൂ എന്ന് ലീലാമ്മകുര്യന് അറിയാം. അത് അച്ചപ്പവും കുഴലപ്പവുമാണ്. വികസനകാര്യത്തില്‍ ഈ പലഹാരങ്ങള്‍ക്കുള്ള പങ്ക് ലീലാമ്മകുര്യനെ ആരും പഠിപ്പിക്കണ്ട. ഭര്‍ത്താവിന് ഏറ്റവും ഇഷ്ടപ്പെട്ട പലഹാരമുണ്ടാക്കുന്ന തിരക്കിലാണ് അവര്‍.

സര്‍വേ മുന്നറിയിപ്പ്

അറബിക്കടലിന്റെ പിന്‍ഭാഗത്ത് ഒന്നരമാസമായി രൂപപ്പെട്ട ട്രെന്റ് മര്‍ദം വടക്കുപടിഞ്ഞാറോട്ട് നീങ്ങി. ശക്തമായ കാറ്റോടുകൂടി ഇടവിട്ടിടവിട് ട്രെന്റ് മാറാം. കടലില്‍ പോകുന്നവര്‍ക്ക് പ്രത്യേക മുന്നറിയിപ്പ് ട്രെന്റ് ഇല്ല. ഒരു ശതമാനം പേര്‍ പലസ്ഥലത്തായി ഇപ്പോഴും ട്രെന്റ് കാണിക്കാന്‍ മടിക്കുന്നുണ്ട്. ഞങ്ങളുടെ ലേഖകര്‍ കിണഞ്ഞുശ്രമിച്ചിട്ടും അവര്‍ ട്രെന്റ് വിട്ടുതരുന്നില്ല. എങ്കിലും ഞങ്ങളുടെ ലേഖകര്‍ ശ്രമം അവസാനിപ്പിച്ചിട്ടില്ല. കിട്ടുന്ന മുറയ്ക്ക് ട്രെന്റ് അറിയിക്കാം. അടുത്ത നാല്‍പ്പത്തിയെട്ടു മണിക്കൂറില്‍ ട്രെന്റില്‍ കാര്യമായ മാറ്റം പ്രതീക്ഷിക്കുന്നില്ല. ചില സ്ഥലത്ത് പൊതുവെ വരണ്ട ട്രെന്റാണ് അനുഭവപ്പെടുന്നത്. കഴിഞ്ഞമാസം 46 ശതമാനം പേര്‍ക്കാണ് ട്രെന്റ് ബാധിച്ചത്. ഇത് കൂടുതല്‍ പേരിലേക്ക് പടരാന്‍ സാധ്യതയുണ്ട്. ഇത് ബാധിക്കാതിരിക്കാന്‍ മുന്‍കൂര്‍ കുത്തിവെപ്പ് നല്ലതാണ്. എല്ലാ ആശുപത്രികളിലും ഇതിനുള്ള മരുന്ന് എത്തിച്ചിട്ടുണ്ട്. തിളപ്പിച്ചാറ്റിയ വെള്ളം കുടിക്കാന്‍ ശ്രദ്ധിക്കുക. ബുദ്ധിജീവികളെ അകറ്റാന്‍ വീട്ടില്‍ കുന്തിരിക്കമോ, സാമ്പ്രാണിയോ പുകയ്ക്കുന്നത് നല്ലതാണ്.

*
എം എം പൗലോസ്

തിരിച്ചുവരവിനൊരുങ്ങി ബംഗാള്‍

ബംഗാളില്‍ ശക്തമായ തിരിച്ചുവരവിനൊരുങ്ങുകയാണ് ഇടതുമുന്നണി. മമത അധികാരത്തില്‍ വന്നശേഷം ഇടതുപക്ഷത്തെ ഉന്മൂലനംചെയ്യുകയെന്ന ലക്ഷ്യത്തോടെ സംസ്ഥാനത്ത് അഴിച്ചുവിട്ട ഭീകരമായ ആക്രമണം നേരിട്ടാണ് ഇടതുമുന്നണിക്ക് തെരഞ്ഞെടുപ്പുഗോദയില്‍ പോരാടേണ്ടത്. രണ്ടരവര്‍ഷത്തിനുള്ളില്‍ സിപിഐ എമ്മിന്റെയും ഇടതുമുന്നണിയുടെയും നിരവധി പ്രവര്‍ത്തകരെ തൃണമൂലുകാര്‍ കൊന്നൊടുക്കി. ആയിരക്കണക്കിനാളുകളെ സ്വന്തം നാട്ടില്‍നിന്ന് ആട്ടിയോടിച്ചു. പാര്‍ടി ഓഫീസുകള്‍ പിടിച്ചെടുക്കുകയും നശിപ്പിക്കുകയുംചെയ്തു. അക്രമവും ഭീഷണിയും ചെറുത്താണ് ഇക്കുറി ഇടതുമുന്നണി തെരഞ്ഞെടുപ്പു പ്രവര്‍ത്തനങ്ങളുമായി മുന്നോട്ടുപോകുന്നത്. നിരവധി സ്ഥലങ്ങളില്‍ ജനം സ്വയം സംഘടിതരായി ഇടതുമുന്നണി സ്ഥാനാര്‍ഥികള്‍ക്കുവേണ്ടി രംഗത്തിറങ്ങുന്നു. ഇടതുമുന്നണിയില്‍നിന്ന് അകന്നുനിന്ന ജനങ്ങളില്‍ വലിയൊരു വിഭാഗം വീണ്ടും തെരഞ്ഞെടുപ്പു പ്രവര്‍ത്തനങ്ങളിലൂടെ തിരിച്ചുവരികയാണ്.

തെരഞ്ഞെടുപ്പ് പ്രഖ്യാപിച്ച ദിവസംതന്നെ സ്ഥാനാര്‍ഥി പട്ടിക പ്രസിദ്ധീകരിച്ചാണ് ഇടതുമുന്നണി പ്രവര്‍ത്തനങ്ങള്‍ക്ക് തുടക്കം കുറിച്ചത്. സംസ്ഥാനത്ത് ആകെയുള്ള 42 സീറ്റിലും സ്ഥാനാര്‍ഥികളെ ആദ്യവട്ടംതന്നെ പ്രഖ്യാപിച്ചു. സിപിഐ എം- 32, സിപിഐ- 3, ഫോര്‍വേഡ് ബ്ലോക്ക് -3, ആര്‍എസ്പി -4 എന്നിങ്ങനെയാണ് ഇടതുമുന്നണി സീറ്റ് പങ്കിട്ടത്. 26 പേര്‍ പുതുമുഖങ്ങളാണ്. ആറു വനിതകള്‍ സിപിഐ എം സ്ഥാനാര്‍ഥിപ്പട്ടികയിലുണ്ട്. സിപിഐ എം കേന്ദ്രകമ്മിറ്റി അംഗം സുഭാഷിണി അലി, ലോക്സഭയിലെ സിപിഐ എം ഗ്രൂപ്പ് നേതാവ് ബസുദേവ് ആചര്യ, പാര്‍ടി കേന്ദ്ര കമ്മിറ്റി അംഗം മുഹമ്മദ് സലിം, ഇടതുമുന്നണി മന്ത്രിസഭയില്‍ ദീര്‍ഘകാലം ധനമന്ത്രിയായിരുന്ന അഷിം ദാസ്ഗുപ്ത, ഡിവൈഎഫ്ഐ മുന്‍ ദേശീയ ജനറല്‍ സെക്രട്ടറി തപസ് സിന്‍ഹ തുടങ്ങിയവരാണ് പ്രമുഖ സ്ഥാനാര്‍ഥികള്‍. കൊല്‍ക്കത്ത നഗരത്തിലെ രണ്ടു മണ്ഡലത്തിലും സിപിഐ എം വനിതാ സ്ഥാനാര്‍ഥികളാണ് മത്സരിക്കുന്നത്.

കോണ്‍ഗ്രസിന്റെ അഴിമതി, ജനദ്രോഹനയങ്ങള്‍, ബിജെപിയുടെ വര്‍ഗീയനയങ്ങള്‍ എന്നിവയ്ക്കൊപ്പം മമതസര്‍ക്കാരിന്റെ പിന്തുണയോടെ തൃണമൂല്‍ അഴിച്ചുവിട്ട അക്രമ- കൊലപാതക രാഷ്ട്രീയം, സ്ത്രീപീഡനം, ജനാധിപത്യ- മനുഷ്യാവകാശ ലംഘനങ്ങള്‍, അഴിമതി, പട്ടിണിമരണം, തൊഴിലില്ലായ്മ, കാര്‍ഷികത്തകര്‍ച്ച എന്നിവയെല്ലാം ഉയര്‍ത്തിക്കാട്ടിയുള്ള പ്രചാരണമാണ് ഇടതുമുന്നണിയുടേത്. 27 ഇന പരിപാടികളടങ്ങുന്ന പ്രകടനപത്രികയും നാലിന ആവശ്യങ്ങളടങ്ങുന്ന അഭ്യര്‍ഥനയും പ്രസിദ്ധീകരിച്ചു. കോണ്‍ഗ്രസിനെ ഭരണത്തില്‍നിന്ന് താഴെ ഇറക്കുക, ബിജെപി അധികാരത്തില്‍ എത്തുന്നത് തടയുക, കോണ്‍ഗ്രസ്- ബിജെപി ഇതര ജനാധിപത്യ മതേതര സര്‍ക്കാരുണ്ടാക്കാന്‍ ഇടതുപക്ഷത്തെ ശക്തിപ്പെടുത്തുക, സംസ്ഥാനത്ത് ജനാധിപത്യം പുനഃസ്ഥാപിക്കുക എന്നിവയാണ് നാലിന അഭ്യര്‍ഥന.

മാ- മാട്ടി- മാനുഷ് (അമ്മ- മണ്ണ്- മനുഷ്യര്‍) മുദ്രാവാക്യമുയര്‍ത്തി അധികാരത്തിലേറിയ മമതയുടെ സ്ഥാനാര്‍ഥികളില്‍ ഭൂരിപക്ഷവും മനുഷ്യനും മണ്ണുമായും ഒരു ബന്ധവുമില്ലാത്തവരാണ്. രാഷ്ട്രീയവുമായി ഒരു ബന്ധവുമില്ലാത്ത സിനിമാതാരങ്ങളും പാട്ടുകാരും നാടകക്കാരും കളിക്കാരുമാണ് സ്ഥാനാര്‍ഥികളില്‍ നല്ലൊരു പങ്കും. തൃണമൂലിന്റെ 42 സ്ഥാനാര്‍ഥികളില്‍ കഴിഞ്ഞതവണ ജയിച്ച 18 പേരില്‍ 14 പേര്‍ക്കാണ് വീണ്ടും സീറ്റ് നല്‍കിയത്. ബാക്കി 28ല്‍ 16 പേരും സിനിമാതാരങ്ങളും പാട്ടുകാരും കളിക്കാരും നാടകക്കാരുമാണ്. സ്ഥാനാര്‍ഥിപ്പട്ടികയില്‍ സിനിമാതാരങ്ങളെയും മറ്റും കുത്തിനിറച്ചതിനെതിരെ പല ജില്ലകളിലും നേതാക്കള്‍ അതൃപ്തി രേഖപ്പെടുത്തുകമാത്രമല്ല, മമത പ്രഖ്യാപിച്ച സ്ഥാനാര്‍ഥികള്‍ക്കെതിരെ പരസ്യമായി രംഗത്തുവരികയുംചെയ്തു. സംഘടനാ ചുമതല വഹിക്കുന്ന തൃണമൂല്‍ അഖിലേന്ത്യാ ജനറല്‍ സെക്രട്ടറിയും മമതയുടെ വലംകൈയുമായ മുകുള്‍ റോയ് തന്നെ സീറ്റു നല്‍കുമെന്ന് ഉറപ്പുനല്‍കിയിരുന്നവരാണ് ഇപ്പോള്‍ പടിക്കുപുറത്തായത്. ബാങ്കുറ, ബര്‍ദ്വമാന്‍, പശ്ചിമ മിഡ്നാപുര്‍ എന്നീ ജില്ലകളിലായി ആകെ എട്ട് ലോക്സഭാ സീറ്റാണുള്ളത്. എന്നാല്‍, അതില്‍ ഒരിടത്തും ആ ജില്ലകളില്‍പ്പെട്ട ഒരാള്‍ക്കും സീറ്റ് ലഭിച്ചില്ല.

ഡാര്‍ജിലിങ്ങില്‍ മുന്‍ ഫുട്ബോള്‍താരം ബയ്ചുങ് ബൂട്ടിയയാണ് തൃണമൂല്‍ സ്ഥാനാര്‍ഥി. സിക്കിംകാരനായ ബൂട്ടിയയെ സ്ഥാനാര്‍ഥിയാക്കിയതിനെതിരെ ജില്ലയിലെ തൃണമൂല്‍ നേതാക്കളും പ്രവര്‍ത്തകരും പരസ്യമായി പ്രതിഷേധിച്ചു. ഉത്തര ബംഗാളിന്റെ ചുമതലയുള്ള മന്ത്രി ഗൗതം ദേബിനൊപ്പം ബൂട്ടിയ പങ്കെടുത്ത പ്രഥമയോഗംതന്നെ വിമത തൃണമൂലുകാര്‍ അലങ്കോലപ്പെടുത്തി. യോഗം നടത്താന്‍ കഴിയാതെ ബൂട്ടിയക്കും മന്ത്രിക്കും തിരിച്ചുപോകേണ്ടി വന്നു. ആദ്യം തൃണമൂലിനെ പിന്തുണയ്ക്കുമെന്നു പറഞ്ഞ ഡാര്‍ജിലിങ് ഗൂര്‍ഖാ ജനമുക്തി മോര്‍ച്ച ബൂട്ടിയ സ്ഥാനാര്‍ഥിയായതോടെ ബിജെപിക്ക് പിന്തുണ പ്രഖ്യാപിച്ചു. സീറ്റും മറ്റും വാഗ്ദാനംചെയ്ത് കോണ്‍ഗ്രസില്‍നിന്ന് കൂറുമാറ്റിച്ച പലരെയും മമത തഴഞ്ഞു. മൂര്‍ഷിദാബാദ് ജില്ലയില്‍ കോണ്‍ഗ്രസ് എംഎല്‍എ ആയിരുന്ന ഹുമയൂണ്‍ കബീറിനെ കലുമാറ്റിച്ച് മന്ത്രിയാക്കിയെങ്കിലും ഉപതെരഞ്ഞെടുപ്പില്‍ അദ്ദേഹം തോറ്റു. തുടര്‍ന്ന് മന്ത്രിസ്ഥാനം നഷ്ടപ്പെട്ട കബീറിന് ലോക്സഭാ സീറ്റ് ഉറപ്പ് നല്‍കിയെങ്കിലും ലിസ്റ്റ് വന്നപ്പോള്‍ പേരുണ്ടായില്ല. തന്നെ മമത ചതിച്ചെന്ന് കബീര്‍ പരസ്യമായി പ്രതികരിച്ചു. കോണ്‍ഗ്രസിന്റെ നിലയാണ് ഏറെ പരിതാപകരം. കൈപ്പത്തി ചിഹ്നത്തില്‍ മത്സരിക്കാന്‍ ആദ്യം ആരും തയ്യാറായില്ല. മുതിര്‍ന്ന നേതാക്കള്‍ പലരും ഒഴിഞ്ഞുമാറി. ഇതര രംഗങ്ങളിലെ പ്രമുഖരായ പലരെയും മത്സരിക്കണമെന്ന അഭ്യര്‍ഥനയുമായി കോണ്‍ഗ്രസ് നേതാക്കള്‍ സമീപിച്ചെങ്കിലും അവര്‍ ഒഴിഞ്ഞുമാറി. മുന്‍ ഇന്ത്യന്‍ ക്രിക്കറ്റ് ടീം ക്യാപ്റ്റന്‍ മുഹമ്മദ് അസ്ഹറുദ്ദീനെ ഉത്തര 24 പര്‍ഗാനാസ് ജില്ലയിലെ ബാരസാത്തില്‍ കോണ്‍ഗ്രസ് സ്ഥാനാര്‍ഥിയാക്കാനുള്ള ശ്രമം വിജയിച്ചില്ല. തോല്‍ക്കുമെന്ന് ഉറപ്പായ ബംഗാളില്‍ മത്സരിക്കാനില്ലെന്ന് അദ്ദേഹം വ്യക്തമാക്കി. ഒടുവില്‍ ഹൈക്കമാന്‍ഡിന്റെ ആജ്ഞ അനുസരിച്ചാണ്് മുതിര്‍ന്ന&ീമരൗലേ;നേതാക്കളില്‍ പലരും തീരുമാനം മാറ്റി രംഗത്തെത്തിയത്. 42 സീറ്റിലും സ്ഥാനാര്‍ഥികളെ പ്രഖ്യാപിച്ചെങ്കിലും പ്രചാരണം തുടങ്ങിയശേഷം ഒരാള്‍ പിന്മാറിയത് കോണ്‍ഗ്രസിന് വീണ്ടും തിരിച്ചടിയായി. 2009ല്‍&ലവേ;തൃണമൂലുമായി സഖ്യമുണ്ടാക്കിയ കോണ്‍ഗ്രസ് 16 സീറ്റിലാണ്് മത്സരിച്ചത്. ആറിടത്ത് ജയിച്ചു. കോണ്‍ഗ്രസിന് സംസ്ഥാനത്ത് താരതമ്യേന ശക്തിയുള്ള ജില്ലകളായ മൂര്‍ഷിദാബാദ്, മാള്‍ദ എന്നിവിടങ്ങളിലാണ് കഴിഞ്ഞതവണ അഞ്ച് സീറ്റും നേടിയത്. തൃണമൂലുമായി തെറ്റിപ്പിരിഞ്ഞതിനെത്തുടര്‍ന്ന് അവിടെയും സ്ഥിതി മോശമായി. നിലവിലുള്ള ആറ് എംപിമാരും വീണ്ടും മത്സരിക്കുന്നു. തൃണമൂലില്‍നിന്ന് കൂറുമാറിയെത്തിയ മുന്‍ പിസിസി പ്രസിഡന്റുകൂടിയായ സൊമന്‍ മിത്രയാണ് മത്സരരംഗത്തുള്ള പ്രമുഖന്‍.

2009ല്‍ ജാംഗിപുരില്‍ ജയിച്ച പ്രണബ് മുഖര്‍ജി രാഷ്ട്രപതിയായതിനെത്തുടര്‍ന്ന് നടന്ന ഉപതെരഞ്ഞെടുപ്പില്‍ മകന്‍ അഭിജിത് മുഖര്‍ജി കഷ്ടിച്ചാണ് വിജയിച്ചത്. സിപിഐ എം ആയിരുന്നു മുഖ്യ എതിരാളി. തൃണമൂല്‍ അന്ന് സ്ഥാനാര്‍ഥിയെ നിര്‍ത്തിയിരുന്നില്ല. എന്നാല്‍, ഇത്തവണ പ്രണബിന്റെ മകനെതിരെ തൃണമൂല്‍ സ്വന്തം സ്ഥാനാര്‍ഥിയെ നിര്‍ത്തി. മുതിര്‍ന്ന നേതാവ് പ്രിയരഞ്ജന്‍ ദാസ് മുന്‍ഷിയുടെ ഭാര്യ ദീപ ദാസ് മുമ്പ് ജയിച്ച റായ്ഗഞ്ചില്‍ ഇത്തവണ വീണ്ടും മത്സരിക്കുമ്പോള്‍ നില പരുങ്ങലിലാണ്. സംസ്ഥാനത്ത് അസ്തിത്വം നഷ്ടപ്പെടാതിരിക്കാന്‍ തൃണമൂലുമായി വീണ്ടും കൂടാന്‍ ഹൈക്കമാന്‍ഡിന്റെ ആശീര്‍വാദത്തോടെ ചില നേതാക്കള്‍ ശ്രമം നടത്തിയെങ്കിലും മമത ആട്ടിപ്പായിച്ചു.

കാര്യമായ സ്വാധീനം സംസ്ഥാനത്ത് ഇല്ലെങ്കിലും എല്ലാ മണ്ഡലങ്ങളിലും ബിജെപി സ്ഥാനാര്‍ഥികളെ നിര്‍ത്തിയിട്ടുണ്ട്. ആദ്യമായാണ് എല്ലാ സീറ്റിലും അവര്‍ മത്സരിക്കുന്നത്. പ്രമുഖ സിനിമാ താരങ്ങളെയും പാട്ടുകാരെയും ഇന്ദ്രജാലക്കാരെയും മറ്റും അണിനിരത്തിയാണ് ബിജെപിയുടെ പോരാട്ടം. പ്രസിദ്ധ ഗായകന്‍ ബാപ്പി ലാഹിരി, ഇന്ദ്രജാല വിദഗ്ധന്‍ പി സി സര്‍ക്കാര്‍ തുടങ്ങിയവര്‍ സ്ഥാനാര്‍ഥിപ്പട്ടികയിലുണ്ട്. തൃണമൂലുമായി സഖ്യമുണ്ടാക്കാന്‍ ബിജെപി ശ്രമിച്ചെങ്കിലും മുസ്ലിംവോട്ടില്‍ കണ്ണുനട്ട മമത പരസ്യമായി വഴങ്ങിയില്ല. ഡാര്‍ജിലിങ്ങില്‍ ഗൂര്‍ഖാ ലിബറേഷന്‍ ഫ്രണ്ടിനെ സഹായത്തിന് ലഭിച്ചതുമാത്രമാണ് ബിജെപിയുടെ ഏക പ്രതീക്ഷ. കഴിഞ്ഞതവണ ഗൂര്‍ഖാ പാര്‍ടിയുടെ സഹായത്തോടെയാണ് ഡാര്‍ജിലിങ്് സീറ്റ് നേടിയത്. തെരഞ്ഞെടുപ്പിനുശേഷം മമത തങ്ങളോടൊപ്പം വരുമെന്ന ധാരണയില്‍ മുന്‍കാലങ്ങളെപ്പോലെ അന്തിമഘട്ടത്തില്‍ തൃണമൂലിനായി വോട്ട് മറിക്കുന്ന കള്ളക്കളിതന്നെയാകും ബിജെപിയില്‍നിന്ന് ഇത്തവണയും പ്രതീക്ഷിക്കേണ്ടത്.

അഞ്ചു ഘട്ടങ്ങളിലായാണ് ബംഗാളില്‍ തെരഞ്ഞെടുപ്പ്. ഏപ്രില്‍ 17, 24, 30, മെയ് 7, 12 തീയതികളില്‍. നീണ്ട കാലയളവിനുശേഷം എല്ലാ മണ്ഡലങ്ങളിലും പ്രധാന കക്ഷികളെല്ലാം അണിനിരന്നു എന്നതാണ് ഇത്തവണത്തെ പ്രത്യേകത. കഴിഞ്ഞ നാലു തെരഞ്ഞെടുപ്പിലും തൃണമൂല്‍കോണ്‍ഗ്രസ് ബിജെപിയും കോണ്‍ഗ്രസുമായി മാറിമാറി സംഖ്യമുണ്ടാക്കിയാണ് മത്സരിച്ചത്. ഇത്തവണ പരസ്യമായ ഒരു സഖ്യവും മുഖ്യപാര്‍ടികള്‍ തമ്മിലില്ലെന്ന പ്രത്യേകതയുണ്ട്. ഇടതുമുന്നണിയും തൃണമൂല്‍ കോണ്‍ഗ്രസും തമ്മിലാണ് മിക്ക മണ്ഡലങ്ങളിലും പ്രധാന മത്സരം. 2009ല്‍ ഇടതുമുന്നണിക്ക് 16 സീറ്റാണ് ലഭിച്ചത്. തൃണമൂലും കോണ്‍ഗ്രസും സഖ്യത്തിലായിരുന്നു. തൃണമൂലിന് 19ഉം കോണ്‍ഗ്രസിന് ആറും സീറ്റ് ലഭിച്ചു. എന്തായാലും കോണ്‍ഗ്രസിന് ഇത്തവണ സീറ്റുകള്‍ നിലനിര്‍ത്താന്‍ കഴിയില്ലെന്നകാര്യത്തില്‍ സംശയമില്ല. നീതിപൂര്‍വകമായ തെരഞ്ഞെടുപ്പ് നടന്നാല്‍ ഇടതുമുന്നണി ശക്തമായ തിരിച്ചുവരവ് നടത്തുമെന്നുറപ്പാണ്.

*
ഗോപി കൊല്‍ക്കത്ത