സാംസ്കാരിക സാധ്യതകള്‍: കെ എന്‍ പണിക്കര്‍

ഒരു സമൂഹത്തിന്റെ സ്വത്വസ്വഭാവത്തിലും രൂപനിര്‍ണയത്തിലും നിര്‍ണായകമായ പ്രതിഭാസമാണ് സംസ്കാരം. അതായത്, മനുഷ്യരുടെ പ്രവര്‍ത്തനങ്ങളില്‍നിന്ന് ഊറ്റിയെടുക്കുന്ന സത്തയുടെ ആകെത്തുകയാണെന്നര്‍ഥം. മറ്റൊരു വിധത്തില്‍ സമീപിച്ചാല്‍ സംസ്കാരം സര്‍വവ്യാപിയാണെന്ന് തിരിച്ചറിയാന്‍ കഴിയും. സമൂഹത്തിന്റെ എല്ലാ തലങ്ങളിലും നിലനില്‍ക്കുന്ന ചാലകശക്തികളുടെ പ്രധാനപ്പെട്ട ഒരു ഘടകമാണ് സംസ്കാരം. സാധാരണ കാഴ്ചപ്പാടില്‍ സംസ്കാരത്തിന്റെ അളവുകോല്‍ പലപ്പോഴും ഈ സാന്നിധ്യവുമായി ബന്ധപ്പെടുത്തി കാണാറില്ല. പല രീതിശാസ്ത്രപദ്ധതികളും സംസ്കാരത്തെ ഒരു വിഭാഗീയ പ്രവണത മാത്രമായി പരിഗണിക്കുന്നു.

മനുഷ്യജീവിതത്തിന്റെ വൈവിധ്യസ്വഭാവം മനുഷ്യരെ വിഭിന്ന സമുദായങ്ങളായി തരംതിരിക്കുന്നു. ആദ്യകാലഘട്ടങ്ങളില്‍ അവയില്‍ വലിയ വിഭാഗങ്ങളെ നാഗരികതകളായി വിവരിക്കപ്പെട്ടു. ഓരോ നാഗരികതയും വളര്‍ന്നുവന്നത് വ്യത്യസ്തമായ സാംസ്കാരിക ഭാണ്ഡങ്ങള്‍ പേറിയിരുന്നു. ഈ നാഗരികത പിന്നീട് രാഷ്ട്രീയവ്യവസ്ഥകളുടെ ആവിര്‍ഭാവത്തോടെയും സാമ്പത്തിക ഉല്‍പ്പാദനരീതിയിലുണ്ടായ മാറ്റങ്ങളുടെയും കാരണമായി വീണ്ടും വീണ്ടും വിഭജിക്കപ്പെട്ടു. ഈ പ്രക്രിയയുടെ ഒരു പ്രധാനപ്പെട്ട സ്വാധീനം പരിസ്ഥിതിയായിരുന്നു. മനുഷ്യസംസ്കാരത്തിന്റെ ഉത്ഭവത്തിലും വളര്‍ച്ചയിലും നിര്‍ണായകമായ ഒരു ഘടകമാണ് പ്രകൃതിയുടെ വികൃതികള്‍. പക്ഷേ, പ്രകൃതിയെ കീഴടക്കാനുള്ള ശ്രമത്തിലാണ് മനുഷ്യന്‍ .

വിഭിന്ന സംസ്കാരങ്ങളുടെ ആരോഗ്യകരമായ പരസ്പരബന്ധത്തില്‍നിന്നാണ് സാര്‍വലൗകിക സംസ്കാരം ഉടലെടുക്കുന്നത്. അത്തരം ഒരു പ്രക്രിയയിലൂടെയാണ് ആധുനികകാലത്ത് എല്ലാ സംസ്കാരങ്ങളും വളര്‍ന്നുവന്നിട്ടുള്ളത്. സാംസ്കാരിക സമന്വയത്തിന്റെയും പരസ്പരബഹുമാനത്തിന്റെയും പാത. ഈ പ്രക്രിയയില്‍ സംസ്കാരത്തിന്റെ പങ്ക് എല്ലാ സമൂഹങ്ങളിലും ഒരേപോലെയല്ല. ഈ പ്രക്രിയയുടെ ഒരു വശം സംസ്കാരം ഭിന്നമായ രീതികളില്‍ പ്രതിനിധാനം ചെയ്യപ്പെടുന്നുവെന്നതാണ്. അതായത്, സാംസ്കാരികമണ്ഡലത്തില്‍ അടിസ്ഥാനപരമായി രണ്ട് ധാരകളുണ്ട്. സമൂഹത്തില്‍ നിലനില്‍ക്കുന്ന മൂല്യങ്ങള്‍ വിശദീകരിക്കുകയും ന്യായീകരിക്കുകയും ചെയ്യുന്ന ഒന്ന്. രണ്ടാമതായി ഈ പ്രക്രിയയില്‍ അന്തര്‍ലീനമായ വൈരുധ്യങ്ങളെ നിശിതമായി വിമര്‍ശിക്കുകയും മാറ്റങ്ങള്‍ക്കായി പൊരുതുകയും ചെയ്യുന്നവ.

കഴിഞ്ഞ ഒരു വര്‍ഷത്തെ സാംസ്കാരികജീവിതത്തെ ഈ കാഴ്ചപ്പാടില്‍നിന്ന് പരിശോധിക്കുകയാണെങ്കില്‍ വളരെ സംതൃപ്തിക്ക് ഇടയില്ല. സത്യത്തിലും സമത്വത്തിലും സമാധാനത്തിലും മതനിരപേക്ഷതയിലും അധിഷ്ഠിതമായ മനസ്സ് പാകപ്പെടുത്തിയെടുക്കാന്‍ സാധ്യതകളുള്ള സാഹിത്യമോ, സിനിമയോ മറ്റ് കലാരൂപങ്ങളോ വേണ്ടുവോളം സൃഷ്ടിക്കപ്പെട്ടിട്ടുണ്ടോ എന്നത് സംശയാസ്പദമാണ്. ഒരുകാലത്ത് സാമൂഹ്യഗുണം എന്നത് നന്മയുടെ പര്യായമായിരുന്നു. അതില്‍നിന്ന് വിഭിന്നമായ ഒരു ധൈഷണിക വീക്ഷണം കണ്ടുപിടിച്ചതിനോടൊപ്പം സര്‍ഗാത്മകമണ്ഡലം ക്ഷുദ്രജീവികളുടെ കൂത്തരങ്ങായി മാറി. ആഗോളവല്‍ക്കരണത്തിന്റെ പ്രഭാപൂരത്തില്‍ സാഹിത്യവും കലയുമൊക്കെ ജനസാമാന്യത്തില്‍നിന്ന് കൂടുതല്‍ അന്യവല്‍ക്കരിക്കപ്പെട്ടു. സംസ്കാരം ജനകീയസ്വഭാവമുള്ള മുന്നേറ്റങ്ങളില്‍നിന്ന് സാവധാനം പിന്മാറി. ജനകീയസാഹിത്യം എന്ന പേരില്‍ പലപ്പോഴും ""ജനം"" പ്രത്യക്ഷപ്പെടാറില്ല. അങ്ങനെയല്ലെങ്കില്‍ ജനകീയസ്വഭാവം വെറും പ്രചാരണം മാത്രമായി അവശേഷിച്ചെന്നുവരും. നവമുതലാളിത്തത്തിന്റെ കെടുതികള്‍ അനുഭവിക്കുന്ന മധ്യവര്‍ഗക്കാരുടെ ദുരിതങ്ങളും ആകാംക്ഷകളുമൊക്കെയാണ് സാഹിത്യകൃതികളില്‍ കൂടുതല്‍ വിഷയീഭവിക്കുന്നത്്. ആഗോളവല്‍ക്കരണത്തിന്റെ പ്രകാശപ്പൊലിമയില്‍ സാഹിത്യവും കലയുമെല്ലാം സമൂഹത്തിന്റെ അന്തഃസത്തയില്‍നിന്ന് അന്യവല്‍ക്കരിക്കപ്പെട്ടു. ഔദ്യോഗിക സ്വീകാര്യത ലഭിക്കുന്നത് സത്യസന്ധതയില്ലാത്ത, ജനകീയസ്വഭാവമില്ലാത്ത കലാരൂപങ്ങള്‍ക്കായി. പല അവാര്‍ഡുകളുടെയും കഥ തിരക്കിയാല്‍ അറിയാവുന്ന വസ്തുതയാണിത്.

കീഴാള സാഹിത്യത്തിന്റെ കാര്യമെടുക്കുക. ദളിതരുടെ ജീവിതത്തെ ആസ്പദമാക്കിയ എത്ര കൃതികളുണ്ട് മലയാളത്തില്‍? വളരെ തുച്ഛം. സാഹിത്യത്തിന്റെ സിംഹഭാഗവും മധ്യവര്‍ഗത്തിന്റെ കാമരോഷാദികളെയാണ് അഭിസംബോധന ചെയ്യുന്നത്. പച്ചയായ യഥാര്‍ഥ പ്രശ്നങ്ങള്‍ ഉള്‍ക്കൊള്ളുന്നത് ഒരു പോരായ്മയായി പലരും കണക്കാക്കുന്നു. പ്രശസ്ത നാടകകൃത്തായ മോഹന്‍ രാഖേഷിനോട് ഒരിക്കല്‍ ചോദിക്കുകയുണ്ടായി- താങ്കളുടെ കഥാപാത്രങ്ങള്‍ പെട്ടെന്ന് തെരുവില്‍ പ്രത്യക്ഷപ്പെടുന്ന, വേരുകളില്ലാത്തവരാകുന്നത് എന്തുകൊണ്ടാണ്? അതിന് മറുപടിയായി അദ്ദേഹം പറഞ്ഞത്- അവര്‍ക്ക് വേരുകളുണ്ട്. അവയെ തിരയുന്നത് മധ്യവര്‍ഗവക്താക്കളായ സാഹിത്യകാരന്മാര്‍ക്ക് രുചിച്ചെന്നുവരികയില്ല. അവരുടെ ഇടപെടല്‍കൊണ്ടുതന്നെയാണ് മുഖ്യധാരകലകള്‍ സവര്‍ണരൂപം സൃഷ്ടിക്കുകയും ആദരിക്കുകയും നിലനിര്‍ത്തുകയും ചെയ്യുന്നത്. തോട്ടിയുടെ മകനും ഓടയില്‍നിന്നുംപോലുള്ള കൃതികള്‍ ഉണ്ടാകാന്‍ ഇന്ന് സാധ്യതയില്ല. തോട്ടിയോ റിക്ഷാക്കാരനോ സമൂഹത്തില്‍ ഇല്ലാതെയല്ല. കോരനും പപ്പുവും ഇന്നും നമ്മുടെ കൂടെയുണ്ട്. ശൗചാലയങ്ങള്‍ ഉണ്ടാകേണ്ടതിന്റെ ആവശ്യകത ഇവിടെപ്പോലും "സത്യമേവ ഭവതേ" എന്ന പരിപാടി അവതരിപ്പിച്ചുവല്ലോ? പ്രാന്തവല്‍ക്കരിക്കപ്പെട്ട അത്തരം വിഭാഗങ്ങളെക്കുറിച്ചെഴുതാനുള്ള പ്രത്യയശാസ്ത്ര പ്രതിബദ്ധതയോ, വിശ്വാസമോ, വ്യക്തതയോ ഇന്നില്ല. അതുകൊണ്ടുതന്നെ ഇന്ത്യയിലും കേരളത്തില്‍ പ്രത്യേകിച്ചും ഉരുത്തിരിഞ്ഞുകൊണ്ടിരിക്കുന്ന സമൂഹത്തില്‍ എല്ലാ മാനവികമൂല്യങ്ങളെയും തൂത്തുമാറ്റുന്നു. പുതുവര്‍ഷത്തില്‍ ഉണ്ടാകേണ്ടത് ഈ പ്രവണതകളില്‍നിന്നുള്ള വ്യതിയാനമാണ്, മോചനമാണ് എന്നുവേണമെങ്കില്‍ പറയാം. അക്കാദമികളും സാമൂഹ്യബോധമുള്ളവര്‍വരെ എല്ലാവരും ഈ പരിശ്രമത്തില്‍ പങ്കാളികളാകേണ്ടതുമാണ്.

ചരിത്രവും സാഹിത്യവും തമ്മിലുള്ള ബന്ധംതന്നെയാണ് സംസ്കാരവും സര്‍ഗാത്മകമേഖലയും തമ്മിലുള്ള ബന്ധം. ചരിത്രം ഉള്‍ക്കൊള്ളാത്ത സാഹിത്യമില്ല. സാഹിത്യത്തിന്റെ മാധുര്യം ചേര്‍ക്കാത്ത ചരിത്രവും. കഴിഞ്ഞവര്‍ഷം കലകളെ വര്‍ഗീയവല്‍ക്കരിക്കാനുള്ള ശ്രമങ്ങള്‍ നടന്നതായി കാണാം. പുതുവര്‍ഷം ഈ പ്രവണതയെ ശക്തമായി എതിര്‍ക്കാനും ഒരു മതനിരപേക്ഷ സംസ്കാരം സൃഷ്ടിക്കാനും ഇടവരുത്തുമെന്ന് പ്രതീക്ഷിക്കാമെന്നല്ലാതെ അത് സാധ്യമാകുമെന്ന് തീര്‍ത്തുപറയാന്‍ വയ്യ.

*
കെ എന്‍ പണിക്കര്‍ ദേശാഭിമാനി 02 ഡിസംബര്‍ 2013

NEW YEAR GREETINGS: Intensify Struggles for a Better Livelihood

PEOPLE’S Democracy wishes its readers a very Happy New Year.

These wishes, however, come with a very agonised heart full of anguish and anger as the victim of the brutal gangrape in the capital continues to struggle to live in the hospital’s intensive care unit.

Usually, Tennyson’s famous lines, “Ringing out the old, ringing in the new” are invoked on this occasion. There is an element of hope that the coming year will see changes for the better.  Such hopes, however, are belied by our experiences during the year that has gone by. The hopes do not automatically translate into reality. A better reality has to be achieved through relentless popular struggles by the people.

The last year ended with the Lokpal Bill being aborted in the Rajya Sabha by this UPA-2 government. In these columns, last year, we had hoped and said, “2012 appears all set to finally establish these institutions after a four decade long struggle for creating institutions to combat corruption in high places. This, however, may not happen automatically. This will have to be ensured through relentless public pressure.” 2012, however, ended without this happening despite growing public pressure.

In the meanwhile, 2012 has seen a series of corruption scams rocking the country.  This merciless loot of our resources, apart from the immorality involved, diverts humongous amount of resources away from social development denying our people a better life.  Last year, in this column, we had said, “The effectiveness of this fight cannot be ensured unless it is linked with fighting these economic reforms that are continuously opening hitherto unknown avenues for corruption at high places.”

Unfortunately, for the Indian people, this UPA-2 government has relentlessly pursued its trajectory of neo-liberal economic reforms.  This, as anticipated, has led to a severe economic downturn heaping misery on the people.  As against the targeted 9 per cent growth rate of our GDP, the year will be ending with a growth rate of around 6 per cent or less.  Compounding the misery of the people is a relentless rise in the prices of all essential commodities.

In the background of the continuing global economic crisis and recession, such a neo-liberal policy trajectory is only widening the hiatus between the two Indias.  While these reforms are creating more avenues for profit maximisation by international finance capital and India’s big business, they continue to impoverish the poor as a result.  After all, profit maximisation can only happen by intensifying the economic exploitation of the vast mass of the working people.

To create a better life for our people in 2013, it is imperative that this policy direction must be reversed.  The alternative lies in a massive hike in public investments to build our much needed social and economic infrastructure. This will create significant new employment opportunities and, thus, contribute to enlarging the domestic demand in our country. This, in turn, will give a boost to the manufacturing sector and overall industrial production. A sustainable and more inclusive growth pattern can be set in motion with such an alternative policy direction.  This is all the more relevant in the present global context, where due to the sustained global crisis over the last five years, Indian exports have sharply fallen.  No export-led growth strategy can work in this situation.  Any growth that can take place will be predominantly influenced by the levels of domestic demand in our country.  The current neo-liberal reforms precisely result in the opposite – sharply declining purchasing power in the hands of the vast majority of our people.

Often the question is raised: From where will the government marshall resources for these huge public investments? We have repeatedly shown that during the last fiscal year, the amount of legitimate tax foregone voluntarily by the government was a huge Rs 5.28 lakh crores. This is more than the high fiscal deficit of 6.9 per cent of our GDP, which translates into Rs 5.22 lakh crores. Ironically, in the name of reducing this fiscal deficit and for a prudent fiscal management, the prices of diesel, cooking gas, urea etc are hiked and the meager subsidies for the poor are further slashed. The deficit is incurred because of the tax concessions or subsidies for the rich and the poor are made to bear the burden by heightening their levels of misery.

Such a policy direction cannot be allowed for the sake of the vast majority of our people and to build a better India.  2013 must, therefore, see the mounting of greater pressures through popular mobilisations on the government to reverse its disastrous policies. For the first time in independent India, all the trade unions, cutting across political inclinations, have shown unprecedented unity in calling for a two-day industrial strike against these policies. Its success must be ensured by all who care for our country and people.  The continuation of these policies will only mean a further ruination of the livelihood of the vast majority of our people and also the continuation of the drain of wealth of our country through corruption and sleaze.

On the social front, 2012 has seen a regression – the khap panchayats, the continuation of caste based oppression, the continuation of the denial of  elementary rights and opportunities to religious minorities and the alarming rise of sexual assaults on women. The Delhi gangrape case is not an isolated inhuman crime of gruesome proportions. Reports of such attacks on women, including minors, keep pouring in from all across the country.  This dehumanising of our society comes as a result  of a deadly cocktail of  regressive value systems of the past combined with the equally regressive  culture of neo-liberalism.  Further, these economic reforms, while fattening the profits of foreign and domestic capital, on the one hand, on the other, it continuously shrinks the size of the cake, so to speak, for our people.  This sets in motion a scramble by various sections to at least maintain their previous share of the cake.  This lays the fertile basis for all divisive and disruptive expressions in our social order to thrive.  This further strengthens the regressive trends.  These need to be combated aggressively in the coming year.

2013 will see elections to the state assemblies in at least eight states like Karnataka, Madhya Pradesh, Rajasthan, Delhi, Tripura, Meghalaya, Mizoram and Nagaland.

The Indian ruling classes hope that these elections will divert the people’s attention away from intensifying struggles against their policies of looting our resources while further impoverishing the poor.  These series of elections, on the contrary, must be utilised by the Left and Democratic forces to mobilise the people around alternative pro-people policies.

Also with the general election slated to take place in 2014, 2013 may well see the government announcing a slew of populist measures and taking recourse to gimmicks.  One such is the announcement of the Direct Cash Transfer scheme instead of providing essential commodities through a public distribution system (PDS).  This is a big fraud as the value of the cash transferred to families will continuously decline due to this price rise. As a result, people will increasingly fail to meet their minimum needs.  This is an ingenuous way to automatically reducing subsidies for the poor while giving them the illusions of safety and economic security.  Likewise, no meaningful food security for our people can be ensured unless all families (BPL and APL) are provided with at least 35 kgs of foodgrains at a maximum of Rs 2/kg through a universal PDS.

These are some of the issues that must engage our attention in the coming year.  These must not merely engage our attention but popular struggles must be intensified in order to achieve a better livelihood for the vast majority of our people and for the realisation of the inherent potential of our people and country, that is currently being denied by our ruling classes.

2013 must not be allowed to be a year where we continue to be denied the opportunity to realise our potential. Welcome to 2013 – a year of intensified struggles by the vast mass of our people to realise our legitimate due and our country’s inherent potential.

*
People's Democracy

പുതുവര്‍ഷം പുലരുമ്പോള്‍

ദേശാഭിമാനി എല്ലാവര്‍ക്കും സന്തോഷകരമായ പുതുവത്സരം ആശംസിക്കുന്നു. 2012 ശുഭപര്യവസായിയല്ല. ലോകം രൂക്ഷമായ സാമ്പത്തികക്കുഴപ്പത്തിന്റെ പിടിയില്‍ത്തന്നെയാണ്. അമേരിക്ക നേതൃത്വം നല്‍കുന്ന സാമ്രാജ്യത്വം പ്രതിസന്ധിയുടെ ഭാരം വികസ്വര രാജ്യങ്ങളുടെമേല്‍ കെട്ടിവയ്ക്കാന്‍ തുടര്‍ച്ചയായി ശ്രമിക്കുന്നു; സൈനിക ഇടപെടലിലൂടെ പശ്ചിമേഷ്യയിലും മറ്റും അസ്വസ്ഥത പരത്തുന്നു. ജനജീവിതം താറുമാറാക്കുന്ന നവലിബറല്‍ ക്രമത്തിനെതിരെ ലോകമാകെ പ്രതിഷേധം വളരുകയാണ്. വര്‍ധിച്ചുവരുന്ന അസമത്വങ്ങളിലും രൂക്ഷതരമാകുന്ന തൊഴിലില്ലായ്മയിലും മുന്‍നിര മുതലാളിത്ത രാജ്യങ്ങളുടെ മുഖം വിവരണാതീതമായി വികൃതമാണ്. അവിടങ്ങളില്‍ ഉപജീവനമാര്‍ഗത്തിനും സാമൂഹ്യക്ഷേമ ആനുകൂല്യങ്ങള്‍ക്കും നേരെയുള്ള ആക്രമണങ്ങള്‍ക്കെതിരെ ജനത കൂട്ടംകൂട്ടമായി രംഗത്തുവന്നു. മുതലാളിത്തത്തിന്റെ ആസ്ഥാനമെന്നറിയപ്പെടുന്ന വിശുദ്ധസ്ഥലികള്‍ ജനകീയപ്രതിഷേധത്തിന്റെയും രോഷത്തിന്റെയും താപത്താല്‍ ജ്വലിക്കുന്നു. ലാറ്റിനമേരിക്ക സാമ്രാജ്യത്വത്തിന്റെ നവലിബറല്‍ നയങ്ങള്‍ക്ക് ബദലൊരുക്കി വിജയകരമായി മുന്നേറുന്നു. വെനസ്വേലയിലെ ഹ്യൂഗോ ഷാവേസ് വിജയവും ഫ്രാന്‍സില്‍ രണ്ട് പതിറ്റാണ്ടിനുശേഷം വീണ്ടുമൊരു സോഷ്യലിസ്റ്റ് പ്രസിഡന്റ് അധികാരത്തിലെത്തിയതും ഇറാനിലും സിറിയയിലും നടക്കുന്ന അസാധാരണ ചെറുത്തുനില്‍പ്പുകളും ഈജിപ്തില്‍ ജനാധിപത്യത്തിനായുള്ള ജനമുന്നേറ്റങ്ങളും കൊഴിഞ്ഞുപോകുന്ന വര്‍ഷത്തിന്റെ ശേഷിപ്പുകള്‍ മാത്രമല്ല, പുതുവര്‍ഷത്തിന്റെ സൂചനകളുമാണ്. ജനങ്ങള്‍ക്കിടയിലെ അസമത്വം ലോകത്തിന്റെ വിവിധ ഭാഗങ്ങളില്‍ ഏറ്റവും മോശമായ സ്ഥിതിവിവരക്കണക്കുകളാണ് പുറത്തുവിടുന്നത് എന്ന അശുഭസൂചനയാണ് വര്‍ഷാന്ത്യത്തിന്റെ നീക്കിയിരിപ്പ് എന്ന് പറയാമെങ്കിലും അതിനെതിരായ പോരാട്ടത്തിന്റെ കാഹളമാണ് രണ്ടായിരത്തിപ്പതിമൂന്നിന് സ്വാഗതമായി മുഴങ്ങിക്കേള്‍ക്കുന്നതെന്നര്‍ഥം.

ഇന്ത്യയില്‍ പുതുവര്‍ഷമെത്തുന്നത്, ഒരു പാവം പെണ്‍കുട്ടിയുടെ ദുരന്തത്തിന്റെ കണ്ണീരിലും ആ കുട്ടിയെ പിച്ചിച്ചീന്തിയ കരാളതയോടുള്ള ഒടുങ്ങാത്ത രോഷത്തിലും പുതഞ്ഞ് നിറംകെട്ട അന്തരീക്ഷത്തിലാണ്. സ്ത്രീകള്‍ക്ക് സുരക്ഷയില്ല, പാചകവാതകമില്ല, മണ്ണെണ്ണയില്ല, വൈദ്യുതിയില്ല, വിറകില്ല, ജീവിക്കാന്‍ തൊഴിലില്ല, കിട്ടുന്ന വരുമാനംകൊണ്ട് ഭക്ഷണത്തിന് തികയുന്നില്ല. അവശ്യസാധന വിലക്കയറ്റവും ഉന്നതതല അഴിമതിയുടെ അമ്പരപ്പിക്കുന്ന കാഴ്ചയും ഒരുവശത്ത്. അതോടൊപ്പം ചൂഷണവും ഇല്ലായ്മയുംമൂലം ദുരിതക്കയങ്ങളില്‍പ്പെട്ട തൊഴിലാളിവര്‍ഗത്തിന്റെയും കര്‍ഷകരുടെയും മറ്റധ്വാനിക്കുന്ന ജനവിഭാഗങ്ങളുടെയും ജീവിതം ഇന്ത്യാ മഹാരാജ്യത്തിന്റെ ലജ്ജാകരമായ അവസ്ഥയുടെ സൂചകമായിരിക്കുന്നു. അമേരിക്കന്‍ സാമ്രാജ്യത്വത്തിനും കോര്‍പറേറ്റുകള്‍ക്കും വഴങ്ങി രാജ്യത്തെയും ജനങ്ങളെയും പണയപ്പെടുത്തുകയാണ് യുപിഎ സര്‍ക്കാര്‍. ചില്ലറ വ്യാപാരമേഖലയുടെ വിദേശകോര്‍പറേറ്റ് വല്‍ക്കരണവും ബാങ്കിങ് നിയമ ഭേദഗതിയും ഏറ്റവുമൊടുവിലത്തെ ഉദാഹരണങ്ങള്‍മാത്രം.

സാമൂഹ്യ സുരക്ഷയ്ക്കും ക്ഷേമത്തിനുമായി ഒന്നും ചെയ്യാന്‍ സര്‍ക്കാര്‍ ഒരുക്കമല്ല. വിലക്കയറ്റം റെക്കോഡിലെത്തുമ്പോഴും റേഷന്‍ സബ്സിഡി പണമായി നല്‍കാന്‍ തീരുമാനിച്ച് ഫലത്തില്‍ സബ്സിഡി വെട്ടിക്കുറയ്ക്കുന്നു. ഭക്ഷ്യവസ്തുക്കള്‍ക്കു പകരം പണം നല്‍കി പോഷകാഹാരക്കുറവിനും പട്ടിണിക്കും വളമിടുന്നു. ഭക്ഷണം, ഭൂമി, പാര്‍പ്പിടം, തൊഴില്‍, വിദ്യാഭ്യാസം, ആരോഗ്യം എന്നീ മേഖലകളില്‍ ബദല്‍ നയങ്ങളുണ്ടായില്ലെങ്കില്‍ രാജ്യം കൊടിയ ദുരന്തത്തിലേക്ക് പോകുമെന്ന് ഉറപ്പാക്കുന്നതാണ് നിലവിലെ യാഥാര്‍ഥ്യങ്ങള്‍. എന്നിട്ടും ആഗോളവല്‍ക്കരണ നയങ്ങള്‍ക്ക് സ്തുതിപാടുകയാണ് യുപിഎ സര്‍ക്കാര്‍.

ഡല്‍ഹിയില്‍ കൊല്ലപ്പെട്ട പെണ്‍കുട്ടിയുടെ സംസ്കാരച്ചടങ്ങുകള്‍ക്ക് ആരെയുമറിയിക്കാതെ ഒളിച്ചുചെല്ലേണ്ടിവന്നതാണ് രാജ്യം ഭരിക്കുന്നവരുടെ അവസ്ഥയെങ്കില്‍, ജനങ്ങള്‍ക്കുമുന്നില്‍ തല ഉയര്‍ത്തി നില്‍ക്കാനാവാത്തതാണ് കേരളത്തിലെ യുഡിഎഫ് ഭരണാധികാരികളുടെ നില. സര്‍വതലങ്ങളിലും മാഫിയാവല്‍ക്കരണം അതിദ്രുതം നടക്കുന്നു. കേരളത്തിന്റെ പുരോഗതിക്ക് അടിസ്ഥാനശിലയായ ഭൂപരിഷ്കരണം അട്ടിമറിക്കാനുള്ള യുഡിഎഫ് തീരുമാനം കടുത്ത ജനകീയ പ്രക്ഷോഭത്തിന് വളമിട്ടിരിക്കുന്നു. കര്‍ഷകരും കര്‍ഷക തൊഴിലാളികളും ആദിവാസികളും പട്ടികജാതി ജനവിഭാഗങ്ങളും ചേര്‍ന്ന് വിതരണം ചെയ്യപ്പെടാത്ത മിച്ചഭൂമി ചൂണ്ടിക്കാണിച്ച് സമരരംഗത്തിറങ്ങുന്നതോടെയാണ് കേരളത്തില്‍ പുതുവര്‍ഷം പുലരുന്നത്. ഭൂരഹിതരായ മൂന്നുലക്ഷത്തോളം കുടുംബങ്ങള്‍ക്ക് കിടപ്പാടം നല്‍കാനുള്ള ഭൂമി വന്‍കിടക്കാര്‍ക്ക് അനധികൃതമായി കൈവശം വയ്ക്കാനുള്ള അവസരമാണ് ഭൂപരിഷ്കരണ നിയമത്തെ അട്ടിമറിച്ച് യുഡിഎഫ് സര്‍ക്കാര്‍ നല്‍കുന്നത്. കശുമാവ് പ്ലാന്റേഷനെ ഭൂപരിധിയില്‍ നിന്നൊഴിവാക്കിയും തോട്ടങ്ങളുടെ അഞ്ചു ശതമാനം ഭൂമി ടൂറിസം പദ്ധതികള്‍ക്കുപയോഗിക്കാന്‍ അനുമതി നല്‍കിയും മറ്റും മിച്ചഭൂമി അപ്പാടെ ഇല്ലാതാക്കാനുള്ള സര്‍ക്കാര്‍ ശ്രമത്തിനെതിരെയാണ് സിപിഐ എം നേതൃത്വത്തില്‍ ഭൂസമരം ആരംഭിക്കുന്നത്.

ക്ഷേമപദ്ധതികള്‍ അട്ടിമറിച്ചും പ്രകൃതിയെ കൊള്ളയടിച്ചും പൊതുവിതരണ സമ്പ്രദായത്തെ മുക്കിക്കൊന്നും ആരോഗ്യ-വിദ്യാഭ്യാസ രംഗങ്ങളിലെ നേട്ടങ്ങള്‍ തകര്‍ത്തും കേന്ദ്ര യുപിഎ ഭരണത്തിന്റെ വഴിയിലൂടെ യുഡിഎഫ് സര്‍ക്കാര്‍ മുന്നേറുമ്പോള്‍, കഴിഞ്ഞ തെരഞ്ഞെടുപ്പില്‍ ആ മുന്നണിയെ പിന്തുണച്ച ജനവിഭാഗങ്ങളിലുള്‍പ്പെടെ അസ്വസ്ഥതയും വെറുപ്പുമാണ് പടര്‍ന്നുപിടിക്കുന്നത്. കുടംബശ്രീ എന്ന മാതൃകാ മുന്നേറ്റത്തെ തകര്‍ക്കാന്‍ ജനശ്രീ എന്ന തട്ടിപ്പുകമ്പനിക്കുവേണ്ടി ഖജനാവ് തുറന്നിട്ട യുഡിഎഫിന്റെ മനസ്സ്, സ്ത്രീകളോട് പരാക്രമം കാണിക്കുന്നതുതന്നെ. അതിനെതിരായ വനിതകളുടെ രോഷമാണ് സെക്രട്ടറിയറ്റിനുമുന്നില്‍ എട്ടു രാപ്പകല്‍ അലയടിച്ചത്. ജനങ്ങള്‍ എത്രമാത്രം സര്‍ക്കാരിനെ വെറുക്കുന്നു എന്നതിന്റെ സൂചനയാണത്. മാധ്യമങ്ങളെ ദുരുപയോഗിച്ചും ഭരണകൂടത്തിന്റെ മര്‍ദന സാധ്യതകളെയാകെ സമാഹരിച്ചുപയോഗിച്ച് പ്രതിപക്ഷത്തെ അടിച്ചൊതുക്കിയും ദുര്‍മുഖം മറച്ചുവയ്ക്കാനുള്ള ശ്രമത്തിലാണ് യുഡിഎഫ് സര്‍ക്കാര്‍ ഇന്ന്്. സിപിഐ എമ്മിന്റെ സമുന്നത നേതാക്കളെപ്പോലും പരിഹാസ്യ ന്യായങ്ങളുയര്‍ത്തി തുറുങ്കിലടയ്ക്കാനുണ്ടായ പ്രചോദനം അതുതന്നെ.

അഴിമതി കണ്ടുമടുത്ത ജനങ്ങള്‍, ഡല്‍ഹിയില്‍ കൂട്ടത്തോടെ തെരുവിലിറങ്ങാന്‍ അണ്ണ ഹസാരെയോ ബാബാ രാംദേവോ ഒരു തീപ്പൊരി തെറിപ്പിച്ചാല്‍ മതിയായിരുന്നു എന്നത് രാജ്യം കണ്ടറിഞ്ഞ യാഥാര്‍ഥ്യം. അത്തരം ഒരു തീപ്പൊരിയുമില്ലാതെയാണ് ലക്ഷക്കണക്കിന് യുവജനങ്ങള്‍ ഡല്‍ഹി പെണ്‍കുട്ടിയുടെ ദുരന്തത്തെ മുന്‍നിര്‍ത്തി, സ്ത്രീകളുടെ സുരക്ഷ ഉറപ്പാക്കാനായി തെരുവിലിറങ്ങിയത്. ഭരണാധികാരികളുടെ ജനവിരുദ്ധതയെ തളയ്ക്കാനുള്ള മനസ്സും കരുത്തും ഇന്ത്യന്‍ ജനതയ്ക്കുണ്ട് എന്നാണ് ആ സംഭവം തെളിയിച്ചത്. തീര്‍ച്ചയായും തീമഴയായി പെയ്യുന്ന ആ ജനരോഷമാണ് വരുംവര്‍ഷത്തിന്റെ ഈടുവയ്പ്. കേരളത്തിലായാലും ഇന്ത്യാ രാജ്യത്താകെയായാലും ലോകംമുഴുവനായാലും പ്രക്ഷോഭങ്ങളുടെ വര്‍ഷമാണ് വരുന്നത്. ജീവിക്കാനുള്ള, ചൂഷണം ചെയ്യപ്പെടാതിരിക്കാനുള്ള, നല്ല ഭക്ഷണം കഴിക്കാനുള്ള, നല്ല വസ്ത്രം ധരിക്കാനുള്ള, തൊഴില്‍ചെയ്യാനുള്ള സ്വാതന്ത്ര്യത്തിനും അവകാശത്തിനുമായി പൊരുതുന്ന ജനകോടികള്‍ക്ക് നല്‍കുന്ന വിജയാശംസയും പിന്തുണയും ആ പ്രക്ഷോഭത്തിലെ പങ്കാളിത്തവുമാണ് ഏറ്റവും അര്‍ഥവത്തായ പുതുവത്സര സന്ദേശം.

*
ദേശാഭിമാനി മുഖപ്രസംഗം 01 ജനുവരി 2013

ജനദ്രോഹത്തിന്റെ ഒരു യുപിഎ വര്‍ഷം കൂടി

സ്വതന്ത്രഭാരതത്തിലെ ഇതുവരെയുള്ള കേന്ദ്ര സര്‍ക്കാരുകളെ വിലയിരുത്തിയാല്‍ ഏറ്റവും കുറഞ്ഞ കാലയളവില്‍ ഏറ്റവും കൂടുതല്‍ ജനവിരുദ്ധത പ്രകടിപ്പിച്ച സര്‍ക്കാര്‍ രണ്ടാം യുപിഎ സര്‍ക്കാരാണെന്ന് മനസ്സിലാക്കാന്‍ പ്രയാസമില്ല. അതില്‍ ഏറ്റവും കടുത്ത ജനവിരുദ്ധനടപടികളും നയങ്ങളും സ്വീകരിച്ച വര്‍ഷം 2012 ആണെന്നും കാണാം. പെട്രോളിന് ഒറ്റയടിക്ക് 7.54 രൂപയും ഡീസലിന് അഞ്ച് രൂപയും വര്‍ധിപ്പിച്ച കേന്ദ്ര സര്‍ക്കാര്‍ പാചകവാതക സിലിണ്ടറുകള്‍ (സബ്സിഡിയുള്ളത്) ആറായി വെട്ടിക്കുറയ്ക്കുകയും ചെയ്തു. കേന്ദ്ര ബജറ്റില്‍ 31126 കോടി രൂപയുടെ സബ്സിഡി വെട്ടിക്കുറയ്ക്കാന്‍ നിശ്ചയിച്ച യുപിഎ സര്‍ക്കാര്‍ അതിലുമെത്രയോ കൂടുതല്‍ തുകയാണ് ജനങ്ങളില്‍നിന്ന് പിഴിഞ്ഞെടുത്തത്. സാധാരണജനങ്ങളുടെ ജീവിതച്ചെലവ് കുതിച്ചുയരുന്നതില്‍ യുപിഎ സര്‍ക്കാരിന്റെ ഈ തീരുമാനങ്ങളാണ് എണ്ണയൊഴിച്ചത്. മള്‍ട്ടി ബ്രാന്‍ഡ് ചില്ലറവില്‍പ്പന മേഖലയില്‍ 51 ശതമാനം വിദേശനിക്ഷേപം അനുവദിച്ച് അമേരിക്കയിലെയും യൂറോപ്പിലെയും കോര്‍പറേറ്റ് ശക്തികള്‍ക്ക് വഴങ്ങിയ സര്‍ക്കാര്‍ അഞ്ച് കോടി വ്യാപാരികളുടെ ജീവിതം അനിശ്ചിതത്വത്തിലാക്കി. വ്യോമയാന മേഖലയിലടക്കം നിരവധി മേഖലകളില്‍ നിയന്ത്രണമില്ലാതെ വിദേശനിക്ഷേപം അനുവദിക്കാനും തീരുമാനിച്ചു.

വിദേശികള്‍ക്ക് ഇന്ത്യന്‍ ഓഹരി വിപണിയില്‍ നേരിട്ട് നിക്ഷേപം നടത്താന്‍ അനുവദിച്ചുകൊണ്ടാണ് യുപിഎ സര്‍ക്കാര്‍ 2012 ജനുവരി ഒന്നിന് അതിന്റെ തേരോട്ടം തുടങ്ങിയത്. വിദേശനിക്ഷേപകര്‍ക്ക് സര്‍ക്കാര്‍ ബോണ്ടുകളില്‍ 2000 കോടി രൂപ വരെ നിക്ഷേപിക്കാനും പിന്നീട് അനുമതി നല്‍കി. രാജ്യത്തേക്ക് കൂടുതല്‍ വിദേശനിക്ഷേപം ആകര്‍ഷിച്ച് രൂപയുടെ മൂല്യം പിടിച്ചുനിര്‍ത്താനും സമ്പദ്വ്യവസ്ഥയെ സംരക്ഷിക്കാനുമാണ് നടപടികളെന്നാണ് സര്‍ക്കാര്‍ വിശദീകരിച്ചതെങ്കിലും ഡിസംബര്‍ ആയിട്ടും സമ്പദ്വ്യവസ്ഥ തളര്‍ച്ചയില്‍ത്തന്നെ തുടര്‍ന്നു. രാജ്യത്ത് സാമ്പത്തികമാന്ദ്യമാണെന്ന് കേന്ദ്ര സര്‍ക്കാര്‍ തന്നെ പ്രസ്താവനയിറക്കി. സാമ്പത്തികപരിഷ്കരണ നടപടികള്‍ അതിശക്തമായി നടപ്പാക്കിയ വര്‍ഷമായിരുന്നു 2012. ചില്ലറവില്‍പ്പന മേഖലയിലെ വിദേശനിക്ഷേപം അനുവദിച്ചതു കൂടാതെ ബാങ്കിങ് നിയമഭേദഗതി ബില്‍ പാസാക്കി രാജ്യത്തെ ബാങ്കിങ് മേഖലയെ തകര്‍ക്കാനുള്ള അരങ്ങൊരുക്കല്‍ കൂടി യുപിഎ സര്‍ക്കാര്‍ പൂര്‍ത്തിയാക്കി. ഇടതുപക്ഷത്തിന്റെ ശക്തമായ എതിര്‍പ്പുണ്ടായിട്ടും അവസരവാദ രാഷ്ട്രീയത്തെ ഫലപ്രദമായി ഉപയോഗിച്ച് യുപിഎ ഫ്ളോര്‍ മാനേജര്‍മാര്‍ ഈ ദേശദ്രോഹനിയമത്തിന് പിന്തുണ ഉറപ്പിച്ചു. ബാങ്ക് ദേശസാല്‍ക്കരണത്തിലൂടെ രാജ്യത്തെ ബാങ്കിങ് മേഖലയെ ജനജീവിതവുമായി ചേര്‍ത്തുനിര്‍ത്തിയ മുന്‍ കോണ്‍ഗ്രസ് സര്‍ക്കാരിന്റെ തീരുമാനമാണ് കുറെ കോര്‍പറേറ്റ് ഉപദേശകരുടെ വാക്കുകേട്ട് ഇപ്പോഴത്തെ കോണ്‍ഗ്രസ് നേതൃത്വത്തിലുള്ള സര്‍ക്കാര്‍ തകര്‍ത്തത്.

റെയില്‍വേ ബജറ്റില്‍ എല്ലാ ക്ലാസുകളിലേക്കും നിരക്കുവര്‍ധനയ്ക്കാണ് റെയില്‍വേ മന്ത്രി ദിനേശ് ത്രിവേദി നിര്‍ദേശിച്ചത്. ഇതിന്റെപേരില്‍ മമത ബാനര്‍ജിയുടെ സമ്മര്‍ദത്തെത്തുടര്‍ന്ന് ത്രിവേദിക്ക് രാജിവയ്ക്കേണ്ടിവന്നു. എന്നാല്‍, നിരക്കുവര്‍ധന ബജറ്റിനു പുറത്തുകൂടി നടപ്പാക്കി. റെയില്‍വേ ചരക്കുകൂലി 20 ശതമാനമാണ് കൂട്ടിയത്. എസി ക്ലാസുകളില്‍ സര്‍വീസ് ചാര്‍ജ് എന്ന പേരില്‍ 3.7 ശതമാനം നിരക്കുവര്‍ധന നടപ്പാക്കി. തപാല്‍നിരക്ക് 20 ശതമാനം കൂട്ടി. പെട്രോള്‍ വില എല്ലാ ദിവസവും പുതുക്കാന്‍ തീരുമാനിച്ചു. ഡീസല്‍ വിലയില്‍ അടുത്ത വര്‍ഷം 10 രൂപ വര്‍ധന വരുത്താനും മണ്ണെണ്ണ വിലയില്‍ രണ്ട് വര്‍ഷം കൊണ്ട് 10 രൂപ വര്‍ധന നടപ്പാക്കാനും തീരുമാനിച്ചു. സബ്സിഡിയുള്ള പാചകവാതക സിലിണ്ടറുകളുടെ എണ്ണം ആറായി ചുരുക്കിയതിലൂടെ ഒരു സിലിണ്ടറിന് ഫലത്തില്‍ 500 രൂപ വില വര്‍ധിച്ചു. അവശ്യസാധനങ്ങളുടെ വില കുതിച്ചുയര്‍ന്നു. സമ്പദ്വ്യവസ്ഥയെ നേരെ നിര്‍ത്താനെന്നുപറഞ്ഞ് നിരവധി ജനദ്രോഹനടപടികളെടുത്തെങ്കിലും സമ്പദ്വ്യവസ്ഥ തളര്‍ന്നുതന്നെ കിടക്കുന്നു. കാരണം ആഗോള സാമ്പത്തികമാന്ദ്യമെന്നു പറഞ്ഞ് ജനങ്ങളെ കബളിപ്പിക്കുകയും ചെയ്യുന്നു. 2012-13 സാമ്പത്തികവര്‍ഷം ആദ്യപാദത്തില്‍ 5.4 ശതമാനം സാമ്പത്തികവളര്‍ച്ച മാത്രമേ നേടാനായുള്ളൂ. ഈ സാമ്പത്തികവര്‍ഷത്തെ മൊത്തം സാമ്പത്തികവളര്‍ച്ച ഏകദേശം അഞ്ച് ശതമാനമായിരിക്കുമെന്നാണ് വിവിധ ഏജന്‍സികളും വിദഗ്ധരും പ്രവചിക്കുന്നത്. കയറ്റുമതി കുത്തനെ ഇടിയുകയും വ്യാപാരക്കമ്മിയും ധനക്കമ്മിയും വര്‍ധിക്കുകയും ചെയ്തു. വ്യവസായവളര്‍ച്ച പല മാസവും പൂജ്യത്തില്‍നിന്ന് താഴേക്കുപോയി. സമ്പദ്വ്യവസ്ഥ "മെച്ചപ്പെടുത്താന്‍" യുപിഎ സര്‍ക്കാര്‍ സ്വീകരിച്ച നടപടികള്‍ കാരണം ജനങ്ങളുടെ ദുരിതവും വര്‍ധിച്ചു. രാഷ്ട്രീയമായും യുപിഎ സര്‍ക്കാരിന് ഏറെ തിരിച്ചടിയേറ്റ വര്‍ഷമാണിത്. യുപിഎയിലെ രണ്ടാമത്തെ വലിയ ഘടകകക്ഷിയായ തൃണമൂല്‍ കോണ്‍ഗ്രസ് യുപിഎ വിട്ടു. ന്യൂനപക്ഷമായ ഒരു സര്‍ക്കാരായി രണ്ടാം യുപിഎ സര്‍ക്കാര്‍ മാറി. സങ്കുചിതമായ രാഷ്ട്രീയതാല്‍പ്പര്യങ്ങള്‍ക്കായി നിലകൊള്ളുന്ന പാര്‍ടികളുടെ സഹായത്താലാണ് ജനവിരുദ്ധഭരണം ഇപ്പോള്‍ മുന്നോട്ടുപോകുന്നത്.

വി ജയിന്‍

അഴിമതിയില്‍ മുങ്ങിയാല്‍ കുളിരില്ല

കഴിഞ്ഞ വര്‍ഷം പിറന്നുവീണത് അഴിമതിക്കെതിരെ അന്വേഷണം വേണമെന്ന ആര്‍ത്തനാദത്തോടെയാണ്. രാഷ്ട്രശരീരത്തെ അഴിമതി കാര്‍ന്നുതിന്നുമ്പോള്‍ അതിന് തടയിടാനായി നിര്‍ദേശങ്ങള്‍ സമര്‍പ്പിക്കുന്നതുള്‍പ്പെടെ പരിഗണനാവിഷയങ്ങളായുള്ള സംയുക്ത പാര്‍ലമെന്ററി സമിതി വേണമെന്ന ആവശ്യം പ്രതിപക്ഷം ഒറ്റക്കെട്ടായി ആവശ്യപ്പെട്ടിട്ടും വഴങ്ങാന്‍ യുപിഎ സര്‍ക്കാര്‍ തയ്യാറായിരുന്നില്ല. ടു ജി സ്പെക്ട്രം അഴിമതിയെക്കുറിച്ച് ജെപിസി അന്വേഷണം വേണമെന്നായിരുന്നു പ്രതിപക്ഷാവശ്യം. അപൂര്‍വസ്വത്തായ രണ്ടാം തലമുറ സ്പെക്ട്രം എട്ട് വര്‍ഷം മുമ്പത്തെ വിലയ്ക്ക് നല്‍കുക വഴി കേന്ദ്ര ഖജാനക്ക് 1.76 ലക്ഷം കോടി നഷ്ടമായെന്ന സിഎജി റിപ്പോര്‍ട്ടാണ് ഇത്തരമൊരു ആവശ്യത്തിന് കാരണം. സര്‍ക്കാര്‍ ഇതിന് വഴങ്ങിയതോടെയാണ് പാര്‍ലമെന്റിന്റെ ബജറ്റ് സമ്മേളനം പോലും നടത്താനായത്.

ടു ജി സ്പെക്ട്രം അഴിമതിയില്‍ മുഖംനഷ്ടപ്പെട്ട സര്‍ക്കാരിനെ കല്‍ക്കരി അഴിമതിയും വിടാതെ പിടികൂടി. കല്‍ക്കരിപ്പാടങ്ങള്‍ നൂറോളം കമ്പനികള്‍ക്ക് അനധികൃതമായി അനുവദിക്കുക വഴി 1.86 ലക്ഷം കോടി രൂപയെങ്കിലും സര്‍ക്കാരിന് നഷ്ടമായെന്ന് സിഎജി റിപ്പോര്‍ട്ടുതന്നെ ചൂണ്ടിക്കാട്ടി. കുരുക്ഷേത്രയില്‍ നിന്നുള്ള കോണ്‍ഗ്രസ് എംപി നവീന്‍ ജിന്‍ഡാല്‍,രാജ്യസഭയിലെ കോണ്‍ഗ്രസ് എംപി വിജയ്ദര്‍ദ തുടങ്ങി പലരും നയിക്കുന്ന കമ്പനികള്‍ക്ക് ഒരു മാനദണ്ഡവും പാലിക്കാതെ കല്‍ക്കരിപ്പാടങ്ങള്‍ അനുവദിച്ചു. പ്രധാനമന്ത്രി മന്‍മോഹന്‍സിങ്ങ് കല്‍ക്കരി വകുപ്പിന്റെ ചുമതല നേരിട്ട് വഹിക്കുമ്പോഴായിരുന്നു ഈ വന്‍ അഴിമതി. സിഎജി ആദ്യം പുറത്തിറക്കിയ പ്രാഥമിക റിപ്പോര്‍ട്ടനുസരിച്ച് 10.6 ലക്ഷം കോടി രൂപയുടെ അഴിമതിയാണ് ഇക്കാര്യത്തില്‍ നടന്നത്. കര്‍ണാടകയിലെ ഖനി അഴിമതി ദക്ഷിണേന്ത്യയിലെ ആദ്യ ബിജെപി സര്‍ക്കാരിനെയും കുഴിയിലാഴ്ത്തി. കല്‍ക്കരി ഖനി അഴിമതിയെക്കുറിച്ചുള്ള സിഎജി റിപ്പോര്‍ട് സമര്‍പ്പിച്ച അതേദിവസം തന്നെ സിഎജി പാര്‍ലമെന്റിന്റെ മേശപ്പുറത്തുവെച്ച മറ്റു രണ്ട് റിപ്പോര്‍ട്ടും യുപിഎ സര്‍ക്കാര്‍ എത്രമാത്രം അഴിമതിക്കയത്തില്‍ മുങ്ങിയിരിക്കുന്നുവെന്നതിന് തെളിവാണ്. ജിഎംആര്‍ എന്ന സ്വകാര്യ കമ്പനി നിര്‍മിച്ച ഇന്ദിരാഗാന്ധി അന്താരാഷ്ട്ര ടെര്‍മിനല്‍ നിര്‍മാണത്തിലും അതിന്റെ വികസനത്തിന്റെ മറവില്‍ പിരിച്ചെടുത്ത കോടികളെക്കുറിച്ചും സിഎജി വെളിപ്പെടുത്തി. റിലയന്‍സിന് അനുവദിച്ച കൃഷ്ണ-ഗോദാവരി തടത്തില്‍ അനുവദിച്ച ബ്ലോക്കുകള്‍ റിലയന്‍സ് ഇന്‍ഡസ്ട്രീസ് അനധികൃതമായി ഉപയോഗിച്ചതുവഴി കോടികളാണ് സര്‍ക്കാരിന് നഷ്ടം. അവസാനം കെജി തടത്തില്‍നിന്ന് കഴുച്ചെടുക്കുന്ന വാതകത്തിന് കരാറനുസരിച്ചുള്ള വില വര്‍ധിപ്പിച്ചുനല്‍കാന്‍ തയ്യാറാകാത്ത എസ് ജയ്പാല്‍ റെഡ്ഡിയെന്ന മന്ത്രിയെയും മന്‍മോഹന്‍സിങ്ങ് സര്‍ക്കാര്‍ പെട്രോളിയം മന്ത്രാലയത്തില്‍ നിന്നുമാറ്റി. അഴിമതിയിലൂടെ കോടികള്‍ കൊള്ളയടിച്ച അംബാനിമാരാണ് രാജ്യം ഭരിക്കുന്നതെന്ന് റാഡിയ ടേപ്പുകള്‍ മാത്രമല്ല ഈ സംഭവവും അടിവരയിട്ടു.

ഈ അഴിമതികളെല്ലാം തന്നെ സര്‍ക്കാരിന്റെ സാമ്പത്തിക നയങ്ങളുമായി ബന്ധപ്പെട്ടതാണെന്ന് കാണാം. സര്‍ക്കാര്‍ നിയന്ത്രണങ്ങള്‍ ഒഴിവാക്കി എല്ലാം സ്വതന്ത്രമാക്കപ്പെട്ടതിന്റെ പരിണിതഫലമാണ് ഈ അഴിമതികള്‍. ഇതു തിരിച്ചറിഞ്ഞിട്ടും സാമ്പത്തിക ഉദാരവല്‍്ക്കരണ നയവുമായി അതിവേഗം മുന്നേറുകയാണ് മന്‍മോഹന്‍ സര്‍ക്കാര്‍. ചില്ലറവ്യാപാര മേഖലയിലെ വിദേശനിക്ഷേപം അനുവദിക്കാന്‍ തയ്യാറായതും ബാങ്കിങ്ങ് മേഖലയുടെ സ്വകാര്യവല്‍്ക്കരണത്തിനും വിദേശവല്‍്ക്കരണത്തിനും വഴിവയ്ക്കുന്ന ബാങ്കിങ്ങ് ഭേദഗതി നിയമവും തെളിയിക്കുന്നത് ഇതാണ്.

വ്യവസായികള്‍ ബാങ്കുകള്‍ തുടങ്ങി പൊതുജനങ്ങളില്‍നിന്ന് ലഭിക്കുന്ന പണം സമൂഹത്തിന്റെ മൊത്തം വികസനത്തിന് ഉപയോഗിക്കാതെ സ്വന്തം വ്യവസായ വികസനത്തിന് ഉപയോഗിക്കുന്നത് തടയാനാണ് 1969 ല്‍ ഇന്ദിരാഗാന്ധി സര്‍ക്കാര്‍ ടാറ്റയും ബിര്‍ളയും മറ്റും ആരംഭിച്ച ബാങ്കുകള്‍ ദേശസാല്‍്ക്കരിച്ചത്. എന്നാല്‍, ഇന്ദിരയുടെ മരുമകള്‍ നയിക്കുന്ന കോണ്‍ഗ്രസ് കോര്‍പറേറ്റുകള്‍ക്ക് ബാങ്ക് തുറക്കാനും പൊതുധനം കൊള്ളയടിക്കാനും ബാങ്കിങ്ങ് ഭേദഗതി നിയമത്തിലൂടെ അനുവാദം നല്‍കി. ചില്ലറവില്‍പ്പന മേഖലയില്‍ വിദേശനിക്ഷേപം അനുവദിച്ചതും അഴിമതിയിലൂടെയാണെന്ന് തെളിഞ്ഞു. അനുകൂല തീരുമാനം കൈക്കൊള്ളാന്‍ 125 കോടി രൂപയാണ് വാര്‍മാര്‍ട്ട് ഇന്ത്യയില്‍ ചെലവാക്കിയത്. അമേരിക്കയുമായുള്ള ആണവക്കരാര്‍ യാഥാര്‍ഥ്യമാക്കാന്‍ അമേരിക്കയിലെ ഇന്ത്യന്‍ എംബസി വാടകക്കെടുത്ത പാറ്റണ്‍ ബോഗ്സ് എന്ന സ്ഥാപനത്തെ തന്നെയാണ് വാള്‍മാര്‍ട്ടും വിദേശനിക്ഷേപ തീരുമാനം അനുകൂലമാക്കാന്‍ വാടകക്കെടുത്തതെന്നും തെളിഞ്ഞു. മാത്രമല്ല ബഹുബ്രാന്റ് ഉല്‍പ്പന്നങ്ങളുടെ ചില്ലറവില്‍പ്പനയില്‍ വിദേശനിക്ഷേപം അനുവദിക്കും മുമ്പുതന്നെ വാള്‍മാര്‍ട്ട് 455 കോടി നിക്ഷേപിച്ചതായും തെളിഞ്ഞു. എന്‍ഫോഴ്സമെന്റ് ഡയറക്ടറേറ്റ് ഇതേക്കുറിച്ച് അന്വേഷിക്കുകയാണ്. പണം ഒഴുക്കി കൃത്രിമമായി പാര്‍ലമെന്റില്‍ ഭൂരിപക്ഷം സൃഷ്ടിക്കുകയായിരുന്നു യുപിഎ സര്‍ക്കാര്‍ എന്നും തെളിഞ്ഞിട്ടുണ്ട്. അതായത് ചില്ലറവ്യാപാരത്തില്‍ വിദേശനിക്ഷേപം അനുവദിക്കുന്നതുമായി ബന്ധപ്പെട്ട് അഴിമതിയുടെ പരമ്പര തന്നെയുണ്ടായി.

സാമ്പത്തികമാന്ദ്യം മറയാക്കി സബ്സിഡികള്‍ ഒന്നൊന്നായി ഇല്ലാതാക്കുന്നു. "എല്ലാവരും വരള്‍ച്ച ആഗ്രഹിക്കുന്നു" എന്ന പി സായിനാഥിന്റെ പുസ്തകത്തിന്റെ പേര് അനുസ്മരിപ്പിക്കുംവിധം മന്‍മോഹന്‍ സര്‍ക്കാര്‍ സബ്സിഡി ഒഴിവാക്കി പാവങ്ങളുടെ വയറ്റത്തടിക്കാന്‍, സാമ്പത്തിക മാന്ദ്യം ആഗ്രഹിക്കുയാണോ? സബ്സിഡികള്‍ നേരിട്ട് പണമായി നല്‍കുന്ന പദ്ധതി ആരംഭിക്കുമെന്ന പ്രഖ്യാപനവും പെന്‍ഷന്‍ ഫണ്ട് സ്വകാര്യവല്‍ക്കരണത്തിന് വഴിവയ്ക്കുന്ന നിയമവും യുപിഎ സര്‍ക്കാര്‍ ജനവിരുദ്ധവും അഴിമതി പെരുകുന്ന വഴിയിലൂടെയുമാണെന്ന് വ്യക്തമാക്കുന്നു. കഴിഞ്ഞ ബജറ്റില്‍ 5.28 ലക്ഷം കേടി രൂപയുടെ സൗജന്യങ്ങള്‍ അനുവദിച്ച സര്‍ക്കാര്‍ ജനങ്ങള്‍ക്കൊപ്പമല്ല, കോര്‍പറേറ്റുകള്‍ക്കൊപ്പമാണെന്നും തെളിയിക്കുന്നു. ജിഡിപിയുടെ 6.9 ശതമാനം വരുന്ന ധനക്കമ്മിയേക്കാളും അധികമാണ് കോര്‍പറേറ്റുകള്‍ക്ക് നല്‍കുന്ന സൗജന്യം. ഇതിന്റെ അഞ്ചിലൊന്ന് തുകയുണ്ടെങ്കില്‍ രണ്ട് രൂപ നിരക്കില്‍ 35 കിലോ ഭക്ഷ്യധാന്യം എല്ലാവിഭാഗം ജനങ്ങള്‍ക്കും നല്‍കാന്‍ കഴിയും. സര്‍ക്കാരിന്റെ സാമ്പത്തിക ഉദാരവല്‍ക്കരണ തീരുമാനങ്ങളോരോന്നും അഴിമതിയ്ക്ക് വഴിതുറന്നിടുകയാണെന്നര്‍ഥം. സര്‍ക്കാരിനെ കുരിശില്‍ തറച്ച് പ്രതിപക്ഷം പാര്‍ലമെന്റിലും പുറത്തും നടത്തിയ ആക്രമണമാണ് പൗരസമൂഹത്തെയും ജന്തര്‍മന്ദിര്‍ പ്രക്ഷോഭത്തിലേക്ക് നയിച്ചത്. ജനാധിപത്യത്തിനുവേണ്ടിയാണ് കെയ്റോവിലെ തെഹ്രീഖി ചത്വരത്തില്‍ ജനങ്ങള്‍ ഒത്തുകൂടിയതെങ്കില്‍ അഴിമതി തടയാനുള്ള ശക്തമായ ഒരു നിയമനിര്‍മാണമായിരുന്നു അണ്ണാ ഹസാരെയുടെ നേതൃത്വത്തിലുള്ള പൗരസമൂഹം ജന്ദര്‍മന്ദറില്‍ ആവശ്യപ്പെട്ടത്. ജനാധിപത്യ പ്രക്ഷോഭം അമിതാധികാരം കയ്യാളുന്നതിന് മെഹമൂദ് മൂര്‍സി ഉപകരണമാക്കിയപ്പോള്‍ ലോക്പാല്‍ ബില്ലിനായുള്ള പൗരസമൂഹത്തിന്റെ പ്രക്ഷോഭവും ചിലര്‍ക്ക് അധികാരത്തിലേക്കുള്ള വഴിയൊരുക്കുകയായിരുന്നുവെന്ന് അരവിന്ദ് കെജ്രിവാള്‍ ആം ആദ്മി പാര്‍ടിക്ക് രൂപം നല്‍കിയപ്പോള്‍ വ്യക്തമായി. മാത്രമല്ല, രാഷ്ട്രീയ പാര്‍ടികള്‍ക്കെതിരെയും സംഘടിത പ്രക്ഷോഭത്തിനെതിരെയും വികാരം ഉണര്‍ത്തിവിടാന്‍ കോര്‍പറേറ്റുകളും അവര്‍ നയിക്കുന്ന മാധ്യമങ്ങളും ഇത്തരം സമരങ്ങളെ സമര്‍ഥമായി ഉപയോഗിച്ചു. ഹസാരെയുടെയും കെജ്രിവാളിന്റെയും സമരങ്ങളെ സഹായിക്കാന്‍ കോര്‍പറേറ്റുകള്‍ മല്‍സരിച്ചു. സംഘടിതപ്രക്ഷോഭങ്ങളെ ശിഥിലമാക്കി കൂട്ടായ വിലപേശലിനെ തകര്‍ക്കുക എന്ന കോര്‍പറേറ്റ് തന്ത്രമാണ് ഇവിടെ അവതരിപ്പിക്കപ്പെട്ടത്. സര്‍ക്കാരാകട്ടെ ലോക്പാല്‍-ലോകായുക്ത ബില്‍ പോലും പാസ്സാക്കിയിട്ടുമില്ല. 2010 ന് ശേഷം സര്‍ക്കാര്‍ അഴിമതിതടയുക ലക്ഷ്യമാക്കി പത്തോളം ബില്ലുകള്‍ പാര്‍ലമെന്റില്‍ അവതരിപ്പിച്ചെങ്കിലും അതിലൊന്ന് പോലും പാസ്സാക്കപ്പെട്ടിട്ടില്ല.

വി ബി പരമേശ്വരന്‍

*
ദേശാഭിമാനി 31 ഡിസംബര്‍ 2012

ചിറകൊടിഞ്ഞ മീന്‍കൊത്തി

പ്രമുഖ വ്യവസായി വിജയ് മല്യയുടെ ഉടമസ്ഥതയിലുള്ള വ്യോമയാനക്കമ്പനിയായ കിങ് ഫിഷറിന്റെ പതനം ഈ വര്‍ഷമായിരുന്നു. ഏഴുമാസത്തെ ശമ്പളം മുടങ്ങിയതോടെ ജീവനക്കാര്‍ അനിശ്ചിതകാല പണിമുടക്ക് തുടങ്ങി. ഇതോടെ കിങ് ഫിഷര്‍ സര്‍വീസുകള്‍ താറുമാറായി. എന്‍ജിനിയര്‍മാരും പൈലറ്റുമാരുമടക്കം നിരവധി ജീവനക്കാര്‍ പിരിഞ്ഞുപോയി. എല്ലാ സര്‍വീസുകളും മുടങ്ങിയതോടെ കമ്പനി തല്‍ക്കാലത്തേക്ക് അടച്ചുപൂട്ടി. തുടര്‍ന്ന് ഡിജിസിഎ കമ്പനിയുടെ ലൈസന്‍സ് റദ്ദാക്കി. ഇതിനിടെ വിമാനക്കമ്പനിയെ രക്ഷിക്കാന്‍ മല്യ തന്റെ മദ്യക്കമ്പനി വിറ്റു. ഡിസംബര്‍ 31ന് ശേഷം സര്‍ക്കാര്‍ ഇക്കാര്യത്തില്‍ തീരുമാനമെടുക്കും.

മമത സര്‍ക്കസ് മൂക്കുകുത്തി

കൊല്‍ക്കത്ത: കമ്യൂണിസത്തിന് അന്ത്യം കുറിക്കാന്‍ വിരുദ്ധമഹാസഖ്യം രംഗത്തിറക്കിയ മമതാ പ്രതിഭാസം ചീട്ടുകൊട്ടാരംപോലെ തകരുന്ന കാഴ്ചക്ക് കൊഴിയുന്ന വര്‍ഷം സാക്ഷിയായി. സഖ്യകക്ഷിയായ കോണ്‍ഗ്രസ് പോലും മമതക്കെതിരെ സമരം നടത്തുകയാണ് ബംഗാളില്‍. തൃണമൂല്‍ കോണ്‍ഗ്രസ് കേന്ദ്രസര്‍ക്കാരിനുള്ള പിന്തുണ പിന്‍വലിച്ചു. ബംഗാള്‍ സര്‍ക്കാരില്‍നിന്ന് കോണ്‍ഗ്രസ് പിന്‍വാങ്ങി. മമതയുടേത് ഫാസിസ്റ്റ് ഭരണമാണെന്ന്, നേരത്തെ അവര്‍ക്കു പിന്തുണ നല്‍കിയ ബംഗാളി സാഹിത്യകാരന്മാര്‍ ഒന്നടങ്കം പറഞ്ഞുതുടങ്ങി. മമതയാകട്ടെ, തനിക്കെതിരെ ശബ്ദിക്കുന്ന കലാകാരന്മാരെപ്പോലും ജയിലിലടച്ച് കലിതീര്‍ക്കുന്നു. നിയമസഭയില്‍ പ്രതിപക്ഷത്തെ കായികമായി നേരിടുന്നു. നൂറുകണക്കിന് കമ്യൂണിസ്റ്റുകാരെ കൊന്നൊടുക്കി. അതിവിപ്ലവം പറയുന്ന മാവോയിസ്റ്റുകള്‍ അന്തംവിട്ട് നിലപാടില്ലാതെ നില്‍ക്കുന്നു. മാര്‍ക്സിസ്റ്റ് വിരുദ്ധ മഹാസഖ്യം എത്രത്തോളം സമുഹവിരുദ്ധമാകുമെന്ന് അറിയാന്‍ മമതയെ പഠിച്ചാല്‍ മതിയാവും.

തൂക്കുകയറില്‍ ഒടുങ്ങിയ തീവ്രവാദ വീര്യം

ഇന്ത്യയെ നടുക്കിയ മുംബൈ ഭീകാരാക്രമണപരമ്പരയില്‍ പങ്കാളിയായ ലഷ്കര്‍ ഭീകരന്‍ മുഹമദ് അജ്മല്‍ അമീര്‍ കസബിനെ (25) നവംബര്‍ 21ന് തൂക്കിലേറ്റി. അതീവരഹസ്യമായി പുണെ യര്‍വാദ ജയിലിലായിരുന്നു വധശിക്ഷ. രാജ്യത്തിന്റെ വാണിജ്യ തലസ്ഥാനമായ മുംബൈയില്‍ 2008 നവംബര്‍ 26 മുതല്‍ 29 വരെ നീണ്ട ഭീകരാക്രമണത്തില്‍ 164 പേരാണ് കൊല്ലപ്പെട്ടത്. ഈ ആക്രമണപരമ്പരയ്ക്ക് ശേഷം ജീവനോടെ പിടിയിലായ ഏക ഭീകരനാണ് പാക് പൗരനായ കസബ്. കസബ് തങ്ങളുടെ വീരനായകനാണെന്നും അദ്ദേഹത്തില്‍നിന്ന് പ്രചോദനം ഉള്‍ക്കൊണ്ട് കൂടുതല്‍ ഭീകരാക്രമണം സംഘടിപ്പിക്കുമെന്നും ലഷ്കര്‍ ഇ തോയ്ബ പ്രതികരിച്ചു. പ്രതികാരംചെയ്യുമെന്ന് താലിബാന്റെ ഭീഷണിയുമുണ്ട്.

കെജ്രിവാള്‍ എന്ന "ഡെങ്കി കൊതുക്"

രാജ്യത്തെ പ്രമുഖ അഴിമതിവിരുദ്ധ പ്രവര്‍ത്തകനായ അരവിന്ദ് കെജ്രിവാള്‍ തന്റെ ഗുരു അണ്ണ ഹസാരെയുമായി വേര്‍പിരിഞ്ഞ് "ആം ആദ്മി" എന്ന പേരില്‍ പുതിയ പാര്‍ടി രൂപീകരിച്ചത് നവംബറിലാണ്. അഭിപ്രായഭിന്നത രൂക്ഷമായതിനെത്തുടര്‍ന്ന് കെജ്രിവാള്‍ ഹസാരെസംഘത്തില്‍നിന്ന് വേര്‍പിരിയുകയായിരുന്നു. കോണ്‍ഗ്രസും ബിജെപിയും ഉള്‍പ്പടെയുള്ള രാഷ്ട്രീയ പാര്‍ടികളിലെ പ്രമുഖരുടെ അഴിമതിക്കണക്കുകള്‍ നിരത്തി കെജ്രിവാള്‍ ശ്രദ്ധ പിടിച്ചുപറ്റി. കേന്ദ്രനിയമ മന്ത്രി സല്‍മാന്‍ ഖുര്‍ഷിദിനെതിരെയാണ് കെജ്രിവാള്‍ ആദ്യം ആരോപണം ഉന്നയിച്ചത്. ബിജെപി അധ്യക്ഷന്‍ നിതിന്‍ ഗഡ്കരിയായിരുന്നു കെജ്രിവാളിന്റെ അടുത്ത ഇര. താന്‍ ഡെങ്കി കൊതുകാണെന്നും കടിയേറ്റ ബിജെപി, കോണ്‍ഗ്രസ് നേതാക്കള്‍ക്കും അസ്വസ്ഥതയുണ്ടാകുമെന്നും കെജ്രിവാള്‍ പ്രതികരിച്ചത് ശ്രദ്ധേയമായിരുന്നു.

അസമില്‍ ആളിപ്പടര്‍ന്ന വംശീയ തീപ്പൊരി

അസമിലെ കൊക്രജാര്‍, ധുബ്രി, ചിരാഗ്, ബക്സ എന്നിവിടങ്ങളില്‍ ജൂലൈയില്‍ വ്യാപിച്ച വംശീയ കലാപം ഈ വര്‍ഷം ഏറെ ചര്‍ച്ചചെയ്യപ്പെട്ട സംഭവമാണ്. നാലു ജില്ലയിലെ ഇരുനൂറോളം ഗ്രാമങ്ങളില്‍ പടര്‍ന്ന കലാപത്തീയില്‍ 77 പേര്‍ കൊല്ലപ്പെട്ടു. നാലുലക്ഷത്തിലധികം ജനങ്ങള്‍ അഭയാര്‍ഥികളായി. തദ്ദേശ ഗോത്രവര്‍ഗക്കാരായ ബോഡോകള്‍ "കുടിയേറ്റക്കാരെ"ന്ന് മുദ്രകുത്തപ്പെട്ട മുസ്ലിങ്ങള്‍ക്കു നേരേ ആക്രമണം അഴിച്ചുവിടുകയായിരുന്നു. വംശീയപ്രശ്നങ്ങള്‍ പരിഹരിക്കുന്നതില്‍ കേന്ദ്ര-സംസ്ഥാന സര്‍ക്കാരുകള്‍ കാണിച്ച അലംഭാവമാണ് അസം ഉള്‍പ്പടെയുള്ള വടക്കുകിഴക്കന്‍ മേഖലയിലെ സംസ്ഥാനങ്ങളില്‍ കലാപത്തിന്റെ കാട്ടുതീ പടര്‍ത്തിയതെന്ന വിമര്‍ശം ഉയര്‍ന്നു. "അസം അസമീസുകാര്‍ക്ക്" എന്ന മാരക മുദ്രാവാക്യം പ്രചരിക്കുന്നത് വന്‍ പ്രത്യാഘാതങ്ങള്‍ ഉണ്ടാക്കുമെന്ന് രാഷ്ട്രീയ നിരീക്ഷകര്‍ വിലയിരുത്തുന്നു.

രോഹിത് അച്ഛന്റെ മകന്‍

മുതിര്‍ന്ന കോണ്‍ഗ്രസ് നേതാവ് എന്‍ ഡി തിവാരിയുടെ മകന്‍ തന്നെയാണ് രോഹിത് ശേഖര്‍ എന്നു തെളിഞ്ഞത് ജൂലൈ 27ന്. 2008ല്‍ രോഹിത് സമര്‍പ്പിച്ച പിതൃത്വകേസ് ഏറെ നാടകീയതയ്ക്കൊടുവിലാണ് അവസാനിച്ചത്. ലൈംഗികാരോപണക്കേസില്‍പെട്ട് ആന്ധ്രാ ഗവര്‍ണര്‍പദവിവരെ തെറിച്ച തിവാരി, പരിശോധന നടത്താനുള്ള ഡല്‍ഹി ഹൈക്കോടതിയുടെ ഉത്തരവിനെതിരെ ഡിവിഷന്‍ ബെഞ്ചിനെയും സുപ്രീംകോടതിയെയും സമീപിച്ചിരുന്നു. തിവാരിയുടെ നിലപാട് തള്ളിയ സുപ്രീം കോടതി ഏതുവിധേനയും രക്തമെടുക്കാന്‍ ഉത്തരവിട്ടു. രോഹിത് ശേഖര്‍ മകനാണെന്ന് തിവാരിക്ക് സമ്മതിക്കേണ്ടി വന്നു.


*
ദേശാഭിമാനി

ചങ്കൂറ്റത്തോടെ ലാറ്റിനമേരിക്ക

ലാറ്റിനമേരിക്കയുടെ സാമ്രാജ്യത്വവിരുദ്ധപോരാട്ടത്തിന്റെ കുന്തമുനയായ ഹ്യൂഗോ ഷാവേസ് വീണ്ടും വെനസ്വേലയില്‍ അധികാരത്തിലെത്തിയത് ലോകത്താകെ സാമ്രാജ്യത്വവിരുദ്ധ പ്രക്ഷോഭകര്‍ക്ക് ആവേശമായി. ക്യൂബയും ബൊളീവിയയും ഇക്വഡോറും വെനസ്വേലയുമൊക്കെയടങ്ങുന്ന ലാറ്റിനമേരിക്കന്‍ ചെങ്കോട്ട സാമ്രാജ്യത്വത്തിനെതിരായ ചെറുത്തുനില്‍പ്പ് ചങ്കൂറ്റത്തോടെ തുടരുന്നു. അമേരിക്കയുടെ പിന്നാമ്പുറ പദവിയില്‍നിന്ന് മോചിതമാകുന്ന തെക്കനമേരിക്കയുടെ സോഷ്യലിസ്റ്റ് പാത കൂടുതല്‍ ചുവക്കുകയാണ്.

ഒക്ടോബര്‍ എട്ടിന് നടന്ന തെരഞ്ഞെടുപ്പില്‍ തുടര്‍ച്ചയായി നാലാംതവണയാണ് ഷാവേസ് വെനസ്വേലയുടെ പ്രസിഡന്റായത്. ഷാവേസ് 54.42 ശതമാനം വോട്ട് നേടിയപ്പോള്‍ അമേരിക്കന്‍ പിന്തുണയോടെ മത്സരിച്ച വലതുപക്ഷ എതിരാളി ഹെന്‍റി കാപ്രിലെസിന് 44.9 ശതമാനം വോട്ടേയുള്ളൂ. 1.9 കോടിയില്‍പ്പരം വോട്ടര്‍മാരില്‍ 81 ശതമാനവും വോട്ട് ചെയ്തതുവഴി ലോകത്തെ ഏറ്റവും മികച്ച ജനാധിപത്യങ്ങളില്‍ ഒന്നാണ് തങ്ങളുടേതെന്ന് വെനസ്വേലന്‍ജനത തെളിയിച്ചു. ഡിസംബറില്‍ നടന്ന സംസ്ഥാന ഗവര്‍ണര്‍ തെരഞ്ഞെടുപ്പില്‍ ഷാവേസിന്റെ അഭാവത്തിലും സോഷ്യലിസ്റ്റ് ആശയങ്ങള്‍തന്നെയാണ് തങ്ങളെ ഭരിക്കുകയെന്ന് വെനസ്വേലന്‍ ജനത തെളിയിച്ചു. ഷാവേസ് അധികാരത്തില്‍ എത്തിയശേഷമുള്ള 14 വര്‍ഷത്തില്‍ ആദ്യമായി അദ്ദേഹം സജീവമായി പ്രചാരണരംഗത്തില്ലാതെയായിരുന്നു ഗവര്‍ണര്‍ തെരഞ്ഞെടുപ്പ്. എന്നാല്‍, ആകെയുള്ള 23 സംസ്ഥാനങ്ങളില്‍ 20 ഇടത്തും വന്‍വിജയം നല്‍കിയാണ് ഷാവേസിന്റെ സോഷ്യലിസ്റ്റ് നയങ്ങളോടുള്ള പ്രതിബദ്ധത ജനം പ്രകടിപ്പിച്ചത്. 15 സംസ്ഥാനത്തെ ഭരണം നിലനിര്‍ത്തിയ യുണൈറ്റഡ് സോഷ്യലിസ്റ്റ് പാര്‍ടി അഞ്ച് സംസ്ഥാനം എതിരാളികളില്‍നിന്ന് പിടിച്ചെടുത്തു. പ്രസിഡന്റ് തെരഞ്ഞെടുപ്പില്‍ ഷാവേസിനോട് പരാജയപ്പെട്ട ഹെന്‍റി കാപ്രിലെസ് കഷ്ടിച്ചാണ് മിരാന്‍ഡ ഗവര്‍ണര്‍സ്ഥാനം നിലനിര്‍ത്തിയത്.

2013 ജനുവരി 10ന് പുതിയ ഊഴം തുടങ്ങാനിരിക്കെ ഷാവേസിന്റെ ആരോഗ്യസ്ഥിതി ആശങ്ക ഉണര്‍ത്തുന്നുണ്ട്. ഒന്നര വര്‍ഷംമുമ്പ് അര്‍ബുദബാധിതനായ ഷാവേസ് ക്യൂബയിലെ ചികിത്സയെത്തുടര്‍ന്ന് സുഖംപ്രാപിച്ചതായിരുന്നു. എന്നാല്‍, വീണ്ടും രോഗം തിരിച്ചെത്തി. ക്യൂബയില്‍ ശസ്ത്രക്രിയക്കുശേഷം ഷാവേസ് പൂര്‍ണ ബോധം വീണ്ടെടുത്തതായും കിടക്കയില്‍നിന്ന് അദ്ദേഹം നിര്‍ദേശംനല്‍കുന്നുണ്ടെന്നും സര്‍ക്കാര്‍ വൃത്തങ്ങള്‍ പറഞ്ഞു. ലാറ്റിനമേരിക്കയിലെ ഇടതുപക്ഷമുന്നേറ്റത്തിന് വെനസ്വേലയില്‍ തുടക്കമിട്ട് 1998ലാണ് ഷാവേസ് ആദ്യമായി അധികാരത്തിലെത്തിയത്. കഴിഞ്ഞ 14 വര്‍ഷത്തിനിടെ ഷാവേസിനെ അട്ടിമറിക്കാന്‍ അമേരിക്ക പല തന്ത്രവും പയറ്റി. 2002ല്‍ സിഐഎയുടെ പിന്തുണയോടെ നടന്ന അട്ടിമറിശ്രമവും 2004ല്‍ രാജ്യത്തെ സ്തംഭിപ്പിക്കാന്‍ ലക്ഷ്യമിട്ടു നടന്ന എണ്ണപ്പണിമുടക്കും ചിലതുമാത്രം. തനിക്ക് എന്തെങ്കിലും സംഭവിച്ചാല്‍ പിന്‍ഗാമിയായി വൈസ്പ്രസിഡന്റ് നിക്കോളസ് മഡൂറോയെ അംഗീകരിക്കണമെന്ന് ഷാവേസ് രാജ്യത്തോട് അഭ്യര്‍ഥിച്ചിരുന്നു.

2013-19 കാലഘട്ടത്തില്‍ രാജ്യത്തിന്റെ സമഗ്രവികസനത്തിന് ഷാവേസിന്റെ നേതൃത്വത്തില്‍ തയ്യാറാക്കിയ സോഷ്യലിസ്റ്റ് പദ്ധതി നടപ്പാക്കാന്‍ ജനങ്ങളുടെ ആവേശകരമായ പിന്തുണ വര്‍ധിത ഊര്‍ജമാകുമെന്നും മഡൂറോ വ്യക്തമാക്കിയിട്ടുണ്ട്. സൈമണ്‍ ബൊളിവാറുടെയും ഷാവേസിന്റെയും സ്വപ്നംപോലെ ശക്തമായ രാജ്യം കെട്ടിപ്പടുക്കാന്‍ സജീവമായി രംഗത്തിറങ്ങാന്‍ മഡൂറോ വെനസ്വേലന്‍ ജനതയോട് ആഹ്വാനംചെയ്തു. പരാഗ്വയില്‍ പ്രസിഡന്റ് ഫെര്‍ണാണ്ടോ ലൂഗോയെ പാര്‍ലമെന്റ് ഇംപീച്ച്മെന്റ് അധികാരമുപയോഗിച്ച് അട്ടിമറിച്ചതിനെതിരെ ലാറ്റിനമേരിക്കന്‍ രാജ്യങ്ങള്‍ ഒറ്റക്കെട്ടായി നിലപാടെടുത്തതും തെക്കനമേരിക്കന്‍ ഭൂഖണ്ഡത്തിലെ മാറ്റത്തിന്റെ പ്രതിഫലനമായി. അമേരിക്കയുടെ നോട്ടപ്പുള്ളിയായ വിക്കിലീക്സ് സ്ഥാപകന്‍ ജൂലിയന്‍ അസാഞ്ചിന് ഇക്വഡോര്‍ രാഷ്ട്രീയ അഭയം പ്രഖ്യാപിച്ചതും ലാറ്റിനമേരിക്ക ഇനി പാശ്ചാത്യരാഷ്ട്രങ്ങളുടെ താളത്തിന് തുള്ളില്ലെന്ന സന്ദേശമാണ് നല്‍കുന്നത്.

മാന്ദ്യനിഴലില്‍ ഒബാമയ്ക്ക് രണ്ടാമൂഴം

അമേരിക്കയുടെ ആദ്യ ആഫ്രോ-അമേരിക്കന്‍ പ്രസിഡന്റ് എന്ന സ്ഥാനം നേടി നാലുവര്‍ഷംമുമ്പ് ചരിത്രം കുറിച്ച ബറാക് ഹുസൈന്‍ ഒബാമ രണ്ടാമൂഴത്തിന് തെരഞ്ഞെടുക്കപ്പെട്ടത് 2012ലെ പ്രധാന സംഭവങ്ങളില്‍ ഒന്നാണ്. ഒന്നരവര്‍ഷത്തിലേറെ നീണ്ട പ്രചാരണ കോലാഹലങ്ങളുടെയും അമേരിക്കന്‍ മാധ്യമങ്ങള്‍ സൃഷ്ടിച്ച ഉദ്വേഗത്തിന്റെയും പരിസമാപ്തിയില്‍ നടന്ന തെരഞ്ഞെടുപ്പില്‍ ഡെമോക്രാറ്റിക് പാര്‍ടിക്കാരനായ ഒബാമയുടെ വിജയം അമേരിക്കയിലെ വലതുപക്ഷ റിപ്പബ്ലിക്കന്‍ പാര്‍ടിയുടെ പ്രതീക്ഷകള്‍ തകര്‍ക്കുന്നതായിരുന്നു. പ്രസിഡന്റിനെ തെരഞ്ഞെടുക്കുന്ന 538 അംഗ ഇലക്ടറല്‍ കോളേജില്‍ 332 സീറ്റ് നേടിയാണ് ഒബാമ മിറ്റ് റോംനിയെ പരാജയപ്പെടുത്തിയത്. രണ്ട് മുഖ്യ സ്ഥാനാര്‍ഥികളുംകൂടി 200 കോടി ഡോളറിലേറെ ചെലവഴിച്ച പ്രചാരണത്തിന്റെ ഫലമായി വര്‍ഷം മുഴുവന്‍ മാധ്യമങ്ങളില്‍ നിറഞ്ഞുനിന്ന ഒബാമയെ അമേരിക്കന്‍ വാരികയായ ടൈം 2012ലെ വ്യക്തിയായി തെരഞ്ഞെടുത്തതില്‍ അത്ഭുതമില്ല. എന്നാല്‍, ലോകത്തിന് ഇക്കാലയളവില്‍ ഒബാമയില്‍ നിന്നുണ്ടായ സംഭാവന ഇത്തരം വാഴ്ത്തലുകളെ പരിഹാസ്യമാക്കുന്നതാണ്. ഇന്റര്‍നെറ്റ് സെര്‍ച്ച് എഞ്ചിനായ യാഹുവില്‍ ഈവര്‍ഷം ഏറ്റവും തെരയപ്പെട്ട വാര്‍ത്ത അമേരിക്കന്‍ പ്രസിഡന്റ് തെരഞ്ഞെടുപ്പിന്റേതായിരുന്നു. നാലുവര്‍ഷത്തെ ഭരണത്തില്‍ ഒബാമയ്ക്ക് നേട്ടമായി അവകാശപ്പെടാന്‍ കാര്യമായി ഒന്നുമില്ല. മുന്‍ഗാമി ജോര്‍ജ് ഡബ്ല്യു ബുഷില്‍നിന്ന് കൈമാറിക്കിട്ടിയ സാമ്പത്തിക പ്രതിസന്ധി അത്ര തീവ്രമായിട്ടല്ലെങ്കിലും തുടരുകയാണ്. അടിതെറ്റിയാല്‍ അഗാധഗര്‍ത്തില്‍ പതിക്കാവുന്ന അമേരിക്കയിലെ ധനപ്രതിസന്ധിയെ ഒരു കിഴുക്കാംതൂക്കിനോടാണ് സാമ്പത്തിക വിദഗ്ധര്‍ ഉപമിക്കുന്നത്.അമേരിക്കയ്ക്ക് താങ്ങാവുന്ന വായ്പാപരിധി 16.4 ലക്ഷം കോടി ഡോളറായാണ് കഴിഞ്ഞവര്‍ഷം യുഎസ് കോണ്‍ഗ്രസ് നിശ്ചയിച്ചത്. അത് വര്‍ഷാന്ത്യത്തിനുമുമ്പ് ഉയര്‍ത്തിയില്ലെങ്കില്‍ അമേരിക്കന്‍ സര്‍ക്കാര്‍ പാപ്പരായി എന്നാണര്‍ത്ഥം. വായ്പാപരിധി ഉയര്‍ത്തുന്നതിന് കോണ്‍ഗ്രസിന്റെ അംഗീകാരം നേടാന്‍ ഒബാമ നടത്തുന്ന ശ്രമങ്ങള്‍ ഇതുവരെ വിജയിച്ചിട്ടില്ല. 2011ല്‍ 14.3 ലക്ഷം കോടി ഡോളറായിരുന്ന വായ്പാപരിധി കഴിഞ്ഞ വര്‍ഷത്തെ അവസാന ദിനങ്ങളില്‍ 16.4 കോടി ഡോളറായി ഉയര്‍ത്തുകയായിരുന്നു. സമാനരീതിയില്‍ ഇത്തവണയും പ്രതിസന്ധി അതിജീവിക്കാം എന്നാണ് ഒബാമ പ്രതീക്ഷിക്കുന്നതെങ്കിലും റിപബ്ലിക്കന്‍ ഭൂരിപക്ഷ പ്രതിനിധി സഭ അതിന് ഈടാക്കുന്ന വില ഡെമോക്രാറ്റുകളുടെ പല ക്ഷേമപദ്ധതികളെയും വികലമാക്കും. അമേരിക്കയുടെ സാമ്രാജ്യത്വ നയങ്ങളില്‍നിന്ന് ആദ്യ ഊഴത്തില്‍ അല്‍പ്പംപോലും വ്യതിചലിക്കാതിരുന്ന ഒബാമയില്‍നിന്ന് അവസാന ഊഴത്തിലും ലോകത്തിന് കാര്യമായൊന്നും പ്രതീക്ഷിക്കാനില്ല. യുദ്ധഭ്രാന്തില്‍ ഒരുപടി മുന്നിലായ റിപബ്ലിക്കന്മാരെ നാലുവര്‍ഷത്തേക്കുകൂടി വെള്ളക്കൊട്ടാരത്തിന് പുറത്തുനിര്‍ത്തി എന്നുമാത്രം ആശ്വസിക്കാം.

ചൈനയ്ക്ക് പുതുനേതൃത്വം

ആഗോള സാമ്പത്തികപ്രതിസന്ധിയിലും ഉലയാതെ മുന്നേറുന്ന ചൈനയെ അടുത്ത പതിറ്റാണ്ടില്‍ നയിക്കുന്നത് പുതുനേതൃത്വം. ചൈനീസ് കമ്യൂണിസ്റ്റ് പാര്‍ടിയുടെ (സിപിസി) പതിനെട്ടാം കോണ്‍ഗ്രസ് ഒക്ടോബറില്‍ പുതിയ കേന്ദ്രകമ്മിറ്റിയെയും ജനറല്‍ സെക്രട്ടറിയെയും തെരഞ്ഞെടുത്തു. ഷി ജിന്‍പിങ്ങാണ് പുതിയ ജനറല്‍ സെക്രട്ടറി. രണ്ട് വനിതാനേതാക്കളടക്കം 25 അംഗ പൊളിറ്റ് ബ്യൂറോയെയും ഏഴംഗ പൊളിറ്റ് ബ്യൂറോ സ്റ്റാന്‍ഡിങ് കമ്മിറ്റിയെയും തെരഞ്ഞെടുത്തു. പതിറ്റാണ്ടില്‍ ഒരിക്കല്‍ ചൈനയില്‍ നടപ്പാക്കുന്ന അധികാരമാറ്റത്തിന്റെ ആദ്യപടിയാണ് ലോകത്തിലെ ഏറ്റവും വലിയ രാഷ്ട്രീയകക്ഷിയായ സിപിസിയുടെ നേതൃത്വത്തിലെ മാറ്റം. ജനകീയ വിമോചനസേനയെ നയിക്കുന്ന കേന്ദ്ര സൈനിക കമീഷന്‍ തലവനായും അമ്പത്തൊമ്പതുകാരനായ ഷീ തെരഞ്ഞെടുക്കപ്പെട്ടു. ഉപപ്രധാനമന്ത്രിമാരായ ലീ കെഖ്യാങ്, ഷാങ് ദീജിയാങ്, വാങ് കിഷാങ്, ഷാങ്ഹായ് പാര്‍ടി സെക്രട്ടറി യൂ ഷെങ്ഷെങ്, പ്രചാരണവിഭാഗം തലവന്‍ ലിയൂ യുന്‍ഷാന്‍, തിയാന്‍ജിന്‍ പാര്‍ടി സെക്രട്ടറി ഷാങ് ഗൗലി എന്നിവരാണ് സ്റ്റാന്‍ഡിങ് കമ്മിറ്റിയിലെ മറ്റ് അംഗങ്ങള്‍. ലോകത്തെ രണ്ടാമത്തെ വലിയ സാമ്പത്തികശക്തിയായി വളര്‍ന്ന ചൈനയെ അടുത്ത പതിറ്റാണ്ടില്‍ നയിക്കുക ഈ നേതൃത്വമാകും. 18-ാം കോണ്‍ഗ്രസില്‍ ജനറല്‍ സെക്രട്ടറി സ്ഥാനം ഒഴിഞ്ഞ ഹു ജിന്താവോ മാര്‍ച്ചില്‍ രാജ്യത്തിന്റെ പാര്‍ലമെന്റായ പീപ്പിള്‍സ് കോണ്‍ഗ്രസ് സമ്മേളനത്തില്‍ അധികാരം ഒഴിയുമ്പോള്‍ ഷി ജിന്‍പിങ് പുതിയ പ്രസിഡന്റായി അധികാരമേല്‍ക്കും. വെന്‍ ജിയബാവോയുടെ സ്ഥാനത്ത് അമ്പത്തേഴുകാരനായ ലീ കെഖ്യാങ് പ്രധാനമന്ത്രിയാകും. ആഗോള സാമ്പത്തികത്തകര്‍ച്ചയില്‍നിന്ന് ചൈന രക്ഷപ്പെട്ടെങ്കിലും അതിന്റെ ആഘാതത്തിന്റെ ഫലമായി ചൈനയുടെയും വളര്‍ച്ചാനിരക്കില്‍ കുറവുണ്ട്. ഇത് നേരിടുകയാകും പുതിയ നേതൃത്വത്തിന്റെ പ്രധാന വെല്ലുവിളി. 3.20 ലക്ഷം കോടി ഡോളറിന്റെ ഭീമമായ വിദേശനാണ്യശേഖരവും സാമ്പത്തിക ഉത്തേജന പദ്ധതികള്‍ തുടര്‍ന്ന് കുതിപ്പ് തുടരാനുള്ള സാമ്പത്തികശക്തിയുമുള്ള ചൈനയ്ക്ക് ഇത് നിഷ്പ്രയാസം നേരിടാനാകും എന്നാണ് നിരീക്ഷകരുടെ കണക്കുകൂട്ടല്‍. വിപ്ലവശേഷം അഞ്ചാംതലമുറ നേതാക്കളിലേക്കാണ് ചൈനയില്‍ ഭരണമാറ്റം. 2002ല്‍ 16-ാം കോണ്‍ഗ്രസിലായിരുന്നു മുമ്പ് നേതൃമാറ്റം. ലിയു യാന്‍ദോങ്, സുന്‍ ചുന്‍ലാങ് എന്നിവരാണ് പുതിയ പൊളിറ്റ്ബ്യൂറോയിലെ വനിതാ അംഗങ്ങള്‍.

*
കടപ്പാട്: ദേശാഭിമാനി 30 ഡിസംബര്‍ 2012

പ്രതീക്ഷയുടെ ലോകം

നീറുന്ന നോവായി പലസ്തീന്‍

ആറര പതിറ്റാണ്ടായി ലോകത്തിന്റെ നെഞ്ചിലെ മുറിവായി അവശേഷിക്കുന്ന പലസ്തീന് ഐക്യരാഷ്ട്ര പൊതുസഭയില്‍ നിരീക്ഷക രാഷ്ട്രപദവി ലഭിച്ചതാകും ഒരുപക്ഷേ ഈ വര്‍ഷത്തെ ഏറ്റവും പ്രധാന സംഭവമായി ഭാവിയില്‍ വിലയിരുത്തപ്പെടുക. പൂര്‍ണ പരമാധികാര രാഷ്ട്രപദവിക്ക് എന്തുകൊണ്ടും അര്‍ഹതയുള്ള പലസ്തീന്റെ ആ അഭിലാഷം നടക്കാത്തത് യുഎന്‍ രക്ഷാസമിതിയില്‍ അമേരിക്ക എതിര്‍ക്കുന്നതുകൊണ്ടുമാത്രമാണ്. നവംബര്‍ 29ന് യുഎന്‍ പൊതുസഭ പലസ്തീന് നിരീക്ഷകരാഷ്ട്ര പദവി നല്‍കാനുള്ള പ്രമേയം വോട്ടിനിട്ടപ്പോള്‍ 193 അംഗങ്ങളില്‍ 138 രാജ്യങ്ങളും പിന്തുണച്ചു. അമേരിക്കയും ഇസ്രയേലും കനഡയും അടക്കം ഒമ്പത് രാജ്യങ്ങള്‍ മാത്രമാണ് എതിര്‍ത്തത്. ഗാസയില്‍ ഒരാഴ്ചയിലേറെ നീണ്ട ആക്രമണത്തിലൂടെ ഇസ്രയേലി സേന പിഞ്ചുകുട്ടികളും സ്ത്രീകളുമടക്കം 180ല്‍പരം പലസ്തീന്‍കാരെ കൊന്നൊടുക്കിയത് നവംബര്‍ മധ്യത്തിലായിരുന്നു. ഒരാഴ്ചകഴിഞ്ഞാണ് ലോകരാഷ്ട്രങ്ങള്‍ വന്‍ ഭൂരിപക്ഷത്തോടെ ഇസ്രയേലി നയങ്ങളെ അപലപിക്കുകയും പലസ്തീന്‍ സ്വാതന്ത്ര്യത്തിന് പിന്തുണ പ്രഖ്യാപിക്കുകയും ചെയ്തത്. എന്നാല്‍, ഇതംഗീകരിക്കാതെ യുഎന്‍ വോട്ടിന്റെ പേരില്‍ പലസ്തീന്‍ ജനതയെ ശിക്ഷിക്കുകയാണ് ഇസ്രയേല്‍. പലസ്തീന് അര്‍ഹമായ നികുതിപ്പണം കൈമാറാതെയും പലസ്തീന്‍ പ്രദേശങ്ങളായ വെസ്റ്റ്ബാങ്കിലും കിഴക്കന്‍ ജെറുസലേമിലും ജൂതകുടിയേറ്റം വ്യാപിപ്പിച്ചും ഇസ്രയേല്‍ നടത്തുന്ന ഈ തീക്കളിതന്നെയാണ് ലോകത്തെ, വിശേഷിച്ച് പശ്ചിമേഷ്യയെ ഭാവിയിലും ഏറ്റവും അശാന്തമാക്കാന്‍ പോകുന്നത്. വരുന്ന ജനുവരിയില്‍ ഇസ്രയേലി പാര്‍ലമെന്റ് തെരഞ്ഞെടുപ്പിനുശേഷവും സമാധാന ചര്‍ച്ച പുനരാരംഭിക്കാന്‍ ഇസ്രയേല്‍ വിസമ്മതിക്കുകയാണെങ്കില്‍ വെസ്റ്റ്ബാങ്ക് കേന്ദ്രമായുള്ള പലസ്തീന്‍ ഭരണകൂടം പിരിച്ചുവിടുമെന്ന് പലസ്തീന്‍ പ്രസിഡന്റ് മഹ്മൂദ് അബ്ബാസ് മുന്നറിയിപ്പ് നല്‍കിയിട്ടുണ്ട്. അധിനിവേശ ശക്തിയെന്ന നിലയില്‍ പിന്നെ പലസ്തീന്‍ ഭരണത്തിന്റെ പൂര്‍ണ ഉത്തരവാദിത്തം ഇസ്രയേലിന് ആയിരിക്കുമെന്നും അബ്ബാസ് വ്യക്തമാക്കുന്നു. വര്‍ഷാന്ത്യദിനങ്ങളിലും ഇസ്രയേലിസേന വെസ്റ്റ്ബാങ്കിലും ജറുസലേമിലുംനിന്ന് പലസ്തീന്‍ യുവാക്കളെ തട്ടിക്കൊണ്ടുപോയി തടവിലാക്കുകയാണ്. ഗാസയില്‍ നിരന്തര ആക്രമണം നടത്തുകയായിരുന്ന ഇസ്രയേലി സേനാ സംഘത്തില്‍നിന്ന് ഹമാസുകാര്‍ പിടികൂടി അഞ്ചുവര്‍ഷത്തോളം ബന്ദിയാക്കിയ ഗിലാദ് ഷാലിതിനെ 2011ലാണ് വിട്ടുകൊടുത്തത്. പകരം ആയിരത്തില്‍പ്പരം പലസ്തീന്‍കാരെ തടവറയില്‍നിന്ന് വിട്ടുകൊടുക്കാന്‍ ഇസ്രയേല്‍ നിര്‍ബന്ധിതമായി. അതിന്റെ അപമാനം മായ്ക്കാന്‍കൂടിയാണ് ഇസ്രയേല്‍ നിയമവിരുദ്ധമായി കൂടുതല്‍ പലസ്തീന്‍കാരെ തടവിലാക്കുന്നത്. പലസ്തീന്‍ പാര്‍ലമെന്റ് അംഗങ്ങളില്‍ മൂന്നിലൊന്നും ഇസ്രയേലി ജയിലുകളിലാണ്.

സിറിയയെ ചോരപ്പുഴയാക്കുന്നു

ദശലക്ഷക്കണക്കിന് ഇന്ത്യക്കാര്‍ക്ക് അന്നം നല്‍കുന്ന പശ്ചിമേഷ്യ അശാന്തിയുടെ വിളനിലമായി തുടരുകയാണ്. അവിടെ അവശേഷിക്കുന്ന ഏക മതേതര സര്‍ക്കാരുള്ള സിറിയയില്‍ പ്രസിഡന്റ് ബാഷര്‍ അല്‍ അസദിനെ അട്ടിമറിക്കാന്‍ ലക്ഷ്യമിട്ടുള്ള കലാപം ആഭ്യന്തര യുദ്ധത്തിന്റെ ഭാവമാര്‍ജിച്ചിട്ടുണ്ട്. പാശ്ചാത്യ രാഷ്ട്രങ്ങളുടെയും സുന്നി അറബ് രാജവാഴ്ചകളുടെയും തുര്‍ക്കിയുടെയും മറ്റും പരസ്യ പിന്തുണയോടെ സര്‍ക്കാരിനെതിരെ കലാപത്തില്‍ ഏര്‍പ്പെട്ടിരിക്കുന്നവരില്‍ അല്‍ ഖായ്ദ ബന്ധമുള്ള ഭീകരസംഘങ്ങളും സജീവമാണ്. എന്നാല്‍ അവരെ പിന്തുണയ്ക്കുന്ന അമേരിക്കയേയും യൂറോപ്യന്‍ രാജ്യങ്ങളെയും ഇക്കാര്യം അത്ര അലോസരപ്പെടുത്തുന്നില്ല എന്നത് അവരുടെ യാഥാര്‍ത്ഥ താല്‍പര്യങ്ങള്‍ വ്യക്തമാക്കുന്നുണ്ട്. കഴിഞ്ഞവര്‍ഷം മുഅമ്മര്‍ ഗദ്ദാഫിയെ നാറ്റോ വീഴ്ത്തിയതിനെ തുടര്‍ന്ന് ലിബിയയില്‍ യഥാര്‍ത്ഥത്തില്‍ അരാജകത്വമാണ് നടമാടുന്നത് എന്ന യാഥാര്‍ത്ഥ്യം പോലും സിറിയയിലെ ദുസാഹസങ്ങളില്‍ നിന്ന് പാശ്ചാത്യ രാജ്യങ്ങളെ പിന്തിരിപ്പിക്കുന്നില്ല. പുതിയ ഭരണത്തില്‍ ലിബിയയില്‍ അമേരിക്കന്‍ എംബസി ആക്രമിക്കപ്പെട്ടതും അമേരിക്കന്‍ സ്ഥാനപതി തന്നെ വധിക്കപ്പെട്ടതും ഈ വര്‍ഷമാണ്. അതില്‍ നിന്ന് പാഠമുള്‍കൊള്ളാതെ സിറിയയിലും മതതീവ്രവാദികളെ അധികാരത്തിലേറ്റാന്‍ ശ്രമിക്കുന്ന പാശ്ചാത്യ രാഷ്ട്രങ്ങള്‍ ക്രൈസ്തവരടക്കം സിറിയയിലുള്ള ന്യൂനപക്ഷ മതവിഭാഗങ്ങളുടെ ഭാവി കൂടിയാണ് അരക്ഷിതമാക്കുന്നത്. വിമതരുടെ ദേശീയ സഖ്യത്തെ സിറിയന്‍ ജനതയുടെ പ്രതിനിധികളായി അംഗീകരിച്ചിരിക്കുകയാണ് അമേരിക്കയും കൂട്ടാളികളും.

ആദികണത്തിന്റെ അടയാളം

"ഹിഗ്സ് ബോസോണ്‍" എന്ന പേരില്‍ അറിയപ്പെടുന്ന "ആദികണ"ത്തിന്റെ നിര്‍ണായകതെളിവുകള്‍ കണ്ടെത്തിയതായി ജൂലൈയില്‍ ശാസ്ത്രലോകം അവകാശപ്പെട്ടു. നാല് പതിറ്റാണ്ടിലധികം നീണ്ട പരീക്ഷണങ്ങള്‍ക്കൊടുവിലാണ് ആദികണത്തെക്കുറിച്ചുള്ള പ്രധാന തെളിവ് ലഭിച്ചത്. "2012ലെ സുപ്രധാന കണ്ടുപിടിത്തമെന്നാണ്" ജേണല്‍സയന്‍സ് ഇതിനെ വിശേഷിപ്പിച്ചത്. ഹിഗ്സ് ബോസോണാണ് പ്രപഞ്ചത്തിലെ എല്ലാ പദാര്‍ഥങ്ങള്‍ക്കും പിണ്ഡം നല്‍കുന്നത് എന്നതാണ് കണികാസിദ്ധാന്തത്തിന്റെ അടിസ്ഥാനം. പ്രാഥമിക നിഗമനം എന്ന രീതിയിലാണ് ഈ കണ്ടുപിടിത്തത്തെ വിശേഷിപ്പിക്കുന്നതെങ്കിലും ശാസ്ത്രലോകത്തെ സംബന്ധിച്ചിടത്തോളം ഇത് സുപ്രധാനമായ കാല്‍വയ്പാണ്. എന്നാല്‍, ഹിഗ്സ് ബോസോണിന്റെ അസ്തിത്വത്തെ സംബന്ധിച്ച് കൂടുതല്‍ പരീക്ഷണം വേണ്ടിവരുമെന്നാണ് ഗവേഷകരുടെ വിലയിരുത്തല്‍.

തിരിഞ്ഞുകുത്തുന്ന തോക്കു സംസ്കാരം

അമേരിക്കയിലെ സ്കൂളിലുണ്ടായ വെടിവയ്പില്‍ പിഞ്ചുകുട്ടികളടക്കം 28 പേര്‍ കൊല്ലപ്പെട്ട സംഭവം അമേരിക്കയെ മാത്രമല്ല ലോകത്തെയാകെ ഞെട്ടിച്ചു. കണക്ടിക്കട്ടില്‍ ന്യൂ ടൗണിലെ സാന്‍ഡി ഹൂക്ക് എലിമെന്ററി സ്കൂളില്‍ ഡിസംബര്‍ 14നായിരുന്നു സംഭവം. സൈനിക വേഷത്തില്‍ ഇരുകൈയിലും തോക്കുമായി ക്ലാസ്മുറികളില്‍ കടന്നുകയറിയ ആദം ലാന്‍സ എന്ന അക്രമി തുരുതുരെ വെടിയുതിര്‍ക്കുകയായിരുന്നു. ഇതേ സ്കൂളിലെ അധ്യാപികയായ അമ്മ നാന്‍സിയെ കൊന്നശേഷമാണ് ലാന്‍സ സ്കൂളിലെത്തി കുട്ടികള്‍ക്ക് നേര വെടിയുതിര്‍ത്തത്. അമേരിക്കയില്‍ തുടര്‍ച്ചയായുണ്ടാകുന്ന വെടിവയ്പുകള്‍ ജനങ്ങളെയാകെ ഭീതിയിലാഴ്ത്തുകയാണ്. സ്കൂളുകളിലും കോളേജുകളിലുമടക്കം നിരവധി വെടിവയ്പ്പുകള്‍ ഈ വര്‍ഷംതന്നെ നടന്നു. പോര്‍ട്ട്ലാന്‍ഡിലെ തിരക്കേറിയ മാളില്‍ ജേക്കബ് റോബര്‍ട്ട്സ് എന്നയാള്‍ നടത്തിയ വെടിവയ്പ്പില്‍ രണ്ടുപേര്‍ കൊല്ലപ്പെട്ടത് ഡിസംബറില്‍ തന്നെയായിരുന്നു. ജൂലൈ 20 ന് കൊളറാഡോയിലെ അറോറയിലെ സിനിമാ തിയറ്ററില്‍ നടന്ന വെടിവയ്പില്‍ രണ്ടുപേരും ആഗസ്ത് അഞ്ചിന് സിഖ് ക്ഷേത്രത്തില്‍ നടന്ന വെടിവയ്പില്‍ ആറുപേരും കൊല്ലപ്പെട്ടിരുന്നു. സെപ്തംബര്‍ 27ന് ആന്‍ഡ്രൂ ഏഞ്ചല്‍ദിനള്‍ എന്നയാള്‍ ആറുപേരെയും ഒക്ടോബര്‍ 21ന് റാഡ്ക്ലിഫ് ഹോട്ടന്‍ എന്നയാള്‍ മൂന്നുപേരെയും വെടിവച്ചുകൊന്നു.

കാലാവസ്ഥയുടെ കളികള്‍

പ്രവചിക്കാനാവാത്ത കാലാവസ്ഥാവ്യതിയാനങ്ങളും ആഗോള താപവും ലോകാവസാനത്തിലേക്ക് നയിക്കുമോ എന്ന സംശയമുനയിലാണ് ലോകം പുതുവര്‍ഷത്തെ വരവേല്‍ക്കുന്നത്. അമേരിക്കയില്‍ വന്‍ നാശം വിതച്ച സാന്‍ഡി ചുഴലിക്കാറ്റുള്‍പ്പടെയുള്ള പ്രകൃതിക്ഷോഭങ്ങളെ കാലാവാസ്ഥ വ്യതിയാനങ്ങളുമായി ബന്ധപ്പെടുത്തി പഠനം നടക്കുന്നു. വര്‍ധിക്കുന്ന താപം പ്രകൃതിക്ഷോഭം വിളിച്ചുവരുത്തുകയാണെന്ന് ശാസ്ത്രജ്ഞര്‍ വിലയിരുത്തുന്നു. ലോകരാഷ്ട്രങ്ങള്‍ ഗ്രീന്‍ഹൗസ് വാതകം പുറത്തുവിടുന്നതിന്റെ നിരക്ക് കുറച്ചില്ലെങ്കില്‍ വന്‍ ഭവിഷ്യത്തുകള്‍ നേരിടേണ്ടി വരുമെന്ന മുന്നറിയിപ്പും ശാസ്ത്രലോകം നല്‍കുന്നു. ആര്‍ടിക്ക് സമുദ്രത്തിലെ ഐസ് കട്ടകള്‍ റെക്കോഡ് വേഗത്തിലാണ് അലിയുന്നത്. ഗ്രീന്‍ലാന്റ്, അന്റാര്‍ട്ടിക്ക, ആര്‍ട്ടിക്ക് സമുദ്രങ്ങളിലെ മഞ്ഞുരുകല്‍ ആഗോളതാപനത്തിന്റെ വലിയ ഉദാഹരണമാണെന്ന് കാലാവസ്ഥാ നിരീക്ഷകര്‍ ചൂണ്ടികാണിക്കുന്നു. ശക്തമായ ഭൂചലനങ്ങള്‍ ലോകത്ത് പലയിടങ്ങളിലും തുടര്‍ക്കഥയാവുകയാണ്. കാലാവസ്ഥാ വ്യതിയാനത്തെക്കുറിച്ച് യുഎന്‍ ആഭിമുഖ്യത്തില്‍ ലോകരാഷ്ട്രങ്ങള്‍ ദോഹയില്‍ നടത്തിയ സമ്മേളനം കാര്യമായ നേട്ടങ്ങളൊന്നുമുണ്ടാക്കിയില്ലെന്നാണ് വിലയിരുത്തല്‍. ക്യോട്ടോ കരാറിന്റെ കാലാവധി 2020 വരെ നീട്ടാന്‍ മാത്രമാണ് സമ്മേളനത്തിലെ തീരുമാനം.

പെണ്‍പോരിന്റെ പ്രതീകം

പെണ്‍കുട്ടികളുടെ വിദ്യാഭ്യാസ അവകാശത്തിന് നവമാധ്യമങ്ങളിലൂടെ പോരാടിയതിന് പാകിസ്ഥാനില്‍ താലിബാന്‍ ഭീകരരുടെ ആക്രമണത്തിനിരയായ കൗമാരക്കാരി മലാല യൂസഫ്സായ് പോയ വര്‍ഷം വാര്‍ത്തകളില്‍ നിറഞ്ഞു. ഒക്ടോബര്‍ ഒമ്പതിന് സ്കൂളില്‍നിന്ന് മടങ്ങുംവഴി മലാല എന്ന പതിനഞ്ചുകാരിയെ താലിബാന്‍കാര്‍ വെടിവച്ചു. ബ്രിട്ടനിലെ ക്യൂന്‍ എലിസബത്ത് ആശുപത്രിയില്‍ എത്തിച്ച മലാല പതുക്കെ ജീവിതത്തിലേക്ക് തിരിച്ചെത്തുകയാണ്. പെണ്‍കുട്ടികള്‍ക്കെതിരായ കടന്നാക്രമണങ്ങള്‍ ചെറുക്കുന്നതിന് പ്രചോദനവും ഭീകരതയ്ക്കെതിരായ ചെറുത്തുനില്‍പ്പിന്റെ പ്രതീകവുമാണ് മലാല. നവംബര്‍ 10 മലാലദിനമായി ഐക്യരാഷ്ട്രസഭ പ്രഖ്യാപിച്ചു. രണ്ടായിരത്തി പതിനഞ്ചോടെ ലോകത്തിലെ എല്ലാ പെണ്‍കുട്ടികള്‍ക്കും വിദ്യാഭ്യാസം നല്‍കുക എന്ന ഐക്യരാഷ്ട്രസഭയുടെ പ്രചാരണത്തിന് ആധാരവും മലാലതന്നെ. ഇതിനായി അവര്‍ കണ്ടെത്തിയ മുദ്രാവാക്യമാണ് "ഞാന്‍ മലാല".

ക്രെംലിനില്‍ പുടിന് മൂന്നാമൂഴം

നാലുവര്‍ഷം പ്രധാനമന്ത്രിപദത്തിലിരുന്ന വ്ളാദിമിര്‍ പുടിന്‍ വീണ്ടും പ്രസിഡന്റായി ക്രെംലിന്‍ കൊട്ടാരത്തിലെത്തി. മാര്‍ച്ച് നാലിനു നടന്ന പ്രസിഡന്റ് തെരഞ്ഞെടുപ്പില്‍ 64 ശതമാനം വോട്ട് നേടിയാണ് അമ്പത്തൊമ്പതുകാരനായ പുടിന്‍ മൂന്നാംവട്ടവും റഷ്യയുടെ പ്രസിഡന്റായത്. പ്രധാന എതിര്‍സ്ഥാനാര്‍ഥി കമ്യൂണിസ്റ്റ് നേതാവ് ഗെന്നഡി സ്യുഗാനോവ് 17.17 ശതമാനം വോട്ട് നേടി. മെദ്വദേവ് വീണ്ടും പ്രധാനമന്ത്രിയായി. കഴിഞ്ഞവര്‍ഷം ഡിസംബറില്‍ നടന്ന പാര്‍ലമെന്റ് തെരഞ്ഞെടുപ്പിലെ ക്രമക്കേടുകളെത്തുടര്‍ന്ന് ശക്തമായ പ്രതിഷേധം രാജ്യത്താകെ അലയടിക്കുന്നതിനിടെ പ്രസിഡന്റ് തെരഞ്ഞെടുപ്പില്‍ നേടിയ വിജയം പുടിന്റെ രാഷ്ട്രീയഭാവി തകരാതെ കാത്തു. അധികാരത്തില്‍ കടിച്ചുതൂങ്ങാനുള്ള പുടിന്റെ ശ്രമത്തിനെതിരെ മുമ്പെങ്ങുമില്ലാത്തവിധം ജനം തെരുവിലിറങ്ങി. തെരഞ്ഞെടുപ്പു ഫലം അംഗീകരിക്കാന്‍ തയ്യാറല്ലെന്ന് പ്രതിപക്ഷ പാര്‍ടികള്‍ ചൂണ്ടിക്കാട്ടി. 2000 മുതല്‍ 2008 വരെ പ്രസിഡന്റായിരുന്ന പുടിന്‍ തുടര്‍ന്ന് നാലുവര്‍ഷം പ്രധാനമന്ത്രിയായിരുന്നു. തുടര്‍ച്ചയായി മൂന്നുവട്ടം പ്രസിഡന്റാകാന്‍ ഭരണഘടന അനുവദിക്കാത്ത സാഹചര്യത്തില്‍് 2008ല്‍ തന്റെ വിശ്വസ്തനായ ദിമിത്രി മെദ്വദേവിനെ പ്രസിഡന്റാക്കുകയായിരുന്നു.

അസാഞ്ചെ വീണ്ടും താരം

വിക്കിലീക്സ് വെളിപ്പെടുത്തലുകളിലൂടെ സാമ്രാജ്യത്വത്തിന്റെ ശത്രുവായ ജൂലിയന്‍ പോള്‍ അസാഞ്ചെയ്ക്ക് ഇക്വഡോര്‍ അഭയം നല്‍കിയത് ഇക്കൊല്ലമാണ്. ലോകത്തിനുമുന്നില്‍ അമേരിക്കയുടെ തനിനിറം തുറന്നുകാട്ടി നയതന്ത്രജ്ഞരുടെയും വിദേശവകുപ്പിന്റെയും രഹസ്യസന്ദേശങ്ങള്‍ വിക്കിലീക്സ് പരസ്യപ്പെടുത്തിയിരുന്നു. ഇത്തരത്തില്‍ അമേരിക്കയുടെ നോട്ടപ്പുള്ളിയായ അസാഞ്ചെയ്ക്കെതിരെ സ്വീഡനില്‍ പഴയ കൂട്ടുകാരികളുടെ പരാതി ഉയര്‍ന്നത് ദുരൂഹം. കുറ്റം അസാഞ്ചെ നിഷേധിച്ചു. ലോകത്തെ ഏറ്റവും വലിയ രണ്ടു സര്‍ക്കാരുകള്‍ അസാഞ്ചെയുടെ രക്തത്തിനായി ദാഹിക്കുകയാണെന്ന് അദ്ദേഹത്തിന്റെ അമ്മ ക്രിസ്റ്റീന്‍ പറഞ്ഞു. ഓസ്ട്രേലിയന്‍ പൗരനായ അസാഞ്ചെയ്ക്ക് രാഷ്ട്രീയ അഭയം നല്‍കാന്‍ ഇക്വഡോര്‍ തീരുമാനിച്ചു. അതിനിടെ, അസാഞ്ചെയ്ക്ക് ഗുരുതര ശ്വാസകോശ അണുബാധയേറ്റു. അടുത്ത വര്‍ഷം ലോകത്തെ ഞെട്ടിക്കുന്ന ദശലക്ഷക്കണക്കിനു രേഖകളുമായി എത്തുമെന്നും അസാഞ്ചെയുടെ മുന്നറിയിപ്പുണ്ട്.

സൂമ വീണ്ടും എഎന്‍സി നായകന്‍

ദക്ഷിണാഫ്രിക്കയുടെ വര്‍ണവിവേചനവിരുദ്ധ പോരാട്ടത്തിന് നേതൃത്വം നല്‍കിയ ആഫ്രിക്കന്‍ നാഷണല്‍ കോണ്‍ഗ്രസിന്റെ (എഎന്‍സി) ശതാബ്ദിവര്‍ഷത്തില്‍ സാരഥിയായി പ്രസിഡന്റ് ജേക്കബ് സൂമ വീണ്ടും തെരഞ്ഞെടുക്കപ്പെട്ടു. ഡെപ്യൂട്ടി പ്രസിഡന്റ് ഗലിമ മോട്ലാന്തേയെ പരാജയപ്പെടുത്തിയാണ് സൂമ നേതൃസ്ഥാനം നിലനിര്‍ത്തിയത്. 2009ല്‍ അധികാരത്തിലെത്തിയ സൂമയുടെ ആദ്യടേം 2014ലാണ് അവസാനിക്കുക. പാര്‍ടിമേധാവിയായതിനാല്‍ തുടര്‍ന്നും അഞ്ചുവര്‍ഷത്തേക്കുകൂടി അദ്ദേഹത്തിന് രാജ്യത്തെ നയിക്കാനാകും. ഡിസംബറില്‍ ബ്ലൂംഫൊണ്ടെയ്നില്‍ ചേര്‍ന്ന എഎന്‍സി സമ്മേളനം ഉപനേതാവായി സിറിള്‍ റമഫോസെയെയും തെരഞ്ഞെടുത്തു.

ഈജിപ്ത് ഇസ്ലാമിക വാഴ്ചയിലേക്ക്

കഴിഞ്ഞ വര്‍ഷം അറബ് വസന്തത്തില്‍ ഈജിപ്തിലെ സ്വേഛാധിപതി ഹൊസ്നി മുബാറക്ക് പുറത്തായശേഷം അവിടെയുള്ള മതേതര ഭൂരിപക്ഷവും ജനസംഖ്യയില്‍ 10 ശതമാനത്തിലധികമുള്ള ക്രൈസ്തവരും മറ്റും യാഥാസ്ഥിതി ഇസ്ലാമിക ഭരണത്തിന്റെ ഭീഷണി നേരിടുകയാണ്. ഇസ്ലാമിക വാദികള്‍ക്ക് ഭൂരിപക്ഷമുള്ള ഭരണഘടനാ സമിതി തിടുക്കത്തില്‍ തട്ടിക്കൂട്ടിയ കരട് ഭരണഘടനയെ, പ്രഹസനമായി മാറിയ ഹിതപരിശോധനയുടെ മറവില്‍ ജനങ്ങള്‍ക്കുമേല്‍ അടിചേല്‍പിക്കുകയാണ് മുസ്ലീം ബ്രദര്‍ഹുഡിന്റെ നിയന്ത്രണത്തിലുള്ള സര്‍ക്കാര്‍. യഥാര്‍ത്ഥത്തില്‍ പുതിയ ഭരണഘടനയെ ജനങ്ങളില്‍ ഭൂരിപക്ഷവും എതിര്‍ക്കുന്നതായാണ് കാണുന്നത്. ജനങ്ങളില്‍ 30 ശതമാനം മാത്രമാണ് ഡിസംബറില്‍ രണ്ടുഘട്ടമായി നടന്ന ഹിതപരിശോധനയില്‍ വോട്ട് ചെയ്തത്. ഇതില്‍ 65 ശതമാനത്തോളമാളുകള്‍ കരട് ഭരണഘടന അംഗീകരിച്ചു എന്ന വാദമുയര്‍ത്തിയാണ് പ്രസിഡന്റ് മുഹമ്മദ് മുര്‍സി അത് അംഗീകരിച്ചത്. പഴയ ഭരണസംവിധാനത്തിന്റെ അവശിഷ്ടങ്ങളുടെ എതിര്‍പ്പുകളെ അതിജീവിച്ച് തെരഞ്ഞെടുപ്പിലൂടെയാണ് മുര്‍സി ജൂണില്‍ അധികാരമേറ്റത്. എന്നാല്‍, ഭരണഘടനയിലൂടെ ഇസ്ലാമികനിയമങ്ങള്‍ അടിച്ചേല്‍പിക്കാനുള്ള ശ്രമത്തെയാണ് മുബാറക്കിനെ പുറത്താക്കാന്‍ മുന്നില്‍നിന്ന ജനാധിപത്യ പ്രക്ഷോഭകരില്‍ ഭൂരിപക്ഷവും എതിര്‍ക്കുന്നത്. ഈജിപ്തിന്റെ മതേതര പാരമ്പര്യം തകര്‍ത്ത് മതനിയമങ്ങള്‍ അടിച്ചേല്‍പിക്കുന്നതിനെതിരെ ഉയരുന്ന പ്രതിഷേധം തീക്ഷ്ണമാവും എന്നാണ് സൂചന.

പാക് രാഷ്ട്രീയം സംഘര്‍ഷഭരിതം

സര്‍ക്കാരും നീതിപീഠവും തമ്മിലുള്ള ഏറ്റുമുട്ടലില്‍ നാടകീയ വഴിത്തിരിവ് സൃഷ്ടിച്ച് പ്രധാനമന്ത്രി യൂസഫ് റാസ ഗീലാനിയെ സുപ്രീംകോടതി സ്ഥാനഭ്രഷ്ടനാക്കിയതാണ് പാകിസ്ഥാന്‍ രാഷ്ട്രീയത്തില്‍ 2012ലെ ഏറ്റവും വലിയ വാര്‍ത്ത. കോടതിയലക്ഷ്യത്തിന് ശിക്ഷിച്ചക്കപ്പെട്ട അദ്ദേഹം പാര്‍ലമെന്റ് അംഗത്വത്തിനും അതുവഴി പ്രധാനമന്ത്രിസ്ഥാനത്തിനും അയോഗ്യനായതായി ജൂണ്‍ 19ന് ചീഫ് ജസ്റ്റിസ് ഇഫ്തിഖര്‍ ചൗധരിയുടെ ബെഞ്ച് വിധിച്ചു. ഇതാദ്യമായാണ് പാകിസ്ഥാനില്‍ പ്രധാനമന്ത്രിയെ കോടതി പുറത്താക്കിയത്. കോടതി ശിക്ഷിച്ച ആദ്യ പ്രധാനമന്ത്രിയും ഗീലാനിയാണ്. ഗീലാനിയുടെ പിന്‍ഗാമിയായി പിപിപി പ്രതിനിധി രാജ പര്‍വേസ് അഷ്റഫ് സ്ഥാനമേറ്റു. പ്രസിഡന്റ് സര്‍ദാരിക്കെതിരെ സ്വിസ് കോടതിയിലുണ്ടായിരുന്ന അഴിമതിക്കേസ് പുനരന്വേഷിക്കുന്നതിന് ആവശ്യപ്പെടണമെന്ന് കോടതി ആവര്‍ത്തിച്ച് നിര്‍ദേശം നല്‍കിയിട്ടും പാക് സര്‍ക്കാര്‍ അനുസരിക്കാഞ്ഞതിനാണ് ഏപ്രില്‍ 26ന് ഗീലാനിയെ സുപ്രീം കോടതി ശിക്ഷിച്ചത്. അഞ്ചുവര്‍ഷത്തേക്കാണ് പൊതുസ്ഥാനങ്ങള്‍ വഹിക്കുന്നതിന് അയോഗ്യത. 2013 ആദ്യം പാകിസ്ഥാനില്‍ പൊതുതെരഞ്ഞെടുപ്പ് നടക്കാനിരിക്കെയാണ് സര്‍ക്കാരിന്റെ നായകന്‍ പുറത്താവുന്നത്. സര്‍ദാരിയെയും കൊല്ലപ്പെട്ട ഭാര്യ ബേനസീര്‍ ഭൂട്ടോയെയും അഴിമതിക്കേസില്‍ സ്വിസ് കോടതി 2003ല്‍ അവരുടെ അഭാവത്തില്‍ ശിക്ഷിച്ചിരുന്നു. 2007ല്‍ അന്നത്തെ പാക് ഭരണാധികാരി ജനറല്‍ പര്‍വേസ് മുഷറഫ് ബേനസീറുമായുണ്ടാക്കിയ അനുരഞ്ജനത്തിന്റെ തുടര്‍ച്ചയില്‍ ഇവരടക്കം എണ്ണായിരത്തില്‍പരമാളുകള്‍ക്കെതിരായ കേസുകള്‍ പിന്നീട് ഉപേക്ഷിക്കപ്പെട്ടു. എന്നാല്‍, ഇതിന് മുഷറഫ് ഭരണകൂടം ഇറക്കിയ ദേശീയ അനുരഞ്ജന ഓര്‍ഡിനന്‍സ് 2009ല്‍ അസാധുവാക്കിയ സുപ്രീംകോടതി സര്‍ദാരിക്കെതിരെ കേസ് അന്വേഷിക്കുന്നതിന് നടപടി സ്വീകരിക്കാന്‍ സര്‍ക്കാരിനോട് ആവശ്യപ്പെടുകയായിരുന്നു. ഒസാമ ബിന്‍ദാന്റെ വധത്തെ തുടര്‍ന്ന് പട്ടാള അട്ടിമറി ഭയന്ന ആസിഫ് അലി സര്‍ദാരി അമേരിക്കയുടെ സഹായം തേടി കത്ത് അയച്ചെന്ന വെളിപ്പെടുത്തല്‍ മെമോഗേറ്റെന്ന പേരില്‍ പാകിസ്ഥാന്‍ രാഷ്ട്രീയത്തെ പിടിച്ചുലച്ചു.

സുനിതയുടെ ബഹിരാകാശ നടത്തം

ബഹിരാകാശത്ത് ഏറ്റവും കൂടുതല്‍ നടന്ന വനിതയെന്ന ബഹുമതിയുമായി ഇന്ത്യന്‍-അമേരിക്കന്‍ വംശജ സുനിത വില്യംസ് ഭൂമിയില്‍ പറന്നിറങ്ങിയത് നവംബര്‍ 19ന്. അന്താരാഷ്ട്ര ബഹിരാകാശ നിലയത്തിന്റെ കമാന്‍ഡര്‍ പദവി വഹിക്കുന്ന രണ്ടാമത്തെ വനിതയെന്ന പദവിയില്‍ സെപ്തംബര്‍ 17ന് ചുമതലയേറ്റ അവര്‍ നവംബര്‍ 17ന് ഭൂമിയിലേക്കു തിരിക്കുംവരെ പദവി വഹിച്ചു. "എക്സ്പെഡിഷന്‍ 33" ദൗത്യത്തിനുവേണ്ടി ഏഴുതവണയായി 50 മണിക്കൂറും 40 മിനിറ്റും സുനിത ബഹിരാകാശത്ത് നടന്നു. തുടര്‍ച്ചയായി ഏറ്റവും കൂടുതല്‍ ദിവസം (195) ബഹിരാകാശത്ത് കഴിഞ്ഞ വനിതയെന്ന ബഹുമതിയും സുനിതയ്ക്കാണ്. ബഹിരാകാശ നിലയത്തിലിരുന്ന് ഒളിമ്പിക്സ് കണ്ട സുനിത യുഎസ് പ്രസിഡന്റ് തെരഞ്ഞെടുപ്പില്‍ വോട്ടുചെയ്തതും ബഹിരാകാശത്തുവച്ചാണ്.

എ കെ ജിക്ക് ബംഗ്ലാദേശിന്റെ ആദരം

ഇന്ത്യയിലെ കമ്യൂണിസ്റ്റ് പ്രസ്ഥാനത്തിന്റെ അമര നായകന്‍ എ കെ ജിക്ക് ബംഗ്ലാദേശ് സര്‍ക്കാര്‍ മരണാനന്തരബഹുമതിയായി വിമോചന പുരസ്കാരം നല്‍കി ആദരിച്ചു. ബംഗ്ലാദേശ് വിമോചനത്തിനു നല്‍കിയ സംഭാവനകള്‍ പരിഗണിച്ചായിരുന്നു ബഹുമതി. ധാക്കയിലെ ബംഗബന്ധു ഇന്റര്‍നാഷണല്‍ കോണ്‍ഫറന്‍സ് ഹാളില്‍ നടന്ന ചടങ്ങില്‍ എ കെ ജിയുടെ ജാമാതാവും സിപിഐ എം ലോക്സഭാ ഉപനേതാവുമായ പി കരുണാകരനാണ് പുരസ്കാരം ഏറ്റുവാങ്ങിയത്. ബംഗ്ലാദേശ് പ്രസിഡന്റ് സില്ലുര്‍ റഹ്മാനും പ്രധാനമന്ത്രി ഷേഖ് ഹസീനയും ചേര്‍ന്ന് പുരസ്കാരം സമ്മാനിച്ചു. 1971ലെ ബംഗ്ലാദേശ് വിമോചനയുദ്ധകാലത്ത് സിപിഐ എം നേതാവെന്ന നിലയില്‍ അദ്ദേഹം നല്‍കിയ പിന്തുണ പരിഗണിച്ചാണ് രാജ്യത്തെ ഉന്നത പുരസ്കാരം നല്‍കിയത്. ബംഗ്ലാദേശ് വിമോചനത്തിന്റെ 40-ാം വാര്‍ഷികത്തോടനുബന്ധിച്ചായിരുന്നു ഇത്.

അറഫാത്തിന്റെ കബറിടം എന്തുപറയും

പലസ്തീന്‍ വിമോചനായകന്‍ യാസര്‍ അറഫാത്തിന്റെ മരണത്തിനു പിന്നില്‍ ഇസ്രയേലിന്റെ കരങ്ങളുണ്ടെന്ന സംശയം ബലപ്പെടവേ സത്യമറിയാന്‍ അദ്ദേഹത്തിന്റെ കബറിടം തുറന്നു. പൊളോണിയം വിഷപ്രയോഗത്തിലാണ് അറഫാത്ത് കൊല്ലപ്പെട്ടതെന്ന സംശയം അദ്ദേഹത്തിന്റെ വസ്ത്രങ്ങള്‍ പരിശോധിച്ചതോടെയാണ് ശക്തമായത്. ഇക്കാര്യം സ്ഥിരീകരിക്കാനുള്ള പരിശോധനകള്‍ക്ക് സാമ്പിള്‍ ശേഖരിക്കാനാണ് എട്ടുവര്‍ഷത്തിനുശേഷം മൃതദേഹാവശിഷ്ടം പുറത്തെടുത്തത്. വെസ്റ്റ്്ബാങ്കിലെ റമള്ളയില്‍ പ്രസിഡന്റിന്റെ കൊട്ടാരത്തിനു സമീപമുള്ള കബറിടം നവംബര്‍ 27നാണ് തുറന്നത്. എഴുപത്തഞ്ചാം വയസ്സില്‍ നിഗൂഢമായ അസുഖം ബാധിച്ച് പാരീസില്‍ ആശുപത്രിയിലായ അറഫാത്ത് 2004 നവംബര്‍ 11നാണ് അന്തരിച്ചത്. മരണത്തിനു പിന്നില്‍ ഇസ്രയേലിന്റെ കരങ്ങളുണ്ടെന്ന് അന്നുതന്നെ പലരും സംശയം പ്രകടിപ്പിച്ചിരുന്നു. വര്‍ഷങ്ങള്‍ക്കുശേഷം അല്‍ ജസീറ ചാനല്‍ ഒരു ഡോക്യുമെന്ററിക്കായി നടത്തിയ അന്വേഷണമാണ് ഈ സംശയം ബലപ്പെടുത്തിയത്.

മ്യാന്‍മര്‍ ജനാധിപത്യ പാതയില്‍

പട്ടാള ഭരണകൂടത്തിന് കീഴില്‍ രണ്ട് പതിറ്റാണ്ടോളം വീട്ടുതടങ്കലില്‍ കഴിഞ്ഞ ജനാധിപത്യ പ്രക്ഷോഭനായിക ഓങ് സാന്‍ സൂ ചി പാര്‍ലമെന്റില്‍ എത്തിയതോടെ മ്യാന്‍മറിലെ ജനാധിപത്യ പരിവര്‍ത്തനം ഊര്‍ുതമായി. ഏപ്രില്‍ ഒന്നിന് ഉപതെരഞ്ഞെടുപ്പ് നടന്ന 45 സീറ്റില്‍ 43ഉം സൂ ചിയുടെ നാഷണല്‍ ലീഗ് ഫോര്‍ ഡെമോക്രസി(എന്‍എല്‍ഡി) നേടി. അറുപത്തേഴുകാരിയായ സൂ ചിയുടെ ജീവിതത്തിലെ ഏറ്റവും വലിയ വിജയം ജനാധിപത്യ പുനഃസ്ഥാപനത്തിലേക്ക് നീങ്ങുന്ന മ്യാന്‍മറിന്റെ ചരിത്രത്തില്‍ നാഴികക്കല്ലാകുമെന്നാണ് വിലയിരുത്തല്‍. 664 അംഗ പാര്‍ലമെന്റില്‍ സൂ ചിയുടെ വിജയം അധികാരമാറ്റമുണ്ടാക്കാന്‍ പര്യാപ്തമല്ല. എന്നാല്‍, ജനാധിപത്യം സ്ഥാപിക്കാനുള്ള തുടര്‍നടപടികളില്‍ സൂ ചിയുടെ സാന്നിധ്യം നിര്‍ണായകമാകും. 2010 നവംബറില്‍ സൂ ചിയെ വീട്ടുതടങ്കലില്‍നിന്ന് മോചിപ്പിച്ച പട്ടാളഭരണകൂടം 2011ലാണ് സിവിലിയന്‍ ഭരണത്തിന് വഴിമാറിയത്. എന്നാല്‍, വിരമിച്ച സൈനിക ഓഫീസര്‍മാരും ബന്ധുക്കളും മറ്റുമടങ്ങുന്ന പട്ടാള അനുകൂല സര്‍ക്കാരാണ് ഇപ്പോഴും നിലവിലുള്ളത്. രാജ്യത്ത് ഘട്ടംഘട്ടമായി പൂര്‍ണ ജനാധിപത്യം സ്ഥാപിക്കുമെന്ന് സൈന്യം വ്യക്തമാക്കിയിട്ടുണ്ട്. സൂ ചിയുടെ വിജയത്തെ തുടര്‍ന്ന്, മ്യാന്‍റിന് ഏര്‍പ്പെടുത്തിയിരുന്ന പല ഉപരോധവും അമേരിക്കയും ബ്രിട്ടനും അടക്കമുള്ള പാശ്ചാത്യ രാജ്യങ്ങള്‍ നീക്കി. 1988നുശേഷം ആദ്യമായി സൂ ചി വിദേശപര്യടനം നടത്തി. ബ്രിട്ടന്‍ അടക്കമുള്ള രാജ്യങ്ങളില്‍ അവര്‍ക്ക് വന്‍ സ്വീകരണം ലഭിച്ചു. തുടര്‍ന്ന് അവര്‍ ഇന്ത്യയിലുമെത്തി.

യൂറോപ്പിന് തിരിച്ചറിവായി ഫ്രാന്‍സ്

യൂറോപ്പിന്റെ ഹൃദയഭൂമിയായ ഫ്രാന്‍സില്‍ രണ്ടുപതിറ്റാണ്ടിന്റെ ഇടവേളയ്ക്കുശേഷം സോഷ്യലിസ്റ്റ് പ്രസിഡന്റ്. മെയ് ആറിന് നടന്ന തെരഞ്ഞെടുപ്പില്‍ രണ്ടാമൂഴം തേടിയ വലതുപക്ഷ പ്രസിഡന്റ് നിക്കോളാസ് സര്‍കോസിയുടെ അധികാരഗര്‍വിനെ തറപറ്റിച്ചാണ് സോഷ്യലിസ്റ്റ് പാര്‍ടിയുടെ ഫ്രാന്‍സ്വാ ഓളന്ദ് മിന്നുന്ന വിജയം നേടിയത്. ഓളന്ദിന് 51.6 ശതമാനം വോട്ട് ലഭിച്ചു. സര്‍കോസിക്ക് 48.4 ശതമാനം. 1981ല്‍ വലതുപക്ഷ പ്രസിഡന്റ് വലേറി ഷിസ്കാദ് ദെസ്താങ്ങിനുശേഷം ഫ്രാന്‍സില്‍ രണ്ടാമൂഴത്തിനുള്ള മത്സരത്തില്‍ തോല്‍ക്കുന്ന ആദ്യപ്രസിഡന്റാണ് സര്‍കോസി. 1995ല്‍ ഫ്രാന്‍സ്വാ മിത്തറാങ് അധികാരമൊഴിഞ്ഞശേഷം ഫ്രഞ്ച് പ്രസിഡന്റാകുന്ന ആദ്യ സോഷ്യലിസ്റ്റ് നേതാവാണ് ഓളന്ദ്. യൂറോപ്യന്‍ രാജ്യങ്ങളിലെ വായ്പാപ്രതിസന്ധിക്ക് പരിഹാരമായി നിര്‍ദേശിക്കപ്പെടുന്ന കടുത്ത ചെലവുചുരുക്കലിനെ എതിര്‍ക്കുന്നയാളാണ് ഓളന്ദ്. അദ്ദേഹത്തിന്റെ വിജയം യൂറോപ്യന്‍ യൂണിയന്റെ തലപ്പത്തെ വലതുചായ്വിന് വെല്ലുവിളിയായി. ഗ്രീസിലും ചെലവുചുരുക്കലിന് വാദിക്കുന്ന രണ്ട് പ്രധാന കക്ഷികള്‍ക്കും തെരഞ്ഞെടുപ്പില്‍ കനത്ത നഷ്ടമുണ്ടായപ്പോള്‍ ഇടതുപക്ഷ സൈറസ പാര്‍ടി മൂന്നിരട്ടി ശക്തി വര്‍ധിപ്പിച്ച് രണ്ടാം സ്ഥാനത്തെത്തി. കഴിഞ്ഞതവണ 44 ശതമാനം വോട്ട് നേടി ഭരണകക്ഷിയായ പസോക്ക് ഇത്തവണ 14-17 ശതമാനം വോട്ടുമായി മൂന്നാംസ്ഥാനത്തായി.

*
കടപ്പാട്: ദേശാഭിമാനി 30 ഡിസംബര്‍ 2012

ഇനി ഞാന്‍ കുടിക്കില്ല

മദ്യവും പുകവലിയുമില്ലാതെ പുതിയ വര്‍ഷം ആരംഭിക്കുമെന്ന് ഇത്തവണയും ആര്‍ക്കും സത്യം ചെയ്യാം. പോയവര്‍ഷങ്ങളില്‍ തെറ്റിക്കാന്‍വേണ്ടി ചെയ്ത സത്യങ്ങളുടെ ചവറ്റുകൂനയില്‍ ആരുമറിയാതെ ഇതും കിടന്നോളും

എന്നാല്‍, ഒരു കാലഘട്ടത്തിന്റെ യൗവനം കവിതയുടെ ലഹരിയില്‍ നിറച്ച ബാലചന്ദ്രന്‍ ചുള്ളിക്കാട്. കവിതയ്ക്കൊപ്പമോ അതിലധികമോ കവിയുടെ ലഹരിപൂണ്ട ജീവിതം ആഘോഷിച്ച ആരാധകവൃന്ദത്തിലേറെപ്പേര്‍ക്കും അറിയാത്തൊരു സത്യമുണ്ട്... ബാലചന്ദ്രന്‍ ചുള്ളിക്കാട് മദ്യപാനവും പുകവലിയും നിര്‍ത്തിയിട്ട് വര്‍ഷം പതിനഞ്ചായി

നഷ്ടങ്ങളുടെ അശാന്തിയില്‍നിന്ന് ഭാവതീവ്രതയുടെ അവിരാമമായ സ്രോതസ്സ് കണ്ടെത്തുന്ന മലയാളിയുടെ പ്രിയകവി ബാലചന്ദ്രന്‍ ചുള്ളിക്കാടിന്റെ ജീവിതത്തില്‍നിന്ന് മദ്യം പടിയിറങ്ങിപ്പോയ കഥ കവി പറയുമ്പോള്‍.

തലേന്നുരാത്രിയില്‍-
ക്കുടിച്ച മദ്യത്തിന്‍
വിഷഭാരം വിങ്ങും
ശിരസ്സില്‍ ശീതള
ജലത്തിന്‍ കാരുണ്യം
നഞ്ഞിറങ്ങുമ്പോള്‍
ഷവറിന് താഴെ
പിറന്ന രൂപത്തില്‍
ജലത്തിലാദ്യമായ്-
ക്കുരുത്ത ജീവന്റെ
തുടര്‍ച്ചയായി ഞാന്‍
പിറന്ന രൂപത്തില്‍ (സ്നാനം)

കുടിയില്‍ നഷ്ടം നാല്- നഷ്ടങ്ങളെ ബാലചന്ദ്രന്‍ ചുള്ളിക്കാട് അക്കമിട്ട് പറഞ്ഞത് ഇങ്ങനെ.

1. ധനഷ്ടം
2. മാനഷ്ടം
3. ആരോഗ്യനഷ്ടം
4. സമയനഷ്ടം

വിദ്യാര്‍ഥിയായിരിക്കെ ഒരു സാഹസം എന്നനിലയിലാണ് മദ്യപാനം ആരംഭിച്ചത്. പക്ഷേ, പിന്നെയത് അവസാനിപ്പിക്കാന്‍ കഴിയാത്തവിധം ജീവിതത്തിന്റെ ഭാഗമായി മാറിയപ്പോള്‍ അക്കമിട്ട് പറഞ്ഞ നഷ്ടങ്ങള്‍ നാലും പലപ്പോഴായി അനുഭവിച്ചു. പലവട്ടം മദ്യവും പുകവലിയും നിര്‍ത്തിനോക്കിയിട്ടും ആസക്തിയുടെ പ്രലോഭനത്തില്‍നിന്ന് വിട്ടുനില്‍ക്കാനാകാതെ വീണ്ടും മദ്യത്തിലേക്കും പുകവലിയിലേക്കും മടങ്ങിയെത്തി. ഒരുദിവസം രാവിലെ എഴുന്നേറ്റാല്‍ ആദ്യചിന്ത എപ്പോള്‍ മദ്യപാനം തുടങ്ങണമെന്നായിരുന്ന കാലം. അതിനുള്ള പണം എങ്ങനെ? സുഹൃത്തുക്കളെ എങ്ങനെ സംഘടിപ്പിക്കും.. അതിനൊരിടം... എന്നിങ്ങനെ ഉല്‍ക്കണ്ഠയായിരുന്നു. മദ്യപിക്കാനുള്ള ചിന്തയില്‍ നഷ്ടപ്പെട്ട സമയമെത്രയായിരുന്നു. പക്ഷേ, 15 വര്‍ഷങ്ങള്‍ക്കുമുമ്പ് ഉറപ്പിച്ചെടുത്ത തീരുമാനത്തിന്റെ പിന്‍ബലത്തില്‍ പിന്നെ ഇതുവരെയും മദ്യപിച്ചിട്ടില്ല.

എനിക്കുറപ്പാണ് ഇനി ഒരിക്കലും ഞാന്‍ മദ്യപിക്കില്ല, പുകവലിക്കില്ല. മൂന്നുമാസം നീണ്ട ഒരു അമേരിക്കന്‍ പര്യടനമാണ് കാര്യങ്ങള്‍ മാറ്റിമറിച്ചത്. വിവിധ പരിപാടികളുമായി അമേരിക്കയില്‍ കഴിഞ്ഞ ദിനരാത്രങ്ങള്‍ ബോധത്തിനും അബോധത്തിനുമിടയിലെ അല്‍പ്പബോധത്തിലൂടെ കടന്നുപോയി. ഭീകരമദ്യപാനമായിരുന്നു അത്. അങ്ങനെ മടക്കയാത്രയ്ക്ക് അമേരിക്കയിലെ ജോണ്‍ എഫ് കെന്നഡി എയര്‍പോര്‍ട്ടിലെത്തി. ഇന്ത്യയിലേക്കുള്ള വിമാനയാത്രയ്ക്കിടയില്‍ തീരുമാനിച്ചു. ഇനി മദ്യപിക്കില്ല. ആകാശത്തിലെടുത്ത ദൃഢമായ ആ തീരുമാനത്തില്‍നിന്ന് പിന്നെ പിന്തിരിഞ്ഞില്ല. ഇന്ത്യയില്‍ അന്ന് കാല്‍തൊട്ട് ഇന്നുവരെ ഞാന്‍ മദ്യപിച്ചിട്ടില്ല.

പട്ടി നക്കിയപ്പോള്‍

മാല്യങ്കര കോളേജില്‍ പഠിക്കുന്ന കാലത്താണ് മദ്യപാനം തുടങ്ങിയത്. ക്ലാസില്‍നിന്ന് നോക്കിയാല്‍ കള്ളുഷാപ്പ് കാണാം. കള്ളില്‍നിന്ന് തുടങ്ങി പിന്നെ എപ്പൊഴോ ചാരായത്തിലേക്കും വിദേശമദ്യത്തിലേക്കുമെല്ലാം എത്തുകയായിരുന്നു. സഹപാഠികളില്‍ പലരും ചെത്തുകാരുടെ മക്കളായിരുന്നതുകൊണ്ട് അങ്ങനെയും കള്ള് കിട്ടാന്‍ അവസരമുണ്ടായിരുന്നു. ഒരു ദിവസം മദ്യപിച്ച് ബോധമില്ലാതെ കാമ്പസില്‍ വീണു. വീണിടത്ത് കിടന്നുതന്നെ ഛര്‍ദിച്ചു. ഛര്‍ദില്‍ കണ്ട് ഒരു പട്ടി അടുത്തുകൂടി. ഛര്‍ദില്‍ നക്കി തിന്നശേഷം അതിന്റെ അവശിഷ്ടങ്ങള്‍ എന്റെ മുഖത്തുനിന്നും പട്ടി നക്കിയെടുത്തു. പെണ്‍കുട്ടികള്‍ ഉള്‍പ്പെടെ കൂട്ടുകാര്‍ പറഞ്ഞാണ് ഞാന്‍ ഈ വിവരമെല്ലാം അറിഞ്ഞത്. മദ്യപാനത്തിനിടയില്‍ ഇതിനപ്പുറം വൃത്തികെട്ട മറ്റൊരനുഭവമില്ല. അല്ലെങ്കില്‍തന്നെ മദ്യപിച്ച് ബോധം പോയാല്‍ പിന്നെ മാനംപോകുന്നത് അറിയുന്നതെങ്ങനെ. പഠിക്കുന്ന കാലത്ത് കലാകാരന്മാരാണ് ഞങ്ങളെ ഏറെ ആകര്‍ഷിച്ചിട്ടുള്ളത്. മിക്കവാറും കലാകാരന്മാരും മദ്യപാനികളുമായിരുന്നു. ജോണ്‍ എബ്രഹാം, കടമ്മനിട്ട, കാക്കനാടന്‍, ഭരതന്‍, അരവിന്ദന്‍, പത്മരാജന്‍ എന്നിങ്ങനെ എത്രപേര്‍.

മദ്യവും കവിതയും

മദ്യപിച്ചിട്ട് ഞാന്‍ ഒരു വരി കവിതപോലും എഴുതിയിട്ടില്ല. കവിത എഴുതണമെന്ന് തോന്നുമ്പോള്‍മാത്രമാണ് എഴുതുന്നത്. അല്ലെങ്കില്‍തന്നെ മദ്യപിച്ചിട്ട് കവിത എഴുതാന്‍പോയിട്ട് പുസ്തകം വായിക്കാന്‍പോലും പറ്റില്ല. എന്തിന് പത്രംപോലും വായിക്കാനാകില്ല. മദ്യവും കവിതയും തമ്മില്‍ ഒരു ബന്ധവുമില്ല. മദ്യമില്ലാത്ത സമയത്തുമാത്രമാണ് എന്റെ എഴുത്തും വായനയും അന്ന് നടന്നിരുന്നത്. സാമാന്യം ഭേദപ്പെട്ട ഓര്‍മശക്തിയുള്ളയാളാണ് ഞാന്‍. ഓര്‍മശക്തിയെ മദ്യപാനവും പുകവലിയും ബാധിച്ചുതുടങ്ങിയെന്ന് എനിക്ക് മനസ്സിലായി. എഴുത്തുകാരനെന്നനിലയില്‍ ഓര്‍മശക്തി ആവശ്യമായിരുന്നു. മദ്യപാനത്തെ വേര്‍പ്പെടുത്തുന്നതിന് അതും എനിക്കൊരു കാരണമായിരുന്നു.

വലിച്ചുതള്ളിയ സിഗററ്റ്

ശരിക്കും ചെയിന്‍ സ്മോക്കര്‍. ഒരു ദിവസം 50-60 സിഗററ്റെങ്കിലും വേണം. ചാര്‍മിനാര്‍. അത് നിര്‍ബന്ധമില്ല. കിട്ടിയില്ലെങ്കില്‍ കിട്ടുന്നതെന്തും. പക്ഷേ, ബീഡി ദിനേശ് തന്നെയായിരുന്നു. അതും വേണം ദിവസവും നാലുകെട്ട്. ഇടതടവില്ലാതെയുള്ള വലിക്കും മദ്യത്തിനൊപ്പം വിരാമമിട്ടു. പുകവലിയും ഇനിയൊരിക്കലുമില്ല. ഒറ്റപ്പെടലിലേക്കും അതിന്റെ ദുരന്തങ്ങളിലേക്കുമാണ് മദ്യവും പുകവലിയും എത്തിക്കുന്നത് അല്ലെങ്കില്‍ രവീന്ദ്രന്‍ പുല്ലന്തറയ്ക്ക് ആത്മഹത്യചെയ്യാന്‍ എന്ത് കാരണമാണുണ്ടായിരുന്നത്.


അപൂര്‍വ്വം ചില കവികള്‍
പ്രൈമറി സ്ക്കൂള്‍ അധ്യാപകരെ
പോലെയാണ്. ഗ്രാമത്തിന്
വെളിയില്‍ അവര്‍ അറിയപ്പെടില്ല (പലതരം കവികള്‍)

രവീന്ദ്രന്റെ മരണം

സര്‍ഗാത്മകതയുള്ള കവിയായിരുന്നു എന്റെ സഹപ്രവര്‍ത്തകനായ രവീന്ദ്രന്‍ പുല്ലന്തറ. പക്ഷേ, കടുത്ത മദ്യപാനി. ഔദ്യോഗികജീവിതത്തില്‍ ട്രഷറി ഓഫീസര്‍വരെയായി. മദ്യപാനം കാരണം പലപ്പോഴും സസ്പെന്‍ഷനിലായി. തികച്ചും സ്വസ്ഥമായി പോകുമായിരുന്ന കുടുംബത്തില്‍ രവീന്ദ്രന്‍ മദ്യപാനംകൊണ്ടുമാത്രം ഒറ്റപ്പെട്ടു. കവിതയും മരിച്ചു. ഒരു ദിവസം രവീന്ദ്രന്‍ വീട്ടില്‍ തൂങ്ങിമരിച്ചു. മദ്യപാനം നല്‍കിയ ഒറ്റപ്പെടലില്‍നിന്ന് സ്വയം കണ്ടെത്തിയ മോചനം. അങ്ങനെ എത്രയോ മദ്യപാനികള്‍ ആത്മഹത്യചെയ്തിരിക്കുന്നു. മദ്യം അവരെ ഒറ്റപ്പെടുത്തുന്നു, അവര്‍ സ്വയം മോചനം നേടുന്നു.

ആഘോഷം

അടുത്ത ഒരു സുഹൃത്ത് മരിച്ചു. മരണവീട്ടില്‍ എത്തി മൃതദേഹത്തിനുമുന്നില്‍ നഷ്ടബോധത്തിന്റെ വേദനയില്‍ നില്‍ക്കുന്നതിനിടെയാണ് ഒരാളുടെ കൈവിരല്‍ തോളില്‍ തൊട്ടത്. തിരിഞ്ഞുനോക്കുമ്പോള്‍ അയാള്‍ ആംഗ്യത്തിലും അടക്കത്തിലുമായി പറഞ്ഞു. സെറ്റപ്പൊക്കെ കിഴക്കേവീട്ടിലാ... അങ്ങോട്ട് ചെല്ലൂട്ടോ...

മരണമായാലും ജനമായാലും മദ്യം ആഘോഷത്തിന്റെ ഭാഗമാകുന്നു. മദ്യപിക്കാന്‍ എന്നെ ഇന്നാരും നിര്‍ബന്ധിക്കുകയില്ല. വേണ്ടെന്ന് ഉറപ്പിച്ചുപറഞ്ഞാല്‍ പിന്നെ നിര്‍ബന്ധിക്കുന്നതെങ്ങനെ.

സുഹൃത്തുക്കള്‍ അതും മുതിര്‍ന്ന സുഹൃത്തുക്കളാണ് മദ്യപാനത്തിലേക്ക് പലരെയും നയിക്കുന്നത്. എനിക്കും അതുതന്നെയാണ് അനുഭവം. യഥേഷ്ടം കിട്ടുന്നതുകൊണ്ടാണ് കുടിക്കുന്നതെന്ന വാദത്തില്‍ എന്തുകഴമ്പാണുള്ളത്. എങ്കില്‍ വിഷം കിട്ടുന്നില്ലേ. എന്നിട്ടെന്തേ എല്ലാവരും വിഷം വാങ്ങി കഴിക്കാത്തത്. കയറുണ്ടാക്കുന്ന ആലപ്പുഴക്കാരെല്ലാം എന്താ കയറില്‍ കെട്ടിത്തൂങ്ങി മരിക്കാത്തത്? വിലകയറ്റിയോ നിയന്ത്രണം കൊണ്ടുവന്നോ മദ്യപാനം ഇല്ലാതാക്കാനാകില്ല. സ്കൂള്‍വിദ്യാഭ്യാസകാലംമുതല്‍ ബോധവല്‍ക്കരണം വേണം.

മദ്യപിക്കാത്ത ഭര്‍ത്താവ്, അച്ഛന്‍

വിജയലക്ഷ്മിയെ സംബന്ധിച്ചാണെങ്കില്‍ എന്റെ മദ്യപാനം ഒരിക്കലും ഒരു പ്രശ്നമായിരുന്നില്ല. കാരണം മദ്യപിച്ച് ബോധമില്ലാതെയാണ് കടമ്മനിട്ടയുമൊരുമിച്ച് വിജയലക്ഷ്മിയെ ആദ്യം കാണുന്നതുതന്നെ. പക്ഷേ, ഞാന്‍ മദ്യപാനവും പുകവലിയും നിര്‍ത്തിയെന്നു പറഞ്ഞപ്പോള്‍ ആരും വിശ്വസിച്ചില്ല. അവരത് പ്രതീക്ഷിച്ചില്ല.

മകന്‍ അപ്പു സ്കൂള്‍മുതലേ പുകവലിവിരുദ്ധപ്രചാരണങ്ങളിലുണ്ട്. ആരെയെങ്കിലും ഉപദേശിച്ച് നന്നാക്കാന്‍ കഴിയുമെന്ന് കരുതുന്നില്ല. അതുകൊണ്ട് ഒരുകാര്യവുമില്ല. കുടിക്കില്ല, വലിക്കില്ല എന്ന് സ്വയം തീരുമാനിക്കുകയാണ് പ്രധാനം. കുടിക്കരുതെന്ന് പറഞ്ഞിട്ടുള്ളത് നടന്‍ മുരളിയോടുമാത്രമാണ്.

മുരളിയോട് പറഞ്ഞത്

കഴിക്കരുതെന്ന് ഞാന്‍ പലവട്ടം മുരളിയോട് പറഞ്ഞിട്ടുണ്ട്. കാലുപിടിച്ച് പറഞ്ഞിട്ടുണ്ട്. ബെല്ലും ബ്രേക്കുമില്ലാത്ത തരത്തിലായിരുന്നു മുരളിയുടെ കുടി. കുടി കാരണം മുരളിക്ക് ജോലിചെയ്യാന്‍ കഴിയാത്ത അവസ്ഥയുണ്ടായി. അഭിനയിക്കാന്‍ പോകാന്‍ കഴിയാതായി. ഒരിക്കല്‍ ദേശാഭിമാനിയുടെ വാരാന്തപ്പതിപ്പിനായി മുരളിയുമായി ഒരു അഭിമുഖത്തിന് ഞാന്‍ പോയിരുന്നു. മുന്‍കൂട്ടി അറിയിച്ചാണ് ചെന്നത്. പക്ഷേ, മദ്യപിച്ച മുരളി സംസാരിക്കാനാകുന്ന അവസ്ഥയിലായിരുന്നില്ല. അന്ന് മടങ്ങി. വീണ്ടും ഒരിക്കല്‍ പോയി. അപ്പോഴും അതുതന്നെയായിരുന്നു അവസ്ഥ. അന്ന് പിണങ്ങിയാണ് ഞാനവിടെനിന്ന് പോന്നത്. മുരളിയുടെ കഴിവിനെ ഉപയോഗിക്കുന്നതിന് അവസാനഘട്ടത്തില്‍ മദ്യം തടസ്സമായിരുന്നു. മുരളി അകാലത്തിലാണ് മരിച്ചത്.

ധനവും മാനവും ആരോഗ്യവും സമയവും നഷ്ടപ്പെടുമെന്ന് സ്വയം തിരിച്ചറിഞ്ഞ് മദ്യത്തെ ഒഴിവാക്കുകയാകും നല്ലത്. ചികിത്സകൊണ്ടോ ഉപദേശംകൊണ്ടോ അല്ല സ്വയം തീരുമാനിച്ച് വേണമെങ്കില്‍ മദ്യവും പുകവലിയും ഉപേക്ഷിക്കാം. അല്ലെങ്കില്‍ ആരോഗ്യം നശിച്ച് മരിക്കാം. ഒറ്റപ്പെട്ട് ആത്മഹത്യചെയ്യാം.


*
സജീവ് പാഴൂര്‍ ദേശാഭിമാനി

കാടിറങ്ങിയവരുടെ പ്രക്ഷോഭവര്‍ഷം

തങ്ങള്‍ക്കു നേരെയുള്ള അതിക്രമങ്ങളുടെ മാലിന്യങ്ങള്‍ വലുതാവുമ്പോള്‍ കക്കൂസ് മാലിന്യം നിസ്സാരമാണെന്ന് ആദിവാസികള്‍ തിരിച്ചറിയുന്നു. കക്കൂസുകള്‍ക്കുള്ളില്‍ കുഞ്ഞുങ്ങളെ മാറോട് ചേര്‍ത്ത് താമസിക്കുന്ന ആദിവാസിഅമ്മമാരുടെ ചിത്രം ആധുനിക സമൂഹത്തോടുള്ള ചോദ്യചിഹ്നമായിരുന്നു. ഭരണാധികാരികളുടെ അക്രമങ്ങള്‍, വര്‍ധിച്ച പീഡനങ്ങള്‍, നിരന്തരമായി ലംഘിക്കപ്പെടുന്ന വാഗ്ദാനങ്ങള്‍. കാടിനുള്ളില്‍നിന്ന് അമ്മമാരും സഹോദരിമാരും കൂട്ടത്തോടെ സമരരംഗത്തിറങ്ങിയ ചരിത്രംകൂടി രചിച്ചാണ് ഈ വര്‍ഷം കടന്നുപോകുന്നത്.

വയനാടന്‍ കാടുകളിലെ ഗോത്രവനിതകളുടെ യാതനകള്‍ക്ക് അവസാനമില്ലേ? ആധുനിക സമൂഹത്തിന്റെ എല്ലാവിധ ചൂഷണങ്ങളും വടുക്കള്‍ വീഴ്ത്തിയ അവര്‍ ഒന്നു നിലവിളിക്കാന്‍ പോലുമാവാതെ മണ്ണും മാനവും കാഴ്ചവയ്ക്കേണ്ടിവരുന്ന ഹതഭാഗ്യര്‍.

മുഖ്യധാരാസമൂഹത്തിനൊപ്പമെത്താന്‍ കഴിയാതെ ഇന്നും നാല്‍പ്പതും അമ്പതും വര്‍ഷം പഴക്കത്തില്‍നിന്ന് കിതപ്പോടെ ഓടാനുള്ള ശ്രമത്തിനിടെയാണ് ബഹുവിധ ചൂഷണങ്ങള്‍ പെരുകുന്നത്. വീടില്ലാത്തതിനാല്‍ പഞ്ചായത്ത് നിര്‍മിച്ച കക്കൂസുകളില്‍ അന്തിയുറങ്ങാന്‍ വിധിക്കപ്പെട്ട ആദിവാസി സ്ത്രീകളുടെ ദുഃസ്ഥിതി വാര്‍ത്തപോലുമല്ല. ആദിവാസി വിഭാഗങ്ങളുടെ ക്ഷേമത്തിനെന്ന പേരില്‍ കേന്ദ്ര-കേരള സര്‍ക്കാരുകള്‍ അനുവദിക്കപ്പെട്ട ഫണ്ട് കൃത്യമായി ചെലവഴിച്ചിരുന്നെങ്കില്‍ ഇന്ന് അവര്‍ക്കു വേണ്ടി പ്രത്യേക പദ്ധതിപോലും വേണ്ടിവരില്ലായിരുന്നു. എന്നാല്‍, നൂറ് രൂപ അനുവദിക്കുമ്പോള്‍ പത്ത് രൂപപോലും ഇവര്‍ക്ക് കിട്ടുന്നില്ല എന്ന അവസ്ഥയാണ് ഇന്നും. മരിച്ചാല്‍പോലും അടക്കംചെയ്യാന്‍ ഒരു തുണ്ട് ഭൂമിക്ക് കേഴുന്നവരുടെ എണ്ണം വര്‍ധിക്കുകയാണ്. വയനാട്ടില്‍മാത്രം 1986 കുടുംബങ്ങള്‍ക്ക് ഇന്നും സ്വന്തമായി ഭൂമിയില്ലെന്നതാണ് ഔദ്യാഗിക കണക്ക്. യഥാര്‍ഥത്തില്‍ ഇതിലും കൂടും. ഭൂമിയുള്ളവര്‍ എന്ന കണക്കില്‍പ്പെട്ടവരാകട്ടെ നിന്നുതിരിയാനുള്ള ഇടംപോലുമില്ലാത്ത തുണ്ടുഭൂമിയുള്ളവര്‍. അഞ്ച് സെന്റിന് താഴെമാത്രം ഭൂമിയുള്ളവര്‍ 13732 കുടുംബങ്ങളാണ്. ഇത്തരത്തിലുള്ള വീടുകളില്‍ മൂന്ന് കുടുംബങ്ങള്‍വരെ കഴിയുന്നുമുണ്ട്. ഹെക്ടര്‍കണക്കിന് സര്‍ക്കാര്‍ഭൂമി കൈവശം വച്ചവര്‍ വിലസുമ്പോഴാണ് ആദിവാസികള്‍ക്ക് ഈ ഗതി. കല്‍പ്പറ്റ നഗരത്തിലുള്ള ഒരു പണിയ കോളനിയിലുള്ളവര്‍ക്ക് എപിഎല്‍ റേഷന്‍ കാര്‍ഡ് നല്‍കിയായിരുന്നു 2012 ല്‍ അധികൃതര്‍ ആദിവാസി "സ്നേഹം" കാണിച്ചത്. സൗജന്യനിരക്കില്‍ ലഭ്യമാക്കേണ്ട റേഷന്‍ അരിപോലും ഇക്കൂട്ടര്‍ക്ക് നിഷേധിച്ചു. ഈയൊരു ദുരിതാവസ്ഥയില്‍ സഹികെടുന്ന ആദിവാസികള്‍ പ്രക്ഷോഭത്തിനിറങ്ങാന്‍ നിര്‍ബന്ധിതരായി.

മുന്‍കാലങ്ങളില്‍നിന്ന് വ്യത്യസ്തമായി ആദിവാസി ക്ഷേമസമിതിയുടെ നേതൃത്വത്തില്‍ ഉള്‍പ്പെടെ നടന്ന ഭൂമിക്കുവേണ്ടിയുള്ള സമരങ്ങളിലെ വന്‍ സ്ത്രീപങ്കാളിത്തം ശ്രദ്ധേയമായിരുന്നു. തുടര്‍ച്ചയായ സമരങ്ങളായിരുന്നു ഈ വര്‍ഷത്തിന്റെ പ്രത്യേകത. 1153 ആദിവാസികളെയാണ് ഈ വര്‍ഷം ജയിലിലടച്ചത്. ഇതില്‍ 552ഉം സ്ത്രീകളായിരുന്നു. 94 കുട്ടികളും ഇവരെക്കൂടാതെ കല്‍ത്തുറുങ്കിലായി; ചീയമ്പം സമരകേന്ദ്രത്തിലെ ഒരു വയസ്സുള്ള ആതിരയുള്‍പ്പെടെ. കുടകിലും മറ്റും അയല്‍പ്രദേശങ്ങളില്‍ ഇഞ്ചിപ്പാടങ്ങളില്‍ ലാഭമുണ്ടാക്കാനുള്ള ഉപകരണങ്ങളാണ് ഇന്ന് വയനാട്ടിലെ ആദിവാസി സ്ത്രീകള്‍. പുരുഷന്മാര്‍ക്ക് കൂലി മദ്യം, മയക്കുമരുന്ന്. സ്ത്രീകള്‍ വ്യാപകമായ ലൈംഗിക ചൂഷണത്തിന് വിധേയരാവുന്നു. ലൈംഗിക രോഗം ബാധിച്ച് അകാലമൃത്യു അടയുന്ന ആദിവാസിസ്ത്രീകളുടെ എണ്ണം ഏറി, അവിഹിത അമ്മമാര്‍ എന്ന് ഓമനപ്പേരിട്ടുവിളിക്കുന്ന യുവതികളുടെയും. അമ്പലവയലില്‍ ആറും ഒമ്പതും പതിമൂന്നും വയസ്സുള്ള പെണ്‍കുട്ടികളെപീഡിപ്പിച്ചയാള്‍ വിലസി നടക്കുന്നത് വാര്‍ത്തയേ അല്ല. ഒരു രാത്രി മുഴുവന്‍ ഒരു ടിപ്പര്‍ലോറി ഡ്രൈവര്‍ പെണ്‍കുട്ടികള്‍ക്ക് നിര്‍ബന്ധിച്ച് മദ്യം നല്‍കി തന്റെ കാമവെറി തീര്‍ത്തു. മാസങ്ങള്‍ കഴിഞ്ഞിട്ടും പ്രതിയെ പിടിക്കാന്‍ പൊലീസിന് സാധിച്ചിരുന്നില്ലെന്നത് ലജ്ജാവഹമായ യാഥാര്‍ഥ്യം. ഇത് ഈച്ചമാനിക്കുന്ന് കോളനിയിലെമാത്രം അനുഭവമല്ല. ആരോട് പരാതിപറയണമെന്ന തിരിച്ചറിവുപോലുമില്ലാത്ത നിരവധി പെണ്‍കുട്ടികള്‍ വിധിയെ പഴിപറഞ്ഞ് കോളനികളിലുണ്ട്. ഇതിനു പിന്നില്‍ ഭയപ്പെടുത്തലും നിര്‍ണായക പങ്ക് വഹിക്കുന്നുണ്ട്.

ആദിവാസികളുടെ സ്വത്വത്തെ അപഹരിക്കുന്ന നടപടിയാണ് അടുത്തിടെ സര്‍ക്കാരിന്റെ ഭാഗത്തുനിന്നുണ്ടായത്. കല്‍പ്പറ്റയില്‍ ആദിവാസി സ്ത്രീകളുടെ പരമ്പരാഗത വേഷമായ കറുത്ത കച്ച പൊലീസിന് കരിങ്കൊടിയായി തോന്നി! വിഐപിയുടെ സുരക്ഷാവിഭാഗം ജില്ലാ ഭരണസിരാകേന്ദ്രത്തിന് മുന്നില്‍വച്ച് പരസ്യമായി അവ അഴിച്ചുമാറ്റുകയായിരുന്നു. വെങ്ങപ്പള്ളി കോളനിയിലെ സ്ത്രീകള്‍ ഒരു ദിവസം മുഴുവന്‍ നിലവിളിച്ചത് തങ്ങളുടെ പ്രിയപ്പെട്ടവരുടെ മൃതദേഹം അടക്കം ചെയ്യാന്‍ അല്‍പ്പം ഭൂമിക്കുവേണ്ടിയായിരുന്നു. ഒടുവില്‍ റോഡുവക്കില്‍ കുഴിയെടുക്കാന്‍ ശ്രമിച്ചെങ്കിലും നടന്നില്ല. തുടര്‍ന്ന് നടന്ന മാരത്തണ്‍ ചര്‍ച്ചകള്‍ക്കൊടുവിലാണ് ഒരുപാട് അകലെയുള്ള ഭൂമി ചൂണ്ടിക്കാട്ടിക്കൊടുക്കാന്‍ അധികൃതര്‍ തയ്യാറായത്.

കാടുകളില്‍ ഒളിച്ചിരിക്കാന്‍ ആദിവാസികള്‍ ഇന്ന് തയ്യാറല്ല. ആദിവാസി പ്രക്ഷോഭങ്ങളില്‍ കാണുന്ന വര്‍ധിച്ചുവരുന്ന സ്ത്രീമുഖങ്ങള്‍ ഇതാണ് വെളിവാക്കുന്നത്. സീതാബാലന്റെയും ചീയമ്പത്തെ ഉഷയുടെയുമൊക്കെ നേതൃത്വത്തില്‍ കല്‍ത്തുറുങ്കില്‍ നിന്ന് ലഭിച്ച പോരാട്ടവീര്യത്തോടെയാണ് പുതിയ പ്രക്ഷോഭങ്ങള്‍ക്ക് ഒരുങ്ങുന്നത്. മണ്ണും മാനവും തീറെഴുതുന്നതിനെതിരായ രൂക്ഷപോരാട്ടങ്ങള്‍ക്ക് തന്നെയാവും ആദിവാസികള്‍ക്ക് പുതുവര്‍ഷവും എന്നതില്‍ സംശയമില്ല.

*
സീന ജോസഫ് ദേശാഭിമാനി സ്ത്രീ സപ്ലിമെന്റ്

പടിയിറക്കം; പടികയറ്റം

രാജ്യത്തെ സമരതാരകം എന്ന് വിശേഷിപ്പിക്കപ്പെട്ട ക്യാപ്റ്റന്‍ ലക്ഷ്മി എന്ന ഉജ്വല വ്യക്തിത്വത്തിന്റെ വിയോഗവും വാനോളം ഉയര്‍ന്ന സുനിത വില്യംസിന്റെ ഉയര്‍ച്ചയും കൊണ്ട് ശ്രദ്ധിക്കപ്പെട്ട വര്‍ഷമാണ് കടന്നുപോകുന്നത്. സ്ത്രീകളുടെ പോരാട്ടചരിത്രത്തില്‍ പുത്തന്‍ ഏടുകള്‍ക്ക് ജന്മംകൊടുത്ത വര്‍ഷം എന്ന ഖ്യാതിയും സ്വന്തം. പ്രതിഭാ പാട്ടീലിന്റെ പടിയിറക്കവും, മേരികോം, സൈനനെഹ്വാള്‍ തുടങ്ങിയവരുടെ കായികനേട്ടങ്ങളും അന്താരാഷ്ട്രശ്രദ്ധ പിടിച്ചുപറ്റിയപ്പോള്‍ മലാലയ്ക്ക് വെടിയേറ്റ സംഭവവും ന്യൂഡല്‍ഹിയില്‍ വിദ്യാര്‍ഥിനിയെ പിച്ചിച്ചീന്തിയതും വാര്‍ത്തകളില്‍ നിറഞ്ഞു. ഫേസ്ബുക്കിലെ പ്രതികരണത്തിന് രണ്ടു പെണ്‍കുട്ടികള്‍ക്ക് ലോക്കപ്പില്‍ കിടക്കേണ്ടി വന്നത് രാജ്യത്തിന് നാണക്കേടുണ്ടാക്കി. റേഡിയോ ജോക്കികളുടെ കടന്ന തമാശ ഒരു ഇന്ത്യന്‍ യുവതിയുടെ ജീവനാണ് അപഹരിച്ചത്.

ക്യാപ്റ്റന്‍ ലക്ഷ്മി എന്ന ലക്ഷ്മി സൈഗാള്‍ തന്റെ പോരാട്ടപാതയില്‍ സിപിഐ എമ്മിനോടൊപ്പം ചേര്‍ന്നത് രാജ്യത്തിന്റെ ചരിത്രത്തില്‍ത്തന്നെ പ്രധാന ഏടായിരുന്നു. ഡോക്ടര്‍കൂടിയായ അവര്‍ ആതുരശുശ്രൂഷാരംഗത്ത് പാവപ്പെട്ടവര്‍ക്ക് നല്‍കിയ സേവനത്തിന്റെ ആഴം അളക്കാവുന്നതല്ല. സുനിത ബഹിരാകാശത്ത് താമസമായപ്പോള്‍ ഇന്ത്യയുടെ അഭിമാനവും ആകാശംമുട്ടി. ലോകത്തെമ്പാടും സുനിതയുടെ നാമം മുഴങ്ങി. മാനംമുട്ടെ വളരാനും പെണ്ണിന് കഴിയുമെന്ന് സുനിത ലോകത്തിന് കാട്ടിക്കൊടുത്തു. 195 ദിവസമാണ് ബഹിരാകാശത്ത് സുനിത താമസിച്ചത്. ഒഹിയോയാണ് സുനിതയുടെ ജന്മദേശമെങ്കിലും അച്ഛനും അമ്മയും ഇന്ത്യക്കാരാണ്. ഇന്ത്യയുടെ മിസൈല്‍ വനിത എന്ന നിലയിലേക്ക് ഉയര്‍ന്ന കൊച്ചുകേരളത്തിന്റെ മകള്‍ ടെസ്സി തോമസ് 2012ലെ മറ്റൊരു വിസ്മയമായി. ലാല്‍ ബഹാദൂര്‍ ശാസ്ത്രി നാഷണല്‍ അവാര്‍ഡ് പ്രസിഡന്റിന്റെ കൈയില്‍നിന്ന് അവര്‍ ഏറ്റുവാങ്ങി. അമ്മയെ കാണാന്‍ ഇടയ്ക്കിടെ ആലപ്പുഴയില്‍ എത്തുന്ന ടെസ്സി മലയാള പത്രങ്ങളിലും നിറഞ്ഞുനിന്നു. തീവ്രവാദത്തിനെതിരായ പോരാട്ടത്തിലൂടെ അന്തര്‍ദേശീയതലത്തില്‍ ശ്രദ്ധിക്കപ്പെട്ട കൊച്ചുസുന്ദരിയാണ് മലാല യൂസഫ്സായി എന്ന സുന്ദരിക്കുട്ടി. സ്വാത് താഴ്വരയില്‍നിന്ന് പെണ്‍കുട്ടികളുടെ ഉന്നമനത്തിനായി ഉയര്‍ന്ന മലാലയുടെ ശബ്ദം ബിബിസി ഏറ്റുചൊല്ലിയത് ലോകം മുഴുവനും തരംഗമായി. ബിബിസിയിലൂടെ പുറംലോകം വായിച്ചറിഞ്ഞ അവളുടെ വാക്കുകളില്‍ അസഹിഷ്ണുതപൂണ്ട താലിബാന്‍ മതതീവ്രവാദികള്‍ നിറയൊഴിച്ചപ്പോള്‍ ലോകം മുഴുവനും മലാലയ്ക്കൊപ്പംനിന്നു. ഇന്ത്യയുടെ പരമോന്നത ഔദ്യോഗിക പീഠത്തില്‍നിന്ന് പ്രതിഭ പടിയിറങ്ങി. അധികാരത്തിന്റെ ഇടനാഴികളിലെ വളകിലുക്കം അപൂര്‍വമായിരുന്നകാലത്ത് രാഷ്ട്രീയ ജീവിതത്തിലേക്ക് പടികടന്ന പ്രതിഭാ പാട്ടീല്‍ ഭാരതത്തിന്റെ പ്രസിഡന്റ് പദവി അലങ്കരിച്ചത് ലോകതലത്തില്‍ ശ്രദ്ധിക്കപ്പെട്ടു. യുപിഎ ചെയര്‍പേഴ്സണ്‍ സോണിയ ഗാന്ധിയുടെ രോഗത്തെ സംബന്ധിച്ച അഭ്യൂഹങ്ങളും 2012നെ ചുറ്റിപ്പറ്റിനിന്നു. പിടിപ്പുകെട്ട കേന്ദ്രഭരണം, സംസ്ഥനതെരഞ്ഞെടുപ്പകളിലെ മോശം പ്രകടനം എന്നിവയ്ക്കും സോണിയ പഴികേട്ട വര്‍ഷം.

മണിപ്പുരിലെ ആദിവാസിമേഖലയില്‍നിന്ന് ഇന്ത്യയുടെ ഇടിക്കൂട്ടിലെത്തിയ ഇരട്ടക്കുട്ടികളുടെ അമ്മയായ മേരികോം തിരുത്തിയെഴുതിയത് ഇന്ത്യയുടെ കായികചരിത്രമാണ്. 2012ലെ ഒളിമ്പിക്സില്‍ ബോക്സിങ്ങില്‍ വെങ്കലമെഡല്‍ നേടുന്ന ആദ്യ ഇന്ത്യന്‍ വനിതയായി മേരികോം. സ്പോര്‍ട്സില്‍ ഇന്ത്യയുടെ മറ്റൊരു വനിതാരത്നംകൂടി 2012ല്‍ തിളങ്ങിനിന്നു. ബാറ്റ്മിന്റനില്‍ ഇന്ത്യ നേടുന്ന ആദ്യ ഒളിമ്പിക്സ് മെഡല്‍ എന്നത് സൈനയുടെ നേട്ടത്തില്‍ കൂട്ടിവായിക്കപ്പെട്ടു. സൂപ്പര്‍ സീരീസില്‍ ഇടംനേടിയ ആദ്യ ഇന്ത്യന്‍ വനിത എന്ന നേട്ടവും സൈനയ്ക്കുമാത്രം അവകാശപ്പെടാനാകുന്നതാണ്. ക്രിക്കറ്റ് താരങ്ങളെ കഴിഞ്ഞാല്‍ ഇന്ത്യയില്‍ ഏറ്റവും പ്രതിഫലം പറ്റുന്ന കായികതാരമാണ് സൈനനെഹ്വാള്‍.

ബ്ലെസിയുടെ പുതിയ ചിത്രത്തിനുവേണ്ടി പ്രസവരംഗം ചിത്രീകരിച്ചെന്ന പേരില്‍ വിവാദത്തിന്റെ നടുവിലായ ശ്വേതാമേനോന്‍ ഏവര്‍ക്കും മറുപടി പറഞ്ഞത് മൗനംകൊണ്ടാണ്. പ്രസവചിത്രീകരണം ലോകസിനിമയില്‍ ധാരാളം ഉണ്ടായിട്ടുണ്ടെന്നും പുതുമയില്ലെന്നും തെളിയിച്ച് കൂടുതല്‍പേര്‍ രംഗത്തുവന്നതോടെ വിവാദംമാത്രം ഭക്ഷിക്കുന്ന ചിലരുടെ വായ അടഞ്ഞു.
 
മോളിവുഡിലെ നക്ഷത്രലോകത്തുനിന്ന് ഒരു വനിതയുടെ തിരനോട്ടം ഉണ്ടായ വര്‍ഷംകൂടിയാണ് 2012; അഞ്ജലിമോനോന്‍. ഡോക്യുമെന്ററികളിലും ടെലിഫിലിമുകളിലും പ്രകടിപ്പിച്ച കഴിവുകളെ വലിയ ക്യാന്‍വാസിലേക്ക് പകര്‍ന്നു. 2008ലെ ഫിലിം ഫെസ്റ്റിവലില്‍ നല്ല മലയാള സിനിമയ്ക്കുള്ള അവാര്‍ഡ് നേടിയ "മഞ്ചാടിക്കുരു" പ്രദര്‍ശനത്തിനെത്തി. അഞ്ജലി രചിച്ച് 2012ല്‍ പുറത്തിറങ്ങിയ ഉസ്താദ് ഹോട്ടല്‍ അവര്‍ക്ക് പേരും പെരുമയും നേടിക്കൊടുത്തു. കോഴിക്കോട്ട് ജനിച്ച് ദുബായില്‍ വളര്‍ന്ന അഞ്ജലി യിലെ പ്രതിഭയെ തേച്ച്മിനുക്കിയത് ലണ്ടന്‍ ഫിലിം സ്കൂളാണ്്. ബാല്‍താക്കറെയുടെ മരണത്തെത്തുടര്‍ന്ന് മുംബൈയില്‍ നടന്ന നിര്‍ബന്ധിത ദുഃഖാചരണങ്ങള്‍ക്കെതിരെ ഫേസ്ബുക്കില്‍ പ്രതികരിച്ച ഷെഹീന്‍ദാദയെന്ന പെണ്‍കുട്ടിയെയും ആ പോസ്റ്റ് ലൈക് ചെയ്ത റിനി ശ്രീനിവാസനെയും അറസ്റ്റു ചെയ്ത് രാജ്യത്തിന് നാണക്കേടുണ്ടാക്കിയ സംഭവവും 2012ന്റെ സംഭാവന. രാജ്യമെങ്ങും ഉയര്‍ന്ന കടുത്ത പ്രതിഷേധത്തിനൊടുവിലാണ് അവരെ വിട്ടയച്ചത്.

ലണ്ടനില്‍ യുകെ ആശുപത്രിയിലെ ഇന്ത്യക്കാരിയായ നേഴ്സ് ജസീന്തസാധന ജീവനൊടുക്കിയത് രണ്ട് ഓസ്ട്രേലിയന്‍ ജോക്കികളുടെ ആള്‍മാറാട്ടത്തെതുടര്‍ന്നാണ്. ആശുപത്രിയില്‍ കഴിയുന്ന രാജകുമാരി കെയ്റ്റിന്റെ പ്രസവവിശേഷങ്ങള്‍ അറിയാന്‍ കൊട്ടാരത്തില്‍നിന്നാണെന്ന വ്യാജേന ജോക്കികള്‍ ഫോണ്‍വിളിച്ചു. ജസീന്തയാകട്ടെ ഔദ്യോഗികമായി പരമരഹസ്യമാക്കിവച്ചിരിക്കുന്ന വിവരങ്ങള്‍ ജോക്കികളെ തെറ്റിദ്ധരിച്ച് പറഞ്ഞുകൊടുക്കുകയുംചെയ്തു. തുടര്‍ന്നുണ്ടായ തിക്താനുഭവങ്ങള്‍ ജസീന്തയെ മരണത്തിലേക്ക് നയിക്കുകയായിരുന്നു.

സമരചരിത്രത്തില്‍ പുതിയൊരു വഴിവെട്ടി വീട്ടമ്മമാരുടെ സംഘടന കുടുംബശ്രീ കടന്നുപോകുന്ന വര്‍ഷത്തെ സമരവിജയികളാണ്. ലക്ഷക്കണക്കിനു കുടുംബങ്ങളിലെ ഭക്ഷണവും വിളക്കുമായ കുടുംബശ്രീയെ തകര്‍ക്കാനുള്ള ശ്രമത്തിനെതിരായ സമരം ജീവിക്കാന്‍തന്നെയുള്ള സമരമായിരുന്നു. സമരത്തിലേക്കുള്ള സ്ത്രീകളുടെ ഒഴുക്ക് കണ്ട് അക്ഷരാര്‍ഥത്തില്‍ തിരുവനന്തപുരം മാത്രമല്ല ഇവിടത്തെ മാധ്യമങ്ങളും സര്‍ക്കാരും ഞെട്ടി.

തുച്ഛമായ ശമ്പളം നല്‍കി രാപ്പകലില്ലാതെ ജോലിചെയ്യിക്കുന്ന സ്വകാര്യ ആശുപത്രികള്‍ക്കെതിരെ നേഴ്സുമാര്‍ നടത്തിയ ചെറുത്തുനില്‍പ്പാണ് മറ്റൊരു സമരമുന്നേറ്റം. ഒട്ടേറെ ആശുപത്രികളില്‍ കാവല്‍മാലാഖമാരുടെ സമരച്ചൂട് 2012നെ സജീവമാക്കിയിരുന്നു. സര്‍ക്കാരിന്റെ അധികാര ഇടനാഴികളെ പിടിച്ചുലച്ച നേഴ്സുമാരുടെ സമരം പൂര്‍ണവിജയത്തിലെത്തിയില്ലെങ്കിലും പോരാട്ടവഴികളിലാണ്. ഇങ്ങനെ ഒറ്റയ്ക്കും കൂട്ടായും ജീവനത്തിന്റെയും അതിജീവനത്തിന്റെയും പാതയില്‍ കാലിടറാതെ മിന്നിമറഞ്ഞ സ്ത്രീസാന്നിധ്യങ്ങള്‍ വരുംവര്‍ഷങ്ങളിലും പ്രതിധ്വനിക്കുമെന്നുറപ്പാണ്.

*
ആര്‍ ഹേമലത ദേശാഭിമാനി